聚氣

营业中

休息中

酸菜魚片米粉（$48），凍檸茶（$12），魚片數量就是眼見嗰三小薄片，少得可憐。以為落錯單 豆卜米粉🤣, 酸菜湯底真的麻麻。希望可以改良下。餐廳是不是轉咗手？謝謝！

不會再來的一家店一碟乾炒牛河，不夠乾身。嚼勁不足，失去鮮嫩的口感。調味上若鹽分過重，反而掩蓋了河粉的香氣，令人覺得油膩。讓整碟失去生氣。這樣的乾炒牛河，令人失望，完全無法享受到那種經典的濃郁風味。 叫咕嚕雞球黎左菠蘿咕嚕肉，這道菜的酸甜滋味本應令人垂涎，過於油膩肉質好硬，口感變得乏味。甜味與酸味不協調，甚至會讓人覺得膩口，令人難以下嚥。整體的味道顯得雜亂無章，缺乏應有的層次感。這樣的菠蘿咕嚕肉，讓人失望，完全無法體會到它的美味精髓。菠蘿咕嚕肉，這道菜的酸甜滋味本應令人垂涎，但若製作不當，肉質可能過於油膩，菠蘿也失去新鮮感，口感變得乏味。甜味與酸味不協調，甚至會讓人覺得膩口，令人難以下嚥。整體的味道顯得雜亂無章，缺乏應有的層次感。這樣的菠蘿咕嚕肉，讓人失望，完全無法體會到它的美味精髓。沒有咖喱味的焗咖喱牛腩飯，作不當，咖喱可能過於稠密，缺乏香氣，味道單一，令人失望。牛腩未燉煮至軟爛 非常硬，口感堅韌，咀嚼困難。而米飯太過軟爛和濕，吸收了過多咖喱，反而無味，失去獨特的口感。整體搭配失去和諧，缺乏層次感，令人難以下嚥。這樣的焗咖喱牛腩飯，完全無法體會到應有的美味與滿足。 跟店說飯太爛，店竟

偶然之下發現到依一間餐廳，見到佢個雜扒餐好抵食，所以嗌咗嚟試吓！真係勁豐富牛扒豬扒雞扒都好大塊係完全係滿足到食貼雜扒餐嘅慾望！正！之前試過好多茶餐廳嘅雜扒餐豬扒得半塊，雞扒有勁細塊，牛扒薄到啲紙巾咁樣🙂‍↔️

今日去開朗屏西鐵站附近，入左一間茶餐廳打算食個下午茶醫肚。一坐低已經話廚房冇晒炒野，想食飯就叫左個「白汁芝士海鮮焗飯」，好快到，冇乜味，冇乜餸，冇乜汁，好失望。下午茶餐仲要唔包飲品！飲品要半價加購！

朋友介紹叫我去食小菜＇去到見茶餐廳不是小菜館都有點出奇。環境衛生及整潔度OK､最令我吸睛的是整個餐廳擺滿手板模型，及門口有個一比一嘅鋼鐵俠擺設。坐落之後發覺好有驚喜。枱布，餐具，餐枱擺設好似去了酒家一樣，出品的小菜及海鮮，認真講＇有酒樓的水準👍尤其是花膠雞燉響螺湯，簡直飲到停唔到口。開邊龍蝦荷葉籠仔炒飯底有特色＇龍蝦嘅精華滲晒落去啲飯度。好有創意，不是成日食開的上湯或芝士伊麵。蟶子王大大隻爽脆，真係可以撈兩碗飯。價錢也十分優惠😘一定要推介同encore。👍👍👍

人生第一次留言，因為間餐廳太垃圾。下午茶時段入到去，碟頭飯碟碟$79，勁貴。9成都係得炸野。好艱難之下，選煎豬扒，全塊都係油，好恐怖，d油好似唔洗錢咁，同炸無分別。鷄蛋吞拿魚三文治，d吞拿魚好稀，用水及沙律醬溝稀就上碟。平時吃野算無乜要求，但呢間餐廳真係垃圾到一個點，真係唔寫評語都唔得。大家千萬不要幫襯。

垃圾餐廳，成$70食個乾炒豬扒公仔麵，等左半個鐘出到黎，份量小，得一個麵同兩舊仔豬扒，都算啦，味道係無味，炒公仔麵有落老抽比色，都比翻兩味我呀，衰啲講句，去便利店食個撈麵都好食過佢

員工只求方便，完全漠視顧客需求，服務態度欠佳，食物質素非常一般，性價比10分低。管理階層欠缺妥善安排飯枱，做事情求求其其。茶餐廳員工，只要求顧客配合他們，並不是去服務顧客。變相好像顧客提供服務，管理層安排10分欠佳。

