影片
香港面档有售卖鸡脚🐔已买少见少，整得好吃的更少。联记是少有仍售卖鸡脚的面档。他的鸡脚唤起我儿时在荃湾一间已结业的面档的味道。点了一碗云吞鸡脚米粉$47，共有四只鸡脚三粒云吞，份量充足。鸡脚腌得相当入味，外皮软滑。如对怀旧面档有情意结，加上位置方便，绝对值得一试👍🏻。
继续阅读
我唔会再黎！！中伏！我见到menu上有牛腩面同牛筋面，我唔食牛筋，所以点咗牛腩面。点知上黎之后5旧肉入面有4旧系牛筋，得一旧牛腩。我问店员姐姐：我唔系叫牛腩面咩？我唔食牛筋㗎。佢话：我哋牛腩同牛筋一齐煮。我问佢：如果我系叫牛筋面呢？佢话：如果牛筋就全部都系牛筋。咁我又问佢：点解牛腩唔系全部牛腩？如果又有牛腩，又有牛筋，menu唔系应该写牛筋腩？佢话我可以俾我老公食😨😨我完全唔想同佢再讲落去，所以写出黎俾唔钟意食牛筋嘅人唔好同我一样中伏😤😤
继续阅读
#联记面家 经常行过太子都会经过呢度，除咗系因为邻近直通巴士站，呢间舖头都好有历史。以前行过都会有好多人帮衬，可能系未够钟上车食碗面，不过早几日行过刚好吓唔算多有位，就谂住入去试下。考虑紧食炸酱面定云吞面，原来佢炸酱只有捞面，即系贵啲大份啲，因为本身已经食咗嘢，所以只系叫咗碗云吞面，$35。汤底唔错，够热，有少少大地鱼汤味，面做得唔错，时间刚好唔会淋晒，亦都冇乜碱水味。云吞有四粒够精致，细细粒够饱满，虾肉新鲜爽口，相当唔错。能够屹立咁多年总有理由，出品系几好，价钱都合理。联记面家太子砵兰街364A号地舖
继续阅读
街坊粉面店一向都唔会谂卫生问题～圆凳最基本～坐就一定唔会舒服㗎啦～不过胜在有怀旧嘅色彩～味道比较正宗叫咗牛根汤河、猪手捞面～牛根河都有好多～河粉份量唔算多～不过牛根有五大嚿～又淋又入味唔错秘制猪手捞面～有四大嚿猪手～虽然冇乜肉～但系D皮好入味～秘制酱汁配捞面好好味～唔会一阵碱水味～唔干唔硬～配一碗云吞汤底嘅汤～比较咸员工洗手间比较臭～间舖都闻到～如果唔谂卫生问题～叫完嘢食好快整好～D客来来回回食完就走
继续阅读
咁多年都系咁好食 最爱鸡脚河粉 超级好味一定要加辣椒油 以前好辣 依家好似无以前咁辣距个云吞都超好食 皮又好薄 劲足料 真系招牌而且入面d人服务态度又好好 就算讲普通话都唔会歧视人地👍🏻真系好难得 好少见希望长做长有
继续阅读