639
39
60
港铁旺角站 E2 出口, 港铁旺角东站 B 出口 继续阅读
付款方式
Visa Master AlipayHK 支付宝 现金 银联 微信支付
座位数目
300
其他资料
Wi-Fi
酒精饮料
包厢
电话订座
外卖服务
加一服务费
食记 (806)
等级4 2020-03-04
2072 浏览
早排食过满屋放题质素唔错,今次同先生book咗旺角嘅至尊满屋,睇下有咩唔同。一入门口就系自助吧,有沙律、汤品同油炸小食,特别推荐炸奶皇包同虾春卷,好有惊喜。旁边系饮品区,选择丰富,仲包括酒精饮品。饮品柜侧面系甜品同生果,当然唔少得先生至爱嘅豆腐花。首先送上嘅系刺身,我因为生理期唔食得太多生冷野,主要都系先生食,新鲜程度依旧。赤虾寿司依然系我嘅最爱,配上黑松露作点缀,令鲜味倍增,不得不为佢破戒。另一样令我破戒嘅系海胆手卷,非常新鲜,底下嘅饭比例上好少,食多两件都唔怕滞。嚟到熟食嘅部份就系我嘅世界,烧物果然冇人失望,特别系鸡翼同牛舌,烧得恰到好处,够哂香口。羊鞍烧得啱啱好,用嘅系纽西兰羊鞍,配上香草一啲都唔羶,口感嫩滑。炸物亦相当出色,特别系芝麻鸡翼,外皮金黄香脆,配上白芝麻令鸡翼更加香口;榴槤炸弹亦从来唔令人失望,榴槤馅够哂流心够哂香;唯一系吉列广岛蚝略嫌有些许腥味。虎虾天妇罗大大只,炸得够脆,而且冇油腻感,咬落肉质嫩滑弹牙。吉品鲍汁烩花胶够入味,虽然花胶唔算大只,但胜在烩得够软腍。最後系每人限定一杯嘅雪糕,我哋拣咗Dreyer’s嘅比利时朱古力同十胜红豆,朱古力味够香够浓,系先生嘅最爱;十胜红豆雪糕香甜软滑,加上红豆粒增加口感,亦系一个唔错嘅选择。至尊满屋同满屋分别唔大,性价比都系咁高,每位都系二百蚊左右落楼,一般日式餐厅叫几款食物已经差唔多价钱,我哋反而开始偏向拣日式放题,食物嘅款式多元化,即使唔洗博命塞都一定翻到本。 继续阅读
(以上食记乃用户个人意见 , 并不代表OpenRice之观点。)
大食嘅我其实真系好锺意食放题,加上近年嘅放题质素好咗好多,俾二百几蚊就食到饱哂😛。如果去居酒屋嗌同一份量嘅食物,应该要双倍价钱。呢晚同朋友去咗琼华食放题,餐厅近期做紧九折优惠,更加抵。事不宜迟,即刻点嘢食!点餐纸起码有成十版以上,花多眼乱,但反正任叫,想食就嗌罗😊。不过今日张枱细啲,唯有逐啲逐啲嗌啦。其中重点讲几样好食嘅😋!第一位系烧纽西兰香草羊鞍,呢个真系劲高质。🐑羊鞍应该系落单後即烧,所以等左比较耐先有得食。肉质非常嫩,生熟度啱啱好,而且羊羶味亦都恰到好处,用上香草🌿调味超正。每人食咗三件,平日出面串烧店食一件平极都$38啦,食多件已经回本啊!另外,炸物亦都相当唔错,特别系吉列广岛蚝🤤,广岛蚝肥美,而且唔腥。炸鲜虾云吞同芝士薯球都OK,因为系热辣辣炸起。食放题又点少得刺身呢?我哋每款都嗌咗啲,除咗今日无北寄贝外。刺身都几新鲜,而且系厚切,唔会因为系放题就变得孤寒👍。锺意食寿司嘅我,亦都食咗好多嚿🍣!餐厅唔会谂住整到旧饭大大嚿塞饱你,相反系比平日迷你啲。我推介酱烧三文鱼寿司同埋炙烧蒜香和牛寿司。铁板雪花牛柳粒🐮都唔错,几Juicy,配埋蒜片食好夹。最後我哋仲食咗牛肉火锅添🍲!依个系二人份量,大小适中,上面打咗只蛋,下面有唔少肥牛、蔬菜同粉丝,个汤甜甜地,几正。放题好抵食嘅一个卖点就系一人有一杯名牌雪糕🍨!超市减价都廿蚊杯啦。除咗雪糕,其实仲有个甜品柜,都有唔少选择🧁。饮品柜有茶、汽水🥤同啤酒🍻等等。另外,自助吧亦都有前菜🥗同热食🥘等提供!当中有我好锺意食嘅腐皮同中华沙律😊。总括嚟讲,我觉得放题真系好抵食,又好啱我,因为可以放肆咁食同饮,唔使计住计住🙈。最重要嘅系食物质素无因为任食嘅关系,而变得唔好食、唔新鲜!所以餐厅能够喺逆市中仍有唔少食客帮衬系有原因嘅👏。 继续阅读
(以上食记乃用户个人意见 , 并不代表OpenRice之观点。)
等级4 2020-03-01
592 浏览
