興盛小館

試業被邀請食飯. 重新裝修後,骨子同光猛咗. 亦加自己嘅洗手間, 同多咗一間房間,今日被安排坐房😁房間可以最多放兩張12人枱. 可以做生日,百日宴, wine dinner都唔錯.食物方面,試咗燒鵝,叉燒, 沙律明蝦球,醬蘿蔔,新式蠔餅,生炒骨,炒飯,炒麵,菜同紅豆沙.食物都有水準嘅,侍應有D新手,但都盡心服務.呢度現時係免開瓶費,有正常酒杯,亦提供冰筒. 對於喜歡自携美酒嘅朋友仔就好適合啦👍另外亦提供海鮮來料加工服務,同埋私房菜. 等休魚期後一定要再去,試吓海鮮嘅水準😁…查看更多

今日跟同事前往葵興工作, 一出葵興站即搵到呢間餐廳, 印象中, 幾年前來過一次, 估唔到咁多年, 都好似無乜加價👍 仲是維持係50左右, 一坐低看餐牌, 都好多選擇, 同事叫了一個燒味飯, 我就叫了西芹炒鮮魷🦑烏冬, 食完後, 感覺不錯, 是即炒的, 熱騰騰🔥🔥🔥的上抬, 份量也多, 味道也不錯, 真是性價比高.下次有機會都會再來.🤭…查看更多

本身幫襯開鮮茄蛋飯，份量一直超足料，所以成日食但係今日叫外賣發現啲料少左一半，以前啲蛋鋪滿成個飯，今日打開係好明顯少左好多，打返去同餐廳反映，一句下次補返多啲比你就cut左我線好失望，又少一間餐廳可以食…查看更多

夜晚外賣乾燒伊麵，叫屋企人幫手去攞嘅時候已經覺得份外賣好輕，返到屋企打開睇得半盒！由於住附近以往都會喺哩間餐廳外賣，所以亦都知一貫嘅份量,於是打電話去餐廳同佢講,佢竟然話只係換咗個盒睇落少,份量同以往一樣, 我話比平時下午茶份量更少, 佢話唔覺得有咩問題以後唔會再幫襯！！！…查看更多

今晚約咗朋友，又喺度糾結食咩好，朋友就推薦食呢間，因為佢之前都買過外賣返屋企，覺得ok，所以今晚就決定堂食，呢間舖頭已經開咗好多年，以前喺附近返工，佢都已經喺度，估唔到經過疫情都依然屹立不倒，入到去就叫咗兩個小菜，一個係八珍豆腐煲，一個係薑蔥焗魚腩，因為夜晚又唔係好肚餓所以決定唔要飯，八珍豆腐煲入邊有冬菇啦，鮮魷，炸完再炆嘅嫩豆腐，唔係太鹹唔使送飯都ok，薑蔥焗魚腩都做得幾好，先用粉拍一拍表面，再煎，用薑蔥爆香就唔會有腥味，雖然係用咗腕魚腩，但係雨骨都仲係會有少少，都係要慢慢食。晚餐又搞掂了。…查看更多

未試過食飯食到咁嬲🤬今日做嘢做到九點好多舖頭已經關晒門，剩返呢間茶餐廳未食過就試吓啦，點知就中伏🤮叫咗一個西炒飯一個乾炒豬扒烏冬🍛都係普通嘢唔會難食得去邊啩，嚟到個西炒飯白曬曬睇個樣已經無胃口，食落去果然都係冇味嘅係有少少菠蘿係最好食😭點知仲未最衰.個烏冬先精彩，乾爭爭冇油嘅，烏冬係白色完全冇味冇鹹味冇甜味乜味都冇，豬扒硬掘掘好似隔夜咁👎🏻算係成世人食過最難食嘅餐廳🤬未執笠，已經算係奇蹟…查看更多

