翡翠拉麵小籠包 (已結業)

今天同媽媽逛青衣城，順便去她的心水餐廳歎下午茶～ 不過，已頗多人排隊，我們唯有先取票，再逛一會才入座。上海小籠包，內餡豬肉肉汁豐富，咬下時湯汁四溢，鮮嫩香口，蘸上紅醋，提升小籠包的鮮味又醒胃，令人食指大動！蔥油乾撈拉麵拉麵，人手打造麵條幼身彈牙，充滿小麥香及蔥油香，加上長乾蔥調味，味道口感更錦上添花！炸銀絲卷，外金黃香脆，內甜麵糰拉得幼細如絲，口感柔軟，配上煉奶更香甜。從賣相以至味道，我們很滿意，感受到師傅用心製作，造出高水準的美點，難怪那麼多人排隊～ 媽媽說下次早點來攞位再吃也是值得的～…查看更多

好耐都冇食過翡翠拉麵小籠包，決定今日去食一次， 之前食過一次， 覺得佢好似食唔飽咁， 所以都好耐冇去 ，今日突然間好想食上海菜，近近哋唯有去呢間。七點鐘去到青衣城，間間都要等位，所以決定每一間都攞一張飛，點知最後都係呢間最快。入到去都係坐路邊位 ，不過要人枱唔使同人黐埋一齊 ，都算ok啦~叫咗五樣嘢食 ，最後都要再加多一個生煎包， 介紹下食物：雪菜蝦仁炒飯（$86）啲炒飯一粒一粒部分明，都有好多雪菜， 但係蝦人就相對比較少， 86蚊呢個價錢， 似乎有少少貴涼拌溫室小青瓜（$48）青瓜好爽好脆， 蒜蓉都好夠， 不過就冇乜醋味， 而且呢個份量要48蚊，仲貴過一籠小籠包。雞絲粉皮（$54）好多花生醬好香好滑， 不過分皮就較為厚， 但係撈埋一齊都好好食。重點推介小籠包（$36）新鮮蒸出嚟熱辣辣， 一咬落去仲有好多肉汁， 而且個皮都唔係好厚，36蚊呢個價錢真係好抵食， 但係發現原來佢地最平只係得小籠包，其他嘢都好貴。韭黃炒鱔糊（$96）96蚊呢個價錢有咁多鱔， 真係好抵， 出邊一碟差唔多呢個價錢， 但都冇咁多鱔食， 而且個味道剛剛好， 唔會太甜， 又唔會太鹹， 鱔都炒得好爽口， 抵食！追加一碟生煎包三個包有大有細， 不過佢個包都煎得好香口， 但係裏面舊肉就唔係好夠味， 而且都冇乜肉汁， 試下就算。…查看更多

一個人的午餐，就來點輕盈點。上海小籠包：$36不錯，送上黎既時候熱辣辣，咬落去有肉汁流出黎。皮唔會過厚。雞絲粉皮：$54整體不錯，但味道有點淡，如果粉皮可以凍一點，就好。因為粉皮處於常溫狀態，感覺唔似食冷盤甘。…查看更多

今日同朋友相約係青衣城食飯， 想食上海菜，就黎到翡翠搵麵小龍包點了水煮牛肉拉麵，小籠包， 雞絲粉皮水煮牛肉拉麵麵幾大碗，雖然湯底過份油膩，重口味既我覺得還可以牛肉不韌 ，麵質軟硬度適中 小籠包 皮薄 入面充滿湯汁 ，不過肉較為鬆散雞絲粉皮比較細碗.. 比較普通 …查看更多

