影片
第一次吃他的豆浆鱼汤底水饺，就忍不住send了一张相给工作中的老公。因为这种鲜味，加上清新、健康的感觉，令我十分感动。自此之后，我和老公每星期总会有一两次专程搭车来吃饭。我们有一半时间是煮饭的，所以这里绝对称得上是我们的饭堂。试了他的蒸鱼、卤水三宝饭、汤饭等等。豆浆也是必点的。吃完那种既舒服又满足的感觉，令人再三回味。而且，真的不会口渴。种类繁多的菜单、永远保持得到的水准、大众化的价钱、舒服的环境，这几样东西似乎很难在香港并存。但是，他又的确做到了。真的十分神奇，其实我有啲怀疑佢定错价。Anyway, 如此有heart又有实力的小店，希望大家多多支持啊！
继续阅读
身为一个无奈的无饭煮妇，明明好钟意煮野食，但日日番工放工已经累到一个点，无时无刻净系想训觉，唔系未试过放工去买𩠌整𩠌煮饭，但，搞完都晏一晏，食就食30分钟都无，跟住再去洗碗，久而久之，我地都系决定出去食好了，出街食饭难免好又油又味精，要揾到一间又健康又平的餐厅实在唔容易，自家味道正正就符合晒呢两个要求，所以我地都成日黎食平凡简单的装修，舒服就好了，唔洗下下都皇宫的样子我最钟意就系食饺子同蒸鱼，清淡又健康，墙上面会有个板写左当日有的鲜鱼同是日蒸𩠌豆浆 ($2)鲜鱼套餐会跟一杯饮品，自制的无添加豆浆最吸引，最钟意佢唔甜蒸鱼套餐 ($68)蒸鱼套餐我地拣左笋売鱼，蒸鱼有好多煮法拣，有清蒸、豉汁蒸、面酱蒸、刴椒蒸、鲜柠檬蒸或煎封，我地选择左鲜柠檬蒸，笋売鱼好新鲜，鱼肉好滑，大家食的时候要小心细细的鱼骨喔另外我地加$5转左菜饭同加$8转豆浆鱼汤浸菜，加$8有碗无味精的汤饮下都抵，味道唔会好浓，但正正就系我喜欢的味道，为左健康尽量唔好太重口味比较好蒜香单骨鸡翼 ($25)单骨鸡翼食起上黎轻松得多，蒜香味浓，炸皮薄薄的，热辣辣即叫即炸双拼鲜饺子 ($41)饺子有两款汤底拣，分别系豆浆鲜鱼汤同上海酸辣汤，我地拣左豆浆鲜鱼汤，咁就可以岩岩好一人一碗鱼汤，鲜饺子系紫菜三鲜饺同椰菜木耳鲜肉饺，每款有5只，每只都材料丰富，包到涨卜卜希望市面上可以多点呢类型健康餐厅，向味精说不啦
继续阅读
晚饭时间经过呢条街，有很多食店，但这家的门面最为吸引，所以选了这里。内在环境整洁，仲有大电视睇。餐牌不花巧，四个版面就踏实地列出了所有菜式和套餐，当中有很多选择，小食、炒粉面、饭餐、面餐，一应俱全。点了住家味浓的蒸蒸日上蒸鱼套餐，选了黄花鱼。有6种煮法，我们拣了最大路的豉汁蒸，最有家的味道。套餐配有白饭、油菜和饮品，油菜+$8可转豆浆鱼汤浸菜，特别啲又无咁干，所以我哋拣咗加钱转。饮品+$2要咗热豆浆，健康啲。原条蒸鱼好大条，香葱铺满整条鱼。蒸嘅火候适当，鱼肉够熟又唔会'鞋'。另外又点了一个汤面套餐，两𩠌一面配特色汤底连饮品都系$38，十分超值。我哋拣咗蒜香单骨鸡翼、金菇、薯粉、自家上海酸辣汤、冻鲜柠檬蜂蜜。一般粉面铺薯粉要加钱，呢度价钱一样。仲有上海面拣，一般不是京川沪食馆也不会有吧，又一特别又吸引的选择，但食唔到咁多嘢，下次嚟食应会拣。酸辣汤好浓，成个汤底都可以饮晒，正宗酸辣汤味和质感，仲可以有埋酸辣汤的汤料送面。薯粉质感烟韧，配酸辣汤原来咁夹。鸡翼亦不错，外皮香脆，鸡肉嫩口。见到饺子系呢度嘅招牌，有两款口味。单款口味可选7只或10只。亦可要10只的双拼口味。因为惊食唔晒，所以叫咗一款口味试下先。拣咗煎紫菜三鲜饺7只$33。招牌饺子无令人失望，饺子底煎得香脆，涵既爽口，又有肉汁嘅鲜味。食得出店家用心经营，餐牌上的类目特别又多元化，绝对是会回头再光顾的食店。
继续阅读
