影片
营业时间
今日营业
11:00 - 21:00
星期一至日
11:00 - 21:00
以上资料只供参考，请与餐厅确认详情
Aeon food court 的老上海已经改左做新上海，但啲一人套餐/二人套餐都同之前无乜分别，是晚八点几黎到，好多餐厅已收炉，就试下新上海啦。叫左二人餐$128，同旧店一样钱无加价，但少左个甜品，价钱上都算平嘅。⭐招牌担担面得个咸字唔香又唔辣，面已经糊了。⭐酸辣汤面极咸同少酸辣，少料，面太淋⭐口水鸡卷鸡卷无味，辣椒渣劲咸，辣椒油还好，掉晒啲辣椒核净系点下油都ok嘅。⭐上海小笼包正常嘅小笼包，但汤汁偏少。⭐豆浆要左热豆浆，但黎到一热一冻，可能卖晒无热了。无乜豆味，微甜，都ok嘅。呢个价钱食得饱，但真系太咸啦，师傅重口味吖😂
继续阅读
Aeon超市旁的Food court餐厅，午市见到有套餐就同同事试下。自选2人套餐 $128包两款面食，一款小食，一款点心，一份糕点以及两杯饮品。葱油拌面几好味，葱油唔会太咸而且几香，面质软硬适中。红油抄手同样唔够辣，似豉油够过红油。不过只抄手都算大大粒，猪肉馅。口水鸡卷望落辣辣地，但食落唔算辣，而且鸡卷口感一般，有点失望。糕点似落左豆既大菜糕，无咩味道。最后饮品选了豆浆/汽水，整体都算饱肚，食物质素普普通通，唔算突出，性价比一般。
继续阅读
今日叫左二人套餐，个担担面和麻辣面好难食！！！！d面质劲淋，未食过咁难食的面！！！！不会再去！！其他食物例如猪扒，小笼包就不过不失。野食都几油，食唔哂都好饱！！！！
继续阅读
香港上海餐厅有好多，大大小小有高级有平民，大多都渗着港式嘅风味。今日竟然见到food court 里上海餐厅都要买水煮牛，似乎所有嘢都已经被赤化得好利害。10年前，记得要返北京做嘢嘅时候。面对这红当当充满辣椒辣油嘅一大盘，一定有啲胆怯，直头掂都唔想掂。但时至今日，尤其冰冷嘅冬天里，就觉得好滋味，拨开红油，充满芽菜，亦有好多牛肉，花椒嘅香气渗出来，牛肉出奇嫩滑，扒了整碗菜饭。
继续阅读
近排工作压力大，平时Lunch time都唔会自己一个人去食，但今日好想出去行下食下自己想食既野，但谂左好耐都唔知食咩，于是就去左AEON foodcourt 求其食，见到呢间食上海野既店有我想饮既酸辣汤，而且价钱唔贵，所以就决定食呢间，但估唔到系完美中伏。我叫左一个炸排骨菜饭特餐饮豆浆$43，另加$9配酸辣汤，等左大约5分钟就拎得，我都觉得奇怪，炸排骨点会咁快，但个卖相又几靓仔㖞，而且阿姐姐服务态度都几好，又好笑容。拎返埋位首先试个酸辣汤，佢个辣系用豆办酱既辣，酸都唔够酸，完全唔系我想食既酸辣汤; 炸排骨系冻既，表面既脆浆已经淋晒一啲都唔脆，无肉汁; 菜饭唔热，只系微暖，食落口系好淋，完全唔好食，但份量系好足够既; 豆浆系唯一一样正常既!! 总括黎讲，一定无下次……
继续阅读