影片
台铁火车便当呢个饭盒机咁得意卖嘅饭盒同台铁便当咁似样嘟-拣-揿～又几方便，味道有惊喜，份量够，饭香，𩠌亦好味。性价比好高食饭时间唔使同人逼逼共快快手食饱抖阵又开工佢有好多选择，古早排骨火车便当系台湾火车便当最传统嘅一种，块猪扒好大冚晒成个饭口。用古早方式制造排骨，可以食到台湾古早排骨风味，性价比极高。另外其他款式，庙口盐水鸡髀便当、香菇肉燥便当、红烧牛舌香肠便当、三杯鸡扒便当、彰化邝肉鸡翼便当、姜烧牛肉香肠便当、红烧牛舌香肠便当、沙茶猪颈肉花枝卷便当、眷村狮子头鸡翼便当、，阿嬷葱油鸡贡条便当、山葵一口猪贡条便当 。全部都系台湾风味，喺香港确实少见。
继续阅读
第一次叫了广肉便当同盐水鸡腿便当，妈咪食到一直心思思想再食。今日叫了外卖，一叫就系三份便当，因为妈咪贪心想试两种，我唔o禁住佢，佢会成个menu都叫晒！今日叫了：广肉便当、肉燥便当、牛肉台湾香肠便当，同埋茉香珍珠奶绿。样样都好好味！😋😋😋😋😋😋😋😋😋下次想试排骨便当😂😂😂🤗🤗🤗🤗‼️‼️‼️‼️‼️🉐️🉐️🉐️🉐️🉐️‼️‼️‼️‼️‼️💪🏼💪🏼
继续阅读
公司附近有间新开嘅台湾便当外卖，开咗之后，见公司大半同事成日捧场，今日终于跟咗同事去凑热闹，买个外卖试吓。WhatsApp落柯打，外卖就准时送到公司楼下，两个起就送，今日同好姊妹夹份叫。我叫咗个古早味铁路排骨便当，好姊妹就叫咗庙口盐水鸡便当，大家都系饮珍珠奶茶。今日落大雨，好彩唔使行出街攞外卖。一放饭，我哋就冲落楼下攞外卖，淋到湿晒嘅外卖哥哥已经等紧我哋，值得一赞！午饭时间争分夺秒，你迟1分钟，我哋就少1分钟！返到公司急不及待打开，忍唔住「哗」左一声，因为完全睇唔出系$35嘅外卖！先讲外卖盒，设计好靓好有心思，用料系正宗台铁外卖盒嘅用料！打开香喷喷，𩠌菜铺满饭面。大大块肉排，酥软、多汁又入味，加埋半只卤蛋，好满足。伴以大量新鲜蔬菜，完全做到营养均衡，饭又粒粒分明，破晒自己纪录，唔使10分钟，我食到一粒饭都无剩。好姊妹同事俾咗两旧盐水鸡我试，连皮食，一啲都唔肥腻，鸡肉鲜味又咸香，完全唔似雪藏鸡！（$35 ，断估应该系雪藏鸡）盒饭实在太好食，一气呵成食晒，食完盒饭先记得叫咗杯珍珠奶茶。一饮落去，我又系「哗」咗一声，好姊妹翻我一下白眼，然后串我：一早叫你试㗎啦！茶身滑不特止，最重要系茶底香而且唔腻，以我饮品控嘅经验，茶底应该系沟茶叶，而且唔系cheap嘢先可以冲到咁香嘅茶！珍珠粒粒分明又烟韧，最怕珍珠奶茶啲珍珠黐到一旧蕉，啜都啜唔到。唯一希望小店会新增多几款便当、小食。4款便当真系唔够。
继续阅读
