翡翠拉麵小籠包 (已結業)

聽條仔話同佢亞媽上次係到食都ok咁就黎左e間野到食.....雪菜咸肉炒年糕 冇咩特別，好淡口糖醋魚柳 得個甜字同d魚好似一早炸左好耐，同佢失望膳糊炒拉麵 e樣勁油囉，真係食左少少我就冇理過佢啦見到佢好多人等食e間....都唔知佢有咩好食"""MAYBE我叫唔到好野eat啦我食完餐野，真係help呀....總係感覺到好油咁....

不是慕名而來, 星期日我地一行四人在德福逛街, 只是隨意入內晚膳坐落不久就叫了個松鼠桂魚, 過了數分鐘陸陸續續叫埋其他餸菜, 當大家都食完放低筷子之際, 有個侍應行過來話我地夠鐘交檯, 我地你眼望我眼唔知發生咩事, 個侍應話之前同我地講左食一個鐘要交檯, 當時我地以為我地其中有人應承過, 但都未夠一個鐘, 侍應話我地係6:45開始, 宜家7:45剛好一個鐘, 感覺上好似無食左成個鐘咁耐, 但侍應堅持已經夠一個鐘, 當時附近食客都開始望住我地爭拗, 朋友怕事只好埋單交檯睇翻張單松鼠桂魚落單時間係7:13, 我地有乜可能係6:45入座, 以佢地o既態度點有可能比我地坐低成30分鐘先叫野, 再者, 原本我地根本無人應承過一個鐘頭交檯食飯食到要比人趕都係第一次, 加上食物質數好一般, 永遠都唔會再幫襯翡翠拉麵小籠包以為平時返工食晏先咁趕, 估唔到放假都要咁, 好無奈

今日黃兔好想食小籠包,於是來到這裡食我們兩人叫了:上海炒年糕:味道不錯,年糕煙韌,如果份量多返少少就更好了上海小籠包:餡料新鮮份量適中,包內還有湯汁,但皮厚身了少許,有點可惜雲吞雞湯:大致上成個湯及雲吞都好咸,雞肉超"鞋",差整體感覺比較普通,不過不失

和女朋友去了翡翠拉麵小籠包開飯個香油爆蝦實在太好食，好開胃呀，食唔停口蟹粉拌毛細麵，幾得意，但要落醋先好食當然少不了小籠飽，keep住質素，食慢半拍都唔掂一嚐酒釀丸子，女朋友覺得不錯(佢第一次試)，我覺得那酒味不夠濃因為唔夠飽，再點了豆沙包，呢個普普通通啦

兩個人去食唔可以叫太多野食, 太可惜啦! 食左:四川擔擔麵 - 可以. 麵質好好. 味道ok吧紅燒獅子頭- 味道好, 唔食津白既朋友都食. 獅子頭太lum啦. 一夾左就散左! 小籠飽 - 好好食! 好多湯, 皮薄, 多肉. 夾黎夾去, 吊下fing下隻隻都唔穿! 正! "quality control" 做得好好!! 哈 太好食, 又平, 好飽都再叫多一籠!!蘿蔔絲酥餅 - 色澤太淺, 睇左去仲以為淡mou mou....不過味道不錯

昨天晚上同朋友又嚟呢度食晚飯,其實呢度都真係幾旺場,7:30左右已好多人係度食緊晚飯,我們好彩都未要等位,兩個人叫左:膽膽麵-好好味喎,辣辣地但好重麻醬味,有些肉碎係湯底度,d麵好幼身及都好彈牙,係剪麵嚟既,咁樣容易食好多,唔使食得好唔方便呀醉雞-指定食上海菜必叫,因朋友好鍾意食醉雞,都好香呀,好有酒味,雞唔肥,好滑糖醋骨-好味呀,甜甜地,d排骨好淋好入味,唔係太肥,正青瓜拼淮山-都幾特別,淮山係新鮮的同埋好爽口,好味,青瓜雖然唔算太入味,但都好味原來呢度係要收茶錢的,因今日食晏同同事傾開呢間d膽膽麵好好味,點解同事俾我攪到好想嚟食,跟住我地今日食晏就嚟左呢度食啦,我睇返昨晚張單先知原來要收3蚊茶錢架.今日我地每人叫左一個麵,本來同事好想食膽膽麵,但係佢係食素既,同仕應講話走肉碎,仕應問佢係咪食素,佢話其實d湯底都係用肉煲,都會有肉味,同事俾佢咁講就改叫上海粗炒走肉.但佢記得上次嚟食個仕應話可以幫佢做度個湯底冇肉的.我則叫左一碗膽膽,跟住我地再叫左一個蒸餃子一齊食.我的膽膽麵好快就嚟.但同事的上海粗炒則等左好耐,蒸餃嚟左都未嚟呀.個蒸餃有三隻,都算大隻,好飽滿,好多料係入味,都好味喎.

