而今小棧

营业中

休息中

粉嶺呢一間Cafe環境開揚，每次經過都見到有幾台客喺度食緊意粉同埋漢堡，今日中午有時間都過嚟試吓呢一間Cafe 。黑毛豬滑蛋飯個醬汁都幾特別，酸酸甜甜淋喺滑蛋上面，滑蛋整得嫩滑，將黑毛豬連埋滑蛋仲有啲飯一齊食，口感都可以，黑毛豬有五至六片。隔離配有沙律菜，沙律菜嘅黑醋有少少溝埋滑蛋飯嘅醬汁一齊，味道就更加獨特，沙律菜新鮮爽口。沙嗲海鮮卷卷粉見佢呢個係餐牌新菜式，而且卷卷粉最近大行其道，一試無妨。沙嗲醬嘅花生香味濃郁，融入喺卷卷粉之內。海鮮有少許帶子同埋兩隻青口，再配上一個蒜蓉包。帶子同青口不過不失，如果可以更多海鮮就更好了。卷卷粉較傳統意粉粗身，中間空心，應該係增加口感。香脆小食拼盤有兩件蝦多士、兩件炸雞翼、兩件魷魚圈。都係香口嘅小食，食落都不錯。

令人失望的一餐，飲品中出現一隻小曱甴，隨即告訴男侍應，一句「不好意思」也沒有，他只換了一杯飲品給我。意粉味道其實不錯的，蜆有一點沙，不過因為喝了三份一杯曱甴飲品，沒胃口吃下去。

📌粉嶺支持小店，吾只系一個口號，更加需要身體力行平民食堂最近系Threads見到一間附近既小店，好努力咁宣傳自己，雖然每日都經過，但系只系開張個陣幫襯過...😂今次就再黎幫襯下，支持下小店 一 而今小棧 @cafe.mome🐮🥚自家制牛肉漢堡滑蛋飯 $69以午市黎講，價錢好似稍微有dd...😂不過牛肉漢堡煎得幾香，一咬開仍然有肉汁，亦食得出牛肉香，而滑蛋亦炒得幾滑😋👍🏻📍而今小棧地址：粉嶺中心1樓219-221號舖

唔知大家週末晚上鍾意食咩?😉我自己就鍾意去唔同Cafe☕️食野，比自己休息一下，慢活一下!💕位於粉嶺中心#而今小棧 ，地點的確好方便呢!❇️雞肉磨菇長通粉份量都好多，意粉口感偏硬，但都唔錯，雞肉亦有好多件，肉質也不會柴，味道唔會太膩，亦岩晒鍾意食磨菇的朋友!❇️牛肉漢堡漢堡系值得點，麵包食得出有加牛油烘，很香又脆，牛肉好厚一塊，味道濃郁，加上芝士、蕃茄，有沙律菜伴碟，真的很美味😚😚😚 ❇️炸魷魚（4件）炸魷魚，一炸好就上枱，熱辣辣好酥脆，好好味，最啱就係配杯凍飲!!❇️黃金蝦多士（3件）金黃色咁賣相超吸引，好足料用咗好多蝦肉啖啖肉呢!!❇️百香果特調❇️雪榚紅豆冰順滑雪榚，令紅豆冰更加好飲!絕對是滿足晚餐! 好好休息!❇️是日甜品免加一，位置方便，呢個二人餐質素OK!!

住粉嶺一段時間，第一次去Cafe Mome 食晚餐，見到有精選2人套餐，有飲品2杯、主食2款（意粉/飯/漢堡）、小食2款，甜品，價錢頗經濟。香橙綠茶，相當清新解渴凍美祿，香滑是日餐湯，甘筍忌廉湯忌廉好香滑濃郁，朋友大讚。香脆小食拼盤有香脆的炸魷魚圈、微辣惹味又嫩滑的雞翼及彈牙蝦多士。蒜香蜆肉意粉香噴噴上檯，意粉好有蒜頭香味，非常惹味，蜆肉大隻，份量夠多，鮮味十足。芝士牛肉漢堡漢堡包質感軟熟，牛肉多汁，肉味濃郁，配上微溶的芝士，還有生菜、番茄等配合下相當美味。甜品是黑加侖子味雜果啫喱，充滿童年回憶。

