翡翠拉麵小籠包

营业中

休息中

落機之後即刻搵野食決定左食呢間之後諗住等位等5個位會好快但其實都等左幾耐下有10-15分鐘以上野食唔錯麵偏少價錢略貴職員嘅服務都唔錯的因為都理解多工時工作同多客人嘅辛苦

一落機諗住食番個lunch 去番平時有去的翡翠拉麵館但由經理帶位到員工服務都可以話差到無朋友香港待客服務質素真是給這間餐廳降低食物質素已經很一般，但在機場可以服務差成咁，真係大大影響香港形象!

落機又累又餓！就直接係arrival hall 搵餐廳醫飽左肚仔先😗等左一分鐘就有位了😝兩個人叫左兩個四川擔擔麵 (兩條辣椒辣度）同小籠包share!朋友加辣（姐姐話盡做😌）辣度夠既！不過麵本身太柔軟😂有點兒太軟身！可能因為我本身喜歡有咬嚼感既麵🤣🤣🤣有小小失望！大推小籠包！皮薄！爆多湯汁！原粒食！d 湯係個口到大爆發🤣🤣🤣🤣正！！！！ (小心燙口😛 或者唔小心食到成身都係湯）員工價有9折！哈

平時嘅翡翠拉麵我都幾鍾意，但係機場呢間真係唔得。價錢無辦法比較，但係碗上海湯粗麵麵質粗糙，湯得個咸字，啲椰菜好似無煮過咁好硬。好彩碗雪菜肉絲麵還可以，希望餐廳唔好做衰自己個名。

今日黎機場係送機 唔係飛屋企人係外國返黎既 所以佢地想食中式野係Terminal 1都無咩可以選擇 度度都多人我地就去食翡翠拉麵等大枱都有一定既難度呀！係繁忙時間等左起碼45分鐘先有位 企到腳仔軟坐底左即叫野食 好肚餓呀！先叫左個 蒸素菜包 花素蒸餃 上海排骨拉麵等齊人再叫左上海粗炒、四川擔擔麵、菜肉雲吞湯拉麵、麻醬青瓜拌粉皮、鮮肉鍋貼、上海小籠包素菜包同素餃 個餡都係一樣 皮厚餡靚上海排骨拉麵既排骨 炸到金黃色 肉質又好 正四川擔擔麵 好夠辣味 好岩我口味上海小籠包 又好juicy 連小妹妹一個人都食哂一籠

今日去接機有d肚餓，見好耐冇食過擔擔麵，就㨂左crystal jade, 點知中㑀得好犀利，個麵尼到我打左個突，好似汪洋中一條船，成碗水汪汪，d湯好似加d醬落滾水度，完全溝唔埋，一d花生碎都冇，花生香味更加係零，収成62蚊一碗，加埋一70蚊；我明白機場價錢會貴d，不過d野食都要合格ga; 問佢攞抔水，話要收8蚊，小家到；不過都算，招牌擔擔麵都咁唔掂，如果廚房唔夠人手，不如唔好做早餐，收得咁價錢，比d良心la唔該；crystal jade 管理階層唔該正視吓呢個問題，唔好一未掛住開分店，遅早會做壞招牌

平時都幾鍾意食翡翠拉麵小籠包，今日去到機場準備去旅行見到，於是就入去食啦。本身都預咗係機場食會貴少少，但係估唔到伏到咁。首先茶水方面，平時去開都會比杯茶或者水你飲吓。機場嗰間，一去到水都冇杯，後尾先發現原來連要杯水都要加八蚊雞。其他食物亦都比出面貴好多，一個炒飯都要成差唔多＄100。我叫左碗＄60嘅擔擔麵，正常擔擔麵最面應該點都有少少肉碎，我個碗一粒肉都冇。咁嘅價錢咁嘅份量早知食麥當勞或者譚仔好過。

