老趙越南餐廳

营业中

休息中

越南雞絲沙律 $78雞絲手撕細緻，入口嫩滑，配上紅蘿蔔絲、滿滿椰菜絲同青瓜片，爽脆清甜，魚露醬汁酸酸辣辣好醒胃，另外再配上脆口蝦片，夾埋沙律一齊食爽口惹味又唔會太熱氣香茅雞翼凍檬 $76雞翼肉質嫩滑，咬落有陣陣香茅味，加埋撈檬嘅靈魂-魚露醬汁酸辣惹味，撈埋檬粉一齊食酸甜清爽，夏天食好開胃老趙無骨雞飯 $72雞肉去骨煮得軟嫩啖啖肉，蘸上微酸微辣嘅醬汁幾開胃，雞油香飯粒軟硬適中，食落香口又唔膩蒜蓉炒時菜 $58蔬菜炒得翠綠，有油麥菜、椰菜同生菜，入口爽脆無渣，調味簡單帶蒜香，唔會太油椰汁拉椰卷 $34椰汁拉椰卷甜而不膩，Q彈軟滑，似果凍咁滑，卷上有濃尬嘅椰奶，甜度適中，外層灑上少少花生，增添香脆感同層次西貢啤 $36西貢啤冰凍清爽，帶淡淡嘅麥香同微苦，啤酒口感輕盈，配搭越南菜嘅酸辣味道好解膩越南即溶咖啡（凍）$36咖啡濃郁香滑，咖啡香氣濃厚，入口有陣陣焦糖嘅甜香同微苦，加咗煉奶後甜度適中，飲落好醒神📌老趙越南餐廳 (佐敦)地址：佐敦文苑街25-27號地舖

講到食越南嘢，佐敦呢間"老趙越南餐廳''就係香港一家歷史悠久嘅越南菜館,以其傳統越南風味同招牌菜式而聞名。老字號越南菜已經經營多年,曾被評為連續7年米芝蓮推介餐廳(2011-2017)，出名菜式夠曬正宗。佢哋最出名嘅名菜友🥓🍜老趙牛肉粉$88- 湯底以牛骨熬製,濃郁鮮甜，而且用料十足，除咗有嫩滑嘅生牛肉之外，仲有牛筋牛丸同埋牛腩，真係牛魔王嘅至愛！🍖🍛椰子水滷肉飯$72- 淡淡嘅椰子香味，滷肉厚肉嫩滑又入味！ 用醬汁撈飯食真係一流!🥬蒜蓉炒時菜$58- 新鮮嘅青菜炒得好嫩綠，味道又夠，仲夠曬大碟！🧆椰汁拉椰卷$34- 濃郁嘅椰漿，再加少許花生， 令清新嘅拉椰卷帶有少少甜味，做飯後甜品真係唔錯！整體嚟講,餐廳係香港較具代表性嘅越南菜老店,適合喜歡傳統越南風味的食客嘗試。

呢間餐廳經營接近50年越南正宗口味，呢度拎過好多米芝蓮獎項，連續獲得七年米芝蓮推介，環境都企理光猛，叫左比較地道既越南燒香茅豬扒濱海，豬扒用香茅調味，再炸至香脆，豬扒仲幫我地切件方便易食，海濱粉絲一塊塊夾住豬扒黎食減低左油膩感，又有咬口，感覺好似食生菜包甘。另外，我地叫左一份牛肉炒河粉，獲氣十足，牛河仲用左蔥，洋蔥，辣椒，韮菜等配料炒成，河粉嫩滑。炸蝦餅食落軟腍，外脆內軟，佢入面既蝦膠比較軟身無甘硬。甜品必食推介唔會好甜，又好煙韌一層層既口感加埋花生碎，椰汁食好夾。