見近近地就去咗食下午茶。下午茶時段去到六點，價錢都幾親民同多款式揀。今次就叫咗兩個下午茶餐，分別係奶油脆豬同菠蘿油。奶油脆豬配凍檸檬利賓納奶油脆豬落左好重煉奶同牛油，醬料非常多，食落幾甜好好食。即叫即整，所以麵包都非常脆口。檸檬利賓納好濃味所以超級甜。飲咗幾啖，真係忍唔住加啲水落去溝淡，整淡咗之後，飲落冇咁甜感覺好好多。菠蘿油配凍檸檬利賓納菠蘿油十分之大個，但係入面嘅牛油真係好細塊，同佢宣傳海報嘅相比起嚟差好遠。圖片真係只供參考，但係食落幾好食嘅。菠蘿包夠晒鬆軟！

我只係想正正常常食個晚飯啫，嗌咗個海南雞飯，70幾蚊我諗住都應該會唔錯啦，點知伏到傻咗，我人生第一次見海南雞飯係點泰式辣醬囉，冇得頂，然後份量又細，啲飯勁腍又一嚿嚿，薑油又無味，真係刷新咗我對茶記晚飯嘅印象。香港生意好啊。

今日經過去食野 ，嘢飲等咗10幾分鐘先到 ，杯凍檸茶難飲到核爆 ，個凍奶茶好少少但都係無咩茶味只有奶味，但係都係難飲，個黑椒汁同埋沙嗲汁味道極鹹 ，咖喱汁冇咖喱味又冇椰汁味 ，煎雞扒同炸雞髀入面都有少少生未熟，食過一次唔會再食 ，中伏指標爆燈 ！！

近近地一出站就有間茶記，普通款早餐。坐底有俾水，qr code落單。💟五香肉丁米早餐例牌，熱辣辣，丁丁份量都足。💟火腿多士普通野💟熱檸茶濃茶未見過濃茶濃到咁，但飲落又唔覺得個茶濃，只係濃茶‘’色‘’。💟腿蛋治隻蛋顏色勁黃，而且夠厚，三文治整體都幾大份，反而火腿就薄左啲囉。💟熱奶茶正常味，無特別。

坐低10分鐘連杯水都冇，執枱又慢，執完枱冇抹枱仲有咖喱漬，見新嘢諗住去試吓，雞髀又唔熟，位置又唔夠，裝修係靚，但係服務質素差，有兩個着便服嘅男女應該係老闆，我見到隔離有客投訴，佢哋喺側邊靜靜講，如果係要食高級嘢就唔會嚟呢啲茶餐廳，身為老闆唔係諗點樣留住啲客，而係咁樣講嘢，覺得好冇素質，唔會再有下次勁難食質素差，雖然冇收服務費，但係餐牌入邊好多寫話係餐嘅，都唔包嘢飲，好多嘢都令人誤會，簡直俾錢買難受

平時只係睇下其他人寫嘅食評 ，但而間野真係令我忍唔住出食評。今日經過見都多人，試一試，點知就出事。首先，上餐慢，十分混亂，叫咗個沙嗲牛麵爽啲，牛油方包配煎蛋加杯凍奶茶走甜，時間係10:44，五分鍾內比咗個煎蛋配方包加凍奶茶，本人習慣食咗面先，想等埋個面先食，催咗兩次職員，最後11:03，碗面先到，重要係職員求其拎碗比我，個面係淋哂既，而唔係落單時要求既爽，而煎蛋因已擺得太耐，已經凍哂，對於一個早餐黎講，上餐時間要19分鍾，絕對不合格，而職員既做法更加唔合格。跟住就講下，食物質素，沙嗲牛肉就一般，可接受，面就因為出餐問題淋哂，奶茶就唔合凍奶茶咖啡格，無茶味，牛油方包質素可接受既，但唔知點解會連埋麵包，據我觀察，四圍客人都係唔食包皮，係煎蛋比較出色，煎得都靚。總結：無下次

唔可以淨係得我食到系列，啱啱附近做完野，過嚟試下新開張茶記。手機落單，跟上潮流，嗌左個黃金多，雙拼多士（奶醬多）、瑞士雞翼麵。落完單後發現冇野飲選單，諗住可能新pos 機功能未完善，諗住自己打開餐牌搵返items,睇下加幾錢可以嗌到咩野飲，唔睇唔知居然我嗌嘅items 係冇得加幾蚊搭杯凍飲，即刻黑人問號，算啦當我自己神之手，揀唔中有搭野飲嘅items,自己又唔舍得比$12或以上散嗌一杯可以用$3蚊解決到嘅凍飲。諗住飲免費奉送嘅飲用水，落單咁耐，66uo係度等都等唔到一杯水（最衰我唔嗌人比杯水我啦）。首先黃金多士上岸，$34算係中規中矩，然後瑞士雞翼撈麵上場，簡單嘅白烚公仔面加3隻瑞士雞翼，咁就成為$48，比個印尼撈麵或者加啲嗌貨嘅乾蔥乾蒜撈撈佢都冇咁嬲，我都知印尼撈麵啲醬都幾浪費時間，但係居然比啲瑞士雞翼汁我就算，仲要自己撈。都算，啲雞翼同啲隔夜燒味一樣口感，7仔啲叮叮小食仲好食啲。最後上埋奶醬多，一句講哂 硬化版嘉頓忌廉賓。