聚聚 (已結業)

聚聚 Gathering (屯門)屯門屯順街1號屯門市廣場2期1樓39-42大年初五，一切回復正常，今日揀咗屯門新開唔夠兩個月嘅聚聚同屋企人食餐好。裝修非常光猛舒服，座位寬敞。食飯時間人山人海，要排隊等20分鐘先有位，咁就證明所有食物一定新鮮好味。今晚試左魚米之聚598兩位用嘅套餐，真係好抵食，份量足料，二人餐係足夠四人食㗎，食物賣相充滿fusion嘅感覺，毫無違和感，真係好有新意。流心雙色皮蛋伴芥末沙律花枝卷雙色皮蛋流心香滑，蛋上面嘅配菜酸酸甜甜，非常開胃。花枝卷超級脆，入面嘅墨魚膠爽口彈牙。鳳尾蝦蘑菇湯我冇諗過喺中山會飲到西湯，反差萌，有驚喜，蘑菇香濃細滑，好味。三色花松露炒帶子帶子厚身鮮甜，三色花就係西蘭花、椰菜花，仲有紫色嘅椰菜花，爽脆鮮甜，第一時間就清晒啦。嚐聚有米魚有驚喜，飯焦波波，外脆內香，浸咗魚湯養生藥膳酥皮雞川芎白芷湯係養生補身，聞落去有濃濃嘅藥膳味，冬天飲就最啱啦，又有驚喜，冇諗過酥皮係會點藥膳中湯嚟飲，但異常地配合，川芎白芷唔會苦。栗子🌰暖身，雞肉鮮滑細嫩。蟲草花杞子浸豆苗蟲草花，爽口養生，豆苗鮮甜易入口，上湯入味，送飯一流。糯米飯🍚花生香脆，糯米飯真係令人暖胃夠

這間位於屯門的聚聚，主打新派中菜，食物精緻又較有特色，價錢都酒樓差不多。松露煙燻蛋一上枱就聞到陣陣嘅煙燻香味，蛋王呈流心狀，入口陣陣松露及燻香味，十分突出。嚐聚酸菜魚用了大量花椒，麻味十足，魚片切至很薄而且無骨，入口嫩滑，下面以芽菜墊底，酸辣開胃。土炮安格斯牛叉燒牛叉燒燒至3成熟，上枱後再點火，燒至表面微微帶焦，牛肉肉味濃郁，而且帶點牛油脂，入口帶焦香。焦糖菠蘿咕嚕肉咕嚕肉細細粒，正好一口一粒，炸至表面香脆，旁邊還配上香甜新鮮菠蘿。椰皇燉珍寶花膠原個椰皇燉花膠，花膠厚身且大件，膠質豐富，湯底有清甜有雞肉香。冬陰功明蝦浸鮮竹卷鮮竹卷浸著冬陰功，酸甜開胃，蝦仁新鮮彈牙。金銀蒜鳳尾蝦蒸粉皮粉皮表面舖上蝦仁及蒜茸，蒜香味十足，粉皮吸收了蝦肉鮮味，又爽又滑。

又到年尾，一家人難得在一起吃晚飯，以前嚐過土瓜灣「聚聚」的新派粤菜，菜色精緻又美味，所以今晚選擇了屯門市廣場聚聚分店團年。餐廳其門如市，顧客要取籌等位。“冰梅欖角肉排”，排骨肉質爽口，骨肉比例適中，口感特別好。酸酸甜甜，非常惹味。“焦糖菠蘿咕嚕肉”，賣相講究，四分一個新鮮菠蘿切片，香甜可口。咕嚕肉炸得甘香酥脆，加上酸甜醬汁，食到不能停口。“土炮安格斯牛叉燒”，鮮嫩牛仔肉，放在網燒架上，由服務員在枱上點火，大火炙烤一輪，香味四溢。牛叉燒被燒得微焦，特別香口。“火焰脆皮豬手”，一隻脆皮大豬手，亦是由服務員即場點火，把外皮燒一燒，然後再切片去骨。豬手皮經過火炙後，特別香脆，果然是招牌菜。“金銀蒜鳳尾蝦蒸粉皮”，鮮蝦大大隻，蒜香味濃，粉皮爽滑，再加上芝麻醬，絕對好味。“聚甜三小碟”，是椰奶、桂花糕和炸湯丸，也是很好的餐後甜品。「聚聚」的菜式有新意，而且食材講究，烹調認真，我們一家就在歡樂的氣氛中團年，難怪這裏經常都坐無虛席。

