聚興樓

营业中

休息中

店面比較似快餐店，睇完餐牌先知原來有唔少晚飯小菜選擇。第一次幫襯，試咗手撕雞、豬手、栗子炆鴨。我自己鍾意食手撕雞，呢間舖頭嘅出品完全達到要求；栗子炆鴨中規中矩啦；豬手就幾好，軟硬度適中，唔太淋唔黐牙，亦唔會太油膩。畀起同村其他食肆，呢間聚興樓絕對係唔錯嘅選擇！另外比較驚喜嘅係收銀姐姐好睇貼，佢見我哋三個人share兩碗飯竟然主動幫我哋加大，有客人冇帶銀包佢亦願意用自己微信收款再八達通幫客人畀錢，小店珍貴在於靈活同埋親切，呢間舖頭嘅姐姐就擁有小店特質，可以留住客人👍🏻。總括嚟講，呢間聚興樓嘅食物同服務都係值得我哋再三惠顧，好抵讚！

收工唔想煮飯於是去呢間手撕雞買外賣。雞肉嫩滑多汁，撕得啱啱好。調味簡單純粹，鹹香適中，帶少少辣，完全突出咗雞肉本身嘅鮮味，令人一啖接一啖，食到停唔到口。價錢親民，份量十足，絕對係性價比超高嘅美食！如果你鍾意簡單純粹嘅味道，呢間手撕雞絕對係你嘅不二之選！

去到門口見未關門諗住睇下有咩食 睇左兩至三個字 當我想叫既時候個收錢就同我講淨係可以比現錢 咁好喇 問佢點解既唔係有八達通咩 佢就話「我埋左數喇」我問佢 下？埋左數就唔可以用八達通㗎喇？ 佢話「係呀」 …。🙄其實埋左數姐係折左單要關門㗎喇 又唔一早講比我慢慢睇食乜想買既時候先講只可以比現錢唔比用八達通

諗住試下新野 見價錢幾合理就叫左個外賣，點左4份野食點知發現全部份量都好少，完全唔夠飽叫左個咖喱牛腩飯，汁雖然算多但啲牛腩少到得個2塊，而且仲好細塊...不過值得一讚係飲品方面還好，幾大杯亦唔會太甜👍🏻

本人唔係住順利邨，不過約一年前初次入來練下波，宜家都偶然過來的 (可以估下我係打咩波的) 🎱🎾🏐 通常下午練完都會來呢度食午飯。今次就係第一次夜晚練波，想食得平小小，上來順利商場就搵到來呢聚興樓。呢間座位唔多，坐到月約20個人，晚上都好多街坊買外賣飯餸(特式口味手撕雞，梅菜扣肉，纜角骨等)翻屋企加飯，咁就食一晚抵食有口福嘅“輕鬆飯”今晚一個人，點咗份$30咖哩牛腩飯(亦可以選擇印尼撈麵)，加$8晚餐配杯冬瓜冰茶，加埋都唔洗$40，算係抵食啦～份咖哩開頭望落都幾多油，有啲紅色嘅辣油。牛腩有肉有筋，肉質嫩滑有牛味。咖哩有薯仔，洋蔥，同港式咖哩咸香風味，仲索埋啲牛腩嘅味道！ 😋😋😋杯飲品同出面飲嘅冬瓜茶幾標準，糖度適中，有冬瓜茶獨特嘅甜香，杯底有椰果肉嚼下，喜歡飲冬瓜茶的話會回味的～😜想滿足得到港式飯加台式飲品就過來呢到，$40有找食份飯吧～😋😊😉

唔覺唔覺聚興樓陸續進駐屋邨商場,  店舖細細擺一張長枱就可以俾食客$29平食手撕雞或其他餸，配以飯或撈麵.   對於而家喺茶餐廳、快餐店閒閒地都$40黎講, 雖然聚興樓嘅經濟餐份量相對較少, 但對於胃口細嘅食客嚟講, 我覺得唔錯喎, 起碼唔會浪費, 而且又俾大眾多個經濟啲嘅選擇!講返今次個推介先, 對於麻辣粉絲嚟講, 係唔會唔鍾意手撕雞! 呢間嘅 麻辣手撕雞 ($48/半隻) 真心正,  灑上大量芝麻喺面, 辣度適中。最重要係足料㗎, 唔會話有太多骨、雞皮同翼位.  我曾經喺街市自己經營嘅小店買過手撕雞, 價錢都係差唔多, 但就夾雜唔少骨同翼位.  所以今晚想加餸?? 不妨試試聚興樓嘅麻辣手撕雞!!