影片
港铁土瓜湾站D1出口, 步行约8分钟
继续阅读
电话号码
34833881
营业时间
今日营业
07:00 - 18:00
星期一至六
07:00 - 18:00
星期日
全日休息
公众假期
全日休息
以上资料只供参考，请与餐厅确认详情
戴定头盔先～呢间唔系咩人气小店，啲嘢食都唔系话特别岀色，Menu方面都系啲大路茶餐厅嘢食，只系我食过觉得性价比都几高所以分享下☺️➼ 下午茶双拼粉面连饮品（鲜牛肉拼煎猪颈肉上海面）真心三十几蚊食到个饱肚嘅下午茶好难得，本身我都冇乜期望，谂住都系普通一个面加几旧肉，始终价钱都比较平，但嚟到之后发现份量都唔少，啲肉同啲配菜多到睇唔到啲面。鲜牛肉真系鲜牛肉嚟，冇用肥牛呃我🤣而个猪颈肉好爽口，而且真系有煎过，非常有诚意呢！仲有个汤底唔会好重味精，食完成个面都唔会口渴到要系咁饮水，三十几蚊嚟讲好难得呢！➺ 小分享：虽然嘢饮方面有疑似台式饮品拣，例如胚芽奶茶或珍珠奶茶𠮶啲，但唔好expect真系同岀面𠮶啲一样，佢哋个茶底系用返平时茶餐厅𠮶啲奶茶🤣不过唔洗加钱嚟讲，当佢系普通冻奶茶咁饮其实又OK🤣
继续阅读
本身见到佢有台湾食品，就入去试吓，点知中伏一入到去，午市无咩台湾食品既选择，叫左XO酱薯仔炆排骨饭，一食完全无XO酱既味，酱汁好杰，送左碗发菜莲藕汤系唯一比较好既。热珍珠奶茶，奶茶味又唔香，整体而言十分失望
继续阅读
今天决定游走在「利」(女朋友)心「中」，相约女朋友在「中」环忌连拿「利」这个秘景游玩，之先要吃吃早餐，崇洁街美食街果然是一个美食天堂，不同款式的早餐也能在此买到。决定在这里先品尝早餐，我点了一个港式早餐，传统的，沙爹牛肉公仔面，三文治，太阳蛋，午餐肉，配热奶茶。女朋友点了柞菜肉丝公仔面，太阳蛋，肠仔，配热奶茶。整体来说性价比之高，三十块就可以吃得饱饱的，太阳蛋也不须额外加价，烤面包就需要加一块，这是读者需要留意的。反而那个热奶茶就有点怪怪的，不知是茶底问题还是茶叶问题，喝下女朋友说有少少洗洁精味道。日期：28.1.2021
继续阅读
Lunch time 时段见佢有吉位，于是推门而入。点咗个夏门炒米，一个豉椒排骨饭。再留意下，点解开著d挂墙扇？中伏！原来无冷气！顶！如果未落单必闪！即刻明白点解 Lunch Time 都重有位！厦门炒米配料算足够，但份量明显偏少。豉椒排骨饭排骨份量少得可怜，而且芡汁超多，最惨系个芡汁又唔系好味，结果..... 食到一半，被迫放低对筷子，投降！崇洁街系英雄地，虽然只系短短一条街仔，但餐厅已经有十几间，做得唔好，好快就消失，好似行前少少果间火锅店，已经转手，又睇睇哩间餐厅挨得几耐.....
继续阅读
餐厅开系崇洁街入面，质素当然唔可以太差。餐厅好大，可以容纳一百人，lunch既时间都几多人，坐满返工，同埋隔离地盘既工人餐牌既选择几多，hk37至hk40，冻野饮唔使加钱，价钱算唔错。一坐低就会有侍应姐姐系隔离问你要咩，直到你肯落单，之后一食完果碗空置唔够5秒就收起。基本茶餐厅既元素佢都有碧绿川椒鸡饭 冻奶茶少甜 hk37份量都几大碗，白饭占左整个碗7成左右，上面舖满好多既汁同𩠌。鸡肉粒切到手指头咁大，好多粒，仲有两大条干红椒，青椒，一望落以为辣到傻但将饭捞匀汁，食落去啲汁系甜既，一啲都唔辣，食哂成碗一啲辣既味道都无。同望落去既感觉完全唔同，虽然甜味唔算过，但同川椒呢种𩠌完全扯唔上关系。不过鸡肉好滑，应该用鸡脾肉切粒，煮得刚好，甜甜地食落口都几好味。而且个汁都几多，𩠌落个饭湿湿地都几好味冻奶茶少甜呢杯冻奶茶就真系差左啲，黎到既时候，冰已经开始溶，饮落去系淡既，一啲茶味饮唔到，淡奶味就有，虽然份量都算大杯，而且冻饮唔使加钱，但质素比较争左啲总括黎讲，呢餐lunch比较欠理想，虽然份量都几大，价钱亦算公道，不过质素应该可以再好啲
继续阅读