臺北站 (已結業)

拜山後路過天耀邨輕鐵站見到有個廣告有個大大碗牛肉面, 身為好牛一族, 梗係要試下啦!!跟住去到新北江商場 , 火都滾 原來入佐迷宮, 人又多, 路又窄,行到屎忽撞屎忽, 行佐十五鐘都係揾唔到, 卒之都係要問人萬寧喺邊, 去到萬寧都係揾唔到, 又再問人"見麵" 係邊" , 問左幾個都答唔到, 卒之最後有個人話到比我聽原來即係臺北站.座底之後叫佐碗大牛坑腩麵, 成為25蚊. 唔算平 等成二十分鐘先有得食, 3 條坑腩都算入味又幾淋,麵唔彈牙,但係好滑同好入味, 應該係同湯一齊住 湯底好重牛肉味同幾鮮又唔覺確喉(GOOD) 推介之選,值得一試

原先想買奶茶飲,但原來食麵可以半價換購,所以食左個牛肉麵(紅燒牛腱牛坑腩麵),牛肉好淋而湯味濃,一D都唔確喉(GOOD),聽D員工講喇沙米粉都好多人食,下次再黎試下個喇沙。

牛坑腩面, 牛肉面湯底真的非常出色夠味 ,牛味極濃而且味精也下得不重手~好味..有別於一般的牛肉面湯底,牛肉夠味, 同埋好"林",牛肉味濃,麵底粗細剛好適中,唔會太細比湯遮左麵味,我去過台灣好出名嘅永康牛肉麵食過,我覺得水準相約嫁!都係高水準!店子不大~大概只有10多個坐位~而且有點逼

好不在意地坐底叫左碗所謂什麼星加坡喇沙,沒叫野飲,因對台式奶茶沒興趣,約等10分鐘,沒期望地喝一小淡湯,嘩!好香濃有微辣,餸就冇乜特別,蝦還有點不太鮮,麵係米粉,湯底真係好濃,好味!地方環境及座位不算好,有點迫,但點解ㄧ個人都冇坐底食呢?奇怪?下次會再黎!

食完飯之後，路過呢頭就諗住買杯野飲。可能呢日落雨，人流反而無咁旺。唔係太多人等。點都好，有野飲就得啦。奶香綠茶飲左一口，覺得個茶味唔夠。剩係得奶味既茶，我覺得唔係太好飲。不過，呢杯茶又唔算太甜，但茶味真係唔太夠，唔似係飲緊茶。其實，下次唔會再飲呢隻，反而想試下其他果。

夜晚想食小食於是就去左新北江商場既台北Taipei其實呢次唔係我第一次幫襯臺北站但上次同今次唔同晒感覺話說我第一次去果陣人山人海由於新北江商場環境較擁擠,第一次去果陣排隊同等食物都等左一段時間但今次去就完全相反連埋我在內等野食既就只有三個人更加無人排隊買野食唔知係唔係我去果個時候少人呢?鋪頭既感覺相對於屯門、元朗等分店都相差好遠下唔知係咪佢間鋪頭相對地較寬有三個員工起一間大鋪頭入面感覺上好似好"up得"咁...而且睇到佢入面啲廚具都好亂-0-"之後我叫左個薯條+芝士醬等等等等等左差唔多成10分鐘因為係即炸既緣故真系要等好耐...之後我既薯條黎到喇><啲薯條唔係話脆但系真系好好味啲芝士醬淋上薯條表面個味道好match買左一杯細薯條12蚊份量都算多!夠飽^^但真系好熱氣好熱氣我食完之後過左半個鐘已經生啡脂-0-"第二朝仲生埋暗瘡

芝士薯條,薯波波,薯角三隻其實我都試過.三隻黎講,薯條的確最好食,而且份量最合理薯角食完最口乾,薯波波最過癮,份量最少薯角同薯條兩個人食都仲夠,薯波波就真係唔多夠芝士整得好熔,痴住晒d薯條,個味好正,但真係好熱氣,一個人食,食完九成爆瘡,兩個人食就岩岩好,fit晒,價錢又唔係貴,20蚊,一人十蚊都夠食由於佢係即叫即整,所以要等,我去過屯門啦,元朗啦同天水圍果間,屯門果間就等得最舒服,空位多,又有冷氣,元朗係室外等,又多人,最差,天水圍果間好隱閉,有冷氣都熱出汗

中午1點幾左右, 一向都有買開呢間台北站... 講真 味道都真係不錯!但服務態度真係 超級差...d男店員真係 hea 到無朋友......次次買親, 都要等勁耐, 見到D店員真係hea 住做...店員好明顯無默契..零溝通.....見到自己友忙都唔幫手到...係度整炸薯條d野...但無人落order...=.= 今日買左杯綠茶, 已經唔算多人,...都係幾個男仔等緊...個店員較好哂d奶茶(幾杯)..之後較野果個店家走去玩電話(呆)等到另一個收緊錢既店員走埋黎 放d奶茶落部攪拌機度整......好啦...又等等等... d奶茶又入左杯...差放落部機度 封頂....點知....佢又放左係度...遲遲都唔放落機度 封頂....等咩???又攤左幾分鐘先入落部機度....先叫number.....班人睇得出好無心機做...做呢類飲料....好明顯講效率....d客明知要等得耐,仲會唔會次次等?呢類飲品又唔係必需品... 大有理由唔買...同埋好講 衛生囉.......攤左幾分鐘先入機...有足夠時間滋生細菌...飲到人有事...仲會唔會幫趁呢?希望佢地改善一下服務態度...講真, D野飲唔

21/OCT見到新北江商場一樓開了新店，妹子當然要試試，加上獨市，全商場只有一間淨買台式飲品專門店~店子位於小食街附近的小橫行裡，道路非常地狹窄，不行過去可能過了也不知道！雖則店子不算大，裝潢簡單，同其他分店格局差不多，但員工人數多達6~7人，太多人了吧！獨獨得妹子一人，顯得妹子很渺小~想著點招牌珍珠奶茶好定其他？又不想食珍珠，見到有個新推介~霜乳奶茶~細問下才知是奶茶+cream！不過明顯地員工不夠培訓，收銀小姐不知甚麼是霜乳？要問其他人才答到妹子的問題！要了霜乳奶茶m size，走甜少奶，妹子覺得有cream再加奶的話，就會喝不出茶來！收銀小姐直接大叫身後的男店員，不等待入單，這個不是問題所在，而是當時妹子站在面前，他們男女等人是以半玩形式工作，個男店員還說：咩話？少奶？走奶？奶來奶去~完全當妹子這個客人透明，妹子當時真的很激氣！全程黑著臉兒！回到家妹子才拿來喝，冰塊已溶得七七八八，拋開服務，cream喝著甜甜的，拌勻奶茶都幾好飲，若果本身偏愛奶類的話~如果不想太感奶重的，都有別的選擇，可選霜乳紅茶，種類都是一樣，只是少了奶而已。