屯市開新餐廳，好創新中西合壁，食咗推介既魚米之聚二人餐。前菜，流心皮蛋伴芥末沙律花枝卷，皮蛋上面有紫薑及菠蘿，花枝卷非常脆口，內裏包住蝦同魷魚。雞樅菌鳳尾𧎚蘑菇湯，香濃蘑菇味道加上大蝦同黑皮雞樅菌，細細粒蘑菇飲落非常有口感。泰露筍松露炒帶子，澳洲帶子很大粒而厚身。養生藥膳酥皮雞，酥皮香氣四溢，烤得金黃酥脆，下面就係好入味既藥膳雞。嚐聚有米魚，係龍躉已經去晒骨，啖啖肉，上面有個圓形飯蕉，浸係魚湯一流。杏汁杞子浸豆苗，淡淡杏汁味，浸著爽嫩的豆苗，還有杞子，湯甜菜滑。 最後好飽但都食埋個薑米蛋白蟹肉炒飯。甜品係麻香炸湯丸＋雪梨燉桃膠

帶爸媽下午茶，不過吃的不是西多士、炸雞翼這類，而是新派精緻粵菜下午茶！餐廳位於屯門市廣場2期，靠近杯渡輕鐵站。餐廳高級茶餐廳格局，座位舒適寬敞，店員態度良好，第一感覺不錯。我們點了2人魚米之聚套餐，原價$748，優惠價$598。另外看到餐牌的菜名很有特色，讓人垂涎欲滴，忍不住額外點了3個菜1個甜品。這頓高級下午茶不算便宜，但食物非常高質，每道菜上菜都讓人驚喜萬分，值得推薦！魚米之聚套餐：- 流心雙色皮蛋伴芥末沙律花枝卷- 雞樅菌鳳尾蝦蘑菇湯- 泰露筍松露炒帶子- 嚐聚有米魚- 養生藥膳酥皮雞- 杏汁杞子浸豆苗- 薑米蛋白蟹肉炒飯- 麻香炸湯丸+雪梨燉桃膠單點：- 火焰脆皮豬手- 豬油渣炒菜心- 金銀蒜鳳尾蝦蒸粉皮- 椰皇蛋白燉杞香桃膠~雞樅菌鳳尾蝦蘑菇湯~流心雙色皮蛋伴芥末沙律花枝卷~泰露筍松露炒帶子~嚐聚有米魚~養生藥膳酥皮雞~杏汁杞子浸豆苗~薑米蛋白蟹肉炒飯~麻香炸湯丸+雪梨燉桃膠~火焰脆皮豬手店員把豬手放在手推車上，用火槍點火後冒出紅紅火焰，有驚喜。火滅了後店員把豬手切好才上桌，外皮香脆，肉有質感，泛著咸香味，不錯！~金銀蒜鳳尾蝦蒸粉皮~椰皇蛋白燉杞香桃膠

家人聚餐，一早已訂枱，8pm, 8人, 但黎到有其中一張枱比左其他人，6個人坐住先，剩下2個人要我地齋等，屋企人話不如坐埋d, 迫一迫，最後我等左20幾分鐘， 先比返另一張枱我地。即刻落單叫餐，點知隔離比我地遲入座，d 餐不停上，我地繼續齋等，三催四請終於上左第一道菜，又繼續齋等，隔離枱都就黎食完。又再等左足足45分鐘，啲菜先開始上快d.侍應不停話套餐係會等耐d,但睇住比我地遲入的枱，都已經有上我地套餐有包括的菜式，唔明套餐要特別等咁耐的理由？！仲有一位80+歲老人，等左成個鐘先有飯食。更離譜係枱與枱之間距離一般，但如果有火燒嘅野就真係好危險。等待期間，隔離枱上左招牌火燒豬手，火舌差d 燒到其中一位家人！！無下次！

