影片
港铁柯士甸站 B1 出口, 步行约7分钟
继续阅读
电话号码
23882848
23887380
开饭介绍
以顺德靓粥作汤底，配以每日从香港仔鱼市场采购的新鲜海产，另有其他配料美食以供享用。
继续阅读
营业时间
星期一至日
17:00 - 00:00
以上资料只供参考，请与餐厅确认详情
相关文章
呢日约左3个朋友一齐食晚饭, 因为其中一个系外藉人士, 从来都未打过边炉,而佢住嘅国家又比较少食海鲜, 所以我地带佢来食粥底海鲜火锅 - 既可以食海鲜又可以打边炉!至于点解拣呢间? 因为年几2年前有个艺人大肆推介呢间嘛~想试好耐喇, 今次一于带埋朋友来试佢佐敦道落车, 行左大概10分钟先到~入到店, 店细细, 其实都系坐得4-5枱人~但因为今日平日吧? 所以计埋我地成晚都只系见3枱人~咁呢, 我见佢最主要系有4个套餐的~但我地主要想食粥底海鲜火锅, 所以撇除左泰式𠮶个了~然后$368个个要订~ 我地又冇订到~最后我地叫左$288𠮶个~店买话, 呢个D海鲜好D, 蚬变花甲, 多左元贝, 鱼变龙趸, 鱼滑变鲜虾墨鱼滑, 仲有丸都upgrade左~开始时, 煲入面只系米水, 冇米的~畀我地煮晒所有食材后, 最后先加米饭落去煲粥食的~店员会提供辣椒生蒜同豉油畀你调味~然后d食物就开始到, 我地就开始食了~上: 游水海中虾真系仲识郁的! 好生猛!都几大只, 好鲜甜~每人有3只~下: 日本海金蚝呢个冇咩特别, 蚝都大只嘅, 味道正常~上:动感鲍鱼真系动感嫁! 仲郁紧的!厚肉, 新鲜! 好味!呢个每人一只。下:新鲜海元贝呢个粒肉大大粒~跟足佢讲嘅时间去整,口感岩岩好! 鲜甜!左: 贵妃蚌 右: 圣子1款都洗得好干净~肉质爽口弹牙~都一样好鲜甜~每款每人一只~上:海红花蟹呢个每人半只~蟹肉鲜甜~有蟹膏~SIZE系正常SIZE, 但每人只有半只, 略嫌有D唔够喉~下: 沙巴龙趸呢个4个人SHARE一条~鱼经过开边斩件处理~但我地觉得麻麻~一来我地几个都唔太识吐骨,2来系鱼, 大概都系蒸先最好味吧?就咁烚, 有少少腥~左: 花甲花甲鲜甜, 最后连埋粥底一齐食就最正~右: 芝麻走地鸡OK, 为个粥底加添肉味一流~我谂呢度大概系半只鸡, 4个人分~左: 龙虾丸/黑椒牛丸每人各一粒~ 黑椒牛丸黑椒味都几香~右:秘制鲜虾墨丸滑唔错, 我个人有少少怕净墨鱼滑会有少少涩味~但呢度将虾滑同墨鱼滑捞埋一齐就唔会有涩味~鲜味弹牙!上: 粟米, 芋头, 南瓜本身餐牌写粟米罗白同南瓜的~但而家罗白就变左芋头~其实仲好呀! 南瓜同芋头煲耐少少就会溶~最后个粥就变左南瓜芋头粥, 正呀!下: 美国肥牛厚切, 肉味浓~整熟左之后都唔会un~几好食~好~ 食晒d野之后~ 到主角出场!!当食晒d野, 可以话畀店员知~店员就会行过来帮我地整个粥~成晚d精华就喺晒入面喇!加上煲溶晒嘅南瓜同芋头~不过呢, 我个人建议就唔好落葱喇~因为店员整𠮶阵有问我地食唔食葱, 咁我地都食, 就叫佢落啦~但食𠮶阵先知, 原来有埋葱白~咁样葱味太劲了, 会盖过左个粥嘅味道~留意返, 套餐唔包饮品的~汽水每罐$10, 值得一提嘅系佢枝饮管~中段系可伸缩延长的~我地都觉得好得意, 一齐打左个结先饮最后埋单走个阵, 我地先喺门口见到呢张进食指引写得好清楚每样食材煮几耐~建议店可以每张枱都放一张呀!咁就唔洗我地下下都问店员呢样要整几耐啦总括来讲, 价钱ok啦~ 唔算好贵~当然你如果识自己买自己喺屋企整会平d啦~但如果你唔想整, 想舒舒服服坐喺好晒有得食~呢度系好好嘅选择呀!呢度d海鲜真系好新鲜好鲜甜!你见我成篇野样样都打"鲜甜"就知啦
继续阅读
其实只是一般海鲜，不知点解吹到咁大，去街市买自己烚/蒸熟仲好！😡🤬食到一肚气，伙计粗声粗气，不忧做咁款，地方又迫，成日怕被人撞，吾该都无声成日左摄右摄放低食物，问佢野又嫌食客烦咁，打去订位又话‘系咁难订架啦，多人呀麻...’....咩态度？！海鲜鲜甜？！不觉啰⋯⋯咩海鲜都好只要未死都甜架啦！！....既然无特别但最主要是受气真是好不值👎🏻👎🏻👎🏻出面大把选择！各位睇清睇楚先去食！不然包你食到一肚气！
继续阅读
我订了6点半, 去到不断叫我落呢样,落个样,每5至10分钟就叫我快D食把锅内食物食完, 我地2人都未能食完 ,店员又叫你快D落食物, 当时我真的忍唔住问佢,你们那么赶时间叫我们快快把食物食完,你们是否想我7点半食完交枱吗。店员话不是呀,是怕我地唔识落食物。。。天呀。。我不是小朋友。比店员狂迫我地快食情况下,我7:35 已经走人,食火锅食得最辛苦既一次。佢地分两轮,6:30 0r 8:30 ,不明店员为什么要咁样做。
继续阅读
几年前见过欧锦棠介绍过呢间喺渡船角既粥底火锅配料多又抵食，之后一直想去，订过几次枱都满座，无意中见到订枱网有呢间订，仲有折添～ 不过只可以拣$198嘅特惠版有16款食材其中有七款海鲜，包括：鲍鱼、海虾、花蟹、蚝、鱿鱼、鱼、蚬，仲非常新鲜，鲍鱼仲识郁㗎！ 2个人一条鱼，一只蟹，分量好好。鸡件嫩滑，鱼滑都好鲜味~ 食晒所有野，店员会将粥底加饭煮成粥，吸收哂海鲜精华超鲜甜，仲好窝心咁比埋脆卜卜既油条～食埋个粥真系捧住个肚走，好满足！
继续阅读
听讲呢间好受欢迎，所以一早订左位，仲订左个星级餐~D海鲜全部都好新鲜, 鲍鱼上枱既时候仲识郁~全部都好有鲜味, 渌一渌好快食得~牛肉都唔错~贝类海鲜鲜甜~食晒D海鲜之后, 就要食埋个粥底啦, 职员都话前面唔好食咁耐, 因为一直加水D粥会冇咁好味~不过我地加左两次D粥都好入味, 有晒海鲜鲜味, 加埋南瓜粒非常perfect~仲有店送的油炸鬼粒好match
继续阅读