影片
【黄大仙区】【聚华冰室】又到黄大仙区嘅时间，不过可能会令各位黄大仙友失望嘅就系我又系讲新蒲岗。毕竟黄大仙真心难做，我之前喺 1am0910 写过和气食堂，系私底下好几个朋友走嚟同我讨论间嘢，可见黄大仙嘅朋友都非常重视食物质素。不过今次又系写新蒲岗，个回响就应该冇咁大嘅。呢边确实系好多选择，可以话系丰俭由人。我作为茶餐厅 Foodie，就走嚟一间呢啲新派嘅冰室食吓嘢。先食个常餐，主食系「金牌沙嗲牛肉出前一丁」，碗嘢水准都几一般吓。配菜方面有「火腿炒蛋」同「蒜蓉厚多士」，前者只蛋都炒得 okay，啲火腿就正常，后者就略嫌淡味咗些少。嘢饮系饮「冻奶茶」，可能影响到价钱，畀咗 $51 嘅。不过就咁样我又边会满足，就叫多份「精选下午茶餐」啦。拣嘅时候都未见到，到最后一吓临叫嘢食之前先见到有「特色虾多士」，咁梗系叫吓佢，唔系度度有嘅嘢。本身佢系配沙律嘅，我问吓可唔可以转配薯条，侍应话可以㖞，就转薯条啦。饮埋「冻华田」，呢份价钱系 $43 嘅。个虾多士好似西多士咁整，面包夹住块炸虾饼拎去炸，同我想像中嘅虾多士好似有些许落差，味道上正正常常，啲薯条都系。咁样夹埋食咗 $94，其实唔系好似我咁癫食两个餐又唔使食到咁贵嘅，一般顾客都系食碟饭就走嘅。。。（地址：新蒲岗景福街83-97号昌泰大楼地下1号舖）#1amfoodie #foodie #hkfoodie #thatfoodiething #hkfood #food #instafood #globaleats #tastyfood #foodpics #followforfollowback #love #eat #1am黄大仙区 #钻石山 #启德 #新蒲岗 #聚华冰室 #常餐 #金牌沙嗲牛肉出前一丁 #火腿炒蛋 #蒜蓉厚多士 #下午茶 #虾多士 #薯条 #1am0994 #1ambackup
继续阅读
食过咁多间餐厅嘅蛋治，呢次外卖嘅蛋治蛋嘅份太少。下次同事话再叫呢间餐厅，我唔会再叫三文治。好失望。希望店方好好改善下。偷工减料得好离谱。正常蛋嘅份量都无。失望失望。
继续阅读
当坊间茶餐厅的出品每况愈下，早餐闲闲地都三四十，食晏起码五十，两𩠌饭在经济不景下像雨后春笋般出现，证明一般市民对于相对廉价嘅饮食，仲系有一定嘅要求。代表着港式茶餐厅早餐icon嘅沙爹牛，在过去几年间亦好难揾到出色的味道，今日在聚华幸运地不需久候便入座，沙爹牛和面嘅融合(相比于湾仔春园街某老字号嘅预先渌起),聚华出品实在出色，并且尝到坊间沙爹久违但又不喧宾夺主嘅花生味。多士，煎蛋一般水准，系茶记应该有嘅基本质素。鸯走亦不失礼，综合以上更加觉得应该支持这街坊小店多于商场内某烧腊连锁旗下冰室。
继续阅读
有天在九龙塘搞工程之后，据称晚黑会到乐富有事干，因此就到了新蒲岗吃东西。看看有什么特别，我现想起了低俗频道西吱的美食家的推介，就是这间餐厅，于是看看餐牌，试试它的滑蛋以及炼奶脆猪据知这美食家表示这儿的蛋比起大角咀的牧牛冰室更加美味，于是我在下午茶时间毅然一试炒蛋都挺滑溜，不过没有比较之下，就不知道它的味道以及色水是不是比牧牛 冰室更为出色。沙嗲牛面都不算太过特别，至少面条来说不算格外出色，不过份量都够多，而且够爽口，虽然不太弹牙，不过份量够多；牛肉嘅份量不太少，虽然牛肉酱不算太热，不过都最少不属于放到非常冷冻的沙嗲酱。奶油脆猪的包包够大，切开一半之后，份量仍然非常大，毕竟它都是在常餐之外再加$8的；脆香，炼奶加添甜香，好吃茶味够浓香，不太涩口，茶味够厚身，相当不俗的。
继续阅读
搬咗黎新蒲岗都四年几，试过好多茶记，都仲系未揾到一间觉得满意嘅常餐，但就响今日俾我食到啦，仲要响楼下好近，点解我唔早啲试呢😭话说今日又系一个唔知食乜好嘅WFH中午，本身谂住唔用脑去mos算啦，去到聚华门口，见到系后生仔嗌人入去食啦，睇门口我一直以为呢间野啲楼面系啲好凶恶嘅大叔而唔敢行埋去，原来又唔系㖞，见到常餐第一个choice有奶油猪，就决定入去试吓。叫咗个常餐系蕃茄牛肉米、奶油猪、热奶茶。个蕃茄牛肉米唔讲得少呀，个汤唔系hea用茄膏，饮得出系有用蕃茄、红萝卜、西芹煲，仲有少少八角味，完全无味精，个面有几旧大大旧红萝卜，啲牛肉系放响碗底倒入热汤浸熟，系爽口个㖞（我觉得应该系有用松肉粉但应该唔多），米粉亦弹牙，总之成件事食味清新又够味，我成碗清晒饮埋个汤呀，已经好耐无试过会饮晒啲汤。个奶油猪更加不得了呀，圆果面系脆皮，平面系软，牛油系有心机咁搽到适量平均，练奶亦系淋到好均匀，咬落去入面系松软而湿润！而个奶茶系茶味奶味均衡无涩味！天呀！成个常餐天衣无缝，好好味呀~~~~~~~埋单系个有style嘅肥仔戴黑石耳环都几型。虽然个环境唔系靓仔同有啲逼，不过我一定会encore架！
继续阅读