老趙越南餐廳每款都食得出用心 經營咗接近50年好接近越南正宗口味聽聞佢仲連續獲得七年米芝蓮推介價錢合理 食物水準穩定 無論鍾意食粉定係想食小食甜品都好易會搵到心水✧ 醬茄蟹膏湯粉（$76） 嚟到老趙真係唔可以唔試下佢哋招牌醬茄蟹膏湯粉 湯底用咗大量蟹膏同茄膏一齊熬製 味道濃郁又帶少少酸香 飲落去又唔會膩 每一啖湯都飲到蟹膏嘅咸香 同時又有番茄嘅鮮甜 粉條煙韌唔會糊晒 吸晒啲湯汁 配料都幾足料 有啲蟹膏肉粒粒 食到好滿足 ✧ 生牛肉粉（$62） 生牛肉粉都係另一個必食之選 牛肉片夠薄又新鮮 落到滾湯度即刻變粉嫩 入口嫩滑 牛味好香 夾埋河粉一齊食好正 湯底清甜唔油膩 食落去好舒服 每啖都食到牛肉精華 ✧ 炸蝦餅（4件）（$78） 炸蝦餅熱辣辣一上枱就好香 外層炸到金黃酥脆 咬開入面係足料蝦肉 蝦味濃郁 唔會太多粉 每件都食到啖啖蝦肉 配搭少少酸甜醬更加開胃 ✧ 香脆牛油雞翼（$98） 雞翼炸到外皮香脆 一咬落去就有牛油香味湧出 雞肉嫩滑 唔會炸得太乾 牛油味同雞肉味夾得好好 食完一隻真係想再追加 ✧ 椰汁三色冰（$34） 椰汁三

柯士甸站走幾分鐘的轉角街口，有家連續7年取得米芝蓮的越南菜，經營了近半世紀的老字號，價錢貼地，特意來試試生牛肉河 $62作為去過多次越南旅行，生牛河愛好者來說，這裡的牛河味道的確正宗，湯底是肉骨鮮甜味，自己再加青檸汁和辣椒粒，酸酸辣辣很惹味燒香茅豬扒濱海 $128現時在香港，有濱海吃的越南餐廳不多，將蔥和炸蒜放在米粉面，夾着香茅豬扒和生菜一起吃，豬扒入味鬆化，加點魚露，的確出色，必點咖喱牛腩煲跟法包 $158牛根腩炆得軟冧，份量足料，咖喱很香椰汁味，特別一讚法包很新鮮，外脆裏面鬆軟，沾咖喱汁一流香辣肉碎生菜包 $88跟泰式生菜包味道截然不同，沒有了泰式的酸味，變成了九層塔獨特香氣，份量同樣相當足料斑斕椰汁紅豆冰 $36斑斕味很香，不太甜，值得一試食物水準高，味道正宗，價錢不貴

為食花太郎 Fafafoodblog 老趙越南菜館 🍴迷你春卷 40 蚊🔥好香脆既春卷 入面有粉絲 蘿蔔 好有口感 連埋生菜包住 點甜酸汁正🍴香脆牛油雞翼 4 隻98蚊🔥🐥🍴老趙牛肉粉88 蚊🐂河粉好爽 加d香葉 辣椒 青檸汁 好正 牛肉有牛筋牛丸 生熟牛肉 好有牛肉味 正🍴香茅豬扒炒紅飯128 蚊🐖香茅豬扒大大塊切成片 ,厚度適中 帶d豬油肥膏 紅飯 飯粒分明 帶d蕃茄香味 同香茅香料好夾 🍴椰子水🍴越南凍咖啡🍴椰汁拉椰卷34 蚊🌿炒過既花生鋪喺面 椰汁喺 個班蘭卷 好爽彈好味#春卷 #牛肉 #河粉 #雞翼 #牛油 #班蘭 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#老趙越南餐廳佐敦文苑街25 至27 地鋪~~~~~~~~~