假日就最怕等位食飯，剛好經過翡翠拉麵小籠包青衣分店能剛好等候人不多，再看看介紹餐廳連續7年獲米芝蓮推介就決定入去試試。餐廳位於青衣城最頂層，座位算多，有卡位，有圓枱位，不論大伙兒或是少人飯局，座位配搭都能適合到。翡翠拉麵小籠包以小籠包，手造拉麵及京川滬美食為主。小妹今次當然要試下小籠包反各種京川小食。上海小籠包 $36（4隻）小籠包以豬肉作餡，灌上上湯，皮的厚度還可以，沒有太厚太薄。但令小妹失望的是小籠包不夠熱，小妹能一啖放進口裏，一點燙的感覺都沒有。就算材料有多新鮮，上湯有多濃都補救不到。食物的溫度好重要，若這樣，倒不如我在家蒸外賣的點心好了。雞絲粉皮 $54粉皮是涼拌中小妹至愛，最愛青瓜的清新味配上涼粉皮的QQ感但這碟雞絲粉皮又在食物的溫度上再一次岀錯，涼拌小食基本要讓食客感到食物的涼感。但小妹完全沒感覺到，當然我不是要求像冰一樣過份的要求。:(這錯中的溫度令粉皮中的花生醬更油膩，完掩蓋麻油的香及青瓜的清新。南京鹽水鴨 $62鹽水鴨大部份已拆骨，食客可以更輕鬆地享用。鹽水鴨肉嫩多汁，非常入味，鹹味剛好再與酸酸的甜甜的配合，非常開胃雞火炒飯 $76雞指雞肉，火指金華火腿。飯質較為硬，若跟老人家來就不適合他們胃口了。炒飯雖然配上金華火腿但沒有太過的鹹，配上京川小食很合配:)北京水餃 $36 (6隻)跟小籠包的餡料一樣都是豬肉作餡，味道一般。又是食物溫度上的岀錯吧，食物好像放涼了般4位合共$310 ,茶錢每位$6，價錢不貴但食物份量較細這餐整體是失望的，人客不是太多，待應都相當足夠。但食物溫度上岀現大錯誤，應涼的不涼，應熱的不熱。太失望了。:(雖然小妹對食物感失望，但服務員的服務很好，效率都很高，這方面都應加分的。…查看更多

上海小籠包(4隻)$36:小籠包細細隻,熱辣辣,包皮的厚度適中,一咬落去D湯汁流晒出黎,餡料都幾多,啖啖肉,唔錯.四川擔擔拉麵$54:我個人比較喜歡佢個湯底,芝麻醬好濃香,拉麵仲細心地剪短,方便進食,拉麵不會煮到糊身,軟硬適中,少少辣,愈食愈滋味.豆沙鍋餅$46:餅皮有少少硬,夾住薄薄既豆沙餡,甜度岩岩好,而且上菜快,食落仲係熱辣辣,唔錯的.鮮肉鍋貼(4隻)$40:可以講係大隻版既小籠包,不過個皮係煎過,餡料係一樣,無咩特別,都係叫黎填下肚.…查看更多

今日男朋友唔係好舒服，就諗住拿拿聲係青衣城食埋飯先返屋企。里間餐廳都間中會黎食，水準keep得唔錯酸辣湯刀削麵，本身餐牌係拉麵，但試過一次里到的刀削麵真係驚為天人，軟硬適中，麵團又唔會太厚👍🏻酸辣湯的味道都好對我胃口，唔會落得太酸入唔到口，湯頭的濃度都可以手抓餅之前食過鹹香鬆脆，但今日可能人客比較多，師傅有少少失手，餅過硬，減分😢糖醋雞球，酸酸甜甜好開胃里個唔㤦講啦，必點，食上海野無理由唔食小籠包。皮溥多汁👍🏻👍🏻重有個水餃唔記得影，都幾好食。不過我地兩個人，食禁多麵粉料的有啲太飽，下次都係量力而為…查看更多

