肥媽屋

$105两个各5𩠌嘅捞面，加一杯柠檬茶，其实都冇乜挑剔！肥妈屋位置喺香车街街市熟食市场，如果天气热嘅话就真系唔建议食，凉凉地嘅时候都可以试吓！本身都谂住熟食市场环境麻麻哋，想像中干净，至少见唔到曱甴😂 地下都系干爽😂出去姐姐点送落单，再揾位，然后姐姐就会认得你送到去你张枱度！其中一个叫咗通菜、墨丸、猪大肠、冬菇、鱿鱼，通常出边多送份粮就会少，呢样嘢值得赞，冬菇都有四旧！12点去到已经冇猪红，有啲失望！冬菇同猪大肠唔错 👍🏻本身以为有辣汁，不过佢系冇嘅，可以要求佢加啲咖喱汁同埋枱头有辣椒油，另外枱头都有一支豉油，似乎有少少调味同就咁平时豉油有啲唔同，不妨一试！…查看更多

都唔系第一次嚟「香车街街市」上面嘅熟食中心食嘢架喇，上次食完「祥记」，老婆就话带我试「肥妈屋 」，话啲车仔面平靓正，加上呢度好平民嘅熟食中心环境，好有地道风情。故此，趁今日出嚟荃湾睇早场，顺道食晏、入货一take过。 佢嘅铺位啱啱晌其中一边嘅入口，感觉会比较通爽，无晌里面嘅米线铺、茶记咁局促。环境一眼睇晒，够地道，折枱胶椅，嚟帮衬嘅大多数都喺晌附近嘅街坊或打工仔。 一大张横额就列晒所有食物、饮品，最低消费只喺$15，绝对喺极相宜。呢度出名喺佢啲捞面，所以，目标一早就放晌捞面度，而是今时菜就贴晌灶枱旁，是日有通菜、菜心同生菜。 枱上已放有好几款调味料，如酸醋、豉油、辣酱，当然，仲有匙羹、筷子。  冬菇萝卜通菜汤米粉 $26老婆想食清淡少少，所以拣汤米粉，而𩠌料亦都喺拣晒啲素菜类，不过，佢话虽然喺素菜，但分量好足，好似啲冬菇就有成4大只，好有菇香，萝卜入口亦嫩滑无渣，通菜唔会好老，够爽脆，真喺性价比高。 猪皮咖哩鱼蛋鱼片头捞粗面 $24拣捞面嘅话，会用啲怀旧铁碟嚟装，够晒风味，同样都喺份量十足，4大粒咖哩鱼蛋，3大件鱼片头，仲有好多猪皮，啲咖哩都几辣吓，但好滋味；无论鱼蛋还是鱼片头，都算几爽口，捞面就梗喺拣粗面啦，淋上自家制捞面酱汁，非常惹味。 自家制五花茶 $8拎到上枱，我老婆以为喺可乐，唔饮，我话喺五花茶嚟架，哈哈！啲五花茶煲得唔错，甜度啱啱好，又够冻，啱晒用嚟解吓辣，又可以清吓热，一举两得。 呢度可以食得好经济，亦可以食得豪少少，而店家真喺大方，𩠌料比出面嘅车仔面档定价平，份量多，真喺好多人嘅粮尾救星。…查看更多

🐽猪红猪皮鱼蛋鸡翼尖捞粗 $28传统车仔面嘅味道，自家制嘅捞面酱汁，鸡翼尖卤得好入味，猪红非常新鲜，大大粒鱼蛋，每个𩠌嘅份量都多，一啲都唔孤寒。虽然系熟食市场入面，但环境都算干净，四𩠌一面平靓正，性价比极高，粮尾之选。🐽冬菇通菜鱼蛋酿豆卜汤米粉 $34钟意食浓味嘅可以选择捞面，而钟意食清淡啲嘅可以选择汤面。蚝油冬菇腌得好入味，大大粒好有口感。酿豆卜个馅就用左鱼肉打成胶酿系豆卜上面，唔腥，而且索左啲蚝油冬菇汁，好juice。无论系汤面定系捞面，食完都唔会觉得口渴。…查看更多

嚟香车街多数都系食米线食到闷当日平日十二点正到完全无人 出名捞面就食捞面啦鱿鱼 猪肠 萝卜 捞粗 加咗啲沙嗲汁系面味道就不过不失 份量略少朋友推介必饮自家制五花茶系好饮㖞 上面食完特登过嚟买嚟饮都好…查看更多

听朋友讲e间车仔面ok,又可以转捞面去开果头所以决定去试一试。。不过上去都有d烦，上去要scan街市个安心，去到铺头又要scsn多次地方就传统大排档feel,得几张枱。。。夏天我应该食唔到自己落order叫野食，叫个捞油面，鸡翼尖，猪肠，红肠等等。女朋友都系油面捞，冬菇，豆腐卜，等好快上枱，个碟都好怀旧 不过分量比较少唔系好够😅味道好一般。。。个面林到唔知食紧乜。。唔难食嘅。。不过真系冇特别一般中嘅一般不过个冬菇，豆腐卜系ok ge但系就真系剩系得依两样嘢OK所以之后都唔会再食…查看更多