17
10
9
港铁太子站 A 出口, 步行约5分钟
继续阅读
电话号码
23904888
营业时间
今日营业
07:00 - 23:30
星期一至日
07:00 - 23:30
公众假期
07:00 - 23:30
公众假期前夕
07:00 - 23:30
以上资料只供参考,请与餐厅确认详情
食家推介
必食香草焗手剪乳猪,这个皮好脆,肉好嫩滑,见到用系好多香草腌制。有别一般中间好多肥膏的烧乳猪,呢只可以全只食晒的。另外冰火香芒虾多士$138有4件,如加就$34.5/件,师傅用芒果及忌廉自己打制雪糕,放在香脆虾多士上面,冷热交溶!😋😋😋
继续阅读
个menu正系写138 (冇写一件138),我哋以为成碟138啦,点知系一块138,我哋14 个人食咗1900+… 仲要佢嗰旧芒果咁嘅嘢吃落去劲似沙律酱味,系唔好味嘅沙律酱💀 落单嗰个仲要冇问我地要几多件,正系静静地数人数就当系嗰个数罗
继续阅读
终於又可以一家人食团年饭!之前都嚟食过,食物质素好有水准,所以大家一致投票再嚟,预订咗富贵吉祥海鲜全包宴,预早落单可以减$500、价钱都算合理。上菜次序:1️⃣香草焗手剪乳猪-冇夸张真系好好食,热辣辣皮脆肉嫩,全家人都赞,2️⃣上汤生猛龙虾伊面-龙虾新鲜份量足,上汤焗味道适中,伊面底亦整得唔错,3️⃣菜胆浓鸡汤炖花胶-碗碗都有花胶,味道好夹,连汤料嗰半只鸡都好入味,不过太多餸所以冇乜点食,4️⃣清蒸游水大海斑-我自己就唔食鱼嘅,不过屋企人话条鱼蒸得唔错,冇话蒸过头,5️⃣炸子鸡-香脆好味,6️⃣生财南非鲍鱼扒鹅掌-鲍鱼够大只,鹅掌我自己就觉得争少少腍,但其实合格嘅,不过如果再腍啲就仲好食,生菜底正常,7️⃣水晶鲜虾菜苗饺-皮薄里面都几多菜苗,好食,8️⃣蜜糖脆麻花-正常好味,9️⃣西米莲蓉焗布甸-保持水准,唔太甜又够香,1️⃣0️⃣生炒腊味糯米饭-大家都好期待个糯米饭,冇令人失望。整体食物质素全部都好高分,全部都好味,菜单都可以弹性嘅,因为本身套餐系豉油鸡,但我哋锺意食炸子鸡,都可以转到唔需要加钱,服务基本上啲姐姐全部都好有礼貌。我哋已经坐低人齐,碗杯都洗晒,跟住佢先至话我哋张枱本来要同隔离张枱留俾人,本身要我哋转枱,呢度就有啲麻烦,讲咗一轮之後先至佢哋自己处理。另外一个最大嘅问题就系上菜时间,初头上菜时间全部正常,但食完条鱼之後就停咗,追咗几次之後先上只鸡,等咗最少40分钟,之後又等咗20分钟先上鲍鱼扒鹅掌,跟住又等咗30分钟以上先上水晶菜苗饺,蜜糖脆麻花同西米焗布甸,糯米饭最後仲要再等多10分钟先到。我哋订枱系6:00pm,人齐叫上菜第一道菜6:25pm上乳猪,最後上糯米饭,大家都急住走,食埋买单应该9:00pm左右。我屋企人食嘢可能比较快,但系佢中间有啲菜等嘅时间似乎真系相隔太耐,如果佢啲时间正常少少,应该最少可以返一次枱,而家咁样佢夜晚只可以做一枱,其实之前都有呢个问题出现,我觉得佢哋真系要认真考虑改善下。香草焗乳猪上汤生猛龙虾伊面菜胆浓鸡汤炖花胶清蒸游水大海斑炸子鸡生财南非鲍鱼扒鹅掌水晶鲜虾菜苗饺蜜糖脆麻花西米莲蓉焗布甸生炒腊味糯米饭
继续阅读
普世欢腾嘅十二月到啦~再分享多间好适合做冬、庆生嘅餐厅啦!太子嘅翡翠明珠推出特别菜式西班牙风焗乳猪、冰火香芒虾多士将新派与传统结合而且环境明亮乾净食都食得舒服d☺️🔸香草焗手剪乳猪❤️乳猪皮光滑脆口 由於用焗嘅关系 肉质好嫩滑juicy!有好清新嘅香草味道食落比一般乳猪冇咁腻 而且多一份香气好好食!🔸杏汁菜胆炖白肺汤❤️超足料!汤好浓好甜!猪肺洗得乾净 炖到好软腍杏汁清香顺喉 好滋润呀!🔸冰火香芒虾多士❤️虾大大只爽弹、新鲜配又热又脆嘅多士加上冻冰冰又香嘅自家制芒果雪芭三种口感 好滋味!🔸炸蚝饼好大件 而且炸得好蓬松每一啖都好香脆有肥美嘅蚝仔仲有樱花虾令整体多一份鲜味🔸脆皮一品烧鸡鸡皮有好香浓嘅酱油及香料味肉质非常嫩滑肥美皮香肉滑 师傅手势一流🔸生炒腊味糯米饭软硬适中 烟烟韧韧 口感很好每粒米都有腊味油香食完暖笠笠🔸腊味炒芥兰腊味仲多过菜 好足料有润肠、腊肠、腊肉蔬菜爽脆鲜甜
继续阅读
这间酒楼位於界限街球场对面,名叫翡翠明珠酒楼,有很多光顾的茶客都是街坊。酒楼有传统的点心,也有按时令的推介小菜,如果平日早上饮茶更有特惠点心。今天是星期日,又是午市时段,要早些去才容易有位。我们由落单到点心上枱,等了超过20分钟,每一次我们必定食姜汁鸡包仔,它是每笼2个,所以较大个,里面的馅料有鸡肉,虾,菇和很多姜丝,而且有肉汁,即使不爱吃包的人,都会爱上吃它。虾肠的皮很薄,虾够大,所以很好吃,山竹牛肉的牛肉嫩滑,牛柏叶是特点,有很多牛柏叶,但要稍为咀嚼一会,不过仍可以接受。最後便是甜品,姜汁千层糕,千层糕不太甜,姜味浓,糕点弹牙烟韧,值得推介。
继续阅读
您可能会有兴趣的...