能記飯店

营业中

休息中

突然好想食好味熱辣辣既燒鵝，決定同老公入深井揾下，順便拍下拖~~可能去到時間尚早，周圍都冇咩人，行來行去都唔知揀邊間好，行到能記門口，見到只有一枱客，本來唔諗住入去，點知老公話見到蘇民峰。。。張報紙，原來蘇師父去過，咁就跟師父試下囉~~hehe...入到去只有一位伙記，佢非常之熱情，係咁介紹，己經推過佢幾次話想自己睇，但因為成場只有兩枱客，佢緊係唔放過我地啦，只好拿拿淋叫了三樣餸先來半隻肥燒鵝，好好食，皮脆多汁肉滑，雖然唔係熱辣辣，但暖暖地都算係咁，能記燒鵝，唔錯呀~~再來雙菇西蘭花，um...好普通，雙菇唔入味，水水地。。。最後就係我最愛既豉椒蒸鱔，啖啖肉，好肥美，個汁好好味，大家不防試下

同朋友仔二人放假喺荃灣行完街街, 一心入深井食靚燒鵝, 原本打算去出名個兩間, 但當日係星期五無book位, 嗰兩間門口排曬長龍, 起碼要等一個鐘以上, 咁攞咗籌之後週圍行下行行下見能記, 招牌大大隻始創於一九六二年, 成五十年老字號,  又好多名星幫襯過, 都應該唔講得笑喇, 我哋兩個又餓餓哋兼累累哋, 見仲有兩三張枱, 咪入去試下喇, 坐底當然叫炭燒燒鵝(例牌), 伙記推薦燉湯 (淮山杞子燉螺頭湯), 清清哋叫多半條咸檸檬蒸烏頭, 等咗一陣, 就見伙記拎碟燒鵝放在面前, 睇落去色澤唔錯, 滿心期待係即燒即食, 我兩唔客氣即起筷放落咀...凍的!!! 失望了, 淮山杞子燉螺頭湯, 料多但很名顯係落咗"師傅", 咸檸檬蒸烏頭魚不太新鮮, 兩個人專登坐車入深井食熱騰騰的燒鵝就係咁泡湯了!! 

今日最後一站，在得龍吃金錢雞同入深井能記飯店吃燒鵝下，最後選擇吃時令的鵝，「能記」是深井兩間保留炭爐燒之一，家庭式經營店子，燒鵝用上潮式滷水料去醃再燒，皮香肉嫩，加青島啤一啤，一樂也。

約了好耐不見的朋友一聚，這里還是彼遠的。還好食物質素不錯。我們點了燒鵝半只，彼大碟，燒鵝皮軟夠薄，冇太多肥膏，吃落感覺軟健康，肉質也很好，有燒鵝香味，但相比中環一樂的鵝香味還是稍微欠一些。鵝腸是另一欣賞菜，炒得火候夠，十分爽口。

其實家人是裕記的粉絲,早幾年每年總會駕車吃一回燒鵝,今年見到isaac兄的能記鵝局,既是新地方又可與T2共聚,立即報名一定錯不了!是夜60人左右,開了5席,好不熱鬧!深井其實也近我家,不過從公司到深井就不同說法了,幸好,金鐘有巴士直接到,不過要等車,同時,也會塞車(下班時間,沒法子吧) 與其中一位T2成員到達時店方已安排了餐前點,雞腳與腎片給大家作餐前小吃,未能為其拍照..沙薑雞腳也算鹹,不過算爽身,不是我心頭好,味道倒也不俗腎片也十分爽口,淋的那種是飲湯時候才會吃,這種有咬口的,我喜歡是夜帶了一小瓶自家浸荔枝酒來,謝謝大B帶了2大支” 聖水”,開來飲用味道也不錯的,席間友人笑說我像極那些帶孖蒸去開飯的阿伯) 與T2和新朋友閒聊一會就見到那5隻肥美炭爐燒鵝已經燒好,掛在櫥窗上大家都跑去照相!老闆表示這裡的燒鵝燒完後一般會等15分鐘左右才斬件奉客,而據Isaac表示現時用炭爐燒鵝已不常見,因為炭火相對較難控制火路,加上燒時油份極高,如不好好處理就會像先前裕記那邊搶火以致失火….實在不簡單! 我們是晚坐在T3,有幸吃到師傅第一隻斬好的燒鵝…在餵飽大家的相機後,大家都開始品嚐這裡的燒鵝,

