影片
20:19落单，前面有18张单等紧，等左二十分钟，前面仲有10张单，4-5个员工出餐，有两个好似未瞓醒咁，望住个电脑发呆，个个客人都等到燥底，真系唔知点解会咁慢，希望高层训练下班员工
继续阅读
肯德基KFC📍天水围天恩路12-18号+WOO嘉湖二期1楼125-126号舖无论返工定返学，食早餐都系必须嘅，因为咁样大家先有动力做嘢、上堂、以好心情面对每一日！我自己非常重视早餐，每朝都买份早餐返工叹。知道香港人讲求效率，食嘢要够快、够饱、够好食、够抵⋯⋯要达到上面各种要求，真系并非易事，不过请放心，我最近发掘到「肯」抵食嘅早餐选择，大家不妨参考下！KFC喺月中推出有多款包类嘅「肯！快脆」早餐同逢星期一至五供应嘅「平日肯抵DEAL」早餐，迎合大家嘅早餐需要。我喺过往呢个星期，就已经同同事帮衬咗几次，最平嘅选择都只系$22，食得满足之余又经济，真系「肯」抵呀！ 💰$22 G2肯抵香脆薯饼蛋包餐 🍔Harsh Brown & Egg Burger「平日肯抵DEAL」早餐系列提供5款套餐，分别有4款包类同1款脆卷，各个套餐均配一杯香滑热奶茶，价钱都只系$22同$27不等，简直就系打工仔同学生哥嘅福音！其实KFC除咗炸鸡、烧鸡好食之外，薯饼都同样滋味！一大朝早如果唔想食咁多肉，都可以考虑呢个包餐㗎。香脆薯饼蛋包餐嘅面包松松软软，芝麻香气四溢，中间夹住香甜软滑嘅厚焗蛋同金黄酥脆嘅薯饼，涂上一层酸酸甜甜嘅蕃茄酱，多种食材带嚟丰富嘅层次感同多重口感，正！饮返啖锡兰红茶冲制嘅热奶茶，即刻醒神晒！咁平就食到咁高质咁、咁丰富嘅早餐，真系唔食就走宝啦！
继续阅读
呢间野真心难食，唔知系咪因为外卖，所以俾埋啲劲冻嘅家乡鸡，外卖都要俾钱㗎，可唔可以做得好啲呢，天水围有咁多间分店大家千祈唔好去呢间，都唔会食呀掉咗佢，好难食口呀真系
继续阅读
转到新店舖位置都已一段时间，都是前阵子才到访😍店内光线充足、够开扬😅比起旧店感觉舒服好多😏食品卖相及用料👌🏼但可惜等候取餐时间实在太长了，闲日早餐时段十点半下单，当时食客不多都等足15分钟才有餐🤨因等候时间失了预算，只好赶著吃，未能慢慢享受吧！喜爱此店脆薯饼及松饼都做得不错👍🏻真正做到外脆内软又新鲜🤤干身唔油腻🤭试过外卖返到屋企都仲系脆嘅👏🏼唔会因为热哄哄有蒸气而淋晒，脆鸡都系👍🏻值得一赞...佢哋啲炸物系处理得几好💯💢💫唔会因为外卖食物放凉了而影响品质👍🏻非常厚切嘅餐肉＋滑蛋🍔😍滑蛋👌🏼大大件🤤略嫌餐肉比较咸😪奶茶都够茶味☕👍🏻吃著都满意的😋其实都帮衬过好几次，无论堂食或外卖，即使不多客都要等好耐😑以快餐店服务形式来说，等十五分钟才可取餐算是太久了吧？莫非是收到下单后才即整呢？🤔若赶时间想速食就真系要碰踫运气了...😅下午茶都抵吃的😋至爱蜜糖烧鸡翼🤩好味道🤭不用多说了🤣
继续阅读
2件葡挞，等左我7个字，食物制造得快，不过冇人手去执单！等左劲耐都未有。成间铺头企满人系度等，冇下次，谂住贪快先食，点知2件挞都要等咁耐，好彩冇叫餐，唔系等成粒钟都未有！
继续阅读