突然想食越南嘢 最後入咗間經營幾十年嘅老字號 加上佢係米芝蓮推介餐廳 口味一定正宗🙂-🍤迷你蔗蝦先order小食‼️ 我鍾意香口嘢 蔗蝦係good choice 爽口彈牙 跟住「口動榨汁機」上身 K.O. 小甘蔗 味道不知幾清甜…-🫔越南蒸粉包食越南嘢 又點少得拌魚露😁 蒸粉包要加啲魚露趁熱食 粉包裏面有豬肉碎蝦米粒 底部油潤 再加面頭嘅乾蔥片 味道好豐富-🍜香茅豬扒撈檬俾我勁落魚露之後嘅撈檬 既鹹又鮮👍-🥥椰汁三色冰🥥椰汁木薯綠豆冰冰椰奶俾得慷慨 豆粒🫘軟綿綿起沙 直頭係一個飲得嘅甜品😜🧆黑椒牛柳粒 黑椒汁滲入肉質軟嫩牛柳粒裏面 再配搭清新洋蔥片 每啖包滿黑椒香味 今次食撈檬加小食實在飽肚 下次我會追加一碗紅米飯嚟配呢個主菜😬

香茅豬扒粉🥢粉條滑溜，豬扒煎得金黃香脆，配上香茅嘅香氣，真係令人一試成主顧！湯底清新，唔會太油膩，好滿足。黑椒牛柳粒🐮牛肉炒得非常嫩滑，黑椒醬汁濃郁，味道正好，仲有啲微辣，真係開胃，每一口都充滿咗肉香！小火鍋沙爹湯🔥牛肉打邊爐同檬粉，湯底香濃，沙爹味十足，唔會過咸，適合一邊煮食一邊享受。牛肉嫩滑，檬粉吸收咗湯底嘅味道。青檸梳打🍋清爽消暑，酸酸甜甜，幫助解膩。斑斕椰汁紅豆冰🍧椰汁香濃，紅豆軟身，搭配斑斕味道，口感豐富。

好耐無食越南菜🇻🇳今日又去食下，餐廳經營接近50年，仲連續獲得七年米芝蓮推介，是越南正宗口味～炸蝦餅(78hkd) 表面有炸蒜和乾蔥，蝦餅口感和過往食過的不同，不是好緊實，反而好軟彈，油亮油亮～香脆牛油雞翼(98hkd) 牛油🧈味香而不膩，不會油淋淋，入面好juicy爆哂雞汁，炸皮較薄，不會刮口～黑椒牛柳粒(138hkd) 淡淡黑椒味，不會搶過牛柳粒的牛肉味，肉質軟腍，加上洋蔥🧅炸蒜增加口感，香口小菜生牛肉粉(62hkd) 湯底由牛骨熬煮而成，熱湯浸幾下，已將生牛肉片灼熟，保持到軟嫩，好多片肉，河粉也不會一夾就斷越南手沖咖啡(36hkd) 咖啡味重，非常香濃，有種獨特的炭香味☕️奶茶(30hkd) 奶好滑，甜度剛剛好，茶同奶的比例得宜#foodiblum東南亞

📍文苑街25-27號地舖 收工衝落文苑街搵食，撞正呢間騎呢綠招牌「老趙」，半開放式廚房傳嚟嘅香茅爆炸味，仲勁過街尾廟嘅香火！阿姐操住廣東話混搭越南話落單：「金乜換炒河啊？係咪走青啊靚仔？」，未食先笑飽三分。 🍜 金不換炒河｜鑊氣核彈：🔥🔥🔥🔥🔥 以為普通乾炒牛河？錯！河粉染成軍綠色（金不換葉打汁！），鑊氣猛到辣眼睛。牛肉薄切到透光，掛滿混咗蝦醬嘅神秘黑汁，最癲係撒咗層炸芋絲，脆卜卜撈埋煙韌河粉，口感似食緊鹹版彩虹糖。小心上癮，食完成晚打嗝都係九層塔味。 🥗 鮮蝦柚子沙律｜解膩神器：💣💣💣💣 柚子肉大過麻將牌，咬落爆汁程度似中頭獎！虎蝦用青檸汁醃到半生熟，黏住烤花生碎同薄荷葉，酸辣汁暗藏魚露殺機。隱藏食法：搶埋隔離檯嗰樽辣椒油，滴兩滴即刻由清新mode轉戰地模式。 🥩 法式蒜片牛柳粒｜混血王子：👑👑👑👑 以為去錯扒房？牛柳粒大過骰仔，表面焦糖化到似朱古力脆皮，咬開仲流緊粉紅肉汁！蒜片炸到似金色薯片，撈埋黑椒牛油醬，邪惡到想拎嚟撈白飯。温馨提示：食完記得check牙縫，蒜味殘留量夠嚇走成個車廂嘅人。 🍢 串燒拼盤｜炭火江湖：🔥🔥🔥 牛雞豬三國演義，最正係個自家製斑㦸醬——

