翡翠拉麵小籠包

营业中

休息中

搭完長途機仲要坐經濟客位😅，個人真係攰到一個點，落機一定要慰勞下自己🤣，一出機場就見到翡翠拉麵小籠包，雖然要排長龍，但係為咗食都要嘅，啲職員好快手，客人埋單之後嗱嗱臨執枱，所以我都唔係等咗好耐，我竟然自己一個人叫咗三樣食物，上海排骨拉麵，老乾媽雜菌炒牛肉😋，當然仲有我至愛嘅小籠包，特別想提吓老乾媽雜菌炒牛肉，味道好香牛肉嫩滑，雖然最終食唔晒，但係我都有攞走流作宵夜。🤘

出發去旅行之前想喺機場食飽啲先，朋友想食小籠包，所以揀咗食翡翠拉麵小籠包～鮮肉鍋貼(4隻) 💰HK$55鍋貼個外表煎到好酥脆，入邊內餡都充滿希肉汁，雖然肉汁冇小籠包咁多，但係都好好味～上海小籠包 (4隻) 💰HK$52小籠包都係新鮮蒸起嘅，一咬開啲肉汁就即刻湧哂出來～四喜烤麩💰HK$63烤麩呢道菜式比較少見，處理嘅工序亦比較繁複！呢到嘅烤麩味道比較普通，口感似係食緊一個醬油味嘅凍豆腐～雪菜蝦仁炒飯 💰HK$103成碟飯嘅味道偏淡，啲飯比較乾身，唔推薦～乾煸四季豆 💰HK$85四季豆就充滿咸香，又辣辣地，非常惹味！適合用嚟撈飯，用咗餸呢碟菜嚟餸個炒飯～凍豆漿 💰HK$25豆漿豆味香濃，有啲失望因為成杯野飲偏甜，如果可以少甜就最好啦～

落機想食返啲中式嘢所以就揀咗呢間上海菜館，食物質素只屬一般，不過侍應嘅服務非常好，都幾細心。小籠包一籠有四隻，佢嘅包皮博得來又唔係好易穿，熱辣辣幾好食。上海雲吞湯麵啲雲吞嘅皮都幾滑，不過就好容易散開晒，唔知係唔係爆嘅時候爆得唔夠好。鍋貼就麻麻哋，感覺上唔係好夠香，不過值得一讚嘅係佢嘅餃皮唔算厚。另一碗麵我哋叫咗上海排骨麵，其實即係炸豬扒碎上，佢個豬扒嘅質素唔錯，都幾厚身，咬落去都幾淋身。常見嘅上海甜品通常就係高力豆沙或者豆沙鍋餅，我自己就鍾意豆沙鍋餅多啲，呢間都做得唔錯，唯一缺點就係唔夠熱。

2月中和爸媽去咗幾日泰國，出發前先食個午餐，坐廉航沒有包飛機餐😂。2月時，機場還有部份餐廳未營業，我哋選擇咗入閘前先食飯，叫咗前菜黑木耳，合乎水準，醋酸味好開胃。小龍包一客四個，皮夠薄，肉汁夠多。菜普通，分量小。酸辣湯係一人分量，重口味，第一啖感覺辣得滯，但越飲越愛，辣嘅程度接受到。仲叫咗兩個排骨拉麵填飽個肚。雖然當日都坐滿食客，但食物都上得夠快，快快食完入閘出境。

几位餐厅的阿姨服务态度好，只是东西真没吃过这么敷衍的。兰州看了都得哭，这碰瓷得真的没有半毛钱关系。物价高可以理解，但是敷衍真的不能忍，兰州拉面本来流程就不难做，这直接极致节省，外加上海小笼包 感觉是丸子包

話說二月尾去完旅行飛返香港，大概夜晚9:00左右，一號客運大樓非禁區嘅位置唔係得返好多間餐廳營業，有啲甚至已經提早截咗單。-喺冇選擇嘅情況下，唯有食呢一間小籠包。咁咪就唔算等得好耐嘅，因為大家都唔係你享受，只係落機填下肚食完就走人，所以都只係等咗15分鐘。-我哋唔係嗌咗好多嘢，一籠小籠包，一碟紅油抄手同埋一碗擔擔麵。其實我覺得味道比起出面啲分店好食啲，因為佢多人食啲食物係新鮮熱辣辣嘅。-但問題係啲侍應可能做咗全日太忙，又或者係臨收工時間，態度真係唔係幾好，係呼呼喝喝咁。一路食飯聽到佢哋啲員工好有冤氣，係咁口噏噏鬧其他客人🫠即刻嗱嗱臨食完走人，費事俾人鬧。

點了外賣，白等50分鐘後，－樣都沒有，只好離開I ordered a takeaway, was waiting in vain for 50 minutes ended up leaving the place hungry with no apology, no refund whatsoever. I would strongly recommend not to go to this place.