粉嶺中心這間木系裝修的cafe mome, 環境不大，但坐得舒服。食物選擇都頗多，主打食西餐，價錢比一般cafe 平。墨西哥烤雞米形意粉，份量大大碟，包埋飲品只需$96. 米形意粉跟義大利米相似，口感像Risotto般煙煙韌韌，配上墨西哥醬汁，微辣惹味。當中的墨西哥薄片更能增加口感。全日早餐有煙肉，炒蛋，三文魚，沙律菜，牛油果，腸仔，薯角，本身配蒜蓉包，另加$12 可轉窩夫，十分豐富。配了兩杯特飲，熱情果夢幻及蜂蜜檸檬梳打都是紫色的，十分美。

粉嶺而今小棧店面不大但佈置溫馨，木質桌椅搭配綠植，讓人一進去就覺得放鬆。這次來試了他們的幾款招牌餐點，整體體驗還不錯。MOME全日早餐這份早餐分量十足，炒蛋滑嫩，香腸多汁，烤番茄酸甜適中，搭配的蘑菇炒得剛好，不會太油膩。食材新鮮，值得一試。熱鮮奶咖啡咖啡豆選得不錯，喝起來順口不苦澀，奶泡打得綿密，溫度也剛好。煙肉芝士牛肉漢堡配沙律讓人印象深刻，漢堡肉厚實多汁，煙肉的鹹香和芝士的濃郁搭配得恰到好處。麵包烤得外酥內軟，不會太乾。旁邊的沙律新鮮爽口，吃起來很開胃。熱抹茶鮮奶抹茶味濃郁但不澀，奶香和抹茶的苦味平衡得很好，冬天來一杯特別暖胃。環境舒適，服務態度也親切。食材和味道都有保證。

開咗一段時間嘅cafe，難得假期中午都冇乜人，就走入去試食。🥢 自家製蜜燒黑毛豬滑蛋飯似是預製，溫度不要，豬扒普通。🥢 芝士炸雞比利時窩夫窩夫自帶砂糖甜，都幾夾同芝士醬一齊食用，但炸雞就唔係炸雞，似煎雞，溫度微熱，可一不可再。☕️ Mocha - 機沖啡，比較甜，還好。☕️ Cappuccino - 機沖不過不失。食過一次還好，但短期內未必想再吃住，但價錢算公道，粉嶺除咗CoHee外，都真係唔多cafe，想食下不妨一試。

嚟到粉嶺都有啲咁靚嘅西餐廳，啱哂最鍾意食嘢打卡嘅我，環境都幾舒服，服務員好有禮貌。香脆小食拼盤啱啱好夠我哋兩個人食每人少少唔會過飽。煙三文牛油果手工貝果，個貝果好似係自家制，牛油果加埋煙三文魚個味道真係好匹配，仲有生菜同埋沙律汁整件事加埋嘅味道好好。自家製牛肉漢堡滑蛋，個名已經講咗嗰個牛肉漢堡係師父親手打出嚟，所以冇凍肉即食品嘅雪味。熱情果夢幻呢杯飲品酸酸甜甜夏天真係好啱飲，在加杯ice mocha夠醒神。

跟同事在粉嶺放工已經好攰，喺粉嶺中心見到哩間cafe，喺出面見到裝修主色調幾舒服，就一於坐低慢食放鬆下。同事好肚餓話一定要食飯，所以揀咗一個黑毛豬滑蛋飯等佢滿足下🤣🤣仲俾佢加錢配左杯草莓荔枝梳打，同事話味道酸甜清爽，一個字，好正！我自己唔算好肚餓就揀咗烤雞凱撒沙律，仲可以跟餐叫飲品，我本身好鍾意飲咖啡湯力，見到佢有個柚子咖啡湯力幾得意就加錢叫左，感覺十分良好，微甜的柚子蜜配上特濃咖啡嘅香味再加上湯力水的味道讓人十分滿意！😍😍我哋仲加左一碗餐湯share，是日餐湯係甘筍忌廉湯，濃厚嘅甘筍香味製作出香滑忌廉湯，係一碗出色嘅餐湯！🤤🤤同事應該真係好肚餓🤭🤭佢仲話要加個香脆小食拼盤，見佢每樣2件應該都食得哂就俾佢叫😂😂分別有雞翼、蝦多士、魷魚圈，當中個蝦多士尤其出色！下次都會叫🤤🤤

