自家烏冬 (已結業)

很久沒有光顧自家烏冬，今晚就來試試。看看餐牌，本來想點一人前定食，卻沒有心水食品，又不太想喝汽水或麵豉湯，便來單點食品。內子選了野菌帆立貝豬骨湯烏冬，筆者就選了豚肉辛辣烏冬。 內子表示湯烏冬中規中舉，帆立貝和野菌份量亦適中，湯不太濃不太咸，味道適中。 筆者的辣烏冬就真的很辣，要備紙巾抹鼻水。豚肉傾向豬頸肉的質地，但較腍較入味，加有肉碎，比想像中豐富。除了辣外，湯較油膩，不建議飲。除了主菜，我們還點了炸芝士年糕和名古屋芝麻雞翼送烏冬。炸芝士年糕，其實沒有年糕，是芝士和薯蓉混合版，不過仍然很有芝士的味道和煙韌感，內子表示比想像中好吃。雞翼雖然有芝麻鋪面增加香口感，但味道普普通通，尚算可口。…查看更多

今日產檢， 帶埋個仔到沙田接老公收工， 未夠7點， 呢間野都唔full, 佢個名有烏冬， 即係出名好食， 所以我點了個雜菇元貝豬骨湯烏冬， 老公點了滑蛋吉列豬扒飯， 同吉列牛肉餅。個烏冬簡直是令人失望， 是超普通的烏冬， 即茶餐廳那些， 不是彈牙， 又沒有彈了， 是 十元三包的烏冬貨色。餸同湯底都OK, 但個主角烏冬就超唔掂。滑蛋吉列豬扒飯都唔錯， 其實呢個飯好難唔好食， 值得一提是個牛肉餅， 好香， 個醬汁好正。…查看更多

放工已九時，就在附近揾食，突然好想吃咖喱，聽囡囡話自家烏冬都幾好，就試試吧！一整體ok，吉烈豬排炸得好脆，肉好juicy吾乾，可以給八分，兩分是咖哩汁太小，汁香濃，帶微甜，但美中不足是汁真的太小，要扣兩分。…查看更多

夏天熱辣辣, 個人好似食唔到太多野, 於是就同朋友黎食好耐無食既自家烏冬啦!7點黎到咁好彩有位就坐低左, 諗左好耐都係決定食冷烏冬加個沙律, 夠哂開胃!芒果三文魚沙律-配日式胡麻醬, 其實都好難整得唔好食!最重要係啲芒果要夠甜, 同三交魚夠新鮮, 而佢兩樣都做到左! 而且份量亦唔算少, 兩個女仔食岩岩好開開胃!溫泉蛋雞肉冷烏冬-我好似係揀左溫XD其實幾抵食, 雞肉份量都幾多, 仲有啲天婦羅脆脆同青瓜絲撈埋一齊好好食! 但好奇怪佢呢隻胡麻醬同沙律嗰隻唔同味, 呢隻係偏咸同好重花生味, 相比下我覺得用沙律嗰隻應該會好食好多。烏冬黎講佢一直都keep到個水準, 煙煙軔軔, 煮得亦岩岩好。溫泉蛋咁好味就梗係留返最後先食啦, 真係想食多隻!…查看更多

好耐無食烏冬就黎自家烏冬食，好耐之前都黎食過，我記得個陣食係幾好食，但係今次食就大失所望，成碗烏冬都麻麻地好食，湯又唔夠熱，雞肉又鞋，下次唔會再黎食，而且服務員等好耐先經過一次，等埋單都等左5分鐘，等到燥燥地…查看更多

一行三人分別點了三個主食：咖喱吉列蝦拼魚柳飯，貫徹日本咖喱香甜而不辣，吉列蝦和魚柳質素一般~野菌帆立貝豬骨湯烏冬，豬骨湯濃但過鹹，帆立貝粒小小的，煮過火了，有點韌~ 幸烏冬尚算軟滑煙韌，保持口感~溫泉蛋麻醬雞拌烏冬(冷)，溫泉蛋香滑，麻醬份量剛好拌勻每一條烏冬和雞絲，但同樣偏鹹，雞絲鞋口~吃罷後整個下午至晚上都感到非常口渴，明顯各個醬汁或湯底都加了大量的調味和味精 …查看更多

