影片
以上资料只供参考，请与餐厅确认详情
食家推介
见朋友在社交媒体网站上推介椰汁红豆冰，咁啱我去𠮶头，就同朋友去吃晚餐～椰汁红豆冰：最上面舖满椰汁沙冰，斋吃沙冰，淡淡的椰子味可以当清凉的甜品吃，杯中间是浓郁的椰汁，最底系放满大大粒红豆，当搅拌混和一起吃，满口是香浓的椰汁和红豆，加上椰汁沙冰口感，极力推介这个诚意之作👍❤！叫饭面或小菜，加$13就有椰汁红豆冰~ 雪茶肉丝炆米炒得爽又唔油腻👍！以前一向少叫茶记嘅粉面，因为多数炒得淋咗又油腻，但呢个我真心欣赏😍 若肚饿一点可以吃整碟！豆豉鲮鱼油麦菜，朋友想吃就试下，虽然有点油，但炒得有镬气，也真的很不错！🤝🏼店员招待也不错！
继续阅读
外卖自取，叫错咖啡做齐啡，比疑似老板娘既收银即西口西面话「谂清楚要咩」，比完钱收银再西声西气叫我「门口等」，未食先受饱气，呢间店老字号唔忧做都唔使态度恶劣到咁😤😠😡🤬。 娘女女
继续阅读
联兴茶餐厅 儿时一家大细帮衬的餐厅老豆 家姐 细路 连埋我 每日午餐晚餐时常食的饭堂大约30年前，小弟最刻骨铭心的事情！记得系一个中午堂食的时候，有一位食客带住只大狗光顾，儿时可能乱跑乱撞，不小心踩到狗尾！那只狗就狠狠地咬落小弟的屁股身上！结果打针打到喊，比老豆骂到死死下入返正题，小弟搬离慈云山已经廿几年，偶然于黄大仙上班的时候，必定会光顾各老餐厅！联兴茶餐厅 必定是我首选头10名之内的餐厅！印象中 联兴茶餐厅 所有出品都几好味20多年后，再次帮衬，仍能维持水准小弟当晚叫左个晚餐1 黑椒茄子牛仔骨跟1碗饭 1碗汤 ！ 另加8蚊要多杯热奶茶！等左大约25分钟，赶时间的食客就未必接受到！在等侯这25分钟期间，餐厅老板娘仲系度，餐厅格局冇任何变化，依然是20多年前的布局！除左对出休憩处外，附近好多野都改变哂，就连一条马路之隔的餐厅也转手了，我的出生地，文华发型屋已经起左一座新楼...！时间真系过得好快先评论 黑椒茄子牛仔骨12旧 茄子 ， 8旧牛仔骨，洋葱，黄椒，红椒及蒜头！ 就材料及味道而言，确实系唔错！缺点就系 比较油， 同埋 茄子既size 旧旧都唔同款，三角形，正方形，长方形同梯形！是否联兴茶餐厅的特色？ 但咁样搞法，细旧既茄子系好淋，但大旧既茄子仲有少少硬身再评论 饭 及 汤饭太小了，碗又细，装满成个盒！ 有饭香，但拎黎送小菜份量真系唔够食！汤又系太小，碗又大！ 半碗汤，却咁大个盒唔知餐厅出错的玩野，但整体汤既味道都可以接受，唔系太多味精！ 若然饭碗同汤碗两者掉转便完美！最后 热奶茶送得一包糖，落哂都系苦... 奶味欠奉，茶味太突出..总之唔浪费8蚊加饮品，去下面士多买乌龙茶比较好食完成餐，仲未饱...皆因饭真系太小，88蚊对我来说就太贵，不会再光顾晚市！ 但味道确实几好味
继续阅读
喺附近住咗十几年到今晚先第一次帮衬佢，本来想食羊腩煲，但担心中伏一濑嘢就跌几旧水都系试吓佢哋啲小菜先。两大一细点咗三个小菜，面酱鸡煲，茄子斑腩，生炒骨，每款$68-70，跟白饭同中汤。（个汤系青红萝卜煲猪骨，唔觉有味精味，掂，例汤嚟讲已经系交足功课。）头𠮶两样𩠌都系中上水准，肯定肯定比果啲连锁店例如道腥，绵仙好食，大加落大块壳就更加唔使讲。今晚亮点系碟生炒骨，大大碟成坐山咁高端上枱，大家自己睇相，大大旧而且系肉厚，咬落去软熟有肉汁，而家坊间好多都系骨肉比例系3:1 而我呢碟系1:2。 粉薄而脆而又仲系黐住旧肉，有啲食肆做到成粒胀卜卜，层脆浆炸到有啲离肉我个人觉得有啲离题唔正宗。味道方面甜酸适中，个汁唔会太稠，菠萝同三色椒又够多。谂起有啲舖搞花神将啲生炒骨放落啲冰度，又话收你两旧水……另外，呢间铺啲招呼好亲切，伙记同事头婆又有礼貌，初头行入去有啲麻甩嘅感觉，估佢唔到又几斯文，问佢要三杯水仲问我要热定暖添。短期内一定会再去，试佢嘅羊腩煲！I love 小店。
继续阅读
是晚探险黎到从来未黎过嘅地区揾食，事前揾定几间目标，兜左个圈之后最后黎到联兴，见到门口坐住2枱熟客食饭煲烟吹水，再加上望入去铺头亦有几枱客，顿时信心大增，俾店员姐姐叫多两叫就入左去。先睇当晚"特价晚餐"menu，同大部分茶记通常得5,6款选择唔同，依度有成12款，真系叫我依D选择困难症患者情何以堪，再望埋main menu，救命，人都癫，谂左10分钟，肉食者如我喺"蒜蓉一字骨"同"大马站煲"同"金银蒜蒸斑片"三者之间徘徊，因为大马站煲真系好耐冇食过，而且又好少地方有得食，所以真系tough call，最后都系拣左"蒜蓉一字骨"。而我依种麻烦食客连落大排档食咸蛋蒸肉饼都要转炒底嘅当然冇咁易收口，再问埋姐姐"特价晚餐"有冇得加钱转炒底，佢同师傅商量一轮之后可以加10蚊转炒底，正~!!! 识食一定系食炒底先黎例汤，无甚特别所以不多讲一字骨比炒饭更早上枱，卖相不俗，热辣辣，炸蒜唔系用现成炸好嘅蒜蓉而系即场走油炸起嘅，够香够浓。一字骨食落干身，由于冇上粉炸所以唔会特别脆都合理，唔合理嘅地方系成碟一字骨可以做到肉质嫰滑，食起黎骨肉轻易分离，依家谂起都流口水。炒饭一上枱我就已经心谂，下，咁大碗嘅，大家睇下个比例，个炒饭底完全系大汤碗嘅size，仲要装满成大半碗，我谂换算为平时屋企食饭碗应该起码有4碗，食咁多，我仲点减肥，减左十几年都轻唔到......但个炒饭粒粒分明，新鲜滚热辣，再捞埋个一字骨嘅炸蒜..........完喇，肥仔又一次推迟减肥计划，食饱先有力减肥总结: 理智话俾我听我唔应该再黎依间联兴食野，份量又大，又唔贵又好食，再加上依种老铺嘅人情味，完全系我依种佬嘅最爱。但我食紧嘅时候已经谂第日黎附近一定要再黎食......唉，点减肥
继续阅读