聽朋友講呢間係一間歷史悠久嘅越南菜，咁啱嗰日喺附近約咗朋友玩，就決定嚟試吓。不得不承認有少少失望，侍應態度唔好，上菜又慢，份量又細，食生牛肉河個湯好甜，唯有攞碟辣椒，點知碟辣椒得四小粒，然後要自己再去搵多一碟辣椒。

老實講，住附近嘅街坊都知呢間嘢係咩料。但係屋企老人家想食越南嘢又唔想去遠地方食，只能夠揀老趙。其實佢以前正正常常，但係唔知由幾時開始就變得越嚟越求其。好似以前識咖哩咖哩都仲會有蒜蓉包，而家就得返普通法包。炒粉炒菜都係，而家變得冇晒鑊氣重好油;啲料仲要落好少。今次最令人唔爽嘅就係，佢嘅金不換牛肉炒飯啦，成碟嘢搵到底都剩係得一塊金不換，大佬你疊嘢成百幾蚊。仲有出餐，真係好😕

諗住食對面間泰排檔，但趕時間太長龍走去老趙，老趙由多間到而家執到得返老鋪，真係有原因，咖哩咸到苦，生牛肉銀到擦子膠咁（原來切錯肉紋）杯咖啡直頭糖水咁款，就算唔講話咩返大陸，而家市面好多pho,唔執無天理。雖然午餐時間但係唔算爆，可惜所有食品超過20分鐘先到包括飲品，連隔離枱幾碟嘢食，睇到佢都追咗三四次，到最尾梗要取消其中一樣嘢食，見到隔離枱嘅無奈，個阿姐講，唔關我事廚房做唔到，唔煮冇辦法。。。。。。。。。。。。。。。最後奉勸呢啲所謂老店由得佢執笠啦

老趙始終係老字號, 屹立不倒多年一定有原因！老趙算係全港數一數二越南菜之一🥰 我自己本人鍾意越南菜多過泰國菜, 因為越南菜比較清淡一點, 就算每日食都可以接受！小時候, 爸爸媽媽經常帶我去老趙, 現在由我帶囝囡去食, 感覺依然, 情懷不變 🥰 今日一行6人, 等咗幾分鐘安排坐位, 坐低已經急不及待落 order😋 越南生牛肉粉👍🏻 燒甘蔗蝦👍🏻 奧巴馬豬肉檬👍🏻 黑椒牛柳粒炒紅飯👍🏻 椒鹽軟殼蟹👍🏻 一輪狂風掃落葉之後, 感覺大滿足的一餐😋😋😋

1. 30度唔開冷氣, 全部顧客都出曬汗2. 成個餐牌有一半嘢食都冇得嗌，店員聲稱廚師放假, 得返烚嘅嘢食i.e. 河粉，懷疑係店員自己煮3. 店員態度一般，聲稱 '你哋熱我哋都熱㗎'我哋一行五人行咗15 分鐘先至去到呢間餐廳，出面30幾度, 入到去同出面係冇分別，溫度都係30幾度。我哋有問店員可唔可以開冷氣，佢哋聲稱開咗，但係冷氣完全冇風..過咗半個鐘之後我哋差唔多食完，佢哋突然間又開到個冷氣, 出熱風...入到去諗住試吓呢間"前"米芝蓮餐廳，竟然同我講淨係可以嗌烚嘅嘢食，其他都冇得嗌.烚嘅食物無嘢好評價，但係其他嘢基本上同街邊檔冇分別。