興興 (已結業)

第一次去幫襯，亦都係最後一次。雖然格局都似係做街坊生意，入去之前都冇乜expectation, 但見佢好似開咗好多年咁，衰極應該有個譜。我哋一人叫咗一個金邊粉，一碗係生牛肉加扎肉，另一碗係海南雞。生牛肉加扎肉金邊粉首先送上，生牛肉=10成熟肥牛，扎肉正常，不過碗粉係完全無味，湯底似就咁加滾水，咁就$42啦。海南雞金邊粉一樣係無味湯底，但海南雞味道同肉質都唔錯，同埋因為佢有雞油嘅關係，所以湯底係有啲味，不過其實都略嫌太油，呢碗粉盛惠$48。因為實在無心情影碗粉嘅相，所以我只係影咗餐牌。:(…查看更多

今日去觀塘行街，當然要食埋晚餐先走啦，呢間店舖係泰菜火鍋店。你可以選擇泰菜，又可以選擇食火鍋，實有款啱你心水。平·靚·正·又抵食既泰菜😋🥬肉碎生菜包好足餡料，有好多碎肉、蔥、辣椒，當然唔少得既係新鮮生菜啦，生菜包住肉碎，又辣又刺激你既味蕾（記得記得，如果你唔食得太辣既話，可以選擇少辣嫁😜）抵食夾大碟又怕食得太多會太飽，所以每樣點咗啲，之後當然要配埋個白飯（可以選擇油飯）🐖泰式無骨豬脾 - 呢個係超級好食，軟冧冧又滑，入口即溶，勁好味🍤炸蝦餅 - 厚切炸蝦餅，啱啱炸好，仲熱辣辣，蝦肉彈牙又爽口，配埋個泰式酸辣醬汁👍🏻🐷豬頸肉 - 香脆豬頸肉，唔會油膩，配埋個辣辣地既醬汁，正🐔招牌海南雞脾 - 無骨雞脾，肉質嫩滑，呢個係招牌菜，一定要叫黎食呀。除咗主食，當然要叫埋小食啦🥗木瓜沙律 - 酸酸辣辣，好味道，係個開胃小食🦑椒鹽魷魚鬚 - 呢個椒鹽魷魚鬚真係超好食，夠香脆，魷魚煙煙韌韌好好味🌶酸辣鳳爪 - 食泰菜點都要食番個酸辣鳳爪，酸酸辣辣又脆口既無骨鳳爪食咗咁多野，都要叫番啲野飲既🧉椰青 - 大大個椰青，清甜好味🥤檸檬汽水 - 呢支檸檬汽水，味道唔會好酸，甜甜地幾好飲🧃凍檸茶 📍興興Thai Food Cuisine 觀塘康寧道55號地下…查看更多

🥢觀塘平民小店泰國菜🥢請支持即刻俾心👍🏻仲有follow @eatgoodwesteatbadwest 🥢剛剛去完曼谷返來仲好掛住泰國菜，又好突然間想食生蝦，附近經過見到一間泰國菜的餐廳二話不說走進去🥢泰國生蝦 $89 +$10生蝦是必食的一種我至愛的菜式，呢到的生蝦本身$90 , 但因為今次的蝦較大隻要加$10 可以接受，上檯後蝦的肉質很新鮮，爽爽的又夠彈，入口一隻好飽滿，青醬味道夠辣，只是個人比較喜好食體型較細的蝦口感更爽🥢香茅豬扒飯絕對是熱氣之選，上檯時超級熱，味道尚算ok,飯底是炒飯，炒得香口乾身合格🥢香茅雞翼金邊粉炸得香脆的雞奕浸在湯內，醒目的店員見我想救三隻雞翼出來，即時拿隻碗仔給我，非常貼心，味道就正正常常啦興興地址: 觀塘康寧道55號地下按右上角按三點，要按[貼文通知] 就唔會錯過貼文啦#觀塘美食#泰國菜#香港美食#香港小店#今晚食咩好#今晚食乜好#食好西#食好西系列#非廣告#吃貨#吃貨日常#吃貨人生#吃貨日記#支持小店#旅行日記#食評#食好西觀塘美食#hongkongfood#food#foodie#hkfoodie#hongkongfoodie#eat#eatgoodwesteatbadwest#Eeeeeats#FoodPhotography…查看更多