温泉玉子麻醬雞絲掛烏冬 $6X面頭鋪滿白色脆卜卜同清爽青瓜絲🙆篤爆温泉蛋果野 蛋黃澎湃地湧岀 睇見都興奮!!🙌🙌🙌烏冬煙韌有咬口 伴以蛋槳同麻醬食一流😻😻😻鮮茄濃湯配天婦羅 湯算濃 但味道係羅宋湯😂 食過蕃滿門難免好有小小比較既🙈🙈 烏冬冇上一碟咁煙韌 可能係因為浸住熱湯既關係 不過都ok的😀天婦羅以炸蝦最好味 仲有南瓜 冬菇 茄子🙆🙆自家冷烏冬 $3X係今晩三碗烏冬最煙韌最有口感果款😆😆 冰粒圍喺旁邊 送上一碗醬汁點 味道似魚露😁燒玉子$20以咁既價錢 份量避免太小了吧 味道又唔特别 不抵食TT炸芝士年糕$18送黎既時候只係微暖 炸皮係扣分位😯😯 唔夠脆😪 食食下感覺有啲似食緊煎堆😂 芝士算濃味既😚 好既係keep住流心😏 就算凍左都唔好硬左一舊😏😏茶杯設計得幾得意 總括黎講黎自家烏冬都係食主打既烏冬 小食可以唔叫…查看更多

是日跟媽媽到沙田逛街, 苦尋不用等位的食店來個午餐~結果就選擇了本來印象幾好的''自家烏冬''。有別於青衣城分店, 仍使用實體餐牌而非平板電腦點食。豬軟骨豬骨湯烏冬媽媽的湯烏冬, 湯頭是一般的麵豉湯, 味道偏咸~烏冬彈牙好吃、豬軟骨亦夠腍而鬆軟,只可惜整碗烏冬處於微溫狀態,令人感覺是閒置了一段時間, 再端出來供客人食用。咖哩吉烈豬扒飯賣相極度令人反感, 就是一團乾巴巴的啡色物體與白色的飯並列,但兩者像毫無關係般似的。豬扒是即炸夠熱, 粉漿不厚, 但肉少脂肪多~咖哩醬一如想像中是凍的, 白飯太乾亦太硬......是日午餐, 失望至極 >.<…查看更多

第一次黎自家烏冬食, 我超鍾意食蛋, 所以點咗個溫泉玉子雞絲胡麻掛烏冬, 有分冷食同熱食, 我點咗個熱既,個烏冬黎到見到個溫泉蛋爛咗, 搞到我鬼咁失望, 本來想叫服務員換過俾我, 但最後都無叫到。 如果唔計個溫泉蛋爛咗要扣分, 其實個烏冬都幾好味。我老公叫咗個鹿兒島六白黑豚鍋燒烏冬, 啲豚肉好滑, 份量唔少,湯底都幾好味, 如果我下次再黎食會點呢個。…查看更多

同朋友食夜晚飯，近期冇咩胃口諗住簡單食碗湯麵算，見自家烏冬唔使等位就入左去首先嗌左兩碗帶子豚肉湯烏冬烏冬硬度都算適中，幾吸到湯味，雖則個湯底都係比較味精。不過我朋友就覺得麻麻啦。印象中碗烏冬有五六隻帶子，叫做同出面連鎖集團差不多。之後口痕，咁岩見到有露筍卷賣。以前係其他日式餐廳食過覺得好食，於是就叫黎試下。大約$40，話就話有六件，但一上黎個下不禁大驚哇刀法好到呢...片到啲肉薄一薄，幅相已經影得好左啦，實際上係薄到透明，可以清楚望到包係入面的露筍。重要片片都係脂肪位冇咩肉食，感覺似只係執啲切剩唔要的脂肪邊肉碎位求其包畀我地就賣，食唔到一啖就化左，重衰過食雞肋。而且油太多，唔得！沙田同價錢的店舖重有好多，下次一定唔會再揀呢間，因為食物整得實在太無誠意啦！…查看更多

