老媽拌麵 (信德中心) (已結業)

適逢到信德中心時為放飯時間，人龍絡繹不絕， 見到有老媽拌麵，突然有食台灣面嘅衝動，就行咗入去食。由於依間分店應該主要做外賣生意，所以堂食位只有大概四至五個。叫咗一份清燉牛肉麵，然後可以加18蚊有冷泡茶同埋一份燙青菜，可能因為節省人手，所以就算係堂食所有餐具都係用即棄餐具，感覺有少少唔環保。清燉牛肉麵麵底比較少，如果比較大食嘅朋友就可能要加一加底，牛肉有三舊，尚算大塊，不過好彩有一份好大份嘅燙青菜，所以就飽反啲，跟餐嘢飲我揀咗鳳梨茶，菠蘿切碎咗令入口更加容易，不過可能冇搖勻，所以會有啲茶冇菠蘿味。…查看更多

在上年 6月最後一個星期，我租住尖沙咀富豪九龍酒店一星期的 Long Staycation，平日早上，穩陣起見，我總會出到工作地區的上環食早餐！:)早前，返工前經過上環信德中心 2樓的台式小店 <老媽拌麵> 竟然咁早開咗！ 還要每日供應台式營養早餐！台式營養早餐：由 $38~$55 (推廣優惠折實價 $32~$47)台式蛋餅 $32有清爽的生菜、口味突出的豬肉鬆、帶出鹹香的芝士，店員阿姐話，用咗兩塊芝士！柔軟暖身的蛋餅皮外層，質感似酒樓食到的煎薄餅！凍豆漿 (無糖)只有凍豆漿，可選擇有糖或無糖！豆味濃郁！…查看更多

《 朱古力撞黑糖？伏！！》有時飲品嘅配搭都好重要，今日就學識左黑糖同朱古力味唔夾。兩者分別有自己獨特嘅味道，兩者都不能融為一體，變左聞到朱古力香但係入口卻有黑糖甜味，有黑糖香但入口竟然係朱古力味....真係不了不了⋯⋯🙄…查看更多

真係超級耐無食過老媽拌麵喇，忍唔住手買左個外賣攞走食。川味紅燒半筋半肉牛肉麵，選用四川陳年豆瓣、大紅袍花椒、濃醇牛骨湯製作湯底，味道獨特，飲落麻香兼備，牛筋口感滑身、有咬口，牛腱口感軟腍，食落好入味，關廟刀削麵口感爽滑，可免費加麵底，配料包括有紅蘿蔔、白蘿蔔、辣椒、小棠菜。燙青菜，份量多，生菜配以香蒜、甜醬油食用，味道簡單、惹味，食落好新鮮，口感爽脆。阿里山高山冷泡茶，茶味濃厚，味道清香、唔苦澀。…查看更多

台灣人氣品牌老媽拌麵，登陸香港後不段擴展業務，已經有4間分店，分別在將軍澳、屯門、荃灣及上環各開設分店。冒名來到上環信德中心2樓分店，店舖細細裝潢簡潔像台灣夜市風。座位不多主要做外賣。除了出了名的拌麵亦有飯類、台式小食、甜品及飲品等提供。我叫了私房花雕醉雞拌麵，上枱聞到芳香撲鼻，材料有醉雞，青菜、溏心蛋、玉米荀及拌麵，價錢稍貴一碗細細的面要HK$78。雞肉好香酒香肉質嫩，麵條真的好好好彈牙，可惜湯汁較為咸，整體來說滿好食又有台式風味。…查看更多

最近疫情又開始嚴重，呢日喺上環呢邊收工，好肚餓，拿拿臨買外賣返屋企食。經過呢間台灣過江龍-老媽拌麵，睇見門外menu都覺得吸引！一於試下！店鋪門面乾淨企理，外賣包裝得好好！整整齊齊一袋拎走非常方便！返到屋企全部完整無缺，外賣盒實淨確實係有功勞！一打開蓋，已經聞到個湯好香濃！✨川味紅燒牛肉麵 $72+$15轉套餐湯底非常濃郁，好香花椒八角味，又唔會好辣。紅燒牛肉肉質軟腍，入口鬆化，仲好入味！麵底分面，有粗麵/幼麵可以揀，我比較鐘意有咬口，揀咗粗麵，質感果然煙韌彈牙。油菜份量都好多，大大盒！洛神花茶甜度適中，酸甜清新！夏天熱辣辣飲，夠哂消暑解渴！…查看更多