一想到深井.人們就會想起吃燒鵝.但其實深井的燒鵝有什麼特別.我都不知道?出名的陳記.裕記我都光顧過.感覺平平無奇.今次來到深井試一次能記.看看觀感如何?環境:呢間店已有50多年歷史.店內是有裝修的,室內環境光猛,但店不大.坐店內壓迫感較大.現在比較涼.坐店外較舒適,至於服務.,店員都是上年紀的男仕,的確較冷淡,但效率尚算不俗.看餐牌:二人餐368元不包飯,但散叫每樣菜都百幾元一款....都係二人餐著數,淮山杞子燉螺頭湯:料也很多.吃了不少螺頭,味道也鮮甜,肉質有彈性,湯清徹,清到見底.味道清甜帶甘.相當好飲.沙爹牛肉炒菜心:呢個菜夾住不少葱.又是畫蛇添足的.對味道完全無幫助,菜心上枱青綠無黃葉,味道清新,至於牛肉是有經過化學.肉滑得不似牛肉,牛肉味亦決,沙爹,不香不辣.只帶點鹹燒鵝:能記比起我吃過的店的出品,不同之處是沒有肥油,也不會見到鵝毛.處理乾淨,奈何皮不香,肉質就算帶甜,也是很淡的甜味,而一碟佔8成也肉較硬.我看不出有何特別.蒸烏頭:雖則肉質沒有泥味,也鮮甜.但我略嫌肉質太乾身.烏頭我較喜歡吃潮式和泰式,可能是我口味問題.瀨粉:粗身瀨粉.較碎,湯底只是暖暖,感覺一般..埋單45

係黃金海岸游完水, 臨時決定來深井食燒鵝, 已經超過6年未踏足呢個地方, 已經忘記了燒鵝的味道, 所以當一個新生兒來試下, 見到裕x排長龍, 所以去能記試下, 記憶中未食過呢間, 不過他們既招牌寫自1962年?? o甘耐歷史睇怕唔會差得去邊, 見到地下已經坐滿人, 於是問下有無位, 2樓有位, 決定入去試一下!!全部都係散叫, 一行4大2細, 招待算係o甘, 有問有答尚算禮貌, 點了4個餸:1. 燒鵝半隻$200, 排得好完整, 暖暖地, o的皮唔脆但肉好軟身, 唔多肥膏, 好濃味啖啖肉, 適合我, 唯一唔好係近pet pet位有2舊醃得太喊, 好似含住o的鹽o甘, 整體上合格2. 蒜蓉蒸大蝦, 時價, 大概$180, 蝦有鮮味, o的肉唔"鞋" & 唔腥, 每隻都大大隻好多肉, 又排得好整齊, 配埋蒜蓉真係好好食, yummy!!3. 鼓椒鮮魷, 鮮魷唔老, 好爽, 薄得來又好咬口, 不過o的汁太"杰", 稍微喊了點4. 帶子豆腐, 比小朋友食, 帶子無咩味, o的肉好"淋"一整就散, 件豆腐好大件, 影得帶子好細粒, 好一般連啤酒埋單$600幾, 價錢算中等, 值得推介燒鵝同蒜蓉蒸

