影片
虽然位于「荃湾」，接近「柴湾角街」跟「海盛路」之间的熟食市场中心「柴湾角熟食市场」，位置不是在「荃湾」港铁站旁边，而且距离「荃湾西站」也有一段距离，离开「荃湾西站」后需要沿海傍步行一段长距离才能到达。「柴湾角熟食市场」里面有一间饭店「联发福食饭店」，「联发」虽然有提供平民价钱的自助午餐，虽然「柴湾角熟食市场」跟「荃湾西」距离不远，但是跟「西贡」之间，实在有太遥不可及的距离。所以要我在中午，千里迢迢从「西贡」前往「荃湾西」光顾「联发福食饭店」，享用平价的「自助午餐」难度实在太大，所以我不敢享用「联发」的平价自助午餐，把平价自助午餐留给真正有需要的人好过。相反在晚餐时间光顾「联发福食饭店」，享用一般晚餐食品反而未尝不可。于是我在六时左右光顾，点了两碟碟头饭当作晚餐，包括「萝卜牛腩饭」跟「味菜鸡柳饭」，其实我想食「鸡扒」，可惜店主告诉我「鸡扒」售罄。其实「味菜鸡柳饭」里面也有很多「鸡肉」，只是「鸡柳」实际份量不及「鸡扒」那么多而已。结果味道甜甜酸酸的「味菜」实际制成品份量，一时间看来比「鸡柳」实际份量来得更多，单独享用「味菜」口感感觉会有点单调。所以「味菜」本身除了味道偏向酸酸甜甜之外，而且「味菜」的实际质感感觉偏向外硬内软，酸甜味道兼且口感不太腍的「味菜」，比较适合配「鸡柳」跟「白饭」一起享用。至于「联发福食饭店」晚餐另一款食品「萝卜牛腩饭」本身酱汁味道比「味菜鸡柳饭」淡薄得多，「联发福食饭店」的「牛腩」，属于被预先慢煮炆熟备用的货色，有客人柯打后才放进炉头的镬里面加热煮，煮完才淋在白饭上面。由于「牛腩」本身已经被「联发福食饭店」预先慢煮煮熟，本来即时享用口感会是最腍，但是「牛腩」随著时间熟成，加上需要把「牛腩」加热煮成「萝卜牛腩饭」，所以「牛腩」实际口感在所难免地变得有少许硬。但是「联发福食饭店」晚市即使没有提供自助餐，餐牌价目表里面也没有为晚餐碟头饭透露实际价钱，但是这样也没有令「联发福食饭店」晚餐时间的碟头饭食品实际售价变得太过昂贵。因为我享用完晚餐，结账时发现晚餐两碟饭没有包含饮品，加起上来的总价钱也都需要港币九十元而已，性价比算是偏高了。但是我享用晚餐期间，店主把场内电视打开，电视播放新闻报导，所以我食完晚饭，立刻赶紧结账，尽快离开熟食市场返回港铁站。
继续阅读
位于荃湾柴湾角街及海盛路交界嘅柴湾角街熟食市场，场内嘅联发饭店推出$40元嘅自助午餐，所有小菜、白粥、白饭、例汤，全部都系任饮任食，而且更不限时间，店内更设有冷气房可供食客用餐，冷气房内更设有电视及电风扇，冷气房比较卫生D。自助午餐设有30多款小菜可供食客选择，小菜款式更会作出不定时更新，惠顾自助午餐＋$4元更可配上冰冻罐装可乐(可选冰底)，小菜款式有椒盐猪扒、白切鸡肶、麻婆豆腐、西芹鸡柳、卤水猪头肉、红肠、卤水鸡全翼、炆腩肉、豉汁蒸鱼、炆冬菇、咸菜猪肚、凉瓜炒鸡杂等，未能尽录，如果唔太介意卫生环境嘅话，可以嚟一试无妨
继续阅读
今次已经系第二次嚟食嘢，虽然佢个位置唔算就脚，不过佢嘅质素唔错而且价钱真系非常之抵食！ 今次一行十人系食海鲜餐当然要同老板深哥订定枱叹住冷气咁食 一坐低先食三个头盘卤水墨鱼 佢嘅卤水野都好食，点埋芥辣同埋辣椒酱食更加正炸大肠 呢个送啤酒系一流仲有呢一个椒盐炸菇真系不得不提，去到系必食嘅，我觉得佢嘅好味程度系拍得住新鲜嘅椒盐鲜鱿，再点埋喼汁食，佢入面嘅菇又唔会炸到好干 佐油小食首选冰镇鲍鱼 只只嘅size都唔细，而且佢处理得好干净 新鲜美味椒盐赖尿虾 一睇张相同筷子对比就知佢有几大只蒜蓉蒸大蚬油盐水沙白酱油大虾麻辣花螺清蒸红油班羊腩煲 呢个羊腩煲又系好正，老深哥亲自拣羊返黎整嘅，一嚟到佢嘅半膻味非常浓，但食落一d都唔觉，点埋腐乳 秋冬必食其实仲有一个姜葱炒蟹但系唔记得咗影相呢度食嘢真系好抵，如果比呢个价钱食到咁多样海鲜而且咁嘅质素系非常非常值
继续阅读
麻将需少，但五藏区存，地方需然唔系咁靓，但海鲜一流价钱合理，要咩海鲜都有，推介椒盐手臂赖尿虾，冰镇鲍鱼，蒸大扇贝，冻蟹，蒸大蛏子！椒盐茶树菇，炸大肠，墨鱼饼！冬天可以食羊腩煲！打边炉！肥牛、手切牛真系无得顶！仲要有冷气位坐，不过一定要订位如果唔系要坐出面会好热，冬天还可以！仲有好多好多菜式不能尽录！只要你谂得度嘅海鲜都司以预早订定，已经多次幇衬，仍然保持良好水准，老板叫深哥，有求必应想食乜野有乜野!
继续阅读
工作到深夜，大家都未食饭，最后同事带我哋到呢度食晚饭，附近可以泊车，去到一个残旧冬菇亭，讲真环境一般，有啲猫叔味，大圆枱有木转盘，枱面都有啲黏，有室内冷气房，比较光猛，我哋方便睇车无入去！好快落单！见住开放式厨房厨师煎炒煮炸！咸香花生：新鲜无溢味！落盐粒好好味！例汤：够热老火汤，下火土鱿莲藕汤香煎墨鱼饼：煎得外脆入面弹牙，点埋啲泰式酱仲正！西柠鸡：鸡肉炸浆太多，虽然脆但食唔出鸡味，西柠酱酸酸甜甜，杰身挂鸡能力唔错！好味！椒盐炸菇：第一次食炸菇，炸浆唔厚，菇大条炸完唔干，食落微脆烟韧，点少少喼汁已经好好味！粟米班块：班块唔干，淋咗粟米汁微脆，粟米落得多，香甜好味！小炒王：西芹爽脆，虾肉同鱿鱼都新鲜，虾爽口，鱿鱼有咬口！腰果爽脆！好味！芥兰炒牛肉：牛肉嫩口味浓，芥兰爽脆！好味！豆豉鲮鱼炒油墨菜：油墨菜嫩绿爽脆，豆豉鲮鱼咸香！好味可乐：支装汽水够汽！白饭：太湿，太碎！唔好味食物够镬气，味道唔错，而且份量几大！店员好好笑容，大家食得尽兴！虽然环境一般，食物唔错！厕所要去附近嘅公厕！
继续阅读