至尊雲吞麵雞煲

营业中

休息中

又黎開荃灣搵食，今次嚟呢間主打雞煲既試下，原來都幾有驚喜。首先講下湯底，我地揀左個藥膳雞煲，藥材香氣十足，仲好香紹興酒味，但又唔會太濃烈，飲落有少少甘甜，夾雜住雞肉嘅鮮味。裡面除咗紅棗、杞子、蟲草花等仲有其他中藥材，飲落暖胃又健康。重點係雞肉真係無限加添😆淨食雞都抵返晒啦！完全唔怕唔夠食，啲雞件都算嫩滑唔鞋，配呢個藥膳湯底，超級夾👍🏻配料方面選擇都幾多，有生菜、芋絲、鴨血、蜂巢豆腐、各種丸類、水餃🥟、雲吞、蟹柳、海帶、肥牛同鮮牛肉，咩都有啲，任君選擇 ，每樣食材都算新鮮 。佢哋仲有啲即食嘅小食，例如炒花甲、秘制招牌鳳爪、麻辣/泰式豬耳仔、炸饅頭、香脆炸豆腐、酥炸鯪魚球等等啦，等緊水滾都可以有野食下 。我地叫左炸饅頭配煉奶，外脆內軟，作為甜點甜甜地收尾一流。總結嚟講，藥膳雞湯底打邊爐，滋補好味，配上無限加雞，夠晒抵食又飽肚，啱晒一班朋友嚟聚會邊食邊傾！仲有仲有，汽水飲品都自取任飲架 ，唔怕水吹呀吹到口乾啦🤣📍 至尊雲吞麵雞煲 (荃灣)荃灣鱟地坊48–68祐建樓地下A號舖#荃灣 #雞煲 #至尊雲吞雞煲 #火鍋

聽朋友講荃灣最近開左間新任食雞煲店，用料唔錯，仲要好抵食，身為邊爐精嘅我點都要試試佢！到咗門口店員好有禮貌好有笑容出嚟招呼我哋💯我地揀左至尊惹味雞煲，可以冇限加雞，雞煲黎到已經聞到好惹味，雞件好大件，味道同岀邊食嘅雞煲唔同，唔覺有太重味精，整得好香口肉質又嫩滑😋食雞食得差唔多我地加湯打邊爐，配料都有好多野揀，用料品質一啲都唔揸流灘喎，等我介紹下幾款必食！🥢炸饅頭我地食左兩轉，一定要趁熱食，外脆內軟加埋啲煉奶冇得彈🥢肩胛肥牛片 唔係其他放題咁雪到硬哂，肉質望落係好唔錯，食落有牛味都重🥢豚肉片，冇雪藏味，烚完又唔乾，好味道🥢OPPA魚板，好少係放題見到有呢樣野揀架，叫左4串都回唔少本😝🥢韭菜餃、鮮蝦雲吞同爽口水餃店員介紹呢3款都係自家製，我特別喜歡食韭菜餃，粒粒都好大粒餡料好飽滿💯飲品除咗一般汽水之外，仲有羅漢果杞子菊花茶、咖啡、奶茶同豆漿等等我就試咗杯奶茶超有港式風味，奶香茶濃😋而羅漢果杞子菊花茶夠哂下火👍🏻我地2個人食埋單都係$376，太太太抵食啦！

荃灣有間主打雞煲放題嘅小店，兩小時無限追加，可因應個人喜好選擇辣度，另有多款火鍋配料可以打邊爐。上下兩層，平日Full House，座位闊落，價格親民冇加一！雞煲即叫即整新鮮熱辣辣，有保溫模式唔怕變嚡，帶骨更滑，啖啖肉，唔食得辣嘅叫小辣都OK，辣度係慢慢醞釀出嚟嗰種，開胃惹味，令人忍唔住一啖接一啖。大力推介炸饅頭，外層炸至金黃酥脆，咬落軟熟，點埋煉奶超級好食，雖然好飽但都食咗十幾件，證明有料到🙂‍↔️ 想打邊爐嘅話店員會加湯，再加雞煲嘅話就會分開用大碟上，火鍋配料就正常發揮，已解凍先上，豬牛雞丸子蔬菜，冇海鮮，最深刻係芝士腸，致癌物質實好食😂 飲品方面反而有驚喜，新鮮豆漿解辣解油！

今日去到荃灣食雞煲＆火鍋任食， 我地夜晚去，有兩小時可以慢慢食，價錢不貴，可以選擇既火鍋配料也有不小，另外，野飲除左普通汽水外，估唔到會包埋一些凍飲（奶茶／咖啡之類）個晚市雞煲放題除左唔包收費小食及啤酒，其他都可以任叫，挺不錯的。一開始都係先食左個雞煲先，揀左小辣，食落香口惹味，但又唔會好辣👍食完加湯打邊爐，點到的火鍋配料都不錯，對得住個價錢。而最鍾意係佢個炸饅頭，即叫即整，點個煉奶無得輸。😋😊

