380
6
2
港铁铜锣湾站 A 出口, 步行约3分钟 继续阅读
所有分店 (2)
电话号码
27572988
开饭介绍
传统中式风格火锅店,装潢以木系为主,台与台之间有屏风隔着,私隐度高。招牌汤底包括火焰龙虾海鲜锅及鲜椰青鸡锅。 继续阅读
营业时间
今日营业
17:00 - 22:00
星期一至日
17:00 - 22:00
公众假期
17:00 - 22:00
公众假期前夕
17:00 - 22:00
付款方式
Visa Master AlipayHK 支付宝 现金 美国运通 银联
座位数目
80
其他资料
网上订座
Wi-Fi
酒精饮料
包厢
电话订座
赏订座积分
加一服务费
当面支付
有关奖赏计划
食记 (398)
等级4 2021-06-23
684 浏览
市面上既边炉店真系多不胜数!位於铜锣湾嘅「胡炉」,再次重开环境清幽,感觉上有D似私房边炉🙈加上高质火锅同配料环境食物质素两者兼备🥳.【餐牌】.【招牌鲜椰青鸡煲 $298】识食一定系食鲜椰青鸡煲🙈锅中有半只鲜鸡件,椰子肉,杞子等店员会先帮我地炒至半熟加入花雕酒提鲜,再黎个「火焰烧鸡」表演🤣呢个时候,记得要影下相呀📸最後倒入原只鲜椰青水同大量嘅浓鸡汤煮到水滚就可以开动😋鸡汤味道浓郁,阵阵嘅椰香,入口非常鲜甜建议饮多一两碗先开始打边炉哦😎.【纽西兰草饲羊肉片 $138】纽西兰草饲羊只以天然牧羊喂饲所以系不添加激素同抗生素肉质精瘦细嫩多汁,味道香甜建议涮耐少少,愈嚼愈好味🙈.【XO 鲍鱼虾饺皇 $58】每粒饺皇都有多只虾肉,仲有芹菜粒添皮薄馅多,微微辣更加惹味😘.【黑松露蟹肉饺 $69】呢款小编都好推荐🙈饺馅系满满嘅粒粒黑松露,仲有丝丝蟹肉口感滑溜,正👍.【炸芋头 $58。黄金墨鱼丸 $52】墨鱼丸口感弹牙,粒粒嘅墨鱼肉最特别嘅系,中间系流心咸蛋黄架😍芋头即叫即炸建议煮耐少少,先有粉粉嘅软糯口感🤣 继续阅读
(以上食记乃用户个人意见 , 并不代表OpenRice之观点。)
好耐冇打边炉,今日同朋友黎左铜锣湾胡炉,之前一直都好想试,不过疫情冇机会试,依家重开即卡约朋友一齐去,入去环境好舒服,分隔开好似好多个包厢咁,又安全又卫生餐前小食有麻辣木耳,又爽又有咬口,辣辣地好开胃。仲有自助酱料自己中意点配都得,饮品我地叫左一升既竹笋芧根水。汤底拣左火焰龙虾海鲜锅,真系冇得输,龙虾一开始仲扎扎跳好新鲜,店员帮我地洒 d 酒再炒熟佢,一路炒一路睇住 d 龙虾郁。超大获气,再会比我地饮左 d 汤先,龙虾超鲜甜超厚肉,最後先再加番茄汤打边炉,个汤底超鲜甜,剩系饮汤同食 d 海鲜都食到半饱。胡炉牛拼盆(小),打边炉点可以唔叫牛,推荐呢个拼盆,可以试哂唔同牛,入面有齐牛舌芯,牛胸爽,安格斯手切肥牛,极上手切牛颈脊,霜降牛柳粒。每样都好香好好味。店员仲会好好咁解释番每样系咩部位同点样渌法先好食,非常贴心。丸类叫左黑松露芝士手打牛丸同芝心墨鱼丸各半份,芝心墨鱼丸咬落去真系要小心,因为 d 芝士真系会爆出黎,超香芝士味,岩哂芝士控既我。仲有新鲜黑柏叶,好有咬口同份量好多菜方面叫左个蔬菜拼盆同厚切莴荀片,渌到索哂 d 汤底好 juicy 好好味 继续阅读
(以上食记乃用户个人意见 , 并不代表OpenRice之观点。)
等级4 2021-05-25
1048 浏览
