2
0
1
港铁长沙湾站 B 出口, 步行约1分钟
继续阅读
电话号码
23233000
营业时间
星期一至日
12:00 - 22:00
以上资料只供参考，请与餐厅确认详情
係疫情影響下，真係少咗好多出街食飯，唔係係屋企煮就叫外賣，今次想介紹呢間外賣，係平時可能冇乜人知道佢既存在又或者叫Pizza就只會諗起其他果兩間大牌子。其實佢比起其他平d之外，講真，佢真係幾好食，佢既炸雞好食過果間英文字(只係我個人感覺)。佢有分好多抵食套餐，有分星期一至五套，大胃餐等等，組合都好多選擇，一定有適合大家既套餐，仲有散叫，點叫點組合，任君選擇。地點：長沙灣分店店鋪：脆味批今次我就叫左個大胃C餐，佢係提供比4-5人份量，由於我叫時已經下午1點，我地三個人又乜都冇食過落肚，所以就叫個大少少，就算食唔晒，都可以留起，夜晚食。大胃C餐:任何大批一個意粉/焗飯/小食/炸雞五件(任選三款)飲品五罐/餐湯五客/蒜蓉包(任選一款)大批 - 櫻之花洋蔥、粟米、蟹柳、獅子狗、煙三文魚、紫菜、芝麻由於我真係好怕洋蔥，所以叫左走洋蔥，呢個批係我最鐘意食，食過其他，我始終對佢情有獨鐘，因為佢用千島醬又甜甜酸酸咁，加上佢既配料比較日式，食落真係好夾，加上佢有紫菜，食茖有少少食壽司既味道，因為咁多次都冇試過芝心批，今次就叫左(加左$28)，但可以同大家講，真係唔好叫啦，因為佢冇乜芝士，唔細心食，真係唔知呢個係芝心批黎，真係唔識都唔知加左。意粉 - 海鮮闊條麵白汁比較淡口少少同埋傑身D，好多海鮮，好似尤魚、蝦，蜆肉、蟹柳等都好足，配上闊條麵，每條麵都包到汁，又唔會太水，啱啱好。小食 - 百里香燒豬排骨呢個我大係每次都要叫，雖然跟餐要加$12，我都覺得好抵食，因為佢份量唔少，佢既百里香同其他香草味配得啱啱好，又唔會搶晒本身排骨味，就算佢燒完，都仲可以保留肉汁，你話，我又點可以唔叫呢？炸雞 - 原味真係好食過專賣炸雞(三個英文字)果間，佢又大件又好味，炸得好脆，送到黎仲好熱辣辣，咬落去仲好鬼多汁添。餐湯 - 忌廉粟米呢個好普通，唔多介紹啦！額外追加 - 超級拼盤紫菜炸雞卷、春卷、咖喱角及物鹽酥雞各3 件，佢既炸物唔洗講再介紹，睇炸雞就知道，但佢既春卷同咖喱角，食落D童年回憶返晒黎咁，好有童年食既味道。重點一提，佢分店係長沙灣，送到黎紅磡，應該會冇咁熱，但可能佢既保溫真係做好好，所有野都即叫即做，所以送到黎都係熱辣辣，呢個真係加晒分。溫馨提示，佢現時只有九龍同新界有分店，如果住香港島同離島既朋友仔，可能冇呢個口福啦！但你地又可以詆下問下佢送唔送，因為紅磡都冇分店，佢都係係長沙灣送過黎，千萬唔好怕醜問一問啦！
继续阅读
星期日趁著父親節，在網上叫了外賣薄餅食。原定時間下午六點，最終卻於6時45分左右送到。反正知道可能會多人光顧外賣速遞，所以約早些少時間送來，當他們遲送來時已剛好晚飯時間了。薄餅速遞送來時，食物都保持到熱騰騰的溫度，點了套餐，包括有千島醬海鮮批、菠菜魚柳焗飯、檸檬蜜糖雞翼、粟米湯及飲品。千島醬海鮮薄餅、檸檬蜜糖雞翼都好好味，菠菜魚柳飯個汁都做得不錯，但魚柳沒有鮮味，味道怪怪的，粟米湯比較稀及較淡，但粟米算多。整體的食物味道尚可，份量足及便宜。
继续阅读
某項工程之後，走走路，就發現，原來幸福邨裏邊，竟然還有這間脆味批。再一次經歷進食韓式炸雞店之後的不快😒，又令我想起了菲律賓炸雞店祖樂比，而路過幸福邨的時候，有剛剛好用膳時間，但是看看幸福邨都沒有什麼餐廳，只看見連鎖店、賓墟茶餐廳，以及以往在荃灣或葵芳都會吃到的脆味批，於是便問問還有沒有一人套餐😄。餐牌好像有不少套餐，但是不太看得明白，收銀的姐姐則說這個焗飯套餐比較划算，有焗飯、一件炸雞及飲料。隨便點了個焗白汁吞拿魚，打開焗意，看來溫度仍然夠熱，但是內裏的內容卻與本人心想的大相逕庭。首先，所謂的白汁，也顯得有點兒黃，最重要的是😒，吞拿魚，好像整盒意粉裏面也沒有多少，吃到最底才發覺有幾絲吞拿魚，真的很頹廢。整個意粉裏面，就只有酸酸的汁，但是又不像白汁，以及火腿和粟米，送意粉。炸雞的醃料還是那般香，但是有輕微回氣，雞皮略略與雞肉分離，但是味道還好，至少比起肯德基那種乾雞肉出色。意粉那麼頹，就唯有將部份雞肉，或用剝落的雞皮拿來拌意粉。質素欠佳，但是以差不多＄40的快餐來說，還可以算是有點新意，但是下次點肉醬意粉，或者雞皇飯，或是點Pizza比較好。⁉️難道「芝脆雞」改名「脆味批」就是因為炸雞和焗飯焗意欠佳，因而暗示給客人知道❓
继续阅读
Pizzas were delivered on time and piping hot! All were devoured soon after delivery and hungry mouths were filled. Many still wanted more and enjoyed them more than the pizzas from the major pizza chain stores!
继续阅读
其實想食pizza幾日 但自己一個食又食唔哂一大個咁岩見到呢間pizza店有一人套餐包意粉 一件pizza同飲品 咁就食佢啦
套餐pizza佢會限定一款口味今日係粟米 菠蘿 蟹柳 千島醬pizza底屬厚批 但好鬆軟唔會過硬 一塊有少少唔夠食而呢個白汁吞拿魚意粉份量都唔算少 吞拿魚都落足料小小地加多2件薯角 其實好有心總括我好滿意 我下次會買大批食
继续阅读