影片
今日经过想食打冷，原本谂住去大全街间潮顺馆，但经过这间小店，见佢新开即管入去试一试，叫了卤水杂拼饭，腩肉猪肠饭，一碟油菜，油菜先到，其实碟菜已经灼得太耐，黄晒，加埋佢啲超级超级咸的蚝油，简直食唔到落口。叫个侍应俾碗滚水，我谂住洗走啲蚝油，佢同我讲不如俾碗汤我，真系唔明白佢叫俾碗汤我要嚟做乜？咸上加咸？跟住到啲饭送到啦，啲所谓卤水完全都唔系卤水，冇卤过，感觉是白灼完淋上豉油汁，而且啲豉油汁非常之咸，勉强食完，整个口腔充满咸味，不停灌水！这间堪称是我在大角咀咁多年最难食的一间食肆！
继续阅读
喺呢间餐厅嘅卤水打冷，真系可以话系一绝！佢哋嘅蚝饼特别值得一提，口感松软，搭配卵香味，让人食过一次就难以忘记。每一口都有浓郁嘅蛋香，配合韭菜同埋猪红，味道层次分明，令人回味无穷。而且，佢嘅分量真系好大碟，适合一班朋友一起分享，食得非常过瘾！总括而言，呢个卤水打冷绝对值得一试！
继续阅读
打冷一向比我既印象系传统饮食，一般都系啲老seafood 做，呢间竟然一班后生仔做，不过睇得出佢地应该系新入行，都系拍住老师傅咁做，呢间胜在气氛几好（可能后生比较多）卤水鹅够腍身，猪红好食辣椒油原来系佢哋自己炒，香味够，诚意十足其次，佢哋系有做埋牛腩牛杂粉面，招牌系崩沙腩，同埋牛杂，下次先再试吓环境方面，佢哋楼面只有四张细枱一张大枱，坐得会比较迫啲，不过冇所谓啦，香港本身都地方细，人迫啲，热闹啲卤水汁方面，我个人觉得就比较咸咗少少，有进步嘅空间
继续阅读
唔食鹅肉无嗌并盘，嗌咗一掌一翼一件豆腐（有芽菜垫底）加一份红肠墨鱼例牌（有花生垫底），分两盒装，收$206。佢话豆腐收$30一件，我话好啦无所谓。1. 红肠墨鱼质地最正常，不过唔系卤水味，但亚叔手套都唔带就咁喺一盘全部已切片嘅红肠墨鱼度乸一手放落煲汁度漾两下系咗起得，唉！明档都系咁！2. 豆腐无味无道，白晒晒切开几片连渌都唔渌下就摆喺个盒底系咗。3. 掌翼，唔知翻煮咗几多次，个颜色又系黑到一个点，味道咸到成家人一人夹咗嚿就收手。绝对唔系卤料味，完全系五香腩杂汁加大手味精鸡粉糖。（剩低𠮶啲我第二日夹两嚿用白水大滚甩啲咸味再煮面烚菜都仲够咸）建议你都系斋做粉面档算啦，你卤味唔掂，好彩俾你涯到个租期，唔好彩两年内可以告别大角嘴。
继续阅读
今日lunch路过见到呢间新开小店，门面似潮州打冷铺。入去见menu主要食牛腩粉面加潮州嘢。 小店都干净企理，座位同普通粉面店布置差唔多。Menu 写一般牛腩粉面鱼蛋𠮶啲都有，本来餐牌唔觉佢有写牛杂，问一问个侍应原来都有得食。牛杂清理得干净，味道都可以，略嫌过粉面汤底唔够浓。 见其他人都系食粉面为主。 简单lunch有多一个选择。👍加5蚊有罐装冻饮，汽水，豆浆。特别之处佢有罐装桔仔水，味道都OK唔太甜.
继续阅读