无论一年四季,我都会打边炉,特别系叹住冷气打边炉,一边饮冻饮既感觉好爽。呢晚收工我就去左铜锣湾,去胡炉食火锅庆祝520。佢既环境好有中国风,加埋屏风同画,好似穿越左咁,而且屏风将间隔隔好,不但食我更安心,而且大大提升左隐私度。胡椒猪肚鸡花胶锅我钟意佢既锅底有好多配料,猪肚同鸡都有好多件,2-3人食完全够食,而且浓浓既胡椒味,一边食一边出汗,未正式放配料前,都已经饮左满满一碗。鸡肉都食好嫩滑,一熟就捞上黎食,啖啖肉,加埋花胶,感觉好滋补。凉拌木耳(餐前小食)$28佢既凉拌木耳系偏辣,但系个种愈食愈上瘾既辣,因为加左蒜同香醋,而且木耳都好爽口,作为餐前小食够开胃。牛骨汁牛丸$48、黄金墨鱼丸$52、手工云吞$48呢3样我真系觉得必点。虽然份量唔算多,半份4粒,不过食完就明白个价值。牛丸好有牛肉鲜味,感觉似之前食过潮汕牛丸,咬落好多肉汁,仲唔会好硬。而黄金墨鱼丸都特别,因为系入面咸蛋做馅料,比较少见,配落墨鱼丸出奇地夹。手工云吞系惊喜,因为大大粒,一咬开见到入面成2只虾,仲要好爽口,真心唔错。自家制炸响铃$68、红薯粉$38结尾我通常都会食响铃加面条。炸响铃佢地系即炸,一上黎摸到仲热,而摆入锅几秒吸晒汤汁,加埋响铃半脆半淋既口感,好滋味。而薯粉放入锅一阵就食得,已经预先泡好左,食完一定够饱。 继续阅读
(以上食记乃用户个人意见 , 并不代表OpenRice之观点。)
等级4 2021-05-18
734 浏览
今晚一家人去了锣锣湾行街,妈妈话想打边炉,所以就上网搵左呢一间叫胡炉既餐厅。餐厅要坐电梯上去,一出电梯,即刻有私房菜既Feel,店员马上帮我们安排位置。餐厅有一个个卡位,亦有私人房间,私隐度都几高。汤底方面,我地选择金翅花胶乳鸽锅,呢个汤底好足料,滚左之後可以饮完个汤先加汤打边炉。我地3个人,一人都饮左3碗。个汤底味道好浓,老火汤嘅风味👍🏻入面超足料,有大大只花胶,乳鸽,亦都有乾瑶柱,有得饮又有得食👍🏻火锅酱料都有好多选择,仲有芫荽👍🏻👍🏻火锅不可缺少的,一定是牛肉,我们点了手切安格斯肥牛。牛肉肥瘦比例适中,牛味香浓,上等品质,必食之选。蟹子虾丸,卖相非常美观。入面有啖啖的虾肉,咬落去十分爽口,非常有特色。鲜淮山,十分爽口,放汤1分钟左右就食得,对肠胃又好,打边炉必食推介。酥炸午餐肉,可以放汤先食,又可以即食。两种都唔同风味,我比较喜欢放汤,吸晒老火汤嘅味道,午餐肉更加好味👍🏻醉胡炉酒泡鸭舌,这一个是餐前小食,但我们一路打边炉一边食。鸭舌有微微的酒味,肉质淋淋的,容易进食,加埋啤酒,一流呀👍🏻整体黎讲,餐厅的食品好有私房菜Feel,汤底及食物质素都好高,大家都快啲去试下啦。 继续阅读
(以上食记乃用户个人意见 , 并不代表OpenRice之观点。)
等级4 2021-05-16
515 浏览
呢度装修都几靓 碗碟同个煲都有少许宫廷既感觉我地汤底叫左 火焰椰子🥥鸡汤佢一打开系有半只鸡系入面 侍应帮我地炒起佢 再落酒 好香之後先落上汤同椰青水超吸引 成煲汤咁 我地一人饮左一两碗先开始打边炉 就咁饮都好清甜 用黎打边炉仲正个鸡肉都好嫩滑 好在我地无再额外叫鸡 因为都有劲多旧鸡件之後我地叫左本地顶级安格斯肥牛 (细) 都够4个人share 牛重味 油脂分布都几平均呢个系猪 劲似牛咁既色仲叫左手打墨鱼滑 皇帝贝柱墨鱼丸好弹牙同新鲜既墨鱼🦑肉 黑松露芝士牛丸 入面爆浆呀 大家小心一咬落去辣亲咀 好正 好重黑松露味道xo细鲍鱼虾饺王黑松露蟹肉饺 两款都好食 薄薄地既皮 肉厚 味道都乎合我预期既想像 唔会失望手唧黑松露蟹籽鱼蓉面几好玩 自己唧落个煲度 比我想像既口感系冧d 我以为佢会好似面既弹牙同硬身既质地 原来佢系比较冧 不过都好食的冰豆腐 唔洗讲 打边炉一定叫 尤其系个汤咁好味 索哂d汁好Juicy老友鬼鬼都系必点既小食 虾滑配油炸鬼 好👌 继续阅读
(以上食记乃用户个人意见 , 并不代表OpenRice之观点。)