影片
港铁铜锣湾站 E 出口, 步行约8分钟
继续阅读
电话号码
93171952
附加资料
只接受预订
营业时间
今日营业
12:00 - 14:00
18:00 - 23:00
星期一
18:00 - 22:00
星期二至四
12:00 - 14:00
18:00 - 22:00
星期五至六
12:00 - 14:00
18:00 - 23:00
星期日
全日休息
以上资料只供参考，请与餐厅确认详情
205 浏览
喺社交平台上睇到短片介绍大坑居酒屋「肥后屋」，片中嘅食物好似好得咁，周四晚屋企冇饭开，所以就约埋薯爷一同去探索一番！网上订座流程简易；用餐前有专人联络，确认人数、用餐日期及时间，并告知店子只收现金、开瓶费同必先预订菜式等详情。暗藏于横街内嘅小店门面唔系咁起眼，冇做定功课的话真系未必会揾到。一入门口就见到大大只字写出「禁止十八岁以下人仕饮酒」，莫非有好多人博懵？！用餐大堂一眼睇哂，室内空调充足，油烟味唔过份，餐桌地板都好干净，唯一正门同侧门𠮶几块落地玻璃窗劲多积，有洁癖嘅薯爷由埋位讲到第二日，摆明坚介意！墙上嘅黑板写满精选项目。推介酒品前方摆有菂薂嘅招财猫仔，佢地举起𠮶只手手彷佛正召唤着酒鬼们快啲饮多两杯咁，几栈鬼。一页饮品牌日英对照，简单易明。深觉开瓶费设为$80/樽实在抵玩，所以就带咗樽新买嘅「神藏 祝米 纯米大吟酿」孝敬长辈。点知未食到一半已经饮哂成枝，结果就加多樽哥哥仔推介嘅有机「奥丹波 纯米吟酿」（$602/樽）。底面两边嘅餐牌同样中英对照，款式都几多。每位席上都摆有自用嘅餐具。和风沙律（$52）加牛油果（+$14）加温泉蛋（+$14）：沙律嘅菜菜新鲜爽脆，另加嘅牛油果量足柔滑，清新可口。柚子汁烧蛏子（$72/只）：已预先切开嘅蛏子厚肉得黎都好爽，无奈即使用咗柚子汁去调味都仍有阵阵腥味。汁烧鲍鱼（$58/只）：两只鲍鱼同样预先一开二，明显大厨知道四人系叫黎分嘅，实在细心！鲍鱼Q弹惹味，送酒一流！汁烧扇贝（$66/只）：汁烧𠮶件扇贝厚肉得黎偏韧同实。牛油扇贝（$66/只）：反而用牛油煮𠮶件食落爽润啲。鸡皮（$24/串）：鸡皮串烧够干身，可惜韧皮得滞唔够脆。洋葱牛肉卷（$36/串）：卷物个馅就爽，败笔在于出面件牛肉唔够肥又冇乜肉汁。五花腩（$34/串）：厚厚嘅五花腩瘦肉过多，脂肪少，又嚡又干，不吃也罢！虎虾配柚子盐（$56/只）：橙白纹理鲜明嘅虎虾爽甜脆口，轻轻点上柚子盐即有效提升鲜香，尤其醒神。鸡软骨（$24/串）：油份过高嘅鸡软骨带有一阵膻味，真心食唔过！清酒煮蚬（$58/碗）：细佬食到蚬有沙，个清酒汤汁仲有啲苦，完全唔掂当呀！鸡肉软骨棒（$36/串）：棒棒中嘅免治鸡肉十分软嫩，混入咗鸡软骨成功令口感加咗份脆卜卜，浸入蛋黄浆后即倍添香滑，！鸡肾（$32/串）：鸡肾粒粒虽则唔干，但就韧到老人家话有渣（估计其实系佢自己牙力唔够所致）。鸡翼（$32/串）：鸡翼一串有两件，皮层尚算香脆，个人只系略嫌佢唔够肥。牛舌（$38/串）：厚薄适中嘅牛脷熟到挛哂，所以都估到佢韧，不过最令人反感嘅系个胡椒味太劲，食第一啖已经打哂乞嗤，真系唔讲得笑啰！黄芥末籽肉眼（$42/串）：平心而论，烧至两三成熟嘅黄芥末籽肉眼系咁多款牛肉中最松润多汁嘅一串，只系个芥辣味盖过哂应有嘅牛肉味。堕落午餐肉（$28/串）：劲多食评推介嘅午餐肉切得够厚，烧焦咗嘅外皮好香口，入面则保持软嫩嘅质感，黏上之前鸡肉软骨棒剩余嘅蛋黄浆先系神来之笔呀！粟米（$24/串）：鲜黄亮丽嘅粟米爽甜多汁，感激厨房帮忙一开四。