我大概都是善忘的人……2013年年底我在九龍灣的翡翠拉麵小籠包吃過這水煮牛肉拉麵，當時已遭到我的劣評，但事隔年半，我竟然完全忘了這難吃的水煮牛肉拉麵，還再一次點了……這天與朋友到馬灣海灘聚會，晚上專程搭車出青衣晚飯，時間已差不多九時，意外地青衣城的大部份食肆都還是滿滿的，有些外面還堆滿等位的人，終於我們一行四人決定來光顧翡翠拉麵小籠包。我們每人點了一款麵食，然後再點幾個小食share。小食方面，我們點了醉雞、小籠包和蒜泥白肉。至於麵食方面，愛辣的我又再次選上了水煮牛肉拉麵。我一向是小籠包的粉絲，雖然翡翠倒選是頗有名氣，但我認為它的小籠包還是一般的。看摺數其實可以看出包點師傅其實手藝不錯，小籠包亦皮薄，包內是滿滿的湯汁。首先，用筷子小心翼翼的夾上，先用口在頂部啜飲小籠包的湯汁，然後點些浙醋和薑絲，以減低內餡和湯汁所帶來的油膩感。這店的小籠包，唯一讓我不滿意的是其豬肉餡，肉餡有點鬆散，而且欠豬肉鮮味和嚼勁。蒜泥白肉出奇的沒有大量蒜泥，反而是一堆深色的辣椒渣和紅油汁。所謂的白肉，是用上五花腩肉而做，上等的五花腩一層肥肉一層瘦肉梅花間竹幾層的，經過烹煮後冰鎮切片薄片。這碟蒜泥白肉，用五花腩肉片包裹著紅蘿蔔絲和青瓜絲，白肉入口即化，紅蘿蔔絲和青瓜汁爽口，可減低這道菜的油膩感。朋友的拉麵比我早上，他們的拉麵都被剪了，我發現我們所下的拉麵都被加上「剪麵」二字。或許是因為光顧這店的客人多是分享一碗麵吃，所以都會要求剪麵，方便他們分麵，但我們這枱就是每人一碗麵嘛，而且店員在下單時亦沒有徵詢我們，實在有點過份，於是乎趕緊要求侍應不要把我的拉麵剪麵，根本傳統的拉麵上菜時就不會剪麵的，這店的確多此一舉。因為我開始戒吃牛肉，所以都把牛肉給朋友吃。湯底極為油膩，那些菜浸泡在這湯底中完全吸盡所有的油，極為不健康，拉麵本身亦屬一般。香港的水煮菜式都有這個弊病，我在國內吃過水煮魚或水煮牛，他們可以做得湯底清澈而不油，因為水煮菜式的做法其實是用油來爆煮花椒、辣椒、辣椒乾、豆瓣醬等香料，然後加上上湯來煮成，但是香港本土做的水煮菜式只是懶散地用上海加上大量的辣椒油來煮，於是乎極為油膩，但欠缺香料自然散發的麻辣和上湯的鮮甜。朋友們反映他們所點的另外兩款拉麵也頗差，看來這家主打「拉麵」的店實在要檢討一下。…查看更多

青衣城係我地小部門逢星期五必去地方，今次我地選擇翡翠拉面小籠包。我地12點到的關係不用等就可以入去坐圓桌，裝修都係以淡色為主，梳化位坐得舒服。這間店有不同的午餐推介，今次我地大部份都叫了“青衣招牌拉面套餐＄68”。這個套餐有前菜，拉面，飲品和甜品。但最後食完都覺吾太飽，同味道講真一般，紅油只有油味而沒有辣味（其實本人已加辣）。最好係薏米水，所以一致講這間店不會常去的地方，如過來都是因為它的小籠包而已。薏米水：薏米夠多同好香薏米味，檸檬味有，吾似係純綷裝飾。好味道，可以推介！～蒜蓉黑白木耳：蒜蓉味少，黑白木耳吾入味，只覺普通。上海小籠包：皮薄料多，湯夠熱同好味，豬肉吾硬好香口。每個套餐有2個，好快大家都吃完了。推介！～紅油牛肉拉面：主菜紅油勁多但吾辣，湯只有油味冇其他味，牛肉偏乾同冇咩味道。配菜只有䓤花，失望。而且拉面分量少好快食完仲未飽。雪耳桂花糕：好味，有桂花同雪耳味，而雪耳沒有溶，所有好有咬口。推介，如分開叫大約＄30就可以食到。…查看更多

4色小籠包都唔係新鮮發明，但之前都未有邊間做得好食。反而翡翠呢4粒又OK喎！4款口味係：口水雞，黑松露，四季豆，鵝肝。橙色口水雞堅係辣到HighHigh，黑松露就正正常常好Juicy，另外2粒朋友食咗唔知感覺如何，但佢話幾好味。…查看更多

之前都有黎過翡翠拉麵小籠包，但都有一排無黎，今日黎左青衣城見無咩特別想食，於是就入左黎同呢間野聚下舊咁，跟就叫左火腿烤雙方，小籠包，上海冷面，蔥油餅。點知真係無咩驚喜囉。。。火腿烤雙方味道都幾好，但入面塊野太薄喇，厚小小得唔得先小籠包一如既往ok，但係都有點膩上海冷面就俾多啲醬我會開心啲囉，而且俾多小小配料喇，真係食淨面咩。。。蔥油餅仲得意，而家食印度飛餅咩，硬身小小得唔得，仲有蔥落多小小喇，蔥油餅無咩蔥，想點先。。。…查看更多