9個人入座茶錢 （$11/位）埋單收10個人茶錢 比茶錢真係無所謂 但 亂收錢又收錯錢又唔順氣 「仲要話我私人俾返$11你」 ，我覺得有沒有必要用這樣十分惡劣的態度對客 ，係街市賣菜服務態度 好過貴店重點係而家點解我要貼錢受你哋氣先！？ (Ridiculous Service) 今時今日嘅服務態度 你哋公司在機場點樣應對海外遊客！？ 本地客人都咁樣！ 學校冇教禮貌嗎？請改善一下員工質素 ！！！

從前人流如鯽既機場，而家變得好冷清，唔係為左送朋友機，相信都唔會近期黎呢度。非禁區可以選擇既餐廳十分之少，就隨便揀左間叫做中式坐低填飽個肚。擔擔麵可以講係頗為災難級，湯底一味得個辣字，雖然都有花生醬汁在內，但毫無香氣，同埋係無菜莆粒，成碗麵都係無層次。菜肉雲吞麵相對正常一啲，清湯同菜肉雲吞既味道都配合到，雲吞份量夠多，同埋本身麵條唔會太糊口，越簡單既野反而無咁難食。由於個麵真係一般般，唯有再叫多籠小籠包填飽個肚，唔知係咪呢樣先算係招牌？食落覺得皮薄但保留到肉汁，點埋薑絲同醋提到鮮味，算係挽回少少分數。

機場唔入閘嘅餐廳選擇好少，翡翠算係質素比較好嘅餐廳。員工套餐上海小籠包+四川擔擔拉麵$88，飲品檸檬薏米水係跟餐嘅，都幾好飲。小籠包皮好薄，一咬會爆汁，美味！擔擔面就冇乜特別，少少辣咁樣啦，不過如果唔係食員工餐其他散叫或者套餐都幾貴。

食過幾次都係食機場果間，坐位應該舒服過其他分店。小籠包係必點既菜式，望住廚師係窗入面不停搓麵粉，總覺得佢係整緊自己果份！ 小籠包皮唔厚，收貨，食之前要用湯匙成隻放好，我習慣用筷子整個細窿，將熱湯放出黎先，唔怕熱親個咀，之後配埋佢啲薑絲同醋一齊食，超正！其他麵同飯都算合格，不過係機場食價錢好似會唔同，相對性價比就無咁高喇！

The service attitude of selected staff at their airport store is terrible. I was dining by myself late night after landing, and a manager guided me to a table instead of the bar table where usually single diners sit, as the restaurant was half empty. A waiting staff when taking order insisted me sitting down without their consent, after I repeatedly asked her to check with the manager, and even after the manager confirmed he guided me there, the waiting staff still tried to forcefully move my lu

受社會運動影響，機場禁制令仍然生效，提前３小時到達，多出來的時間，最好以「吃」打發！上個月在翠華吃過早餐，今次換換口味，吃翡翠拉麵小籠包的早餐，全店最平的早餐是50元的粥品套餐：#柴魚花生粥，這個很稀，只有一丟丢柴魚碎，花生算多的！#混醬腸粉/素炒米粉，２選１，我點了素炒米粉，真的很素，米粉以外沒啥配菜，加些辣椒油，好吃！本餐最好味是這個！#熱奶茶，不好喝！茶底和淡奶都不行！差評！定價50元，加收10%服務費，性價比低！味道不能算好！優點是不用等位和上菜快！適合趕飛機，隨便吃吃！

啱啱落機諗住食咗咁多日日本野返到黎就食返中餐喇～點知食到一肚氣！入到去叫坐低但冇人俾水，之後叫咗十九幾次落order ，d人都可以完全唔理嘅，冇反應。真係叫到火都黎，落完單我阿媽話想飲水見冇人俾水，佢就以為係自助嘅自己去針，點知又俾職員叫停咗話d水係俾佢哋員工飲架，你要飲水要另外落order 一杯水9蚊，乜野水咁貴要一杯水收9蚊呀？如果你話係樽裝水我都算，點知又唔係就係佢哋話係俾職員飲嘅水喺個水壺倒出黎嘅，即係自己煲嘅水喇！🙄🙄🙄我哋兩個人叫咗4樣野，野食嘅份量都好少囉，小龍包仲要係臭豬肉黎嘅，食唔到好難食～埋單睇有收我加一服務費架喎！但水都冇杯，9蚊唔係俾唔起係條氣唔條，冇下次以後唔會再幫襯

終於到大食妹去旅行呀~~次次去旅行之前一定會去機場食番啲中餐因為怕過到去旅行啲嘢食唔係好慣 今次就黎到機場嘅翡翠拉麵食個晏晝<排骨拉麵>排骨炸得脆卜卜, 但外面炸粉有啲太厚, 雖然裏面啲肉都唔少, 但依然有啲油膩。湯底亦冇乜味, 唯－唔錯嘅係佢煙煙韌韌嘅手工拉麪<雞絲燴麵>雞絲煨麵有啲失水準雖然白菜、雞肉、冬菇, 甚至係個湯底都做得唔錯, 但係最重要嘅麪竟然做到好似發脹咗嘅米線, 冇乜口感可言<牛肉拉麵>因為牛肉拉麵嘅麵底同之前排骨拉麵嘅麵底係一樣, 所以就唔再講啦~牛肉都幾入味, 但係得薄薄幾片, 唔係好夠食...