叫左一個擔擔面，一個酸辣湯拉麵。個酸辣湯拉麵好食，擔擔面整錯左，唔肯同我換，所以送個負評比你地。你地服務一塌糊塗，對得大陸客多，無文化。話說一入餐廳，5點鐘無咩人，個waitress叫我地隨便坐，指住一邊卡位，甘我就坐系佢指既方向既4人台。叫完野食一陣，另外一個waitress又過黎叫我地搬去第二張台。之後我叫碗擔擔面多醬，應該系廚房睇錯左變左擔擔面分醬，我試將醬倒落面裡面，點知稀巴巴食唔到，之後叫waiter幫我換一碗，點知得到既答案系，個醬撈埋就一樣，同我講唔洗換。。。唉，如果我食到就唔會叫你換啦。。。之後我取消左個面。甘佢地就黑曬面甘，連茶都無比我地，真係好過分。食左甘多年，由一開始系尖沙咀，服務一流，到今日系機場既經驗，真系好失望!以後唔會幫襯!

下機後，近近地揀左翡翠唸住集團式食物質素應該都同其他分店一樣啦晚上9:00幾都好多人，等左10分鐘到先入到去（要讚既係幫手處理行李的姐姐，佢做得好稱職又好笑容，一見我地攞號碼之後就笑曬口叫我地過去比行李佢保管，姐姐服務態度值得一讚（當日9月28日晚上9:00左右）入到去，座位逼都算，叫阿姐落單，問佢攞茶，鬼鍊咁講左一堆野，我問佢講咩，佢先講到茶水要加8蚊每位。果然係機場食野唸盡辦法收多你錢，是但啦都要啦！點知隔離都係要茶，個姐姐即刻話沖比你，但我地等左5分鐘咩都無最後要叫先比😩😩😩😩😩😩😩咩事呀？！隔離2張檯叫野食比我地遲但早上我地都只係叫雞絲粉皮，手抓餅同堆排骨拉麵3樣咁大把！雞絲粉皮無問題正常，拉麵麵正常但個手抓餅完全完全唔鬆，感覺似炸脆左就算，一d都唔Q同鬆化，咁既質素好難食得曬最好笑係，隔離張檯叫加茶，都唔會加埋比你個下勁！樣樣都要照！咁我比加一黎做咩？仲有！埋單亦係奇慢!!!!!!!!!!完全無規章員工認真要加強培訓！

剛剛抵港，等完行李後已晚10:30點，由於搭廉航，所以實在餓得要命，但此鐘數機場選擇無多，最後選了此店，因為本人認為其質素是有保證的。看餐牌前叫店員倒水，店員說要收費，$8任飲茶/水，我想為何不干趣收茶芥加一？最後我決定不要。之後點了一客小籠包、一碗嫰雞煨麵和排骨湯麵。小籠包到來時只有微溫，肉汁亦不熱，跟其他分店的品質有很大落差！另外，嫩雞煨麵的雞肉份量稀少，味道亦有所不及，只有排骨湯麵可以接受。同時，服務態度也一般。認為在機場的店舖，無論如何是旅遊人仕出/入香港之重要體驗地，食品及服務態度要求都要嚴格一點。整體評價中下。

落機後打算同朋友食少少野，都明白拎住行李唔係好方便，唔係幾好意思，不過門口帶位小姐好好，安排我地擺喺附近，可以望到。叫咗菜之後，行李隔離嘅客人用完餐離開咗 ，我哋有禮貌咁問行過嘅經理，陣間可唔可以轉過（隔一張枱 ）去方便睇住行李，佢黑晒面咁話「執咗先啦！」，我地都嚇一嚇 。上菜姐姐之後好迷惘咁問我地邊張枱係31……唔知關唔關事轉左位事……但係枱上面根本就冇號碼，我同朋友都唔識答。平時係喺其他翡翠拉麵小籠包分店嘅服務都唔係咁嘅，可能機場差啲啦，人客旅客冇乜選擇嘛 。

今日到機場的店 食左幾個麵口水雞拉麵，太咸，咸到一定要飲水。担担麵，都算正常味道，吾覺好特別。排骨拉麵，排骨味道ok.但湯麵就完全吾覺有咩味。每個麵的份量都太少，一位女仕都說吾夠。店內要飲清水或茶就要港幣$8（不是樽裝水）。完全失望，吾會再去。