今日難得放下假，同男朋友仔出去食下野。係食野方面，我要求較高，係屋企上Openrice個網睇左好耐，先揀左呢一間。為左吾洗等位，打電話去做個reservation先。講電話果個人D態度真係，極差，訂左7點半。去到果度，早左D，吾緊要，佢地照可以比到位我地。點知…D位完全吾係人坐既，重要同隔離果檯相隔吾過10cm…原來訂檯都未必會有好D既位坐下！算，叫野食啦…1. 白切肉粉皮 - 味道不錯，佢配既汁幾辣下，D肉又吾實，好。2. 上海小籠包4隻 - 味道一般，但D皮就真係夠晒薄，夾起冇5秒舊肉就跌出黎，失敗！3. 煎鮮肉鍋貼4隻 - 味道難以形容，連特惠排重好食過佢！極失敗！4. 百步香蔥油餅 - 全晚最好既一道菜，名乎其實，食完D蔥味久久不散！必試！5. 上海炒年糕 - 自己本身對太濃味既食物不感興趣，呢碟野，咸到嘔，好在餐廳肯換！

今日約左d同事去聚下，因為要就人所以選左去德福既翡翠拉面小籠包，之前都去過一次，食物幾好食，服務又唔差，點知今次去到個印象真係大打折扣，企係門口果個女仔真係好冇禮貌我行埋去同她講"6位啊唔該"，她問我"人齊未啊"我答"仲有兩個人未到"跟住她就寫左張紙俾我話"你人齊先搵我啊"(咩態度啊)如果唔係有同行既FD話想食，她甘既能度搵鬼幫襯啊，食物幾好食都冇用啦好心啦，擺個甘既人係門口，擺明係存心趕客啦不過，入邊既食物的確唔差既，叫人都好快，食物又好快到我叫左一個擔擔面，幾好食，不過一路傾解一路食，凍左真係見到都唔想食個甜品就你我比較鍾意架一個，香蕉高力豆沙

昨天晚上同朋友兩個人嚟左呢度食晚飯,朋友話好想食醉雞,7點幾不用等位,但都幾多人,我們叫左:醉雞-好有酒味喎,好味呀,雞都幾滑,好味宋嫂魚羹-有兩碗左右,有些豆腐絲,薑絲,魚粒,有一些白醋,所以酸酸地的,不過都幾開胃,好味四川擔擔麵-都幾大碗,我們每人都食左兩碗,都幾辣,食食下好辣,有些麻醬味,d麵都幾彈牙,爽口呀,幾好菠蘿雞球-雞球好大舊,都有幾多喎,不會好酸及好膩,有些洋蔥,青椒及菠蘿片,好味呀.價錢不算太貴,服務都幾好,會同你加茶及換碟.

今天和朋友到翡翠拉麵小籠包，一試這兒的水準, 我們都是第一次光顧。我們要了涼伴海蜇， 一碟北京水餃， 加一碗擔擔麵和酒釀丸子。我喜歡吃海蜇($48)， 翡翠做得不錯, 爽口好吃 。酒釀丸子做得不錯,有一股酒香, 甜甜酸酸的。我曾吃過不少食店做的, 這兒做的算很好了擔擔麵的湯底挺濃， 但惹味, 辣辣的, 但没有任何餸菜, 連加一要四十元一碗, 我覺得貴。吃飯要搭枱, 坐在路中心, 感覺不自在, 服務可以接受,侍應努力加茶收碟。總的來說, 食物質素尚可,但價錢偏高,食物款式在一般上海食店都能找到。