原本諗住今日一定要OT，點知早咗做完嘢， 屋企又無飯食，唯有行吓附近睇吓有咩好嘢食。之前經過幾次呢間老媽拌麵都無緣食到，就趁今日試吓佢！Menu好簡單，就係揀一款拌麵，鍾意嘅可以升級做套餐，會有一個菜同埋飲品。見到和牛炸醬伴麵都只不過係$70 ，只需要加多$15就可以升級套餐有菜同飲品，咁抵梗係加啦！返屋企路程都有成20分鐘，估唔到打開外賣盒食物都仲係暖嘅!和牛肉醬面頭有隻靚靚嘅太陽蛋，下面鋪滿和牛肉醬，食落同聞落味道都一樣咁香濃，甜甜地嘅肉醬拌麵真係一流！ ！飲品揀咗高山茶，估唔到原來有咁大樽！！加埋灼完之後仲係咁嫩綠嘅小棠菜，呢份晚餐好啱心水！…查看更多

老媽拌麵喺上環信德中心入面，雖然以外賣為主，但鋪頭入面都有小小位可以堂食。之前食過老媽拌麵既花雕雞麵覺得唔錯，所以今次就試下和牛炸醬拌麵。和牛炸醬味道香濃，牛味都算突出，夾埋炸醬一齊食都幾惹味，如果和牛粒再多啲就好啦！拌麵配料有豆干粒、甘荀、黑木耳、小黃瓜同太陽蛋，撈埋一齊食幾有口感。老媽拌麵既粗麵真係無得輸，口感彈牙得黎略帶煙韌，而且好掛汁！另外加左$15轉套餐，包蒜蓉汁小白菜同茶飲。餐飲揀左阿里山高山冷泡茶，味道清香，而且無加糖，岩哂OL們。…查看更多

咁o岩今日有文件要攞嚟上環，送完件順便可以放工，行過信德中心見到有間老媽拌麵，橫掂今晚要自己食飯，就簡單買個外賣。見到有個私房花彫雞伴麵好似比較少有，仲有半隻溏心蛋幾吸引，加少少錢仲有一份菜同埋飲品，咁抵就決定升級啦！返到屋企打開包裝盒食物仲係熱熱地，估唔到保溫都做得唔錯！而且個外賣紙袋都好實淨！小棠菜好大棵，雖然焗咗一陣，但係依然保持翠綠嘅顏色！花彫雞伴麵嘅份量都唔少，每件都好有肉，而且都非常入味，淡淡嘅酒香味，加埋伴麵嘅醬汁，一啲都唔乾，仲要非常飽肚！飲品叫咗金羅漢果海底椰，大大杯，見到片片椰子，飲落去甘甘地，夏天食伴麵的確係唔錯! 呢間外賣值得再去幫襯！…查看更多

加班首選之平靚正的外賣好地方～～～ 臨收工之際 突然被告知要加班 就近近地去咗公司附近嘅信德中心買外賣 我係呢間老媽拌麵嘅長期客仔 如果大家有留意飲食新聞嘅話都應該聽過呢一款係台灣好出名嘅老媽拌麵 佢哋之前仲獲得著名泡麵達人評選為全球10大泡麵嘅第一名 而中意食麵嘅我亦係對佢一見鍾情～～～私房花雕雞拌麵 炒野菜 同台灣仙草茶 係我每次必叫嘅金三角組合 三樣嘢加埋都唔使$100 非常抵食 office嘅同事受我推介完食過之後 都成日買 😁～～～私房花雕雞拌麵：花雕雞大大件 花雕味好重 溏心蛋香香甜甜 又夠流心 而粗拌面就夠彈牙 而且好飽肚 大胃王或男士做晚餐都完全夠食～～～野菜：佢地椰菜次次都比大大兜 啱晒我呢d少係屋企食飯 冇咩機會食菜嘅上班一族～～～台灣仙草茶：黑漆漆的一杯 望落好型 味道甜甜地 又唔會太甜嘅 幾清熱氣嘅感覺 好似好味嘅涼茶 啱曬加班加到肝火盛嘅我～～～推薦度：🔥🔥🔥🔥🔥🔥🔥🔥餐廳：老媽拌麵 (上環)地址：上環干諾道中168-200號信德中心2層202號舖…查看更多