至尊雲吞麵雞煲，同朋友食過一次好抵食，今次帶埋媽子食，連佢都好滿意。👉🏻招牌雞煲雞煲有可以揀辣度，媽子食辣有限公司就揀BB辣，其實都好夠味，洋蔥芫荽呢啲配料好香口，雞肉嫩滑多肉，仲可以無限加雞，非常抵食。食完雞就加湯打邊爐，肥牛、芝士竹輪、貢丸，全部都正正常常。👉🏻炸饅頭～即叫即炸熱辣辣，好大方比左好多煉奶，好飽都要食。👉🏻另一賣點係茶餐廳飲品放題，叫左好多杯凍香滑奶茶，自家製豆漿好濃味好正，超級解渴解熱氣。

位於荃灣業地坊嘅至尊雲吞麵雞煲，絕對係雞煲控必去之選。雞件走過油，外脆內嫩，啖啖肉香令人回味，食落口感層次分明，令人一試難忘！最驚喜係店家放咗大量芫荽，完全滿足芫荽控嘅摯愛，清新香氣令味道更上一層樓🔥。雞煲更有無限添加服務，性價比極高，絕對食得飽！飲品方面，客人可掃QR code落單，再親自喺雪櫃拎罐裝飲品，既方便又有自助感。侍應招呼親切，笑容滿面，令人感受到貼心服務。整體用餐體驗一流，無論係味道、份量定氣氛，都值得推介🙌。

$178 任食雞煲火鍋呢個價錢仲要無加一，可以任食加雞，仲有多種火鍋配料。飲品選擇都好多，有檸茶檸水咖啡，仲有涼茶，小食一定要叫炸饅頭配好多煉奶，好邪惡又勁好食。雞煲炒得好香口，似係已經預先炸過，配埋洋蔥芫荽爆炒，仲有啲秘製醬汁👍食完等一輪食，唔夠喉再加雞，真係好好食，又好入味食2次雞已經飽飽地，火鍋配料選擇都好多，蔬菜新鮮，牛肉有肉味，必食推介有鵝腸，洗得好乾淨又冇肥膏，牛柏葉爽脆，魷魚好有咬口。呢個價錢真係抵到爛呀

[✨荃灣至尊雲吞麵雞煲•CP值高雞煲火鍋放題 ]#荃灣 #火鍋 #雞煲任食雞煲+打火鍋放題 $178 2小時🔸任食雞煲雞煲調味濃郁入味，今次叫左BB辣幾開胃！咁好食仲要係任食，真係無得輸！加雞啊，唔該！🥰🔸火鍋放題菜單選擇都幾多，常見嘅火鍋配料都好齊全，肉類丸類水準正常（難得有芝士竹輪，個人推介）蔬菜新鮮乾淨，質素唔錯😊💞飲品無論係汽水，定奶茶檸茶等茶類飲品都一應俱全！記得記得記得叫埋炸饅頭，店員落煉乳好重手，當甜品食好滿足👍🏻👍🏻————————♡♡♡♡♡♡————————✨總結CP值好高，任食雞煲平日一至四：$178加一，荃灣區穩陣之選👍🏻📍至尊雲吞麵雞煲🏠 香港荃灣鱟地坊48–68號祐建樓地下A鋪 Shop A, G/F, Iau Kin Building, 48-68 Hau Tei Square, Tsuen Wan, New Territories, Hong Kong#jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfo

🔎 至尊雲吞麵雞煲（荃灣）至尊雲吞麵雞煲終於開到荃灣！正到以前會突登入屯門天食！呢間絕對係平、靚、正‼️晚市都只係$160免加一 雞煲+火鍋雙放題😍⭐️必食炸饅頭‼️一共食了三個！見到隔離枱一嚟就嗌咗三碟😂😂【惹味雞煲】一煲上枱香到！雞肉炆到腍滑入味，醬汁鹹香帶微辣，食完仲可以續加雞件！【50+火鍋配料任食】肩胛肥牛、鮮切豬肉片、蝦滑、魚蛋、蟹柳、竹輪、響鈴、各式蔬菜（萵苣、唐生菜、娃娃菜等） oppa魚糕……款式多到眼花！【飲品自由】奶茶、檸檬茶、柚子蜜、朱古力、汽水、豆漿全部任飲，解辣又解膩～成人：平日$178/位、周末$188/位（2小時任食+免加一）新開張9折優惠‼️～$160🧏🏻‍♀️早鳥優惠：5點前入座更平！小童$78～鋪頭位於荃灣鬧市，門面好易搵🤣入內乾淨企理，座位寬敞唔逼狹～ 店員落單、補配料超快手，唔會甩漏‼️