前幾日同一班fd去partyroom玩，因為新年關係，好多餐廳都無開，一係就唔送外賣，再唔係就好貴，所以最後就簡左呢間🙈🙈但呢間既外賣雖則都算平，坦白黎講真係一般般😫😫金邊粉既材料係無咩，只有一大堆肉碎，所以食落真係一般般而大既冬陰公湯份量都比較少，但味道都唔錯，而且都有唔少菇菌係入面馬拉盞炒通菜味道都唔錯，同埋都幾抵食，唔會話偏咸🙈🙈而大份既豬手份量都好足，夠曬8個人食，唔錯🙈🙈🙈…查看更多

其實我之前都黎過幾次，雖然d 野食麻麻地，不過個醉雞窩真係幾好食今晚初二同朋友黎打邊爐，我朋友唔食牛，所以叫既全部都係$28-$58 既料，叫左5-6樣，計埋個醉雞窩$128, 埋單要$480. 平時因為一大班人黎食每人唔過$150 所以唔會check 單，今次我個fd 又有check 單，計晒全部野$358, 佢計多左成$130.老闆娘拎張單過黎仲笑笑口咁話今日加埋一，但加埋一都唔會過$400，之後我地叫佢過黎喺我地面前計一次，點知佢無啦啦話今日加三！！！然後佢話櫃枱嗰度貼左張紙寫住加三, 個員工仲話我地一入黎有同我地講，我聽到對眼都差d 跌出黎1. 櫃枱張紙真係大到得一部iphone 咁大貼喺櫃枱面度，唔係棟起身，仲要係用原子筆寫，唔走埋去根本睇唔到 (最衰唔記得影低)2. 我同個fd 4 隻耳入黎都冇聽到要加三我都明哩幾日要開工你d 伙計都要加人工，但我平時幫襯加一都唔洗無啦啦加三真係好襟計，但一樣還一樣，張紙真係超鬼祟，唔行到埋收銀枱都睇唔到，而且我地埋單係叫佢過黎埋，所以我地正常佢唔講張紙喺嗰度我地一世都唔會知哩個訊息我覺得如果佢地大大張A4 紙貼喺門口用雙頭筆寫住初一至初三要加30%, 咁就減少左好多爭拗，依家食完先同我地講櫃枱有寫，即係明屈，同信用咭d 條款有咩分別，定係半熟客真係易搵笨d老闆娘仲拎部計數機過黎同我地計，原來佢全部野都係round up 咁計，e.g $128 就計$130, 即係$28 既野變相就加左一，其實我都唔明，計數機撳$130 同$128 都係要撳3 次，唔明點計要round up 黎計，你話心算就話嗻而且咁樣真係唔係好老實囉，明明碟野寫$28, 你又收$30, 即係博人唔check 單，咁唔通隔離枱食個碟頭飯$58 你收人$60？佢話次次都round up 咁計，即係我同fd 之前黎食幾次一直都係咁比佢搵笨架嗻，假設我地叫20碟野即係變相收多左我地$20？老闆娘同我地講話原本今日唔做打邊爐添，講到好似皇恩浩蕩咁破例比我地咁，但我地一入黎第一張枱兩個麻甩佬已經打緊邊，而且我地一坐低伙計已經問我地係咪要醉雞窩酒樓坐得舒舒服服都係加二，一間茶餐廳竟然要加三，重點係張紙勁鬼祟，咁有爭議既地方一係我地入黎嗰陣問句我地今日加三你地o唔ok, 食完先同人講我覺得始終都講唔過因為我有個fd 好鍾意黎食所以我冇當面爆佢當比下面，但嗰日我個朋友真係超級嬲，我都覺得我當日咁鵪鶉好對佢唔住最後老闆娘收左我地$400, 仲好霸氣咁話請我地食都得，個問題唔喺幾錢度囉，如果我地知你加三都照入黎咁就心甘情願啦，自己抵死啦，但依家我地係唔知情，依家比$400 當加一都比足面你添，平時連加一都唔洗咁樣做生意，我如無意外都唔會再去食…查看更多

轉左個老闆娘，啲嘢乾淨左，野好食左,平時揸車經過，冇地方泊，所以好少入去，因為今日餓過頭唔理啦拍喺門口.個員工主動同我講幫我睇住架車！超有心，咁邊度好意思唔入去啦！入到去有三四台人，我同太太坐在張4 人枱，老闆娘親自過嚟招呼，一開始問我想食啲乜嘢.我話我太肚餓不如你發板，（以為自己去咗日本餐廳）佢問我鍾意食住之外食啲咩，想食幾多野.我話冇意見除咗唔想食豬之外，先來個例湯，清甜，半隻海南雞、（第一次食到海南雞有少少溫度）原來係師傅用咗雞湯林多一次上碟，呢個idea唔錯,的肉再滑D，唔可以唔介紹個柚子沙律、出邊食唔到呢種味，問過老闆啊原來佢加左椰子入去！呢兩樣我係極度推薦去食嘅！上菜嘅配搭啱啱好、原來夜晚仲有打邊爐係用泰式湯底下次一定要試吓！…查看更多

