影片
上星期三约左几个老友食饭，之前留意到老三转左任食火锅放题，于是就即刻打去订位。当晚去到环境都算几干净，座位亦算宽敞，而且仲有电视睇，喺旺角黎讲$198呢个价钱就冇得弹。一开波就黎个鸡煲先，不过因为我地几个都戒辣所以唔要，但我闻到隔离左右食鸡煲既味都相当之香味扑鼻，估计鸡煲味道应该不错。正题，我地都开始食火锅，海鲜拼盘有鲍鱼/花胶/蛏子/蚬/龙趸，然后任饮食既牛肉质素ok，白鳝都系任叫，而且个乌冬真系稻庭乌冬，呢个我加佢分，整体食物质素不错，仲要任饮汽水雪糕，仲要冇限时，呢间可以话平靓正，旺角吹水火锅必食之选！不过呢唯一美中不足之处系，可能楼面及厨房人手不足，所以后加火锅料既效率较低，等左唔少时间，但由于冇限时既关系，呢个缺点算做抵销左啦！
继续阅读
有鸡煲任食汽水任食！海鲜盘新鲜，靓🐂任点！真系抵劲推介👍🏼👍🏼👍🏼👍🏼👍🏼即刻要再订第日再食！有房任饮任食，冇时间限制！好味又抵食....
继续阅读
上星期五晚同朋友去旺角打边炉，想食火锅放题但walk-in间间都无位，醒起呢间以前成日食，出名用老鸭汤打边炉嘅港式火锅店。老三火锅如其名，我用「麻甩」嚟形容，喺呢度食嘢唔使顾仪态，讲嘢可以大大声，啱哂一班人围炉gathering。之前食过秘制老鸭锅，加咗红枣、杞子、党参等药材，汤底几够火候，人少可以叫半只$78。呢几日天气冻想食辣暖下胃，于是叫咗麻辣拼清汤，麻辣汤里面有猪皮及猪红，偏香辣但唔够麻，愈煲会愈辣。配料方面，双拼加$10，例如广岛蚝拼本地滑牛、韮菜饺拼鱼皮饺、芝士肠拼午餐肉等。美国肥牛脂肪比肉多，想食牛嘅话最好叫贵少少嘅手切肥牛或安格斯肥牛，由$138至$178不等，大碟牛有十二片左右。醉鸡丸比金沙丸好食，金沙虾丸或墨鱼丸虽然弹牙足料，包住大大粒蛋黄馅，不过煮得耐唔够流心，相反醉鸡丸入面系醉鸡汁，咬落去会爆汁，带浓浓酒香，想试哂几只味亦可以叫四宝丸。另外有多款时价海鲜散叫，呢度收酱料每位$12及开胃小食$8，埋单每人约$200，食物算货真价实，人多记得提前订位。
继续阅读
同一大班朋友收工之后去到旺角打边炉！之前朋友食过呢间呀话好推介！佢本身系一个好养生嘅人，佢话一齐去打边炉嘅时候我哋都奇怪，佢话佢打边炉净系打呢一间 ，因为每次食完佢都唔会有热气唔舒服嘅感觉😂呢度嘅招牌汤底系老鸭汤啦，味道好香好浓！啲店员我哋咁多人就开咗间房俾我哋，服务态度都好好！配料方面选择都好多，除咗唔少得嘅肥牛之外都有好多唔同海鲜！😍叫到成张枱都摆唔晒，原因就系呢度嘅价钱唔算好贵，一大班人食下食下忍唔住就越叫越多😍食完之后真系完全冇喉咙痛热气嘅感觉，可能因为个汤底真系好补！😂😂😂
继续阅读
天气稍凉, 就是提醒又是打边炉的好日子。这晚暂时放下郁闷, 想吃一餐好的令心情好一点。这次是我们第二次吃老三, 第一次在长沙湾店, 这次就来到旺角店, 交通更加方便呢~点了汤底及几款火锅料后, 店员很快就送来, 正合我俩开始肚饿打鼓。来这儿当然是必点老鸭汤底, 味道浓香, 带有点点药材味, 就像老火汤一样, 补身又好味。这个半只鸭的汤底, 最适合2-3人, 我俩真的每人先饮两碗才打边炉。鸭肉一点也不老, 肉质还几嫩滑, 配上少少辣椒豉油已经十分美味, 可以点少一点肉打边炉。这儿的手切牛真的很好吃, 而且份量不少。肉味十足, 肥瘦适中, 涮几下便吃得, 是火锅最佳配搭。我个人很爱花枝片, 切得薄薄的十分鲜甜, 口感质弹, 又是涮十几秒便吃得。这儿另一个好处就是很多火锅料都可以点双并, 只需加$10 就能享有两种滋味。我们两三个就可以吃多几款, 份量也不少, 真的几好。 炸鱼皮十分香脆, 实而不华, 也是我的喜爱。另一款推介的是这儿招牌饺, 自家制的皮薄馅靓, 咬下去满口汤汁, 菜肉比例很好, 鲜中带甜, 难怪是招牌必点。椰果菠萝汁味道清新, 酸酸甜甜的十分开胃解腻, 加入椰果多了一分Q弹咬口, 质感更清爽, 两人分享一樽刚好。喜爱这儿的食物真材实料, 而且还不用加一,街坊感强, 吃得轻松自在, 十分亲切。
继续阅读