新既一年屯門市中心都會開左間新中菜，幾晚收工經過都見有人排隊，立眼裝修仲幾骨緻添。依日拉埋老公一於試下套餐，二人價錢$598，價錢都尚算便宜，有雞有魚同仲有甜品前菜，睇menu都已經好吸。先唻前菜雙色皮蛋配花枝卷，賣相一流，睇得出好用心。再唻菇菇湯，好濃郁同夠滑。飲落好舒服，暖笠笠先開胃。主菜我自己最鐘意就係藥膳酥皮雞，非常打卡able, 外面可愛但入面真材實料，啖啖雞都有養生藥材味。份量都極多。主菜既另一道有米魚，原來係將米炸定米波波再撈埋魚湯一齊食，非常鮮甜！依種做法係我第一次食，好有驚喜！唔怪得每晚都排隊，依個價錢絕對值回票價！

見到屯市新開左一間新式中菜餐廳，今日帶左屋企人嚟食點心歎杯茶🤩裝修都幾光猛，座位算闊落，坐得幾舒服~ 見到好多好過癮同好特別嘅點心，忍唔住叫左勁多😂✨土豪雪茄春卷 - 整得真係幾似雪茄，碟邊仲有d可可粉扮煙灰，裡面就包住爽口蝦肉，外脆內彈，有特色！✨鍋仔金網叉燒包 - 造型唔錯，面頭有塊金網薄脆，仲帶點麻油香~ 叉燒包幾軟熟，裡面內餡暖笠笠👍✨土炮安格斯牛叉燒 - 用牛嚟整叉燒真係幾特別，仲即場點火燒，令肉身更能保留香烤嘅味道，加上本身嘅蜜糖汁，味道更昇華！✨火焰菠蘿炒飯 - 上枱之後職員會向菠蘿身點火，視覺效果滿滿，燒完之後就可以開蓋食裡面嘅炒飯，都幾足料，食到帶子粒同菠蘿粒，令整體炒飯加添鮮甜😋✨椰皇雞燉珍寶花膠 - 呢個天氣飲好適合，湯底清甜，又夠晒暖笠笠，仲有大大塊花膠，好養生🤩✨灌湯杏汁蝦餃 - 擺碟加分👍精緻得嚟幾方便每人拎一粒😂杏汁味幾出，皮薄蝦肉爽✨千島炸蝦皇 - 炸蝦大大隻，好酥脆，蝦肉算新鮮✨原隻鮑魚撻 - 鮑魚算大隻，整得幾林身，易入口😻

留意到呢個新餐廳嚟試試，估唔到係港女中菜餐廳😆 雖然卡位坐得好舒適、打卡一流、仲有USB插頭，但冷氣超凍🙈 我哋叫嘅食物，只係得鳳尾蝦蒸粉皮係夠熱，其他全部都只係暖暖地，有啲失望😢

琴日老公陪我行屯門市廣場，臨走時經過有一間新店「聚聚」，望下餐牌，好似唔錯喎，雖然六點都未夠，但都入去試下個EARLY DINNER先。環境：入到去，新裝修，好乾淨，唔花考，地方就幾寬敞，我同老公坐卡位，好濶好舒服，夠六個人坐。服務：除咗套餐之外，係用二維碼點菜，都幾方便，亦可以即時睇到食咗幾多錢，不過留意，未計茶芥的，每位1０蚊。服務員好有禮貌，清枱都好快，亦都有講解菜式。食物：首先，我地點左一個2人套餐「秋聚」，原價725，特價580，一個字，讚，逐樣介紹下：1. 荔枝蕃茄伴拉絲水牛芝士條，芝士味夠，但唔會膩口，幾好喎，蔬果方面夠新鮮，開胃2. 椰皇燉珍寶花膠，呢個湯清香到不得了，花膠都大片，仲有豬肉同雞腳，好出色3. 香草金稻帆立貝，呢個係是日推介，超好食，帆立貝鮮香加少少蒜味，生熟煮得啱啱好，配上少少類似藜麥飯，一流4. 酸菜魚，細細碗，但都算多魚肉，唔會太重味，都幾好5. 火熖脆皮豬手，講真，豬皮唔脆，但好好味，肥而不膩，難得唔太鹹，又無豬手的羶味，師傅手藝高哦，推介6. 鮮菌蟲草花浸菜苗，簡單菜，但個湯配得好靚，好清，要俾讚7. 雪梨桃膠湯丸，正常，無特別。8. 冷泡茶，自