人大左，身为一个一至日工作既人，食住家𩠌既机会真系少之又少，相比起高贵既西餐、精致既日本菜，简简单单既住家饭郤最能吸引我今次黎左呢间朋友系太子食过既街坊餐厅，跟妈妈一齐分享呢份家的味道太子地铁站出，沿住荔枝角道行大约五分钟就到，都几易揾。虽然只系卖平价既街坊食物，但内里都好干净，装修简洁中又带点时尚感，楼底好高令空间感更明显，配埋住家𩠌既重要元素–电视机加$6就有既小食青瓜微辣，够爽脆，开胃也小食唔怕多加埋呢个溏心蛋！呢个惊喜㖞！真系做到溏心效果之余，外层仲有卤水汁，内外兼得既溏心蛋跟餐饮品可拣豆浆、黑糖姜蜜等，不过细杯左d～住家𩠌既代表绝对系蒸鱼有几多个小时候既晚上，您又再埋怨妈妈点解又蒸鱼咁闷咁淡...而家长大后，见到蒸鱼，心头会一暖...呢到既蒸鱼餐选择自由度好大，想清蒸又得，豉汁又得，想特别啲可以柠汁、面酱等等，净系酱汁都咁多选择而且鱼既款式又系多萝萝，黄立䲝、鲈鱼等，相比起平时茶记果d一早set好哂得一种款既鱼，呢到好正我就拣左我最爱既黄立䲝!!!大约等十分钟左右，以即叫即蒸既速度都算快手。面既葱铺到满哂，拨开就是满满既豆豉。鱼既size唔系好大条，但肉质却系比平时高质！鱼肉具嚼劲代表住新鲜，出街食好多时都系枚或者缺乏弹性，呢种难得既咬口系屋企买新鲜㓥既鱼先做到既效果饭有得加$5配菜饭或者肉燥饭，后者较少见，所以拣左佢黎试，本身预加五蚊都唔会太大惊喜，但估唔到系份量上同味道上都掂㖞。肉燥量多，铺满左三分之二既饭面，肉燥平时以台式居多，都系会比较油因为一半都系肥肉，或者有人会中意呢种，但以健康为前题下，又想食好味既肉燥，呢到就做到了酱汁惹味但又未会到太浓味令人口干既感觉，咸度适中兼以微微既甜度吊味，肉碎虽然系瘦但一d都唔嚡口，配以碎既香菇混在其中，令口感不失单调之余又弥补返瘦肉碎本身欠缺既口感自家制既仲有饺子，饺子一共有两款，我就拣左紫菜三鲜饺饺子系餐厅每日自己包，只只都具份量，size仲大过平时系屋企煮湾仔码头既大只版。最怕食到啲肥肉多又唔知沟左咩做饀既饺子，呢到偏重蔬菜多，以紫菜做主角都又几特别，清淡得黎有种独特质感。饺子可选择配自家鱼鲜汤定酸辣汤，因鱼鲜汤叫左，所以试埋佢个酸辣汤，点知黎到系劲大碗个酸辣汤份量仲多过啲饺子，瞬间又配角变成埋主角酸辣汤调味充足，碗仔翅既质感，味道难得浓郁之余唔会过重口味，即使饮哂成碗都无口干，当中酸味较突出，辣味唔明显，所以唔食得辣既妈妈都接受到自选两𩠌汤饭除左固定既小菜餐，仲有得好似车仔面咁自选𩠌既汤饭，有十几廿种𩠌拣，肉类如鸡肉猪肉鱼片等都有齐，我就拣左鲍片同埋猪润，菜都有六七款拣，唔系得普通菜心生菜，仲有芥菜，选择好多，配埋豆浆鱼汤，成件事清淡得黎但鲜味十足，健康同味道兼得所谓既自家制豆浆鲜鱼汤底，就系店主以新鲜既鱼同黄豆熬制而成，心思之作，欣赏呢份坚持，讲真出街食野好难健康，即使健康都难做到新鲜同味道兼得，价钱仲要系街坊价，希望小店能够继续呢份坚持！
继续阅读
约了朋友食饭，却要OT放不了工，迟大到嘅情况下转场到了朋友家附近食，佢介绍左呢间好有家的味道的鱼汤饭店，除了鱼汤泡饭，仲有煎鱼客饭，蒸鱼套饭，粉面餐，饺子，小吃等，十分丰富的选择，而且价钱一点都不贵，五十元就可食到无味道鱼汤，抵啦店内楼底高，冷气开放再加上吊扇，很通爽，仲有电视，绝对可以电视送饭，哈哈睇紧餐牌时，店员送上暖水，餐牌选择太多，样样都好想食，最后还是选了泡饭。冷热餐饮同价，朋友要了黑糖姜蜜，自己要了热柠水（+$6），朋友说他那杯很够姜。点了的泡饭（$42）很快便到了，选了猪润鱼腩白菜仔，鱼鲜甜，猪润爽口，加上一大碗饭，超级饱肚。不含味精豆浆鲜鱼汤，很清很鲜，饮哂全碗完全不觉得口渴，真材实料呢。加钱（+$6）要了小食溏心卤蛋，卤水入味，蛋黄流心，好味朋友的客饭（$40）要了甜酸鱼块，拍拍青瓜，肉燥饭，客饭仲包餐饮，一次过有咁多野食真系好抵食鱼块嫩滑，甜甜酸酸的酱汁很好下饭，青瓜爽脆，肉燥略干了点，但都OK的。再黎一个双并汤饺（$41），同样要了鲜鱼汤。椰菜木耳鲜肉饺，椰菜同木耳都有咬口，食落很爽，饺子吸满了汤汁好正，鲜甜无比。紫菜三鲜饺，此饺较软身，吸了汤汁后变成紫菜鲜鱼汤，散发著紫菜独有的味道，同样很好味。个人较喜欢椰菜饺，朋友则喜欢紫菜饺，两者各有特色，下次都系会叫双并叫得太多，饱到上心口，食完全餐饭都无饮过杯水，果然不会口渴
继续阅读