整體好高分! 拿，一開始坐低就知坐得好舒服，d服務員又幫我地不停jum水，勁好服務，不過最正都係d野食，因為我第1次食我就亂嗌左個吉列豬排番茄烏冬，冇諗過吉列豬排炸到卜卜脆好有口感，番茄味又勁濃，加埋佢最出名既彈彈烏冬，超好味! 加上lunch食又唔貴。 但係大食王的我緊係唔夠喉，於是嗌多左個芒果沙律 都ok ge, 但最好味係我加左好多蛋黃醬，very juicy!!!…查看更多

夜晚出到沙田，又唔想去新城市同人逼，排長龍，結果就去左連城到行。將近九點，連城個邊既食肆已經好多都唔使等位，我就入左其中一間 - 自家烏冬。入到去，先發現餐牌原來冇幾多野選擇，烏冬既菜式應該唔超過十樣，有d奇怪。望黎望去，烏冬既都唔係太吸引，又冇我想食既sushi，結果，就叫個set dinner，燒玉子鰻魚飯。等左5分鐘左右，前菜 - 蟹子沙律，就黎到啦。好普通，味道還可以。再等多幾分鐘，主菜就黎到啦。賣相..... 稍微有d寡，鰻魚唔太好食，冇乜汁，有d乾，搞到食野其間要不斷飲汽水，不過價錢的確比出面既鰻魚便宜唔少，一分錢一分貨，算係咁啦。一個人出去食，又唔想太貴既日本野，自家烏冬都不失為一個好選擇。…查看更多

星期日正午，由於天氣熱到傻，所以不想吃熱食，一於去食烏冬！豚肉蝦粉烏冬本來以為同以前的蝦湯差不多，誰不知送來的是一個黑色的超鹹兼無蝦味湯底，烏冬完全不煙韌，而係實的的！豚肉太稔，一夾就散。竹輪蟹柳掛烏冬烏冬一樣好實，無湯配尤其明顯。炸物又乾又韌。舖面細細，四名服務員居然都應接不暇，原因掛住傾計及只往門口方向看。落單、加水、埋單都要等等等⋯才有人反應過來。一句話總結：「唔怪得唔洗等位啦！」…查看更多

在附近上課後和同學來了吃午飯，因為碰上附近辦公室的午飯時間，所以都要等了一會才有位我叫了豬軟骨湯烏冬，豬軟骨偏乾及硬，不過配湯烏冬吃也可接受 :) 而湯底也香濃，份量也適中。朋友則點了竹輪掛烏冬，這款掛烏冬是暖烏冬，伴有醬汁，味道不錯，但朋友笑說如果竹輪同芝士竹輪會更好 另外一位朋友點的也是掛烏冬，是溫泉蛋雞肉烏冬，他說味道也不錯 :) 雖然今次要排隊，但味道不錯，而且位置方便，也算坐得挺舒適，三個人也能坐沙發卡位，所以以後還會再來 …查看更多

自家烏冬，顧名思義當然係黎食烏冬。豬扒蕃茄濃湯烏冬、手打冷烏冬、燒帆立貝雜菇、芝士年糕……先講主角：兩款的烏冬各分秋色，前者豬扒夠鬆脆可口，外型較細塊，但肉質非常厚，重重的蕃茄湯濃得唔單只唔酸，配合埋豬扒，真係絕配，就連成碗的湯底都可以飲得晒，而且又大大碗咁；後者的手打烏冬眼見平平無其，簡單的製法，但吃落去先可以真正的到烏冬的彈口的口感，配上醬汁，深深帶出烏冬的爽口。燒帆立貝雜菇，惹味可口；再加埋芝士年糕一定會好食，因為舖滿芝士，芝士的範圍還大過外層炸左的麵粉，讚！…查看更多