📍老媽拌麵 (上環)🔍上環干諾道中168-200號信德中心2層202號舖-----媽咪打牌，今晚又要食自己。有時收工好攰，真係唔想煮飯，我就會近近地係屋企附近嘅呢一間台式拌麵買外賣返去食。佢哋嘅餐牌主要以拌麵為主，加$15就可以升級套餐有青菜同飲品，幾抵食。餐廳嘅木色裝修頗為清雅，但鋪面唔算好大，只有數個座位，大部份人都係嗌外賣攞走。-#和牛炸醬拌麵（$78）波浪形嘅台式粗面口感煙韌彈牙，配搭肥瘦適中嘅台式炸醬，食落油膩感唔重。除咗炸醬之外，其他配料有甘筍、黑木耳、小黃瓜同太陽蛋等等，整體味道調配得唔錯，而且份量頗多，非常飽肚。-#燙青菜：青菜份量裝滿一整個盒子，平時單叫要$22一份，所以升級套餐實屬划算之選。-#台灣仙草茶：冰涼透心嘅仙草茶可以清熱氣，降降火，夏天消暑一流。-----👶🏻B仔整體評價：8.2/10個👍🏻👶🏻B仔抵食程度：7.5/10個👍🏻👶🏻B仔環境評分：外賣yo👶🏻B仔味道評分：8/10個👍🏻👶🏻B仔回頭機會：8/10個👍🏻-----#swallowhongkong跟住我一齊吞食香港啦！🤤#swallowsheungwan…查看更多

平時外出吃飯，總是多肉少菜，甚至乎沒菜🙊🙊但老媽拌麵的套餐，卻有一大碗麵，一客菜及一支冷泡茶，吃起來感覺上就健康得多了，有菜的纖維，又有茶的解脂🤩🤩🤩而麵的份量，也足夠🤩🤩和牛炸醬拌麵，和牛炸醬很惹味，而且餸的份量也不少，還有一隻脆邊蛋，很少食店是真正做到脆邊蛋，很驚喜🤩🤩🤩菜的話是生菜，而且還有炸蒜，令整個菜變得更惹味，吃起來也不會覺得寡🤩🤩🤩冷泡茶吃完飯後，整支還可留下來慢慢品嚐，啖啖茶香味很正，做野即醒神晒🤩🤩…查看更多

一個人喺信德中心做完嘢， 想簡單方便食埋個晚飯就走人， 眼前一亮，老媽拌麵就在我眼前，唔洗諗， 今晚就搵媽媽 。一人餐有麵有菜再加埋嘢飲都只係六十零蚊起，抵食啦，又唔洗自己煮同洗碗。私房花雕雞拌麵 刀削麵古法手工製造 的台南關廟麵 ，麵條 條條都係太陽光自然曬乾， 食得天然，而且咬落爽彈可口。 配料 私房花雕雞用釀了3年的花雕酒浸泡，以slow cook方式將酒逼入雞，咬落雞肉啖啖香嫩，除左雞之外，白玉菇，溏心雞蛋， 小棠菜同埋粟米芯 都讓到成碗面嘅色相非常美麗， 一整碗 味道芳香。一人套餐配埋生菜， 生菜唔會整得個淋， 一個人餐都可以好健康。餐飲叫咗 洛神花 茶，酸涼甜甘，生津解渴， 而且對女性非常有益 ，勁養生。…查看更多

琴晚要番學，晚上要係上要搵食，黎到信德中心又見到呢間老媽拌麵，但這間是主營外賣，堂食得幾個位～～今次試下menu內呢個 和牛炸醬麵 同荔枝綠茶 😊😊😊首先，見到隻太陽蛋，靚蛋黃，🥰🥰🥰🥰🥰如果更加濃邊就無敵了拌麵 用咗豆腐乾 和牛肉碎 青瓜蘿蔔絲等，撈起上黎都相當開胃🤤🤤 份量剛剛好 ，一陣上堂唔會眼瞓😁😁😁😁😁荔枝綠茶就正正常常咁～～現在無得去台灣，食住台式野頂住檔先🥰🥰🥰🥰🥰🥰🥰下星期再試下其他野食…查看更多

又係老媽拌麵～～～～～～一向都係台灣關廟麵既忠實粉絲一睇就知唔惹少啦呢袋take away川味紅燒半筋半肉牛肉麵$78每次買take away都花多眼亂有選擇困難症真係唔知點算好.........今日想食下辣就一於簡佢個湯頭堅係濃味辣味就未到於好勁，個麻辣就係台式麻辣而唔係四川麻辣牛肉炆到好腍好入味，仲有大白菜、紅蘿蔔、白蘿蔔我當然就揀粗麵啦，貪佢有口感蒜蓉燙青菜，個豉油甜甜地配埋炸蒜真係一流唔好甜野既我無糖冷泡茶就最啱我…查看更多