唔會有下次既店家。。。食物好一般，牛肉拉麵好淡口。小籠包好厚皮同冰鮮買既差唔多。。。。唔值。。。行李位個安排唔好。。。。個行李位係要叫到有位又要人齊後先可以放行李係個餐廳外，咁岩好同行既人行開左去洗手間，咁我就再拿多張新既籌啦，叫到籌有位又唔入得去住又唔可以放行李先咁要排到幾時先入得去食，同個姐姐講比我放行李先又唔肯，放行李個姐姐態度真係好差，同佢溝通唔到，之後再睇番個籌寫住過五個先要重新拿籌，即係明明係我拿左原本既籌只係叫過左三個人仲可以入座。。。無啦啦佢自己俾另外一個人拿行李牌先之後先問我點解放棄原本個籌，我又無食開呢間野又個時無留意到張單係叫過五個籌先要重新拿籌。咁呢個職員其實明知係我可以入去先都唔比我拿行李牌先算咩意思。。真係好差既服務。。。我無留意到我原先個籌可以照入座先係我都有問題，但個職員係明知我可以入去都唔比個行李牌我而係俾遲過我拿籌既人。佢仲話食野啫洗咩激死牙。。。個問題係佢態度好差牙講野句句有骨。。。

去旅行，好早去到機場，可以慢慢食個早餐，呢間新裝修，有無敵高度，所以好開揚，裝修淺色主色，似日底嘅格局，桌椅唔迫，開放式廚房見到廚師拉緊麵，因為店員唔會看管行李車停放區，所以安排我哋坐最近行李區嘅位置，食物選擇唔多！唔太肚餓！簡單叫兩種食物分享！四川擔擔拉麵（$60）呢個係失望嘅，幼麵係幾好，幾滑身又少許彈牙！但個湯太浠，掛唔到麵，花生味不足，味道唔夠，唯一係有少辣，但整體水汪汪的湯扣分！上海小籠包（$39/4隻）一籠4隻，皮薄湯汁多，即叫即蒸熱辣辣，加啲醋好開胃，熱湯清甜，豬肉餡幾滑！好味！熱豆漿（$20）夠熱幾濃，唔太甜，豆味一般！熱薏米水（$20）朋友飲，足料唔太甜，好味！食物味道一般，唔會有驚喜，機場內嘅消費預咗高，但餐廳嘅規則就唔友善，我哋問阿姐店員要茶，佢話要收茶錢每位$8，咁我哋各叫一杯飲品，食到尾聲問姐姐攞杯水，佢話公司規矩茶/水都要收茶錢！但餐牌寫只寫茶要收錢，去到水都要收錢就苛刻了！真係留唔到客人嘅心！另外行李車有位置停泊，但阿姐店員講明客人自己睇（可能上次旅行，旁邊嗰間會掛號碼牌寄存，所以高下立見）如果近行李車停泊區嘅座位無晒，唔通位客人要承受擔心成車行李被推走嘅

移民多年的親戚回港省親，抵港時已晚上七時多；便和他在機場內的食肆吃他的到港第一餐。選擇這裡是圖它有行李看管的服務 - 看管員會將兩個相同號碼的行李牌分別交給客人及掛在行李車上(客人的是一張大的膠紙牌)；不用擔心行李，吃也吃得安心！繁忙時段也只是等了約6、7分鐘便可入座，親戚經過長途機程後也現出了點點疲態，點些清淡的食物是最為適合。豆瓣菠菜～菠菜嫩綠，清甜且油份不多，配上淡淡豆香的蠶豆；味道淡而不寡。雪菜肉絲拉麵～拉麵煙韌有咬口，䶢爽的雪菜配上肉絲，不消一會已吃個清光了。雞火炒飯～飲粒炒得乾身分明，只是比較咸了少許，分量一點也不少，味道也算合格。其間想叫兩杯茶，原來要另外收費（$8/杯）。價錢比市區貴了一點，好在水準也算不錯。