肥姐小食店

营业中

休息中

樣樣出色、樣樣精彩！個人喜好是紅腸，這是情意結，沒理由！甜醬、介醬隨個人喜好添加或減少。每次去也排著長龍，不過效率快，不消一會就買到心頭食~~~由於人流去貨化，感覺上也比較新鮮、干淨。吃鹵味最重要是甚麼？鹵汁入味、材料干淨、食落無苦味~~~此家做到！沒甚麼可彈，小食首選，總比那些煎炸來得健康。

店外經常排長龍，但只需五分鐘左右便能柯打，墨魚、腎指令項目。墨魚同腎非常爽口，加上芥辢、甜醬、豉油，更能帶出滷水汁的美味。有點不解為何總是橙色的？？？？職員效率也其佳，店內還張貼不准拍照，Cool！

第一次写食评是日，复活节假期最后一日飞奔落黎香港睇下有无便货扫到旺角第一件事 肥姐小食来到，排左应该系15到17人度。速度肯定好快到我啦，要左一串小生肠、一串肾、两串墨鱼小生肠，第一旧咬落去，点解紧难食既。之后试下第二旧先。又好好味喔。肾，无咩感觉。可能系我唔钟意食。墨鱼，大爱啊。正到无法形容急得制唔记得影翻张靓照第一次写，简而乱。勿见怪勿见怪！下次出香港仲要去稳肥姐

四月二十四日 (星期日)近來與龜特別有緣老公仔月頭買了兩頭梅花龜,數天前又收到OR送的戲票,又是講龜的套戲不錯的,有說笑的,也有認真講環保問題的,頗有教育意義看完戲,我見有點餓,帶了老公仔"探"肥姐久違了,每次來到都是水泄不通的隔離賣牛什的其實也不差,但也相形見拙排了約十分鐘,點了大生腸和雞腎大生腸不用多說既新鮮,又爽口加少許黃芥辣一流雞腎原來也不錯很有咬口,又不腥我不太吃內臟也覺好味遇見了朋友也在排隊,在此說聲"識食"!

我排隊買了大腸、墨魚、豬心和雞腎，花了$40。不過先放好找回的金錢，才拿東西走，停了兩秒，便給收錢阿姐很兇的喊，「快走！」幫襯她們還要受氣，這是甚麽道理！？鹵水汁的確好味，但大腸不夠乾淨，仍有些怪味。

平日我是不會吃那些油炸的生腸墨魚類東西...但這檔咁多人話正,又因為它不熱氣又不油膩,所以個人覺得要去試下~大小墨魚,大小生腸,雞腎和豬心...生腸無味...要落多D甜醬先有味雖說$10一串那些較大串, 但我始終覺得吃$5一串那些較抵吃~ps:有少許不喜歡的地方, 是店員服務態度較差

最鍾意食街頭小食. 每次經過肥姐都忍唔住幫襯.佢D墨魚同大腸真係好新鮮好爽, 再配埋佢D芥末醬同豉油,嘩, 真係人間極品.今日叫左特大墨魚同大腸, 嘩, 咁大舊都係咁爽, 一D都唔UN, 正啊不過食完好似有D飽, 攪到食唔落正餐. 如果要搵港式小食, 呢個真係表表姐啊

人生第一次食肥姐，聽就聽得多，真係去食就第一次。朋友成日黎食，叫左個墨魚同雞腎，咁我就跟佢叫，叫左個雞腎。雞腎初時食落有D硬，但咬多幾下就開始爽，其實夾係爽同硬中間，個感覺好特別。但又唔係韌，感覺好好。味道又唔係好咸，個芥辣好好食，有芥辣味但唔太辣又唔太搶，同甜醬好夾，咦點解我好似講緊廢話咁既﹖朋友個墨魚我食左一舊，原來係冰既，不過好爽口，最怕d 野韌到咬唔開會牙軟既我好鍾意食。最估唔到係冰冰地，因為我舊雞腎無冰既感覺。如果再熱d 食應該好消暑。 價錢又抵，5蚊都有1串，又唔會咬到牙較軟，排隊又快，睇過之前有d食評話服務態度唔好，依家街邊小食好難搵到咁平又好食, 唔通你想好似高級酒店咁服侍你﹖有既你都驚啦~

