肯德基家鄉雞 (KFC)

营业中

休息中

有效率！有一定水準。平時翻工要外勤，趕好多地方。荃新天地依間KFC我都食過唔少次。佢效率非常高，未試過要等好耐。而且佢啲食物通常都熱辣辣。今次又趕時間食KFC我見佢都好多人排隊，但係我落完單半分鐘就拎得。佢今次個巴辣雞腿包，塊雞熱辣辣，個蕃茄好新鮮好Juicy。唯一就係個包有啲乾，唔軟身擺得耐有啲啲有啲似法包。薯格是新鮮的，保持水準。平時我食$29好便宜的炸雞扒飯，又好味又飽肚，如果大家趕時間又想慳啲錢可以試下

今日好忙呀嗌咗個外賣嘅kfc下午茶套餐嗌咗一個爆脆雞餐有兩件爆脆雞經典葡撻巴辣香雞翼百事可樂好大份好夠食完全唔驚唔夠食啲炸雞都炸得好脆個經典葡撻好多焦糖今日啲服務都好好

如果時間許可, 返工前會去肯得基買返個早餐返公司食。肯得基既雞同鬆餅都係我至愛, 呢個早餐就有晒2 樣! 完全夾埋我口味!原味雞扒加埋個汁, 又淋又好味!鬆餅真心外脆內軟, 外層掃左蜜糖焗到好脆, 但裡面鬆軟, 濕濕的! 不過如果齋啡可以濃D 就更好了! 而家有少少太稀! 加上用優惠卷可以以優惠價$27.5 就買到! 好抵食!P.S. 本身諗住用餐廳自家APP 落單, 但加入購物車後發現唔能夠修改飲品 (我想ORDER 齋啡, 但佢預設為奶茶), 所以唯有落店先ORDER, 希望呢項可以改善。

平時吾太會買KFC, 因為怕熱氣。不過身邊的人都好中意😅😅😅不過今次kfc 聯承左kit kat 朱古力推出左新產品： KFC 鬆餅和葡撻配上雀巢 Kit Kat 朱古力，好吸引。一於要試下先。KFC 設計左兩個餐for 呢兩個甜點。朱古力鬆餅賣相吸引，不過朱古力味吾濃，同食普通鬆餅冇分別。唯一值得開心既係，中意鬆餅的人可以係夜晚都買到🤣🤣🤣🤣而朱古力葡撻就令人意外，除左面頭鋪滿kit kat 朱古力碎，咬一口會湧出濃濃朱古力漿，好正！不過就會甜左少少，甜魔favour 💕

KFC 唔係第一年出榴槤葡撻, 不過今年我先第一次食。可以買套餐時加$5 將葡撻升級成D24 榴槤葡撻或單點就$14。D24 榴槤葡撻SIZE 同平日既葡撻一樣, 榴槤味可以再多D,  面頭既麵包粒有D 硬, 但係個撻皮依然香脆!

今日叫KFC外賣番屋企食，嗌左個二人餐。有四隻雞，兩個飯，一盒薯格同兩個飲品，咁多野食都係$60咋！薯格唔會燶，唔會腍。啱啱炸起重熱。點埋茄汁更滋味。雞髀皮脆肉嫩，唔會炸到乾，肉重保留到水份，好juicy。都幾多肉。

本人同屋企人都好鍾意食家鄉雞嘅雞，記得啱啱開張嘅時候，啲雞係好有水準，但唔知係唔係太多人幫襯嘅關係，食物質素好參差。今次更加離譜嘅係執漏左我兩個葡撻，好彩我對一對。

因為想食葡撻，所以買左L2 茶餐外賣。返到屋企先發現比少左個葡撻，好失望。錢就有比，成$30，野食就少左。加強培訓，唔該。炸雞髀係大隻，味道不過不失啦，但冇乜辣味。

好耐冇食kfc,假期總是要放任的。係網上有kfc 電子優惠券，呢個餐都係72蚊啫， 再用埋支付app減3蚊， 只係69蚊 。個餐包括兩杯汽水， 一個大白汁雞皇飯、一個大蘑菇飯、 兩個葡撻、 兩件雞。雞有兩件上髀， 有兩件下髀。可以揀唔同嘅配搭口味， 可以揀 原味炸雞 、香辣炸雞 、香烤燒雞。 我哋揀咗香烤燒雞。 呢間kfc嘅人流好多，所以啲嘢食都好夠熱， 燒雞熱辣辣又多肉汁😍😍😍另外葡撻都好好食， 蛋漿夠滿又夠濃， 葡撻皮又脆。真係好ok。不過 雞皇飯同埋蘑菇飯就麻麻地，個飯底唔好食😰😰😰汁就ok ga。

