| 餐厅: | 聘珍樓 |
|---|---|
| 资讯: |
为推动全港减盐减糖新饮食文化及新生活态度，环境及生态局、降低食物中盐和糖委员会及食物环境衞生署食物安全中心推出了「少盐少糖食店计划」，参与食肆会提供少盐少糖选项予顾客，部份更会提供特定减盐减糖菜式。参与减盐减糖食肆会获发计划标志，以供张贴於店舖内，供顾客识别。详情可在此浏览：https://www.eeb.gov.hk/food/cn/committees/crss/restaurants.html
咸水角好食又脆口，外脆內軟，熱辣辣咁食真係一流。(隔離兜炒麵無食到，只係想食點心。)
蝦腸皮薄精塋剔透，咬落去蝦同腸粉配合得天衣無縫，再加上甜甜地既豉油，又係一流。
另外一流既就係佢地既椒鹽鮮魷，外脆內脆，咬落去先係脫卜卜既皮，後來就係魷魚既鮮味，口感堅韌有咬口，一條一條咁食我一個都可以食成碟！
棉花雞都OK，入面果舊「棉花」吸哂雞汁好好食，雞都滑而有鮮味，唔錯。
飲茶點燒賣是常識吧，食落肉多汁多，不過可惜既係冇牛肉球。
記得廿多年前，剛出來工作，第一次去到尖沙咀廣東道的聘珍樓(即現在的新太陽廣場二樓)。當時老闆請食飯，已記不起食過甚麼了，但仍然記得當時的感覺，門口十分有氣派的一間酒樓，當然，到了今天，高級的酒樓多的是，尤其是那些位於高層酒家或酒店內的中菜館，更具氣派，但不要忘記，廿幾年前的尖沙咀，海運大廈的海洋皇宮已經算是高級酒樓了。得閒問一問長輩，還記得當年有甚麼高級酒樓的名字，到今次還未執笠的…..
一直都無留意，聘珍樓的英文字併音：Heichinrou. 有無覺得奇怪?「聘」字；不論是國語或粵語；不是用”P”音? 點解會寫”H”? 心裡隱約想了一想，又不肯定，立即上網查一查。果然不出所料；聘珍樓的名字是由日本傳過來，早在1884年已經在日本横浜開業。每次去日本，有機會經過横浜的聘珍樓，總想幫襯，但心諗…. 無理由去日本旅遊吃中國餐吧，至始都未幫襯過一次….. 下次再經横浜時，無論如何都要入去。
如果有讀過日語，應該知道 半濁音的「ぽ行」(P音) 和濁音的「ば行」(B音) 都是由「は行」(H音)生出來。古代日語中的P、B、H 音很多時候會互換使用。諗住鬧我係度發噏風? 且慢…. 然而；我也只是初班的日語程度，但在學時曾經上過一年的語言(音)學課。一般人以為語言學都是悶死人的，我竟然覺得有趣，真係痴痴地線。日本人到現代也發不到「F」音，所有F音的字，日本人都是發「B」或「P」的，有無聽過日本人講廣東話? 「食飯」會變成「食扮」。福建人都一樣，只不過是F音發成H音，即「食飯」變成「食幻」。在古代全世界都沒有F音，莎士比亞時代的英語都沒有F音。英語有F字，但F字不是發F音，F音是近代演化出來。可惜我等傭材，上課時聽一半；唔聽一半，唔太記得老師講過原因，大致上都是口部發音的用力等等，發F音是較為用力。
陳皮牛肉球, 大點, 剛睇見雜誌介紹, 台北電影街開業的港式點心店, 免費試食點心, 正是陳皮牛肉球, 其標題是「頂級美國牛肉」，是用廣東新會陳皮做出來的，文章形容為“口感香郁，鮮嫩Q彈”…。 睇完後, 你會原諒眼前的這籠聘真樓的牛肉球, 畢竟…人比人 比死人, 球比球… 哈哈..
灌湯小籠包，大點，合格水準，有湯汁，皮的煙韌度也十足。此店不是標榜上海菜，我沒有太高要求，但只有黑醋而沒有醒胃薑絲，這店就…
芋絲春卷，小點，香脆唔油，香菇及芋絲，脆口中有煙韌，旁邊兩件是脆炸豆腐，我遲到，未有幸品嚐。
蜜汁义燒包，中點，醬汁杰度高，皮軟但肉質鞋口。
紅燒乳鴿，屬小型細鴿，肉少但嫩滑，皮炸得脆口。
農場鮮蛋撻，中點，好創意的名稱，雞蛋…又真係農場喎….，哈哈哈
瑞士雞中翼，雞翼好大隻，有些少嚇人，遠看以為是”鴨翼”。講明係瑞士汁，當然夠甜，味道不差於”太平館”…。 當然, 瑞士汁容易調配，味道很難相差很遠。
蘿蔔牛根腩，一般的是用白蘿蔔，但這裡用紅蘿蔔。紅蘿蔔比較甜，而白蘿蔔清甜中帶甘，兩者味道各有不同。牛根煮得夠軟，但入口仍有韌度，牛腩未算太淋，配上紅蘿蔔的味道，鹹甜度適中。
睇下佢隻碟啲花好靚@@ 茶既話我地叫左香片, 普洱同菊花茶, 水滖茶靚!
影片