🌃 食肆為中菜館，以fusion菜式為主，位於屯門市廣場二期一樓， 鄰近於屯門港鐵站B出口， 餐廳走現代風典雅路線，座位空間好闊落，坐得舒適， 並設有不少打卡位， 尤其是日系和風扇子擺設，特別吸睛。.🌃 今次小編進食係晚市時段， 上次於土瓜灣店選了套餐， 而今次在屯門店就不選套餐了，選擇單點形式， 可以選擇更多喜愛嘅菜式😍.🍖 火焰脆皮豬手💲148👉 呢個好適合打卡拍片 ， 店員將脆皮豬手點火，營造火焰豬手嘅效果，十分吸睛， 之後店員將豬手切件， 豬手表皮食落好香脆， 肉質都燒到好香口， 還帶點肥膏😋， 另外可以沾上黑椒汁、香草汁同埋芥末沙律醬 。.🕊 皇牌乳鴿💲48👉 乳鴿以原隻呈上， 之後可要求店員切件， 食落皮脆肉嫩😋， 內裏都醃得好入味， 唔使沾淮鹽都足夠。.🌯 芥末沙律花枝卷💲48👉 作為前菜合適不過， 花枝春卷炸得好香脆， 點上芥末沙律醬更滋味😋.🦐 金銀蒜鳳尾蝦蒸粉皮💲68👉 鳳尾蝦size都幾大隻，食落口感好彈牙， 加上蒜蓉同埋炸蒜再撈埋粉皮一齊食， 感覺有啲似食緊蒜蓉鮮蝦腸粉😂.🐟 嚐聚酸菜魚💲138👉 酸菜魚嘅容器雖然唔算好大， 不過魚嘅份量係足夠， 魚片好嫩滑而

成日都食日本野、西野，今日諗住養生一下去食中菜，係屯市呢度有間新開中餐，格局睇就似酒樓。坐低見到個二人餐，好似好多野食幾抵咁。荔枝蕃茄伴拉絲水牛芝士條，蕃茄仔好甜呀，水牛芝士條又拉絲。椰皇燉珍寶花膠，個花膠又長又大條，食完有仙氣！香草金稻帆立貝，帆立貝好大粒好爽，下面係脆米要襯熱食。火焰脆皮豬手，有得食仲有得玩火，店員燒完會幫忙切件，豬手個皮夠脆，份量仲好多下，最得意係，個presentation好似食緊西餐咁。嚐聚酸菜魚，淨係影相都見到魚好滑滑，個湯酸辣味都好正！鮮菌蟲草花浸菜苗，食左咁多肉，都應該食番個菜，個菜都幾富貴下，哈！雪梨桃膠湯丸，最後仲有滋潤糖水，桃膠好滋陰，糖水又唔會太甜。兩支手作冷泡茶。