和朋友相約互吐苦水，越講越發覺人性的可怕。今晚以冷盤為主，有涼伴海蜇， 蒜香青瓜和醉雞， 再加一碗濃湯海鮮拉麵。涼伴海蜇一向是我最愛之一， 長長的橡筋爽口清涼， 差點想吃清全碟。蒜香青瓜也是清爽之作，蒜蓉不算太多， 所以吃後口氣也不太大。醉雞醃得不算太入味， 所以酒香還是多躲在汁內。濃湯海鮮拉麵是湯汁另上， 湯真是很濃， 濃得淨喝會有點過咸， 不過用來伴麵就可以。 拉麵因不是和湯同煮， 所以會團在一起， 就算有湯也較難分開它們。多謝妳的鼓勵， 也祝妳安好。

禮拜六晚行九龍灣, 選擇左翡翠食拉面小籠包; 叫左4款0野* 四川擔擔面 ---- 太水, 唔夠濃唔夠杰, 好似無醬咁, 但係食落ok啦, 如果杰身d會好d羅...*小籠包 ---- 無乜驚喜, ok啦*上海炒年糕 ---- 唔錯既, 不過唔夠咸, 年糕厚左少少, 如果切薄d就好咬d羅*白灼菜心 ---- 食到中途見到有札住菜既丈根!!!不過佢地都肯換返碟全新既比我地, 算佢地有d良心, 希望佢地下次小心d!!

早排因為朋友介紹去過中環個間試過食小籠飽 , 開頭都冇咩期望但係又出奇地幾好食 不過最近去過 德福廣場 呢間又好似唔同左咁 咁上次食完好食 , 諗住今次帶女朋友一齊去食啦 介紹佢食小籠飽 , 點知佢一食完就話陣味怪怪地我起初都唔信 , 我再食過之後又真係同中環d味唔同播其他野食都冇咩心機再食落去喇 連佢最好食既小籠飽都差左d 下次都係帶女朋友去番中環個間度食 , 真係唔怪得個次係中環度食等左咁耐 (好多人排隊)反正搵得錢黎緊係想食好d啦 , 冇理由要自己個肚受罪架麻唔知其他分店係唔係都係唔同味既呢 有機會試埋其他個d分店

今天去九龍灣宜家, 在德福找地方食飯, 原本打算去和民, 但九點半還要等位, 最後去了差不多一年沒去的翡翠. 餐牌跟一年前沒分別,就算有特別介紹也是來來去去的幾款沒驚喜很悶耶!! 都是點了一般的小籠包, 酸辣湯, 涼伴木耳, 一個銀絲卷, 一碟炒拉麵及炒覓菜. 小籠包比以前差了, 基本上夾上已穿, 湯就漏得乾淨, 酸辣湯還算保持水準有酸有辣不會偏向一邊, 涼伴木耳是我第一次吃, 伴得挺香也爽口, 海鮮炒拉麵一般, 味太甜要加豆瓣酱同吃才ok, 豆瓣炒覓菜以為它是用豆瓣酱炒的原來是哪些比較像蠶豆的豆來炒, 味一般, 銀絲卷不出色. 而且每樣菜的份量真的後少, 有點吃不飽的感覺. 兩人埋單$250. 不知是不是今年香港經濟大氣候低迷, 總覺得這頓吃得挺貴. 哈哈, 寫來宣泄一下 希望下次去的時候改變一下餐牌.

我哋嚟德福睇戲，買完"飛"就去醫肚先。差不多1:00pm，通常都好人，今日唔使等位tim。我覺得食物質素比以前差咗。唔喺難食，但喺一般喎，唔使等位都OK嘅，如果要等位就無為嘞。小籠飽($26) - Keep 得住，皮薄又多湯，味道好。木須肉炒拉麵($54) - 麵質差咗，味道OK嘅。回鍋肉配薄餅 ($60) - 回鍋肉比較濃味，味道都唔錯，但薄餅就差嘞，D邊乾哂，十分硬，好難食Service OK 嘅，但有摧人走嘅感覺，所以食完就快D走嘞。我食咗少少先記得影相tim。