依間餐廳地點都算方便，一出地鐵站就見到。佢嘅餐廳裝修比較舊式，職員人數都唔係咁足夠，賣點就係上菜快，中式飯麵選擇較多。今次叫咗外賣，價錢唔算平，我平時食開中式牛柳，今次就試試新野。先講鮮茄牛肉意粉，牛肉份量都算多，但係就冇咩蕃茄味，酸酸甜甜口味有啲似中式牛柳既汁。芙蓉蛋飯出乎意料地水準唔錯喎，芙蓉蛋嘅配料足夠，又唔會煮得太過火，配上豉油撈飯簡直一流。興盛嘅燒味一直都做得較為出色，豆腐火腩飯都唔例外，燒肉份量足夠，香口惹味送飯一流。佢嘅咖喱排骨飯賣相鮮艷，但係咖喱椰汁味好重，排骨份量夠哂多，但係整體而言似葡汁雞飯的葡汁多過似咖喱汁。…查看更多

本想去好耐未去過嘅葵廣踩場，睇下有乜新意思，但兩腿唔聽話，行到葵興站就罷休了，心諗葵興都可能有好嘢食。唔想食茶記，好耐冇食燒味飯，見興盛咁近咁大間，有燒味食就費事再行，就入去喇。見兩位青春少艾啱啱食飽，心諗呢間都應該唔差啩。咁就直接叫賣飛佛叉油雞飯，熱奶茶。星期日，兩點鐘冇乜人，靜靜地幾好，碟飯好快就到，頂吖，係又燶邊又有白白肥膏嘅叉燒呀！唔似係賣淨，唔似係隔夜嘅叉燒呀！食落又香口又濃味又爽口，我真係以為去咗間高級酒樓呀！差啲好似家燕姐咁叫出嚟：好好味呀呀呀呀呀! 可惜油雞係畀咗雞翼位我，都預咗唔會兩味都畀好嘢我，仲有個老火湯，有蓮藕章魚，有陳皮味，唔係例水咁簡單，係令我感到家庭幸福嘅湯水。唔夠喉再叫杯奶茶，本應要+$16，但姐姐幫我改一改單，當係跟餐，咁就慳番$8，抵讚。我一條友，有手臂擱在椅背上，輕輕鬆鬆歎茶，感覺真係好正，雖然環境不比什麼cafe好，但味覺嘅滿足同呢種無拘無束感至係我最like嘅感覺。我下次一定會再嚟。…查看更多

公司寫字樓附近，不問招呼，快食必選。工作過了午飯時間，和同事附近找間，有下午茶 餐，叉一叉電再沖。 《 燻蹄燒肉瀨粉》 凍檸茶走甜$38＋3燒肉皮脆肥瘦均勻，燻蹄口感爽而有咬口，可惜今天肥膏較多。下午茶餐都有配中式芥辣、蒜蓉燻蹄醋《 叉燒絲奄列》 凍奶茶 $31＋3眼所見煎蛋太熟太薄蛋，可能燒味茶餐廳關係，附上是大叉燒粒，並非叉燒絲，口感更好，味道並非一些隔夜叉燒。樓面姐姐招呼真係欠奉，嗌咗好耐都冇人回應，差點兒想自己跑出櫃面落單。 可能下午茶關係 樓面人小😒餐廳其實又晚飯小菜供應 找天OT會再試小菜評分。…查看更多

呢間野，因為係地鐵站附近，所以食左好多次，但係水準就愈來愈差。而且價錢又唔係平，份量又小，態度又差，衛生環境又唔好！真係唔會再有下一次！其實葵興重有好多選擇。呢間野只係方便，其他..…查看更多

今日慶祝父親生日，姑姐提議此小館，說父親吃後一定一百分滿意。姑姐一向遊走各處覓食，對她的眼光不作懷疑。 餐單如下： 豉油皇海大蝦- 每人一隻大蝦，十分入味，爽口彈牙脆炸美國桶蠔- 舊式煮式，蠔份量大不過小小韌鮮菠蘿一口骨- 雖然名堂是一口骨，但都大大粒椒鹽海九肚魚- 久違了菜式，煎炸郤食落很諗杏汁豬肺湯- 用杏仁磨，十足料，無花無假薑蔥炒鮮鮑魚- 鮑魚切片用恙蔥炒，十分野味，我覺得比單頭吃更好清蒸青斑- 十分大條，蒸得剛好，肉質鮮南乳一品燒鷄- 原來此店做燒味很有一手，果然名不虚傳魚湯浸菜苖醬油皇炒麵- 本來訂了上湯雲吞湯，改了炒麵，更好。生日桃包- 什麼都份量大，連壽包也很大，我們一個兩人分，其他帶回家再品嘗加送大白粥一窩及生果盤- 不常吃粥的我，也添了兩碗，淡淡的卻是吃完豐富一餐後的調劑佳品整體來說，每樣菜式都很好，十二人將所有食物全部清走。 只要看父親一個戰鬥格，每碟菜備上己經立即起筷進攻就知道他對此店的喜愛。…查看更多

