影片
一间充满人情味嘅美食良心店，老板娘豪爽加点火爆直言性格，但佢煮啲嘢又几好食㖞，虾酱樱花虾炒肠粉，第一次听第一次食，加少少干辣椒一齐炒好惹味好正，全晚主角应该系个碗仔翅，老板娘落足材料去先煲几个钟汤底(鲜鸡，猪骨，甘荀粟米，干瑶柱等)，最后将鸡拆肉再调味，饮落去同外面完全唔同，汤底系饮到有鸡同猪骨嘅鲜甜味道，碗入面仲有好多材料，呢个亦系老板娘重点推介一定要点嘅食物，另外仲有系烧卖，唔系普通烧卖，系自己包自己包自己包，劲呀，烧卖都自己包，自己买猪肉剁完再包再蒸或用气炸锅炸，不过呢个我无食，下次再去试，今晚仲食到我至爱嘅蚝，蚝仔炒蛋，加埋少少芫荽一齐炒，劲香劲好食，蚝仔胀卜卜好鲜甜，最后食埋豉汁蒸带子，好满足，大家要去嘅记得唔驶睇餐牌拣食咩，去到问老板娘今日有咩食就得，因为佢系去街市买到乜就煮乜。
继续阅读
著旗袍食烧卖都系第一次🥰有旧香港情怀的餐厅已经买少见少📺一入到去事头婆 劲nice招呼，介绍佢多年既珍藏⏳周围都见到陈百强同哥哥既踪影📀未食野已经体验到人情味💕旗袍都系佢帮我拣的，有s到xl码，可以比人著住打卡🎎（事头婆话d衫成日都洗架）棍打猪肉烧卖 $20/3 粒🐖落左单先开始蒸，一打开，蒸气同香气一齐涌出，点一点豉油同辣椒油，一咬，结实有劲，猪肉鲜味流连在齿缝之间😋 呢个价钱呢个咪道，绝对值得💞
继续阅读
系呢个地区有间个性小店卖港式街头食物又真系少有D～😉🌟老友记的烧卖系老板娘亲自包的，老实讲价钱对比起其他手工烧卖真系偏贵，（$28 3粒）不过佢真系人手限量制作，即叫即蒸，虽然等得耐少少，总算系真材实料啖啖肉另外仲饮咗杯老板娘推介：薏米水呢个中规中矩🌟不得不提店舖装修系以老香港为主题，啱晒喜欢怀旧风嘅我😌我去当日相信老板娘心情唔错，都几热情咁介绍自己嘅招牌食物 (好似碗仔翅、炒肠粉等等）佢仲叫我随便影相，如果我有兴趣可以借啲旗袍俾我影😆😆去开附近可以去试下，如果特登去都几格摄🙈
继续阅读
话说我系陪朋友嚟食，因为佢个地点其实真系唔多就脚，如果唔系朋友话想试吓，又打吓卡，我真系未必会山长水远过嚟食佢碗成$28蚊嘅碗仔翅😕老实讲味道又唔差嘅，整体上觉得应该无落到味精，同无落咁多化学野，所以唔似平时出边食𠮶种有起胶嘅感觉！之后仲叫咗烧卖、鱼蛋仲有猪皮虽则佢话系自家制，但索价$18先得3粒烧卖，也未免有点贵了！而且只系细细粒🤷🏻♀️鱼蛋同猪皮都好普通，甚至觉得味道太重，有点咸...总结来讲唔会有下次😒
继续阅读
大伏! 大伏! 中西区不嬲都唔多呢啲小店卖肠粉烧卖，见到新开咗间就即刻去试啦烧卖 📍 $18佢地话系一早去买新鲜猪肉做，不过呢个价钱得3粒，真系有啲过份碗仔翅 📍 $28睇得出佢系足料嘅，味道都正常嘅虾米肠粉 📍 $18呢个价钱得3条肠粉，系平时嘅double. 都唔紧要，重点系好散，见到个卖相已经觉得好唔吸引港式奶茶 📍 $15最差嘅一样! 唔知系咪啲奶坏咗，我无谂过奶茶都可以咁差。😕 又苦又涩，我自己冲都好饮过佢。饮咗一啖，成杯放弃咗老板娘态度ok 嘅，仲邀请我地入去里面坐，话钟意个种怀旧feel, 突登装修到咁嘅。仲话如果系到食嘢，可以免费着佢啲旗袍黎影相。佢地另外都会租旗袍出街，价钱可以用返系呢到食嘢
继续阅读