影片
营业时间
今日营业
06:00 - 22:30
星期一至日
06:00 - 22:30
以上资料只供参考，请与餐厅确认详情
份量正常，味道正常；唯老板态度极度恶劣，我好声好气尝试询问外卖进度，就被疑似老板的人士大声吆喝＂等阵喇＂。但当时我已经是半小时前下单。然后我等左阵，那个人就将我个外卖拎出来。正当我想核对外卖单号码时，佢就不耐烦地讲＂喂？＂十分臭串。对清楚外卖单号都好正常啫，我等佢个餐都冇表现过不耐烦，佢等我几秒对下张单就躁底。买个外卖都要受气，大家想俾人闹就帮衬喇！睇佢专责收银，又手戴金表，似乎系餐厅老板，咁巴闭可以用咁无礼貌嘅态度对人客嘅？
继续阅读
其中一位楼面，系男人嚟，暗中偷拍客人，再放上网公审，已有多名受害者，请各位小心。入座果刻已经必须留意员工行为有冇异样，神色有冇可疑，有冇揸住手机或其他拍摄仪器等等
继续阅读
外卖菜甫义烧抄饭，但返到屋企系义烧蛋饭， 这个饭已叫过无数次， 仲已落单时说了3次， 接听电话的人士态度不友善! 再打电话去投诉时话下次双倍奉还，非常之失望，因这个抄饭是招牌𩠌之一！
继续阅读
三个星期内食过两次晚饭，两次都好食。叫𩠌跟一碗白饭，叫餐跟白饭同嘢饮，加钱可以跟炖汤。第一次：炖汤：好足料好味，木耳汤好有胶质但个木耳食落口仲好爽口，冇话淋晒烂晒。椒盐鲜鱿：脆口，鲜鱿大大旧，调味啱啱好，正！粗斋煲：味道都系南乳味，整体都好食嘅，只系但佢啲料有少少得意，好似杂菜煲咁，又白菜仔又粟米仔又茄子又杂菇。食素嘅话，呢个唔错，多种蔬菜几均匀。第二次：金汤酸菜鱼（晚市套餐）：估唔到几好味㖞，黑鱼片好滑，冇骨，酸菜食落口仲有味，金汤好浓味，捞饭一流。不过，佢冇泡椒𠮶只味所以唔系话好正宗，介意嘅话就唔好叫。榄菜四季豆：超好味，啲豆干身但唔太油，榄菜同肉碎好足，好够味，比上海姥姥或者附近嘅餐厅都好食。呢个有五星。餐厅整体都算干净，餐具有用热水熨过先俾我哋，枱冇油冇水。间中有啲小飞飞，我谂呢啲好难避免。啲侍应做嘢好爽手，任何时候我都觉得佢哋有照顾紧我哋，坐低唔会催你叫嘢，会静静哋隔远少少等你叫佢，但你一举手就九秒九冲过嚟。听到我哋话上住一碗饭先，佢哋会自动拎两只吉碗俾你。上个汤会提你少少热唔好心急饮。我有少少估唔到呢间普普通通嘅茶餐厅，服务有五粒星咁周到。啲侍应有时仲会陪啲阿婆倾偈，呢part真系好正。
继续阅读
本来几钟意呢间茶餐厅，因为有蒸鱼又有炖汤，但今日嘅经历令我以后都唔想帮衬，感觉太差话说平时佢嘅蒸鱼午餐（唔系贵价𠮶只，贵𠮶种要等佢即蒸，但午饭时间有限）通常都系鲩鱼，咁我都钟意食嘅，今日餐牌多咗乌头可选择（请参考图片），于是就拣蒸乌头啦，点知个年纪大嘅女侍应即刻话冇乌头，咁我都理解，有时餐牌写咗都可以冇，咁我照要鲩鱼。点知，大约10分钟后，有个男人嚟搭枱，坐正我隔篱，佢今日见有乌头，机不可失，又叫乌头，个阿婶竟然帮佢落单，之后真系奉上半条乌头，喂! 咩意思呀？唔知个男人系咪熟客啦（但从对话中可知佢冇预订乌头㗎㖞），有乜理由个男人叫就有，我系女人／唔系熟客就同我话冇？阿婶仲系当住我面落单，若无其事咁，咁做生意点得呀？冇啲诚信。虽然呢间茶餐厅算抵食，应该继续有好多人去帮衬，但我都系不吐不快😡乌头食唔食都罢，重点系啲伙计咁唔老实／公道，我一定唔会再去！
继续阅读
您可能会有兴趣的...