炸鸡皮饺子（$48/客）：即叫即炸嘅鸡皮饺子够哂热辣辣，皮层脆就够脆，不过就好油，好在配上柚子味秘汁可一解腻感，加上馅心幼嫩，都算勉强合格嘅。猪肉紫苏梅酱卷（$34/串）：意外地，猪肉卷冇牛肉卷咁嚡同干，散发出嘅紫苏香甚为芬芳淡雅。安格斯肉眼（$40/串）：烧到黑哂㶶哂嘅肉眼咬落韧之余，个胡椒味实在太强啦！七里香（$34/串）：XO仔食过唔少鸡尾，记忆中真系冇食过如此唔爽又冇弹性嘅㶶鸡尾，俗啲讲句，似系鸡界嘅老pat pat㖞！冷荞麦面（$38）：哥哥好少评论，𠮶晚只系讲咗句话啲荞麦面太腍。芝士年糕（$24/件）：芝士年糕外脆心拉芝，轻盈不溜滞。香蕉朱古力（$38）：甜品炸到好似福袋咁，卖相都几得意，个香蕉朱古力馅都好润甜，但系个袋皮偏厚同油，如果可以做到好似芝士年糕个皮咁干脆咁就完全唔同哂啦！铜锣湾居酒屋「肥后屋」隐蔽不起眼，两位年轻嘅服务生（Elvis哥哥同阿铭哥哥）同样温婉有耐性，且专业有效率。虽然厨房上𩠌速度控制得好好，最大嘅问题系食物质素极为参差，重口味嘅菜式疑似用上太多味之素，四人饭后都劲口渴（一滴酒都冇饮嘅哥哥都唔例外），搞到两位长辈凌晨要食安眠药先瞓得著，好难反转头啰！
继续阅读
系社交平台见到多䓤饭果条片吸引而来个饭好香牛油味好好食另外d 串烧都好出色芝士烟肉蛋串系我好钟意嘅食物组合除左食物质素最抵赞就系全部店员都好有礼貌好helpful虽然全部都系男店员但大家都好轻声细语服务态度一流提提大家间舖只收现金记著准备定先去
继续阅读
位于铜锣湾相对宁静嘅小巷，行过门口都唔容易发现呢间舖头。今日食咗日式嘅午餐拣咗三款𩠌，当中有唔少素食选择。舖头装修系日式和风简约，播住一啲日式嘅复古音乐。叫咗三款𩠌包括牛肉卷，炸秋葵以及蕃茄奶油鸡。份量唔少，摆盘亦都精致。味道唔错，但奶油鸡就可以滑啲。总括嚟讲$88，喺铜锣湾区嘅日式餐厅嚟讲的确系一个唔错嘅选择会推荐朋友嚟试吓。尤其是系素食嘅朋友，有菜式好多选择。
继续阅读
Very delightful dishes at very reasonable price! But you’ll have to come early - good foods take time to cook and they are sold out fast!We sat down around 1330 and 2 of the 7 choices are already sold out. We received our food around 1345. The owner was very generous and offered to serve more rice for free! Hearing her chatting with other customers, sounds like most are returning customers. Will definitely try out their dinner some other time.
继续阅读
今日嚟肥后屋食午餐，大约十二点半左右唔洗等位小店环境唔错，四人枱嘅座位系木枱櫈，都坐得舒服，其他二人枱就系椅背櫈，入座后店员送上清水我要咗1、4、8配饭追加都吸引，不过食咗先再决定，怕食唔哂左边）明太子鸡棒～鸡棒有咬口㗎㖞，我估有鸡软骨配埋明太子酱好味中间）日式杂菌薯蓉～薯蓉唔系蓉哂有颗粒薯仔可以夹嚟食右边）照烧豆腐方块～用紫菜包住豆腐切片再煎香，呢个淡味啲因为有薯容加碗饭已经好饱下次想试吓佢哋串烧、烧饭团🍙同其他食物
继续阅读