今日去到葵興食早餐，又唔想去美心呢啲大集團，就喺附近見到有間茶餐廳就入咗，去入到去見坐位都幾寬敞同埋乾淨早餐都有唔少選擇，都係由廿幾至三十幾蚊價錢都ok。今次就叫咗個五香肉丁米粉加腸仔同煎蛋早餐32蚊 ，五香肉丁呢度啦 ……但係唔係肉丁分量變少同埋肥膏都幾多，米粉嘅份量都唔少。牛油麵包都唔錯都脆口，而且都幾多牛油。腸仔就比較好似冇煎咁樣，煎蛋就過熟，但係味道都可以選擇唔錯，之後再嚟埋熱檸水檸檬味都好重。…查看更多

我成日覺得，茶記係收收埋埋好多好東西既，就好像今次，見門面就以為係食下燒味飯，點知個牛河真係有點驚喜！份量普通，用一個下午茶來說都是不錯，牛河最重要既係牛肉，無牛肉又點叫牛河呀！所有足夠的牛肉很重要，呢點夠，第二牛要夠爽甜，呢點中！好多時都爽既，但就食到好大，sodapowder味，好彩呢度無。之後就係個河，如果大家有見過未粉既河粉，就知係痴埋一堆，放湯還好，炒就好易痴埋曬，所以就會落好多油，一定要快炒夠鍋氣，所以呢？佢都係合格，不算太油。加埋杯凍奶茶就岩岩好，杯奶茶茶比較多，當消消油。…查看更多

今日星期六晚，要早啲 7 pm 前去霸位，約咗四個朋友食中菜，總共五個人，簡單四餸一湯加個白飯:)，這裏飯店位置就近地葵興地鐵站旁，交通方便今晚預訂早打俾經理，留起了個豬肺湯，十分夠火喉跟住系蒜蓉開邊蒸蝦，都好新鮮，鮮甜爽口同彈牙上湯菜心芋頭，菜心苗嫩，芋頭好粉海蜇叉燒白切雞，呢度燒味出名好食，色香味俱全，門口見到都流口水好鍾意食菜，叫埋魚香茄子煲最後，咪係魚喇，但係因為啲嘢太細條，D人又怕聲，食淨左兩條總括嚟講，食物同環境都算唔錯好full, 好熱鬧好，多街坊來食…查看更多

已記不清是第四還是第五次光臨興盛小館了，這次我們體驗了一下「落Order」。😊事先打電話訂了6隻大蝦$160，一條新鮮魚260，其他的再在小館即點：$190整隻雞的雞粥（有兩大鍋），爽滑恰好到位。清炒豆苗$65，醬油王炒麵$45媲美利苑酒家$100多的。燒味拼盤一直是我們必點菜$75。小館送了木瓜骨湯。埋單6人共$792，仍然抵食！👍🏻👍🏻要提的是小館的服務人員，如不習慣會覺得他們說話「掘呢掘路」😊，實卻是「直腸直肚」的爽快人。我瞥眼觀察，見隔壁檯5-6人竟在悠閒的嘆紅酒，😊另一男士，熟客告知，他竟又一日三餐天天在此「打躉」，看來熟客們早已習慣😊。館內聲語喧嘩，我們每次晚上來均看見滿座，能屹立在小區中幾十年，陪伴熟客們從「不悔」到「不惑」之年」，自有一番親切感，如古詩曰「努力加餐飯」才是正道吧！👍🏻👍🏻…查看更多