聚寶海南雞 (已搬遷)

是日收工同屋企人食飯~唔想等位就去左依間餐廳4個人叫左4個餸韮王蝦仁炒蛋, 金銀蛋白菜, 半隻海南雞, 煎魚本身間餐廳就主打海南雞, 所以d海南雞唔錯~肉質夠滑, 同個醬汁都好match 金銀蛋白菜仔, 白菜夠霖, 個湯好甜, 配白飯好開胃韮王蝦仁炒蛋d蛋炒得幾滑, 蝦都幾多, 好味道但係煎魚, 條魚煎得唔夠耐, 我地食左小小, 發現入面唔熟~個職員即刻拎返入去, 我地以為佢只係幫我地翻煎, 點知出來係另一條魚~仲煎得好香口好脆~…查看更多

五點幾見呢間下午茶幾抵就走咗入嚟。餐廳唔多人，得一兩枱客。下午茶都算幾多選擇， 不過就過鐘冇下午茶，淨係見佢有海南雞飯就唔諗咁多，試下佢招牌啦!🤨嚟到份量都唔細，做晚餐都夠晒飽🤣🤣雞都算幾多件，但味道就麻麻啦🙈🙈🙈飯有啲乾同硬，雞同醬都麻麻🙈🙈🙈如果話係招牌就會失望，但當普通茶記食一餐都ok 嘅😂😂座位幾闊落，望落都算衛生，有電視睇，待應友善，$39個下午茶，收貨了😂😂😂😂…查看更多

之前黎食過一次，小菜同海南雞都連個跟餐既湯都但岩岩個星期日晚一行5人黎就出事啦:(個湯完全係味精開水，清淡到得個咸字除佐個海南雞仲叫ok d 之外個椒鹽豬扒完全係一口粉回鍋肉就簡直應該叫回鍋菜，搵到二片肉算你厲害第一次食，覺得可以做飯堂第二次食，覺得再無下次囉…查看更多

我媽真係好搞笑，成日都話呢間海南雞係佢鄉里個親戚開嘅，咁又關我哋乜嘢事呢？又冇折頭，不過見佢裝修完，大咗坐得舒服左咁先嚟幫襯。四個人食咗三百幾蚊，唔使加一都算合理。一場嚟到梗係要食招牌菜海南雞啦！搵我就想食口水雞辣辣地，點知阿媽又話唔想食辣。好彩今日隻雞都有啲黃油，味道都算OK。至於個三隻醬就超普通，阿姐放低嘅時候仲倒瀉豉油京都骨味道都唔錯。魚香茄子斑腩煲，唔夠煲仔鑊氣，可能人多嘅關係做唔切。例湯好甜，我個人覺得係好味精。跟住推介叫咗兩款小食，粉絲皮春卷，感覺好友越南feel。雞翼又係好普通，唔太覺得有香茅味。至於價錢唔太貴，都算係收貨！…查看更多

細嘅鋪頭 close 咗，換咗個隔離大間啲，新裝修燈光火晚，新瓶舊酒!套餐內容差不多一樣，不過價錢好似又再貴左。四個同事加完班，周圍附近都冇乜好食，佢唔使加一，又有卡位坐咁一於叫個四人餐啦！反正都一定會食海南雞飯架啦！海南雞有半隻，今晚質素就一般般啦！我覺得啲雞肉好淡，完全冇乜雞味！旁邊嘅三色醬都係普通貨色，唔會話有好味道帶出來嘅感覺雞油飯唔知點解唔夠熱，涼左嘅飯就口感冇咁好味。例湯好甜。大概都分到四五碗。腐乳通菜，唔夠鑊氣。京都焗肉排，即係豬扒個味道都幾好，菠蘿汁太細粒太碎啦！煎鹹魚肉餅真係好 salty …查看更多

悄悄地加左價，無乜選擇仍然係差不多。晚返孖寶如果一個人食都幾大嘅。天氣凍冰冰一於加錢食個羊腩煲，炆得腍又羶味濃烈。海南街真係差過以前，冇咗以前入口嫩滑嘅感覺味道又淡。今晚個油飯好油，但我鍾意泰式炸蝦餅完全唔掂。好睇唔好食得啲骨。你只魚腩煲太鹹了…查看更多

今日去紅磡廣場購物，所以去對面食個百聞無骨海南雞飯，因為兩個人，所以加多個沙爹金菇肥牛煲。沙爹金菇肥牛煲就普通，唔多講。至於海南雞飯。咁出名當然就有所期待啦，不過一見就有點失望，肉質就一般嫩，無雞味無咸味，份量比較少:(不過個飯唔差，花生好食。醬料除左薑蔥有點差，黑豉油有點稀，泰式辣醬還可以的老火湯都唔差，幾好，不過熱飲加兩蚊，凍飲加三蚊就有點兒那個總括過講，妹仔大過主人婆。…查看更多