今日係慶祝某人生日, 決定去深井食燒鵝. 之前去過裕X, 今次想試第二間, 本來想去陳X, 但上OPENRICE睇佢幾間分店嘅食評都係喊多過笑, 就打消念頭, 改去呢間笑多過喊嘅能記喇. 一行五大一B, 我哋18:30去到, 竟然一枱人都無喎, 好在之後都有其他客人陸續幫襯.我哋叫咗個六人套餐$688.00 (未計加一茶芥/花生) 燒鵝半隻--都唔熱嘅, 只係微暖, 鵝肉唔夠鬆化, 味道尚可, 但比起裕X就..., 惟一優點就係無咁肥囉. 西蘭花炒斑球--味道唔錯, 有識食之人話係星斑, 唔係其他雜斑魚 支竹頭腩煲--OK啦 籠仔海皇蒸豆腐--味道幾好, 但青豆/甘荀粒就多, 就唔多覺有咩係海皇囉. 椒鹽焗鮮魷--好味, 正! 上湯蒜子浸白菜--都幾好味兩支生力就換咗四支玻璃樽裝汽水. 另外叫咗一碗齋瀨茶芥每位$10.00, 仲要加一, 又有碟花生, 埋單要成八百蚊有多.同裕X相比, 確實係比較遜色. 喺等職員駛返架車比我哋時, 我哋就走過隔離裕X八卦下, 人哋就要等位, 呢間就仲未坐滿. 原因就..心裡有數啦.另外泊車要$20.00一架, 雖然係代客泊車啫, 但感覺上偏貴!

三個人行完"荃元古道半段", 一到深井村, 便見到能記, 所以決定吃個早飯。因是傍晚五時, 沒有其他客, 只有我們一枱, 招呼非常週到。叫了一個二人餐, 再加一碟潮式炸豆腐和椒鹽茄子 :1) 生菜鯪魚球豆腐湯 - 鯪魚球爽, 豆腐滑, 湯很淡, 但竟然有七碗豐料湯2) 主角燒鵝(例牌) - 厚肉, 少許肥, 有鵝味, 跟前一晚剛吃完那間位於中環之燒鵝名店相比, 有過之而無不及, 但價錢平一倍3) 炒芥蘭 - 薑汁味濃, 芥蘭脆.... 正 4) 煎藕餅 - 平時非常怕食蓮藕, 這裡煎得香口, 竟吃了三件5) 潮式炸豆腐 - 本來對只賣三十五個大洋的小菜沒甚麼期望, ...........但一端上來, 真的嚇了一跳, 新鮮炸起的豆腐, 脆卜卜, 香噴噴6) 椒鹽茄子 - 薄薄的炸漿, 茄子清甜, 外脆內軟, 好味加了三枝汽水, 埋單四百五十個大洋, 抵食。

前幾天報紙介紹,今晚試,我是第一枱客4個人,鵝皮咬晤開,肉實,唔夠味道,凍,細碟,燒臘店好食個佢.,魚雲落足紅椒,因好腥,炸豆付 ok,通菜勁油,冇付乳味..啤酒1支 , 約$407其實食燒鵝可否退貨?可否滿意才計$?如果吾係,佢攞乜出黎我都要俾$?我下次吾食,要佢換!!

上次食過裕記﹐覺得好不外如是﹐今次決定試下第2間去到parking,覺得要收$20 其實都幾貴﹐不過都黎左就算啦今次得2個人﹐所以淨係叫左幾味1)例牌燒鵝2)炒蜆3)蒜蓉粉絲蒸尤魚(本來想叫吊桶但係無晒) 4)椒絲腐乳唐生菜 例牌燒鵝﹐啖啖肉﹐唔"火農" ﹐我覺得好食過米芝蓮鏞記添炒蜆好有味﹐ 亦唔太辣3) 鮮尤無影相﹐好多粉絲同鮮尤 ~~ 唔韌﹐幾好4) 個菜就無咩味﹐好水. 同場加影廣告牌~

飯局亦講及吃得時令，吃鵝是廣東人獨有文化，每年嘗鵝佳期離不開清明及重陽，四月為嘗包脆清明鵝，大伙兒亦不介意遠赴深井，共嘗炭爐燒的嫩肉黑棕鵝。還記得那天大清早由公司開溜同老闆落荃灣街市揀海鮮，然後入燒鵝工場攝下燒鵝出爐過程，將幕後的故事同大家分享，新鮮的材料、豐富菜式，惡男想以$140嘗到親民的燒鵝妙韻，亦是難得的經驗。能記飯店出席者：68

