聖安娜餅屋 (灣仔道)

营业中

休息中

話說早前食完佢個薄朱mochi，仲回味緊，今次再試埋佢出左耐少少嘅薄朱日式蒸蛋糕。個蛋糕淺綠色，有啲朱力點點，即使唔識字都睇得出咩味，唔會同呢期同樣爆hit嘅開心果味撈亂講返個蛋糕先，佢好軟腍腍，好鬆軟，同一般蒸蛋糕一樣，個口食完唔會乾爭爭，有濕潤感。如果食到多啲朱古力碎，朱力味仲會再出啲。重點來喇，就係好似佢個mochi 咁，食完仲有浸涼浸浸嘅感覺，再食第2啖，個清涼感覺就加重，真係好正呀佢仲要十幾蚊，性價比極高

本身係薄朱控，見社交媒體網站薄朱谷話聖安娜出左薄朱mochi就試吓。估唔到香港有咁多薄朱控，去到只係剩番一盒（28大元，都唔平，不過我係會員最後埋單26.x）。我見社交媒體網站話雪凍仲好食，我就一個就咁食，一個雪凍食試吓有咩唔同。佢一盒有2粒，個皮青bb，好軟熟，入面啲餡口感好豐富，有薄荷cream, 似係oreo大粒嘅餅碎，同朱力醬。個人來講，薄荷同朱古力味都幾balance。重點係食完個口仲涼涼地同royal mochi比，我會揀聖安娜呢粒，royal 餡入面啲朱力碎有啲硬同痴牙至於雪左嗰個，我第2日就由雪櫃拎出來之後攤左陣（2分鐘），未解凍拎起佢個皮依然軟腍腍，餡入面啲oreo依然係脆嘅，感覺似食緊雪米糍咁。兩種食法中，我鍾意就咁食，薄荷味出啲。

臨近新年，又忙住搵拜年禮盒送比長輩用之前上網search過唔同品牌既賀年禮品好似餅乾，年糕，生果，茶葉全部都大同小異，冇咩特別唯獨聖安娜今年出左款🌸桃花酥🌸幾特別拿拿臨事前去訂左盒，$150 有2套價錢都好合理今日收到貨，包裝盒幾靚一盒共有六件，實物造型幾靚，大小適中有豆沙味同紫薯味2款2款口味都係大路口味，唔會難食得去邊睇酥餅顏色都容易分辨口味唯一缺點係唔放得耐食用日期只有一個月多d不過一盒只有6件，唔難會食唔晒🤣🤣

第二款糉是聖安娜的裹蒸糉，吃過多年，都沒有甚麼錯。一如既往，聖安娜的裹蒸糉都好好賣，小人今次買到的已是店子最後的一只。烚完之後，荷葉的香氣隨飄全屋。糉的內容自是不得之了的多：計有金華火腿、叉燒、豬肉、蓮子、瑤柱、花菇、鹹蛋黃等，應有盡有，適得其所！全部都好好味，尤其是金華火腿以及瑤柱特別出色，油香滲滿一切，加上肥應肥、瘦應瘦，餡料肉味豐濃，完全稱職的一隻裹蒸糉，好食到飛起！每嚐一啖，就是一啖的幸福！

有日行經聖安娜，見到佢有賣梳乎厘芝士蛋糕，有原味有焦糖味仲有大啲嘅款，咁我幾經思考之下，就揀咗呢一個焦糖味嘅梳乎厘芝士蛋糕!!我買咗返屋企之後呢，就先將佢擺入雪櫃，因為我成日都覺得雪過嘅芝士蛋糕個質地最啱我食！夜晚食完飯之後我就拎來做甜品，焦糖味濃，蛋糕口感豐富，有別於一般嘅海綿蛋糕或者係戚風蛋糕，芝士蛋糕嘅質地硬身啲，雪過就更加實淨，焦糖味就本身好甜，再配個芝士蛋糕呢成味道好平衡，而且都幾抵食！

今年中秋節，公司派送了聖安娜的奶黃月餅，小人事不宜遲，馬上到家附近新開的餅店拿取。月餅盒無需要浮誇的設計，因為小人著重的是內容是也。一盒八個迷你奶黃月餅，分上下兩層擺放。按盒內的指示，食用前先放進微沒爐叮十秒才食。其實未叮完已聞到陣陣香氣，極其吸引。叮完之後，香氣更甚，一咬之下，餅皮軟糯細滑，卻絕不會痴牙。中間的奶黃流心餡更是美味，甜度適中，奶香醇厚綿長，繞在口腔之中久久不散！這個月餅，對於不是甜品控的小人來說，也覺得十分出色呢！