昨天中午到荃湾西开会 ,见到街上面嘅广告写住 台湾火车便当。 因为之前成日去台湾嘅关系， 成日都会响街好似当地嘅上班族一样 ，会买当地嘅便当 。如果坐台铁嘅话更加一定会买台铁嘅火车便当， 因为火车便当系做得好精致而唔系普通一个饭盒， 无论盒入面嘅摆款同埋味道都非常特别 , 因为佢系整定嘅便当,唔会太过热辣辣 ,但系喺温暖嘅状态下都保持到美味, 呢个系火车便当嘅特别之处 。但依家疫情关系已经好耐冇出国 ，所以见到火车便当四个字即时眼前一亮 。不过喺香港有啲自称台湾便当嘅地方 ，之前都试过好多次， 根本就唔系𠮶样嘢 ，完全冇台湾特色同𠮶种味道 。 但系因为太耐冇食台湾嘢嘅关系 ，见到呢个街招都跟住摸上去 。原来呢间舖头响工业大厦里面 ，冇做堂食只做外卖 ，佢有四款饭分别系， 鸡腿爌肉 ，盐水鸡 ，排骨同埋红烧牛肉， 仲有台式饮品供应 。我叫咗一个盐水鸡便当同埋珍珠奶茶 ,然后拎咗返去 office 。当喺个袋拎出嚟时，竟然有惊喜 ，因为个盒唔系普通嘅外卖饭盒 ，佢系用返台湾台铁𠮶种火车便当盒 ，当堂一种熟悉嘅感觉返咗嚟， 感觉好似去咗搭台铁咁 。跟住打开饭盒 ，更加喜出望外， 佢成个摆盘就同台湾食嘅一模一样 。台湾嘅火车便当一定有几样元素，会有配菜渍物 ，时令蔬菜， 肉类， 同埋会摆得好整齐填到个盒满晒， 畀你一种好饱满嘅感觉 。 我呢一盒系盐水鸡便当, 里面有整整一只鸡髀 ,仲有玉米笋同埋薯仔。鸡髀好紧致有啲似走地鸡嘅感觉 ,充满咸香味。我食得出薯仔系用橄榄油捞过， 每样食物都有特别处理过 ,好有心机。 最紧要嘅系佢仲要独立配一盒酱料喺里面,呢盒酱料竟然系香菇肉燥 。重有系啲饭 ，粒粒分明又香口 ，真系好有台湾味，喺香港从未见过 。今日继续开会，我当然又去再帮衬佢 ，今次试一个叫做漳化鸡腿爌肉便当。 同昨日一样 ，一打开， 摆得好精致 ，成个便当摆得满满咁样。 三种渍物分别有红萝卜白萝卜同埋青瓜， 酸甜适中 。蔬菜有高丽菜同埋四季豆。主食有半只卤水蛋， 竟然有啲糖心。 一只卤水鸡下髀， 同埋爌肉 。五花肉煮得油香满口 ，入口即化 。今次呢个便当𠮶盒酱汁系葱辣酱 ，呢个葱辣酱不得了， 根本就系漳化食爌肉𠮶间舖头独有嘅葱辣酱， 竟然畀佢做咗出嚟。 呢个酱落埋落啲饭度， 根本就唔够送饭 ，最后一粒饭都冇剩 。后尾我问返啲同事， 原来呢间舖头系新开嘅 ，净系开星期一至五做午市 ，搞到我想星期六日过嚟买都唔得。 希望呢间舖头可以开到分店响出面，咁就有机会多啲食。真心推介 ，想食正港台湾味一定要嚟试。
继续阅读
偶然发现外卖隐世小店， 有四款便当，一些小食及台式饮品。和同事一起点了全四款及四杯台式饮品试试。 打开满满一盒，L1有鸡槌、五花腩、蔬菜、卤蛋；L2有一只大鸡髀及一些配菜；L3有排骨猪扒及卤蛋蔬菜；L4有牛肉配台湾肠，全部有渍物跟酱汁以小盒另上，包装跟台湾吃到的火车便当一样， 算是十分精美，看得出制作用心。味道很好，跟香港一般吃到的台湾菜不同，是正宗台湾风味。 台式茶不错， 总括来说性价比十分高，抵食又好食。没想到能在香港吃到这种便当，能 一解因疫情未能旅行的心瘾。
继续阅读