影片
耀记美食 🍳由赤柱卜公码头搭街渡出发，大约30分钟就到达有「香港南极」之称嘅蒲台岛，系香港最南又有人住嘅岛屿🏝据讲蒲台岛名字由来系因为岛屿地势平坦，在海上看似一个浮台，亦有传系因为岛上曾经盛产海苔。正因如此，所以系蒲台岛每间餐厅商舖都会揾到紫菜嘅踪影🕶 既然咁远嚟到又点可以唔食紫菜😂紫菜餐蛋公仔面 🍜少少惊讶竟然系出前一丁，而唔系普通公仔面！餐肉都几厚切，煎得焦香🔥 仲要系流心蛋黄，捞埋面条同麻油汤底👍🏼蛋花紫菜汤 🥣好怕个汤好重味精，但出乎意料好鲜味😋 紫菜份量好多，每一羹都系满满嘅紫菜🍀 仲有份量唔少嘅金华火腿粒同火腿粒，吊出鲜甜味🍖 除左茶餐厅食物，仲有比较少见嘅泥鯭粥。食物虽然唔花巧，但却非常有香港味道🇭🇰老板非常好客，我地行过睇紧menu谂紧食咩嘅时间，老板话唔食野都可以坐下吹下海风，好舒服架🌀之后仲同我地倾计，话平时黄昏前都会落海游下水，先练到强健嘅体魄💪🏽 见75岁嘅老板咁chill咁享受人生，真系几葡萄🤤
继续阅读
去蒲台岛行山，第一件事就嚟呢一间餐厅食餐蛋面，专登拣呢间餐厅，因为佢有个无敌大海景，环境非常舒适。同埋上网见到佢嘅餐蛋面系有三旧午餐肉，比起其他餐厅𠮶啲得两旧（即系一整旧），呢间整得比较大方啦。伯伯同两位婆婆年纪可能比较大，所以大家嚟呢度食嘢要比少少耐性，但系婆婆煎啲午餐肉真系好香，只煎蛋亦都刚刚好唔会太生或者太熟！好亲切嘅阿爸，加埋两个婆婆打理呢间餐厅，加埋个无敌大海景，满分！食完饱饱就可以出发去行山啦！
继续阅读
衬天气正好，出发去蒲台岛⛺️😎 做足功课一心黎食当地特产「紫菜汤」😋🍜星期六嘅船程唔密，要赶尾班船走只有匆匆两小时活动时间🥺 一落船向右行，就系著名景点灯塔、佛手岩等，大片露营胜地；至于向左行，就有较多士多，可以开拓美食之旅😋《 紫菜餐蛋面 🍜 》 $35 4.5 / 5用最简单嘅材料制作成最出色嘅美食😋 传统用炭火烧嘅餐蛋面零舍有镬气🔥👍🏻 公仔面软硬适中无过火；煎蛋十分焦脆香口🤤 而午餐肉亦细心切厚片，两面煎到金黄😍 养颜紫菜好清甜，同平时食嘅唔同，哩度紫菜味道天然，份量亦多可以大束大束咁食👍🏻 超抵😋蒲台岛嘅原居民亲切热情，老板伯伯仲多谢我地突登搭船入黎，值得支持💪🏻
继续阅读
优点-环境系正海边-伯伯婆婆友善，自立更新，一定要指出-连厕所都好干净，又吾使去公测改善点-希望伯伯身体健康，越来越精灵啦！去蒲台岛行完山，最后本来想去天后庙再去明记食海鲜，但无开喔！之前打电话问过话日日开。见仲有一个多小时至开船，经过一间系海边餐厅，比之前经过和出名的开阳和大，又几多人食紧野，就入去试下啦，其实天后庙哩边餐厅都无乜客人咖。坐低只有一个大概70几岁的伯伯在帮忙点餐，亦有人催餐，又有人想埋单，应该是知道伯伯比较慢，所以预先准备好，但伯好有礼貌和耐性，。慢慢做。应该来蒲台岛都系想试紫菜，所以点了一个紫菜餐肉一丁，我又无乜上面伯伯的问题，好快有得食，煮面应该是他太太，又真系煮得几好，餐肉系刚刚煎香，味道仲几好绝对吾系煎定，紫菜有小小淡，但都几爽几好味，一丁亦无淋。食完入去问老板系乜牌子午餐肉，佢好有信心咁话梗系比D好野客食啦，然后指住几罐系厨房台面的午餐肉。但埋单阿伯都系问你使吾试找，的确系有D老态。其实其他台都有差不多问题，好在所有客都好好，计清楚几钱无呃阿伯咖。
继续阅读
耀记美食·泥鯭粥$40上网睇个D行山攻略其实大部分都系推介坤记士多 因为佢系行山径上面 地理位置优越😈但系难得黎到 我就openrice睇下有无咩特别野 一次过食埋 见到呢间有我地都无食过既泥鯭粥 就决定系行山之前食佢😌佢个泥鯭粥超级大碗 而且个粥煲得超级绵 入面有5-6条泥鯭 超级鲜甜😍😍泥鯭其实就系细细条鱼仔咁 有D细刺 但系真系几好食 配埋面头D脆片口感都几丰富 好值得试下🤤 ·紫菜餐蛋面$35呢个就正常发挥啦 系一碗几好味既餐蛋面 个面煮到岩岩好 而且个蛋仲系流心 超正 不过个午餐肉就一般D 系比较肥 无咩口感既午餐肉🤭之后加左紫菜真系好好味 味道丰富D 而且超夹 所以我地最后走既时候都买左2包翻屋企😌😌·📍蒲苔岛大湾
继续阅读