新年食左幾日中餐，想食返餐西餐，就搵下北區有咩cafe西餐好食。見到open rice呢間食評都唔錯，就決定去呢間。2點幾3點去到，咁啱都幾多人，得返一張2人枱。叫左個煙三文魚蕃茄意粉（$84套餐），白咖啡脆雞蛋包飯（$70套餐價）同單點waffle（椰子味雪糕球，$62）。waffle質感幾厚實，夠味，重有啲蜜糖，幾抵食。總體黎講，整體味道同性價比都唔錯，地方比較少，多人時可能要等位或坐卡位，會再encore。

星期六同屋企人去食下午茶 原來星期一至五先至有下午茶 所以最後叫咗午餐套餐食 食物水準都OK 唯獨薯條好乾好硬 價錢也可以接受不過收銀個妹妹服務態度就有待改善 又唔可以話佢好差 但絕對唔係好 🙅🏻‍♀️

之前原來試過卡邦尼意粉同埋啲漢堡都好好食2025年第一餐過嚟翻食點知見到整咗個海膽醬系列嘅新餐牌，開正我嗰範，一於試吓兩個人都點了意粉海膽醬鳳尾蝦意粉雙重芝士肉醬意粉特別鍾意海膽醬嗰個意粉好濃郁，好好食，有啲忌廉底而且性價比好高，同一個質素應該比外邊平咗10至20%，份量都好夠甜品cheese cake都好正，推薦焦糖芝士蛋糕。主要係呢個商場泊車同埋泊車優惠都好方便所以幾鍾意過嚟依家又可以多一個選擇

今晚去左粉嶺中心呢間cafe MOME食飯，餐廳係歐陸風情嘅裝修風格，配上聖誕裝飾，濃濃嘅聖誕氣氛。四周環境寧靜優雅，燈光柔和地灑在每個角落，木質嘅裝飾令人感受到無窮嘅舒適與溫馨，十分適合親友相聚或獨自享受美食時光。Cafe有主食、小食、甜品、飲品提供，亦有精選二人晚餐，價錢相宜，味道方面亦唔錯。我地叫左個二人餐當中有白咖哩脆雞滑蛋飯:白咖哩香濃唔辣，味道甜甜地，令人一口接一口。加埋脆卜卜嘅嘅鮮嫩雞塊，軟滑嘅滑蛋同埋沙律菜，賣相精緻，非常吸引。蒜香蜆肉意粉：蒜香四溢，蜆肉好新鮮好甜美，份量足夠，而意粉煮得恰到好處，既有嚼勁又不失軟糯，令整道菜品層次感更加豐富。魷魚圈：外皮炸得金黃酥脆，內裡嘅魷魚鮮嫩多汁，又好彈牙，搭配特製的醬料，係絕佳小食之選擇。蝦多士：多士上面鋪滿左新鮮嘅蝦肉，咬落去香脆酥軟，呢個經典港式小食香口惹味加埋鮮甜彈牙多種口感，一次過係口腔內大爆發。朱古力布朗尼蛋糕：口感綿密，朱古力味濃郁而不過甜，同冰凉嘅雲呢拿雪糕完美搭配，為餐後帶來一抹甜蜜回憶。整體今晚嘅晚餐為我地帶黎唔錯嘅用餐體驗。除左適合情侶約會、朋友聚會外，亦可以一人獨自享受安靜時光，係一間讓人放鬆身心、享受生

🧡 海膽醬鳳尾蝦意粉：海膽醬非常濃郁，掛掛在意粉上，每條意粉都有足夠醬料，隻鳳尾蝦🦐好大又彈牙，小朋友都鍾意食😋🤎 自家製牛肉漢堡滑蛋飯：隻滑蛋捲得好靚，蛋味濃🥚，牛肉漢堡肥瘦適中🐮，口感彈牙，醬汁偏鹹但撈飯剛好💛 煙肉酸忌廉焗薯：煙肉炸得香脆，焗薯香甜，配酸忌廉特別好食💜 蜂蜜檸檬梳打：蝶豆花紫藍色，有啲蜂蜜好甜，好清新又靚🧡 柚子咖啡湯力：咖啡味酸，配搭甜蜜柚子蜜，啱晒想飲咖啡，但怕苦嘅人，我自己就非常欣賞