朋友想食雞煲就提議去呢間食開頭見到都幾平喎就入去試一試啦由於唔係好食得辣 就叫咗BB辣都幾香幾好食 而且可以不斷加雞 加雞嘅速度都好快食完雞煲之後就可以加湯 打邊爐啦由於我哋主要都係想食雞煲 所以打邊爐嘅嘢食就食咗少少就算

經過荃灣，見到呢間新開嘅雞煲火鍋任食，價錢都幾合理，就入去試吓。呢度d雞煲係任加，可以無限refill,又幾抵，鍾意濃味嘅我，啱晒，d雞非常入味，我地叫咗小辣，都ok,唔算好辣，雞肉食落都幾嫩滑，我地encore咗2煲。食完之後就到打邊爐時間，火鍋配料都幾多款式，肩胛肥牛片肥瘦均勻，食落好重牛味，鮮牛肉都唔錯，食落都幾嫩滑，d餃都幾好，係自家制，粒粒都脹卜卜，幾足料。出面仲有各款汽水任攞，除咗汽水之外仲有即沖咖啡，奶茶等飲品。我見枱枱都有叫炸饅頭，我又叫黎試吓，即叫即炸，外脆入面好軟綿綿，加埋煉奶，勁正。

我地真係好中意食雞煲😂2個人諗唔到想食乜話會去揾唔同雞煲食，而今日黎到荃灣呢到估唔到都幾熱鬧，夜晚有好多烤魚雞煲舖頭，但今日我地去呢間係我地私藏系列，因為都真係好抵食。🐒至尊雞煲放題(星期五至日，假期及前夕)💰$188(免加一)👉🏻至尊惹味雞煲👉🏻火鍋&火鍋配料👉🏻自助調料吧👉🏻羅漢果杞子菊花茶，豆漿 咖啡，奶茶，檸檬茶，各式汽水任飲。佢呢到如果嗌雞煲係可以無限添雞，食到你夠先再轉邊爐都得，所以完全可以滿足到我地2個中意食雞既慾望😂仲要價錢都真係超級平民，岩哂我哋精明既倆口子另一個得我地歡心既位係佢都有炸饅頭任食，係仲可以勁邪惡咁揀多練奶，完全就係好正既甜品option😍而佢地仲係有各款既港式飲品可以飲，所以都真係幾爽，可以無限飲凍檸茶/奶茶

今次嚟到鱟地坊的「至尊雲吞雞」，一試就愛上。性價比高，任叫任食都只係$188，主打滑雞超嫩，每件都啖啖肉，皮脆肉滑，雞味香濃，完全唔乾柴。簡單得嚟超邪惡，好食！ 雞煲是 #任食 的，吃完便對職員說：加雞火鍋配料亦超過50款火鍋配料任點任食，鮮滑牛肉，滾兩下咬落仲Juicy。✨包仔豆腐、肩胛肥牛片 、豚肉片 、鯇魚片、鮮蝦雲吞、韭菜餃、蓮藕片、蕃茄，材料豐富又新鮮。價錢親民，份量足，CP值爆燈，任飲的飲品可選羅漢果杞子菊花茶、豆漿、咖啡、奶茶、檸茶、檸水及各式汽水荃灣搵地道美食，呢間雲吞雞真係必Bookmark，食過返尋味！

#🐒😋平時非常熱愛打邊爐 🍲🍲🍲今日去食雞煲 + 火鍋放題任食$178/人仲要火鍋放題之餘仲可以任加雞 ?! 餐廳會已經炒好哂啲雞 放係煲到保溫叫咗個BB辣 不過發現唔夠辣一般大眾化嘅肥牛 豚肉 丸類 蔬菜都有肩胛肥牛片都唔係啲頹肥牛 😂好有肉味同口感幾好 呢個價錢嚟講真係算正款式種類多 環境都係卡位 坐得好舒服又可以自己叫冰底 / 檸檬底 平時要加錢而家唔洗加錢都秒變檸樂 😂 啱哂我呢啲可樂控── ✦── ✦ ── ✦ ── ✦ ──

任飲任食2小時都係💰$180 (新開張有9折🥳)至尊惹味雞煲無限添食，食夠先加湯打邊爐，雖然款色唔算好多，但勝在夠齊全。肉類，海鮮類，丸類菜類，麵類都齊晒👍🏻加💰$ 可以叫小食，但其實叫任食都好飽🤣飲品有汽水，檸茶檸水，奶茶咖啡，豆漿& 羅漢果𣏌子菊花茶清熱氣，如果想飲啤酒就要另外加💰叫啦整體雞煲味道好惹味，食咗一round 係唔夠既😌一定要特別介紹係佢呢度既炸饅頭超出色😋😋有枱2人叫咗6個炸饅頭😛仲有呢度既肩胛肥牛片好好食，夠淋夠滑仲夠牛味👍🏻唔想咁heavy 既話，另外仲有好抵食晚餐選擇，見人order 大大碗平均都係💰$55