肥姐小食店

营业中

休息中

每次放學放晏左都一定去食架！初初都覺得點解會有咁多人排隊有冇咁誇張阿。點之一試就返唔到轉頭！放學食野既首選！！！我必揀既係腎同豬潤腎：勁正，爽口，其實食一串唔多夠喉。豬潤：超淋，食落超粉，超超超超超超好食！５蚊串抵到爛！未係其它地方食過咁平又勁好味既鹵味阿！抵贊！！

次次行過都想買黎食，唔想食咁多熱氣街邊野，呢個係好好既選擇！！有幾樣一定叫...1. 生腸 - 凍凍地好爽，有大生腸 $10 / 細生腸 $5，大生腸粗d夾d，不過要$10串，咁叫2串細食得滿足d2. 墨魚 - 夠新鮮3. 腎 - 好腍，都唔錯4. 豬耳 - $5好大串，食完好滿足，不過無生腸/墨魚咁出色5. 紅腸 - 飽肚，但其他出色d落少少芥辣會醒胃d，不過會cover左原有味道，只係落少少甜醬已經足夠。大部份人都係叫呢幾種，但好似仲有其他... 如果門口有個list列出來就好，可以逐個試。

由肥媽年代食到依家肥姐年代，呢間小食店我十多年以來幫襯過無數次，直至最近先記得未影過相，真大意。其實我每次經過好景商場果頭，都總定有令人停下買一串嘅衝動。人氣愈來愈盛嘅肥姐，排返幾分鐘隊係必然嘅事，掃街都要排長龍，只因為兩個字：好味！大墨魚，大生腸同埋雞腎係我到來必食嘅至愛，雖然今夜只餘下大生腸，但亦無損我雅興，就要一串，盛惠十蚊。大生腸比平時常見嘅較粗身，加上醬汁令人流晒口水，食落爽口，亦無異味，加上店子夠乾淨，令多唔太中意掃街嘅朋友都可以重拾信心。如果要數香港最好味嘅街邊鹵水小食，我只有推介肥姐一家，別無他選。

街邊的魚蛋舖雖然款式琳瑯，向來興趣不大，偶然有次聽朋友的介紹，到旺角肥媽小食店，遠遠已見長長的人龍人氣甚高，好奇心加上為食作動力，探頭一看；有牛心肉，腎，墨魚，生腸，大生腸等等．．．．潮式小食．共點了不同的四串小食試試；最喜愛是大生腸，它比普通的生腸粗一半以上，整節生腸都爽口非常亦沒有常有異味，再加上滋味醬汁和黃芥辣是絕配！！現在變成了每到旺角必去掃一串大生腸，一解饞嘴的衝動！

每次都要排隊,一食就同以前推車仔一個玻璃箱的感覺!!如果開門開早D比較好,食時一定要加芥醬,特別好味, 雞腎好正, 生腸good, 今次係朋友走去排隊買返來食,正

成日經過呢間小食店都見到很多人排隊,本人很少幫襯街邊檔但都忍不住要試過究竟買咗串生腸...................夠爽口冇異味,正魷魚鬚...............又係一絕,夠爽兼唔韌但以上一定要多甜及芥辣醬就絕配唔怪之得成日都有人排隊啦

以前好些時候，未踏上吹水食家之路時，經過親呢度，都唔會留意呢度有間「名店」。把心一橫，來旺角，去完奇趣就o黎篤串o野食well，要排隊。雖然好快，但無認真諗過篤串o野係要排隊的一串生腸一串豬潤。前者沒甚"押"味，很彈牙爽口，又肥美後者係想不到的結實，沒有豬潤麵時的苦味，唔覺自己食梗豬潤讚！

今日放左工去左報團….北京我來啦^^因為肚餓既關係….去左買d小食~係好凍既情況下….order左阿媽小食店入面4串野分別係… “由”魚”+豬大腸*2+鴨”神”“由”魚”有d 莓….唔好食~唔夠凍都係豬大腸好味d….xdd~~~好鐘意佢落埋d 甜將…鴨”神”,我唔食…不過我個fd 話唔錯!!!!同埋去個時…見到好多人排隊但都唔算等得耐…好快就有食有得拎走~~~不過永遠都唔明白~佢地點解唔可以係門口映相??同埋拎盒要比$2…環保之舉~支持呀^^

聽朋友講呢間野好好食，咁岩去旺角就試下買黎食先。晏晝４點左右去到，唔算好多人排隊，好快就有得食$5 一串買左兩串腎，一串生腸~生腸：好爽好滑，冇落醬都好好味！雞腎：好淋好夠味，齋點豉油都好正！

相信好多人行過間野都會好奇怪點解條龍可以咁長...長到去到人地d店舖前, 我以前都唔知,但自從食左一次肥姐後我終於都明白lu~~首先d野食新鮮~~可能因為清得快所以d野食保持到新鮮...同埋大生腸真係唔係度度有得食~~再加上肥姐整到d 街頭凍食清爽可口~好似生腸同腎咁 彈牙爽口得來唔會走左個味.. 講咁耐又係時候影相先!

細生腸平時食開大生腸, 但係一陣仲想去燒餅皇, 所以就要串細, 初初有D擔心細的會冇咁好食, 點知一樣咁正, 超爽口, 超新鮮, 配埋甜醬介辣, 哇!! 細的真係唔夠喉呀雞腎之前試過大受好評的墨魚, 但係妹子本人覺得只係一般, 今次轉戰雞腎, 結果都係一樣, 唔係話唔好食, 其實都好食同好新鮮, 不過冇生腸個種令人驚喜的感覺。

每次經過旺角都心思思想去肥媽食墨魚同腸~~雖然佢沒香味吸引食客，但總會有一大批食家等候~~有時仲會一大批咁打蛇餅tim~~今次就要等成5分鐘先有~~買左20蚊，俾我2分鐘ko~~味道仍然唔錯，可能多人排隊，來貨快，會新鮮同爽D~~最重要係佢個獨門醫汁加上(介未)簡直係正~~下次試下大墨魚先~~

通常都系排隊用耐左少少時間不過有時有條隊 但你未諗到食咩就輪到你叫野食所以我都淨揀我ge會食同唯一想食ge墨魚,生腸第一次食系友人帶我黎 果時佢怕我食呢d個肚會唔舒服食完第一次之後真系好似上左癮咁我唔鍾意食芥辣同甜醬 但一食肥姐就唔會去避個醬match到岩岩好, 個芥辣仲會好攻 好好味!!!不過一次唔可以食太多 自己食就食細ge 友人陪就食2串大ga la

平時經過MK也見很多人排隊..我也想試可惜不過通常趕時間見到隊伍太長而放棄,之前都已經食過,真的不錯. 今次番來再食,難得見到排隊既人唔算太多,馬上飛過去.今次食大型生腸同腎...一樣咁爽口一樣咁入味..買個陣聞到成堆花椒定唔知八角既味, 店內所有人都非常忙 2個門面 3-4個後勤. 係一間細店入面...點都好 呢間野我而家當佢係寶. 去旺角必食之選

上星期係旺角行街行到肚餓, 就同FD去左搵街邊小食食.經過有檔特別多人, 叫肥姐小食店, 就去左試下.依到大生腸同大墨魚, $10蚊一串, 其他的..竟然5$一串, 抵到爛~我同朋友就首先就叫左墨魚同生腸~先~爽口, 入味, 生腸整得乾乾淨淨, 加埋D醬, 正, 食過最好食既.之後見到紅腸, 再整多串, 加左甜醬同芥末, 好味~!!