之前喺觀塘反工lunch間唔中都會黎呢間食，泰粉、雞飯、熱奶茶…樣樣都好好味。。。早兩日好想食泰國菜所以專誠搭車黎食今次當然唔少得海南雞飯啦…另外，仲叫左泰式鹵豬脾飯同埋串燒尤魚。今次不得不讚下個豬脾飯呀，豬脾相當入味而且仲好“淋”...加埋個泰式醬酸酸辣辣咁 超好味，一啲都唔覺得肥膩至於個海南雞飯呢就依然保持水準，啲雞好嫩滑配埋油飯 正串燒尤魚係新菜式，大大串好好味呀…啱啱燒出黎好香所以相機未食就已經清盤了…查看更多

今天行過官塘興興，入去試下D泰式粉麵，叫左個泰式雞金邊粉，同事叫泰豬脾飯，D伙記態度都幾好，環境是一般泰式食店，門口有2个泰嬸嬸在處埋食物。嘩好香呀，雞金邊粉內有羅白、芽菜及主角~雞。D雞肉又滑，点埋D醬一起吃，好味到不得了，湯底又夠味，同事个豬脾飯超正呀，D肉又嫩又入味，泰式咸菜夠香，連埋豬脾一齊食真係好似身處泰國，個D醬汁十足十泰國一樣，小小辣，食物有水準真係超好味，真係5比個like 佢地都5得。…查看更多

泰式烤雞全翼😚😚😚位於康寧道一間泰國餐廳, 餐廳面積不是很大, 專門製作泰國食品 ,可容納30至40人 ,下午茶餐有多種款式, 其中一款叫泰式烤雞全翼 ,即時燒烤 ,製作需時十五至二十分鐘 , 但值得等候😊😊雞翼烤至皮脆肉香, 賣相精美 ,肉質鮮嫩 ,冇油炸咁肥膩, 比鹵水香口, 第一口咬落去甘香美味 香料醃製骰盅 ,可配酸甜醬一起吃, 值得一試！！！😍❤️價錢港幣38蚊, 以該區下午茶餐價錢一般而言 ,價錢中庸🙈🙈🙈…查看更多

第一次去係同男朋友去食，食過一次返尋味！又近我，又平，又大件，又好食！.鋪頭門面唔係好顯眼，但係入面都坐得幾舒服，係多蚊咗d，不過食物同服務都補救返！.有辣有唔辣，辣嘅係有肉碎同生菜，好似生菜包咁，非常惹味！而我今次叫嘅係唔辣嘅，酸酸甜甜。之前食都有花生碎，今次唔知點解無咗...粉嘅份量細咗，睇圖都見到芽菜好多，但唔緊要，我好夠食，都幾鐘意食芽菜！蝦都有6-7嚿，都好大嚿架！可能今次鑊氣太大，好多都炒lon咗.雞肉嫩滑，唔錯唔錯！.呢個係唔辣嘅，個人覺得都係炒返通菜好食d，但芥蘭都唔錯.雞又係好嫩，沙嗲醬都好好食！btw 之前試過豬，都係雞好食d！.講返前幾次食過嘅食物先！1. 炸蝦餅：蝦好爽口，好大件，記憶中有4件，加埋泰式辣醬真係不得了之！不過如果想食蝦餅，我建議叫一個粉/飯share食，已經好足夠！2. 豬頸肉撈檸：酸酸甜甜好開胃，夏天食真心唔錯，不過我mama地鐘意太酸嘅粉.其實仲有好多都好好食，但真係唔記得，唔想誤導大家！哈哈.不得不讚，店員禮貌好好！…查看更多

