老地方 (已結業)

今日介紹一間係油麻地果欄附近嘅一間非常隱蔽嘅小店🔍 由於鋪頭面積目測只有幾十呎 一般都叫外賣食💁🏻‍♀️ 同埋得一個員工 所以最好用OpenRice 落左單再自取就慳番啲時間啦 🍳 蛋汁古早味滷肉飯 $43半肥瘦既滷肉，食落唔會鞋口或者好漏， size同口感係岩岩好比你咬到一粒粒但又唔需要認真咀嚼😆。 滷肉汁味道唔會好鹹，似屋企食飯個種好自然唔搶既味道，撈埋蛋汁，香滑濕潤， 好好送飯☺️ 不過今次食肉汁唔係好夠， 多番啲就好啦 🫔黃金泡菜蛋餅 $37除左傳統啲既芝士、 肉鬆或者粟米蛋餅， 老地方仲有黃金泡菜蛋餅， 用豆腐乳、蒜頭，紅蘿蔔整既黃金泡菜， 比韓國泡菜冇咁酸同辣， 用黎整蛋餅會多左份爽脆清甜，比較開胃😋涼伴肉鬆豆腐 $30 老實講係好易整既一道涼菜， 咸咸甜甜既木魚肉鬆撈埋豆腐， 就係咁簡單好食！ 總括黎講，味道、份量合理，價錢都好親民， 糧尾恩物😆

絕對值得一試再試既台灣當地美食小店 我一個人叫左肉鬆蛋餅 真係好好味 個皮係台灣當地qq彈彈既皮 老闆娘自己整 再加埋個靈魂辣醬 好食到我停唔到口 我食左一份都唔夠喉既感覺 再外賣多一份俾屋企人 另外我叫左特大芋圓鮮草 真心正 老闆娘人手製作 真係勁大粒仲有芋頭粒 真材實料 正到暈 我仲叫左台灣腸同埋檸檬愛玉 好好飲我最欣賞既係老闆娘對食物既堅持同熱誠 我絕對會再反利幫襯

巷中唔留意都唔會見到嘅小店…近果欄附近…堂食位置不多只有四個位！但食物不錯、價錢相宜、值得一試！試咗芝士肉鬆蛋餅、台式原味腸、肧芽奶茶同芋香珍珠奶茶作下午茶！值得推介！

隱藏於油麻地外圍，附近更全是車房，室內更只有三個座位，如不是有人推介，真係未必會搵到來。油麻地果欄相信未去過的人也一定知道在那，其實由果欄行過來也不用3分鐘，非常近。到店時剛好有兩位女士在內買外賣，等佢哋走後我們才入去；因地方實在太細，一齊迫入去又好似唔係幾好，還是等一等吧。我們叫了一個古早味魯肉飯配蛋汁、台灣擔仔麵、、迷你台灣腸、海苔起司肉鬆蛋餅、鳳梨冬瓜、原個日本水蜜桃芭菲。蛋汁原來即係煎蛋，當然燶邊太陽蛋就最合我口味啦，肥而不膩的滷肉、滋味可口的醬料就係呢碗飯嘅靈魂，味道同程班長那裡差唔多，超級好食。台灣擔仔麵、台灣腸、蛋餅及凍飲就比較一般。其次最好食就係個甜品「原個日本水蜜桃芭菲」，竟然採用這麼高級的新潟縣既特秀桃，不用多説就知好味啦；嫌唔夠甜唔緊要，杯低係以yoghurt、蜜糖及燕麥弄成的糖水，食完一個包你超滿足！地方好細，人手有限；最好打定電話預留食物，免白行。營業時間：1200-2100(視乎情況或會早收)#老地方地址: 油麻地德昌里1-9號德喜大廈地下4號舖電話: 65755282

朋友嚮社交平台見到有網友鋪左個水密桃甜品好吸引，兩個儍婆專登由尖沙咀走去油麻地會一會呢個甜品。店好細，只有5個位，但因為係平日非繁忙時間，加上預先打左電話同店主講低我地過去，仲落埋單，過程暢順。店主話水密桃比平日大，來貨價貴左, 平時價位$98，呢日就$108，咁係值嘅。水蜜桃太澎湃，要搬去碟度切。未將蜜糖同乳酪完全溝勻就淡淡地；完全溝勻後甜度剛好，因為內有燕麥，有野𡁻下；然後將水蜜桃切小件放埋入去食，又另一種口感。朋友果杯係飲品，冇蜜糖，乳酪加上打爛果肉，最上層一樣係個去皮走核嘅大大水蜜桃。總結：滿意

前日見網友介紹, 琴晚專登去試吓出咗油麻地地鐵站用Google Maps search, 行大約5分鐘, 見到招牌燈光就搵到女店長態度親切友善健談, 仲主動提出可以加飯食物份量適中, 價錢合理#奇怪呢間小店點解晚飯黃金時間只得我一個人幫襯 #雖然只得五個位#去油麻地InsPoint可以順便去支持吓#肉燥飯加蛋汁好撈飯記得要少飯可以試多啲嘢#肉鬆起司蛋捲有蛋香有拉絲記得加辣醬 #加埋杯冬瓜茶好飽#女店長有台灣師傅真傳所有出品都係自家製包括台南泡菜 #仲有日本當造水蜜桃芭菲但今日soldout

疫情加上無開，大半年之後再幫襯，但會係最後一次。份量少得可憐。個菜，上面嗰盒，女仔半個手掌大小，但從前佢係好似下面嗰盒咁大。依盒mini菜，$25。個菜係同以前一樣好味，酸酸地凍凍地好開胃，但真係一兩啖食完啦。依張相就見到大半年前個菜份量好多㗎，個盒同飯一樣大，三分二滿。今次個麵一樣係少，一粒丸，一隻蝦，半隻蛋，三分一湯，三分一麵，$36。無乜味道，以為係撈麵，唔知食咗乜。唔知堂食有無縮水，但已經怕怕了。超失望😞。

一間座落於油麻地橫街小窄巷裡，外型殘舊，四周圍繞著舊車房、回收店的納米縮水舖。裝修專登做舊，燈光昏黃，用心打造台灣郊鄉小店嘅意境。未入店內已領會到店主的心思。由於小店真是太小，所以用Openrice 外賣先取function 落單，叫了大魯肉飯、玉米肉鬆蛋卷同蚵仔煎魯肉飯嘅魯肉鬆軟但唔會太油，甜甜的，撈飯一流。伴菜魯蛋味道清啖。蛋卷軟熟，卷得實淨。 蛋卷內材料不算太多，但份量乂小剛好蚵仔煎煎得軟滑，但蚵仔味道就好似唔係好覺。總括來講，味道不俗但仍有進步空間

之前經過見到已經想試，今日終於去咗食。呢間小店得四張椅子，張枱都唔係好大，但店長係台灣男人，好好禮貌好好人 👍🏻由於餐牌唔多嘢食，試咗滷肉飯同起司蛋餅，再叫咗冬瓜紅茶嚟飲，加埋都只係$63。滷肉飯啲肉汁夠多，啱晒唔喜歡食白飯嘅我。起司蛋餅啲芝士流出嚟，同樣好啱我呢個芝士控。至於冬瓜紅茶就好清新，適逢今日天氣咁熱，非常啱飲。整體嚟講樣樣嘢都好味，店主亦好有心，可惜位置問題，唔係咁易見到，所以由落單到食完都冇第二個客 🥲。如果喺附近住或者返工，平時諗唔到食乜，呢度絕對係好選擇，就算買外賣都ok。不過始終枱櫈少，同朋友飯聚當然唔啱啦。