至尊满屋系一间平价日式放题,平日黄金时间都系二百蚊倒,店内起码有一半座位都系高身卡位,哩点对於疫情期间好紧要,所以就算而家疫情严峻,都仲有好多人黎帮趁。至尊满屋就同好多放题店一样,刺身寿司烧物天妇罗炸物一品料理乜都有,大部份都系喺点菜纸落单。而沙律同汤就可以喺出面自助吧自取。饮品选择唔算特别多,不过无论韩牌饮料纸包饮品汽水啤酒都有。最舟别系清酒同梅酒都有得任饮,酙左少少梅酒黎试,酒味唔太重,几易入口。甜品选择都有唔少。一坐低当然每人拎返罐野饮先,野饮雪得够冻。刺身普通放题质素,雪味唔重可以接受。寿司款式几多同比较特别,每件大约系平时半件咁大,可以试多几款。其中火灸类寿司比普通寿司出色,我就特别锺意中间灯色嘅酱烧三文鱼寿司,三文鱼好腍有啲入口即融嘅感觉。除左寿司之外,佢仲有几款创意卷物左边系酱烧玻璃虾海鲜卷,右边系意大利黑醋芝士鳗鱼卷,两款都几特别味道唔错。芥辣八爪鱼军舰系我嘅至爱,每次都一定会点。手卷系迷你size,食完都仲有大把肚量食其他野。北海道焗广岛蚝蚝肉唔特别大只,不过放题质素都算系咁。右边个西京比目鱼甜甜地几好食,鱼肉唔会太腍。盐烧青花鱼烧得啱啱好,唔多骨,加啲柠檬汁酸酸地几好味。铁板烧雪花牛柳粒唔算特别腍,普普通通。芝麻鸡翼煎得够乾身,唔会太油,几香口。榴槤炸弹系炸皮包住榴槤蓉,榴槤味都几香,榴槤控可以试下。日本番薯仔唔算好甜,不过放题黎讲可以接受。盐烧牛舌黑椒同盐落得够,几惹味。盐烧海虾以放题黎讲算几大只,虾肉亦结实,必点。烧菠萝就略续唔够甜。绍兴花雕醉虾冇乜酒味,虾亦冇盐烧海虾咁大只。牛肉稻庭乌冬细细碗叫做过下口瘾,乌冬唔会太腍。甜品拣左几款黎试,蛋糕类普遍偏乾,反而左上角嘅朱古力慕丝好滑好浓朱古力味,朱古力迷一定要试。仲有现成维他豆腐花。雪糕有D牌M牌H牌,不过每人只限一杯。十胜红豆几香甜,红豆唔会因为雪冻左而变硬,比利时朱古力就好浓朱古力味,两款都好味。总结,食物正常放题质素,其中火灸寿司同烧物较为出色,食物款式都几多,上枱同收碟都快,哩个价钱都抵食。 继续阅读
(以上食记乃用户个人意见 , 并不代表OpenRice之观点。)
等级4 2020-02-06
103 浏览
好耐之前朋友帮左我忙,今晚慰劳下佢请佢食番餐劲嘅。食放题系最好不过,合乎预算食几多都得。此食店已来过了几次,最喜欢佢生熟食物同样有质素,环境阔落侍应服务殷勤,食得开心自在。手卷细细条多料饭少,非常喜欢的比例,三款手卷有海胆、麻辣蚬肉和芝士飞鱼籽。以海胆手卷最吸引,好creamy又唔腥,食完半打再半打,非常满足。千岛酱烧帝王蟹棒寿司都好正,酱汁甜美蟹棒厚身咬落弹牙好有质感。三文鱼腩纹理好靓,甜虾肉质弹牙,北海道带子大粒厚肉,样样都好新鲜。芝麻鸡翼外脆肉嫩,炸得香脆食得滋味,榴槤炸弹流心馅浆榴槤味浓郁芳香也是必食之选。盐烧海虾要脱壳食落唔系咁方便。盐烧鲭鱼都几大份肉质嫩。烧羊架大件,烧得香口肉质软身唔羶。麻辣鸭肾好薄惹味好爽口,食一碟系唔够喉,又ENCORE。北海道焗广岛蚝蚝身细粒充满芝士和洋葱,食落非常美味。吉品鲍汁烩花胶盛宴,花胶大块且厚身,而且花胶好淋食落唔腥。成件花胶填满个口好正。牛肉火窝牛肉半生熟加入蛋汁又滑又香,最爱和金菇一起吃加份爽口感,汤底甜甜地相当味美。 继续阅读
(以上食记乃用户个人意见 , 并不代表OpenRice之观点。)
等级1 2020-06-08
28 浏览
这次真是太难忘的一次聚餐。原本是来食放题点知变小强放题。话说当日够钟上到去,仍要在门口等十分钟左右才能安排座位。之後我哋坐到近窗边的卡位,比较靠近厨房的角落位置。初时十分钟冇事发生,话送生蚝,家人话唔新鲜都唔太食得落。食到中途就变成小强放题了..只见小强突然从窗边爬上枱面,家人立即打死几只!打完一只冇耐又黎多只,食慾全无吧!最後同职员讲,都只系比雪糕(本身就包雪糕任食吧?),冇减钱。今次家庭聚会食得唔太开心,觉得好唔衞生..结果我地草草食完急住走了,决定永远不再来。 继续阅读
(以上食记乃用户个人意见 , 并不代表OpenRice之观点。)