這間店以海南雞飯聞名，不過海南雞食過今次就試下豬頸肉飯冰梅醬烤豬頸肉飯($43)仲有老火湯及飲品，幾抵食。其實豬頸肉是夠份量的，只是我食了一陣才記得影相。豬頸肉色澤新鮮，有光澤，仲好腍身，又爽滑。肉質嫩滑，份量都多。加埋個醬汁夠惹味。甜甜地我好鐘意，仲加上豬頸肉的白飯撈汁食！白飯都口感不錯仲好大碗。不過伴碟的西蘭花就太軟身又無甚味道，美中不足。下次再試海南雞飯!…查看更多

睇食評話豬髀飯好好味，仲要跟油味飯添，一定要試試。 午市都非常多選擇喎，煲仔、小菜都有，有機會先試試啦。青紅蘿蔔湯，同上次一樣味淡，味道麻麻地，杯杯湯份量，一啖 knock out。紅燒豬髀滷水蛋飯，睇 open rice 又話係雞油飯既？只係跟白飯，見 menu 又真係無寫話係油味飯喎。好采紅燒汁加酸辣醋配軟棉豬髀肉撈白飯都非常好食啫，略為偏甜。豬髀肉夠腍又入味，豬皮膠口又彈彈的，好 juicy！滷蛋一般。…查看更多

傳聞聚寶海南雞飯又平又好味，今日跟同事們搵食，終於有機會試試喇。lunch 好爆喎，好采唔洗三分鐘有位乍。醬油先到，薑蔥油、酸辣汁、黑糖豉油，新加坡 style 喎。青紅蘿蔔湯，幾淡口吓，都過得去啦，勝在無味精。招牌去骨海南雞飯，堅喎！淨係賣相都贏幾條街，顏色鮮明帶光澤，加上清香味道，口水直流！HKD41 連餐湯凍飲，非常抵食，仲要極美味！雞肉清甜美味，嫩滑又帶肉汁，薄薄一層雞皮，肥瘦剛剛好，高質！雞油飯味濃乾爽飽滿，不油不膩。撈蔥油、酸辣汁、黑糖豉油，混醬加無骨嫩雞，好味道！比泰亞萊泰式海南雞更好食呢，不過各有各好既。…查看更多

晚餐本來想食大排當,但因太多人所以轉場,去食聚寶.叫左:2人餐,再加多個雲耳炒勝瓜老火湯:煲得唔錯足料夠火候海南雞飯:雞好滑唔太肥,醬料一流,酸菜都幾好味.孜然牛仔骨:香辣野味,不過肉淋過頭,欠肉質.:(雲耳炒勝瓜:味道可以,勝瓜好淋夠味,雲耳爽口,可惜漿粉太厚.:(川辣回鍋肉:辣味適中香口入味,回鍋肉幾滑夠味.整體可以,算幾好啦!…查看更多

行行下見到,想休息一下,都幾平喎,入去試一試.叫左:紅燒豬脾飯配鹵水蛋+例湯,星洲炒米粉+例湯.紅燒豬脾飯配鹵水蛋+例湯$31:飯是海南雞嘅油飯,好油香,唔錯,鹵水汁做得唔會鹹,重要放左鹹酸菜在底,鹹酸菜令人好開胃,又降低左紅燒豬脾嘅油膩,正.豬脾肉質都幾腍又夠味,份量足.:)星洲炒米粉+例湯$30:星洲炒米粉幾足料,有蝦,义燒,火腿,蛋.炒得幾乾身,咖哩味幾足,好香口,不過入口有小小咖哩粉未完全容化嘅粗嚡感,可惜.例湯:煲得幾好味,唔偷懶.整體唔錯,晚飯套餐,好似幾底食,下次再試試先!…查看更多

由庇利街搬到紅磡廣場對面，方便咗，更近大街，叫了"招牌去骨海南雞飯下午茶", 好長的一句.跟三款醬汁，疆油(唔太咸，適中) ，泰式酸汁(可以再辣些少) ，甜醬油(味道好，但唔夠濃) .雞肉質地軟滑，雞皮唔算薄但入口尚算滑和些少爽口，唯雞味不足，配有些少花生(脆口不淋)和酸蘿蔔絲，油飯略為過軟，濕度較大，可以乾身些更好.加送奶茶一杯，只收$30, 物有所值.…查看更多