診住聖旦及新年這幾曰假,就周圍去再尋美食今年三四月同成班食家(大胃王)食過這間係一九六二年創店的燒鵝店,(佢門口個塊云石古老招牌小弟頗欣賞)今曰boxing day再來光顧,(其實小弟和女友都間中來食吓),老實講他們的燒鵝及其他小菜都做得不錯.去完碧堤探朋友,他們都異口同聲說晚飯去"能記"食燒鵝,一行八大两小,八點多去到因為冇訂枱等了十多分鐘,個個都話肚餓,叫了隻半燒鵝分两碟上熱辣辣上枱,:，皮很脆,皮下那層脂肪不多,肉質很嫩,非常美味.),籠仔海皇蒸豆腐,此豆腐賣相極討好,豆腐很滑,上層鋪了蒸過的鮮虾及帶子粒,再有一層蛋白拌和,這道菜很適合拌飯,椒鹽魚扣,此店的椒鹽類小炒極有保証,今天難得有魚扣供應,做東的朋友亦毫不吝嗇,叫了此店名菜之一,,他們的椒鹽小炒勝在只上了一層簿粉,爽口彈牙,最緊要無腥味,星斑两味用料是東星斑,都頗新鮮,唯師傅在獻汁上稍為厚了一點,有待改進,豉汁炒大蜆,此蜆我和女友次次都食,新鮮入味,無沙,深井油茱,上湯瀨粉,坦白講,此店的燒鵝我個人覺得比起隔鄰個間成曰賣廣告的有過之而無不及,其它菜式都食到一乾二淨.他們的服務水平都算不錯,起碼叫Ｄ下爛嘢時都會好盡力去做。至

經過E 間餐廳好多次, 星期6 第一次去食, 7點左右去到, 都唔哂點等位.拿拿聲拎份MENU 叫野食, 個老細親自走埋黎招呼, 佢話我地兩個人叫唔到多野食, 比佢話事.例牌燒鵝, 召鹽鴨舌 , 西蘭花炒牛柳粒, 白飯例牌燒鵝: , D 肉好多汁, 入口有一種燒出黎既味道, 唔會好似出面既燒鵝咁, 烚完先燒.召鹽鴨舌: 好香口, 不過咸左少少, 同埋多油最讚既係西蘭花炒牛柳粒, 好野味, 因為E 味野, 我叫多碗飯.E 間野, 可以番啅~ =] 老闆仲話認住我, 下次計DISCOUNT 比我.

今夜臀部又再痕癢，於是從港島去了深井食燒鵝。以前試過好多次陳記，d 鵝偏肥，多油。去過好多次裕記，情況比較好d，但又不至於要去咁遠食燒鵝；因為市區一d酒家都有佢o既水平，又或者個事實係：我連鵝同鴨都唔識分。所以今次去了裕記出面的能記，六點零去，無乜人，小貓三四隻，獲得熱情款待。三個人，點了二人B餐($238)，加一個滷水鵝翼($48)同埋檸檬蒸元朗烏頭($88)。個餐包括：生菜豆腐鯪魚球湯：湯已放入了薑片，沒薑味，只得一片死鹹。例牌燒鵝一碟：有肉，唔肥，但唔熱，但無味。煎藕餅：我在超級市場買來煎的都應該好食過佢。炒時蔬：白菜仔一碟散叫的：滷水鵝翼：先唔好同北角阿鴻比，但同西灣河順興比，都起碼輸九條街喎。檸檬蒸烏頭：OK，但唔需要入到深井食蒸烏頭丫.....七點零，開始多人但仲未full house，開頭的熱情招待漸漸冷卻，食完的骨頭亦開始堆到堆填區咁高都無人理。裕記照舊車水馬龍，而我都明白今次賴了野；但唔緊要，錯一次就夠，下次無回頭就可以了。