香脆雞髀皇不好吃去荃新天地二期逛逛百貨公司，行完街當然要吃點下午茶，好耐無食肯德基家鄉雞了，便入去回味一下。我們叫了一個 雞髀皇葡撻餐，有香脆雞髀皇一隻、經典葡撻一件以及飲品一杯，我哋還叫了多一個葡撻 及大的馬鈴薯蓉。可能雞髀比較大隻所以炸的時間多了，個脆皮炸得太燶，唔好食。裏表啲雞肉是赤紅赤紅色的，但係雞髀是熟透的，還有少少腥味，好失望。葡撻就一貫水準，薯蓉也可以，但主角唔好食，失望。

今日起荃新天地二期間KFC食brunch，新裝修過，個形象似想young啲咁，有得用機點餐。於是我就用機點咗餐先再搵位擺低野再拎野食。點餐同餐飲座位隔咗條走廊，座位唔係太多，而且得一個妹妹執枱，辛苦咗佢。我地叫咗兩個鴛鴦桶飯餐$26x2，加兩隻巴辣雞翼+$10，同芝士煙肉薯格+$9。盛惠$71。兩個桶飯都好足料，又多飯又多汁，但係就偏多白汁。飯都乾身，汁嘅味一如KFC嘅味，有返以前嘅味道。點雞翼果陣冇咩留意，實物有雙式芝士粉，咸咸地，本身雞翼都夠脆夠辣夠香，好味。 薯格有芝士汁都夠味，重有啲沙律醬中和下啲油膩感。都幾新鮮。 呢餐KFC感覺有返以前嘅水準，但唔知炸雞會唔會都好食返呢，下次再試下。

荃灣荃新天地二期新開咗KFC,佢地租用兩個打對面嘅舖位，舖面唔大，坐嘅位置一眼睇晒!好鍾意而家KFC有自助洗手機，小朋友食雞之前都可以洗乾淨隻手先，做父母都安心啲今次我哋叫咗三人餐 $155: 《東瀛鹽燒雞套餐》包括: 三件巴辣香雞翼，兩件東瀛鹽燒雞，兩件原味雞，兩件狂惹香燒雞，三個蘑菇飯，三個經典葡撻，三杯汽水其他唔講嘞，因為都好多人食過，今次我想講下"東瀛鹽燒雞"佢嘅味道係甜甜地脆皮， 雞肉都好滑嫩，以及佢醃得好入味，咬落去每啖肉都充滿住甜甜又咸咸嘅味道!呢間新開張多咗兩部自助售賣機， 我係經自助售賣機落單! 估唔到佢哋好快已經處理好我張單🤩畀起長長嘅人龍買嘢食慳咗唔少時間👍👍 覺得自己聰明咗🤣🤣

自從荃新天地一期的KFC結業以後，要食KFC不是要去南豐中心，就是去大窩口，很不方便近日荃新天地二期終於新開張了KFC, 很是興奮當天跟太太來到吃晚餐，點了KFC APP上我們最喜歡的套餐，有兩件炸雞、兩件燒雞、一盒大蘑菇飯、一盒大白汁雞皇飯、兩件葡撻及兩杯汽水，很是豐富能食微辣以上的朋友一定要選辣味炸雞，好味太多了而燒雞很濃味，但有點過咸味道最好肯定是葡撻，每次來也必點配以兩盒飯份量剛好，有個滿足的晚餐

新開的肯德基 選址在荃新天地二期， 地理位置非常方便 ，旁邊就是先施百貨， 行街，睇戲 ，食飯，什至行超市都可以在商場內進行， 非常方便，從此又多了一個好去處。餐廳不是很大 ，很多人排隊買食物和等坐位。坐下後我和朋友點了一個 雙人炸雞套餐，包括：辣味家鄉雞2件， 燒雞2件， 大蘑菇飯和大白汁雞皇飯各1個， 百事可樂2杯和 熱辣辣葡撻2隻，非常豐富。雖然雞件的個頭不大，但家鄉雞和燒雞 都好好味， 發揮出應有的水準。 KCF的葡撻也十分美味， 充滿蛋香卻又不太甜，蛋面焦焦脆脆的很誘人，食完還想再食多一件總括來說 味道唔錯，72元就有一個雙人食飽飽套餐， 非常超值呢