黎到青衣城…都有唔少食肆…但要係weekend 晚飯時候搵個位…都幾有難度…唯有漁翁撒網啦…結果黎左<翡翠>…相信係因為呢度比較大間多位既原故…等左咁耐…唔肚餓都變肚餓啦…拿拿聲落order…飲品先到…係甘荀汁+西瓜汁…新鮮榨出黎…夠哂凍…正！！跟住就黎左個冷盤＞＞鎮江肴肉+涼伴海蜇+醉豬手…基本上三味都好有口感...可以用一個字黎形容＞爽...翡翠四色小籠包～其實小籠包有8種味...因怕有d人肚餓失控…叫多多又食唔哂...所以只選4種...但無得選味…不過都幾有驚喜...食左先知係咩黎...話口未完…朋友肚餓唔客氣哪…所以影唔到橙色包包哪…@@！…橙色原來係口水雞小籠包~少少辣...但食唔出雞味…菠菜鮮肉小籠包～菠菜係整個皮...入面有少少豆...好健康既感覺…芝士鮮肉小籠包～芝士味一般...唔太突出...黑松露鮮肉小籠包～黑松露味濃...但我始終覺得…唔係樣樣野食都同黑松露既味道啱key...但相信尊貴既朋友會好like...整體小籠包皮薄多汁...係不錯既選擇...三鮮鯊魚湯泡飯～魚湯味尚可...唔夠濃…料唔算多…勝在清清地…上海炒年糕～味道較濃…如果年糕再腍一點…相信會更加煙韌好食…朋友見到隔離枱有甜品食…又露出邪惡既臉相…係都要迫人食…我唯有點左碗燉奶～小小甜唔太heavy...而朋友就滿心歡喜等待佢既什果涼粉～水果新鮮…涼粉夠哂冰凍…仲有花奶添…肚子真係滿載而歸啦……查看更多

有時候工作至很晚，想來想去都不知道吃什麼做晚餐好(AW有選擇失調症)，昨天幸得好友等待(抱歉晚了下班...)，因為很多店都關門了，就決定去了翡翠拉麵小籠包(幸好11pm 才關門)一起吃了頓豐富晚餐(宵夜...)有留意AW是鼎泰豐粉絲的話，就知道吃上海菜一定要點客小籠包，之後還要加點酸酸甜甜的糖醋雞球來刺激一下味蕾，再來一客上海炒年糕(有點韓國口味，哈哈) 來填滿肚子! 吃得這麼油膩總有點罪惡感，不過...AW一於少理，食得是福嘛，工作辛苦... (腦海已經有十萬個藉口彈出!) 已經多次惠顧翡翠拉麵小籠包，食物質素OK (不要期望上菜會是很大的份量)，也不算很油膩，偶然吃一頓也不錯~上海小籠包 $36熱辣辣的小籠包，肚餓的時候吃真的很棒!糖醋雞球 $72-HKD調味適中，略嫌炸粉偏厚了一點上海炒年糕 $68-HKD賣相實屬一般，配料也不太吸引，有改善空間* 二人用膳，平均每人$103.5-HKD，記得還有加一服務費和茶介 ($6-HKD/人) …查看更多

每次去呢間店都要排幾個字到45分鐘不等, 可能好食既上海店係比較少, 加上佢價錢都算便宜相比起其他中式餐廳, 仲有個好好食既"雞火炒飯" 無影相所以無貼到出黎, 火喉夠飯身不硬不軟岩岩好, 記得要試:)…查看更多

叫椒鹽小黃魚，煎唔透，軟賴賴。蟹殻黃小餅，都係熟唔透，有粉味！清燉雞湯拉面，湯淡而無味。白切肉粉皮，肉全瘦，搞錯！淮山拌小青瓜，無味，成碟只得三粒淮山。小籠包，一般貨色！全晚最好食，係雞火炒飯，同炸銀絲巻。以為連鎖店水準統一，今晚我知我錯了。…查看更多