食品: 黃咖喱豬脾撈米線（$50）搬左來觀塘住有1年 作為一個普通既打工仔💼 放左工當然唔會有時間煮飯 一定揾地方食餐簡單抵食又好食既晚餐🍽 填補一日既辛勞 但真心 觀塘好食既小店唔多🤔 所以揾到好食既都想話俾大家知🙋🙋 «興興»係一間泰國餐廳+茶記 係觀塘要食泰國菜 «興興»都可以話係Top 3 🔝食物水準«興興»係中規中矩 但係觀塘街坊食店來講佢已經算幾好海南雞飯? 🐓豬脾飯? 🐖可以一試既 我今次反而想推介既係 «黃咖喱豬脾撈米線» 🍜真心有驚喜 精彩之處係青咖喱 夠香 夠辣 乾撈米線 咖喱汁掛係一條條既米線上 令味道提升左好多 最重要係個青咖喱汁有配菜茄子🍆豆角 睇得出有俾心機去做 唯一不足係米線比較淋（可能因為係外賣）如果可以轉米粉可能更加好…查看更多

今日同男朋友順路經過黎食泰菜。埋單二百蚊左右，食得好飽。🌸雞絲撈檬🌸雞絲份量充足，啖啖都有雞肉☺️👍🏻花生味比較重，個人唔太鐘意咁多花生味，但都接受到👌🏻冇得自己調味，不過夠汁，都唔會太酸👍🏻.🌸蒜香通菜（$48）🌸蒜蓉好香，好滿意😍好味😆.🌸沙嗲牛肉串 （$15）沙嗲豬肉串（$15🌸份量夠👍🏻調味料太多，唔太食到牛肉味。豬肉再大舊啲，肉味比牛突出，但調味過重。.🌸一口牛串（$22）🌸價錢貴左但冇大舊到😢牛味濃好多，滿意☺️.🌸金邊粉 （$58）🌸唔辣嘅金邊粉😳比撈檸大碟😳男朋友話蝦有冇味好重要，通常出街食啲蝦都味淡，佢話今次嘅蝦都算ok😂我覺得調味方便都做得唔錯☺️不過我地都麻麻地鐘意食😂.加$3就有凍檸水 幾抵😆甜左啲😣但檸檬新鮮而且仲俾好多😊.餐飲內有蚊，食野要時不時留意🙈.一邊食一邊聽到員工討論食譜，覺得呢間都係間用心小店，希望佢愈做愈好啦～…查看更多

今日夜晚同朋友去咗試呢間泰國菜。本來都唔想食泰國菜但係諗唔到食乜，所以就揀想食泰國菜。叫咗個柚子沙律，菠蘿炒飯，炸春卷，青檸梳打同熱檸水。柚子沙律$62吾太酸仲有啲好細只嘅甜蝦仔係度甜酸度剛好，因為好多其他餐廳啲沙律好甜,不過嫌細碟左啲。菠蘿炒飯$58用嘅應該係用新鮮菠蘿整嘅好大舊，好香咖哩味。炸春卷$47，的色到好似茶樓個只甘，不過幾好味。青檸梳打$19甜味剛好。埋單吾洗$200,真係平，靚，正！…查看更多

走進這泰式餐廳給自己的感覺是很不泰式，室內裝修分地道，也沒有泰皇的俏像，食物更有提供醉雞煲。不過因為想吃泰式食品才進來，所以也是點了一些泰式食物。這青咖哩雞飯的辣味夠，但就不夠泰，沒有香草的味道。而這蝦醬炒飯就只有咸味，久缺了蝦醬的香。更失望的是很油，吃到未後更是吃不下去，因為油真的太多！…查看更多

玩完一整日主題樂園, 非常盡興出番觀塘已經係大概9:30pm, 午餐過後無乜食過野,  加上消耗太多精力, 自然非常肚餓一早決定食旁邊既糖水店, 所以提早係Openrice睇附近有咩晚飯好食, 見呢間評分最高, 所以黎到興興入到店面, 係小店隔局同裝修, 睇黎似係做熟客多睇下牆上既menu, 由小食,串燒, 咖哩飯去到火鍋都有!!今次為左留肚食甜品, 點左以下幾樣~馬拉盞炒通菜, 有鑊氣!夠味得黎唔會過咸, 非常好既下酒菜!真係想叫番支啤酒~~豬頸肉撈檬, 豬頸肉幾特別, 賣相唔似經常食到果隻, 相信係自家製加埋個汁酸酸地, 十分開胃, 下次黎想試下撈麵, 因為menu試係100%泰國進口全蛋麵!幾特別跟餐送一杯熱飲, 我地就加$3轉凍檸茶泰式春卷, 餡料唔錯, 口感豐富, 皮亦脆身加埋只收$138, 我地都覺得幾抵食!一定會再黎試佢其他既菜式!…查看更多