聚聚 Gathering📍地址：屯門屯順街1號屯門市廣場2期1樓39-42==========================新一年要對自己好D! 今日就帶媽媽去屯門市廣場食呢間新開ge 餐廳,佢ge裝修非常時尚, 睇落好有氣派! 😍我地叫左個<魚米之聚> 套餐$598,入面包左好多野，雖然話係2人餐，但3個人食都無問題😂😂：➡️流心雙色皮蛋伴芥末沙律花枝卷花枝卷整得非常香脆，入面仲熱辣辣😍➡️雞樅菌鳳尾蝦蘑菇湯味道濃郁，口感幾豐富！➡️泰露筍松露炒帶子帶子新鮮彈牙😍😍😍➡️嚐聚有米魚入面有炸過ge 飯團，成個波咁，整到出面係飯焦，幾香脆！魚片份量幾多，而且無細骨，岩晒家人家。➡️養生藥膳酥皮雞成個超大嘅菠蘿包，入味嘅藥材味好香，雞肉嫩滑，仲吸收晒藥材的味道！😳➡️杏汁杞子浸豆苗豆苗鮮嫩，加埋杞子好養生➡️薑米蛋白蟹肉炒飯炒飯炒得粒粒分明，味道適中➡️麻香炸湯丸＋雪梨燉桃膠最尾以甜品作結，真係大滿足☺️

今晚第一次到屯門聚聚gathering 吃晚餐，環境十分舒適，陳設不似老派的酒樓，是新派粵菜🇭🇰。流心雙色皮蛋伴芥末沙律花枝卷，雙色皮蛋🥚味道好特別，流心皮蛋入口即溶，很香。花枝卷香脆，包著墨魚膠🦑，很彈牙，配上醬汁，十分惹味香口。泰露荀松露炒帶子🦪，帶子很厚身，新鮮有彈性，露荀爽脆，帶有淡淡的松露獨有的香味，賣相亦相當吸引😍。養生藥膳酥皮雞🐥，外貌已高分💯，像一個很大的菠蘿包，侍應撥開酥皮，別有洞天，傳來陣陣藥材和雞香味。雞肉嫩滑滲透著淡淡的紅棗當歸等藥材的香味。嚐聚有米魚🐟，很有特色，炸過圓圓的飯團🍚，伴以鮮滑的魚片，濃郁的湯，配合得很好。飯有點像飯焦，浸泡在濃湯🍲，半脆半軟，口感很好。魚片鮮嫩，十分軟滑。招牌亂鴨🦆，擺碟有心思，如睡在雀巢內，外皮香脆，肉質嫩滑，很入味，比我以前吃過的好吃多，一定要試試。麻香炸湯丸🍡和雪梨炖桃膠，炸湯丸頗特別，外皮微脆，內裏充滿黑芝麻的香味。雪梨炖桃膠，入口已感到很滋潤，冬天最合宜😜。

適逢過時過節，想揾間高質中菜又環境一流的中菜餐廳?特別推介屯門市中心嘅聚聚 Gathering!! 好適合同班長軰過黎食個晚餐啦～愧為新開既食店，環境氣氛同大眾酒樓都與別不同。坐位闊落，好舒服。而食物種類有唔同花款有很多選擇。餐廳用QR Code落單，非常方便。我們點了一湯、四餸和一甜品。叫左以下聚，signature菜式、睇睇其質素:椰皇雞燉珍寶花膠開一蓋，椰香味湧曬出黎，椰皇內有幾條花膠同雞腳，仲有瑤柱粒，味道一流CP值高。火焰脆皮豬手（配香草醬、黑椒醬、芥末沙律醬)((必叫)建議先打開手機錄影功能，上菜前，店員會系現場用火燒著豬手比客人睇，場面好吸睛，豬手又熱外皮薄甘脆，三人份量，鹹得黎又美味。嫩滑無骨雞伴濃湯翡翠苗嫩滑雞肉一D都唔鞋口，翡翠苗配上雞湯，入口清甜又爽口，老少咸宜。霸皇沙巴仔沙巴仔以去骨及碎件上碟，魚肉下面仲有水晶粉，肉質緊實及非常滑溜，仲食得出少少麻辣味道。家鄉窩蛋銀針粉鍋內佈滿肉碎同香蔥，令每粒銀針粉都系砂鍋裡炒得香，並足夠二人份量。椰皇蛋白燉杞香桃膠椰皇內的蛋白呈現滿瀉狀態，入口甘甜杞香撲鼻。中式甜點必食之選。冷泡白桃烏龍茶帶有點甜味，加上以樽裝形式可外帶，並