呢閒店系香港都算出名咖~黎畿次去旺角玩我都去嘅,每次去都会食生腸，仲记得第一次食生腸系一种好surprise嘅感覺，居然系冻嘎，同埋食落去好脆，非常特别~肥姐生意好好，卖完就收档，共去佐五次有两次冇食到，想食都要趁早la。黎次都系买生腸，仲买佐墨鱼同鸡肾，最终都系覺得生肠特别，哈哈生肠墨鱼同鸡肾阿肥姐本人生意好好

早已聽聞很久，直至0個日先有機會試下，約晚上八時多，已經好多人排隊la，但係人流都去得好快，因為我係呢度見到大生腸同埋墨魚出名，加上我地係食完晚飯先黎，所以只係叫咗呢兩樣。兩樣我鐘意食墨魚多d ，因為加咗芥辣好對味，而且新鮮。大生腸反而唔好食，可能我唔慣掛(我本身唔鐘意食動物內臟)……

係openrice旺角，$40以下，第一名就係佢，所以今晚去買貓仔玩具之前，就去咗食先。紅腸：一般，同出面味道差不多豬腎：有口感，幾爽尤魚：加埋個醬，唔錯感覺佢地賣野好趕，兩個姐姐反應快，接住問下一個食乜，肥媽媽都有問，但係唔夠快。可以用多少少心，唔好趕住趕住，我會食得開心D

睇電視都有介紹過, 咁岩行過又無人排隊, 緊係試下啦點左 5 串紅腸, 生腸, 大腸, 豬心, 豬腎食品好香麻油味, 鋪面又好乾淨, 抵佢咁多好評!! 我鐘意芥辣, 但男朋友唔鐘意, 個姐姐仲好細心, 用2 張紙包, 將芥辣唧落下面個層

今日放工去了旺角家樂附近, 就諗起肥姐, 我真係細細個就開始食佢行到過去, 好彩唔會好長龍, 但都要等今日食左3樣野, 尤魚, 紅腸, 豬心加甜醬, 最正係豬心, 夠爽, 好味 紅腸就一般, 而尤魚就依然咁滑食左咁耐, 除左佢D汁好食之外, 仲好新鮮, 正! 我覺得旅遊書要介紹哩個旺角景點!

繼續都係掃街日。肥姐係我掃街favour既三甲。係旺角掃街，唔會走漏呢到。其實食生腸呢d野，對我黎講無異味係必要的，不過爽脆同鹵水就真係睇鋪頭，肥姐這方面做得唔錯。今日要生腸墨魚雞腎。生腸墨魚依然爽甜，無食雞腎，友人稱夠爽，應該也不錯。五蚊串，大串十蚊，抵食，繼續下一站。

「肥姐」一向是旺角區的人氣小食店，長年人龍不絕，只因為它的大生腸、大墨魚等小吃，確是新鮮美味，才能吸引那麼多人排隊幫襯。就好像這天，兩夫妻又來到旺角，老婆仔忽然想到「肥姐」處吃東西，於是特地來到這裡，叫來一串「大生腸」（$10）、 一串「大墨魚」（$10），再加一串「雞腎」（$5），就地在「肥姐」店前附近的空地大快朵頤一番。這裡的小食確是好味。冰凍的「大生腸」新鮮爽脆、「大墨魚」煙韌鮮甜、「雞腎」柔軟爽口，蘸上芥辣、甜醬、醬油同吃，每一啖都口感豐富，滋味十足。只不過是一檔普普通通的小食檔，卻能長年累月保持上佳的食物質素，難怪「肥姐」生意滔滔，財源廣進，它的成功可絕非僥倖呢！