翠華餐廳 (TKO Gateway)

营业中

休息中

茶記絕對係每星期必食一次嘅comfort food自從翠華出咗呢個神之叉燒飯，加上質素同服務有保證，間中都會嚟朝聖吓🎈神之叉燒飯叉燒飯+炒蛋呢個組合無得輸半肥瘦嘅叉燒要燶邊有燶邊，要肥肉有肥肉特別係切得厚身，食到啖啖肉嘅感覺鍾意撈汁嘅話唔好錯過呢個秘製豉油，送飯超正🎈秘制海南雞脾飯海南雞超滑嫩，比得上唔少海南飯專門店薄薄一層外皮帶晶瑩剔透嘅雞油雞肉滑嫩厚肉，重點係肉質本身帶點鮮味又食到雞油香，唔點醬都已經好正，質素幾驚喜🎈脆"嘩"奶油豬必食名物，大大個奶油豬，外脆內軟，加上奶油，係食完會掛住嘅味道🎈焗芝士西蘭花跟餐特價加配，細細盤但裝得好滿，$28幾抵食🎈香滑奶茶｜生磨蛋白杏仁

做個「孤獨的美食家」今天得自己一個，心想不如豪少少（$90），食平日不敢吃的「翠華——神之叉燒飯」+ 油菜及湯/咖啡/茶，在平凡的生活中當個港版「孤獨的美食家」。忘記上油菜在沒有員工招呼下，我默默找了個位置安頓下來，在手機中送出了「神之叉燒飯」後，不到５分鐘就送上了（周六晚竟然冇乜人，唉，原來中伏中）。湯和蛋是正常的，飯量比平時一舨的少（大約酒樓的飯碗６成）。我邊吃邊避開「神級叉燒」，一心想把「好食的留到最後」，但食到一半覺得奇怪，甚麼油菜還未到?！在我提醒下，員工不到２分鐘已端上油菜（因餐廳冇乜人）。「神獸（瘦）級」叉燒吃到中段，我終於忍不住，要開動吃期待已久的「神之叉燒」了，結果一放入口就吐出來！心唸：「我食咗啲乜嘢嘢啊？咁鬼硬？」睇真，真係一舊叉燒！抱著「翠華90元的神之叉燒飯應該係美食」的盼望，嘗試吃第二舊，這次我有了心理準備，沒有吐出來，但這舊叉燒（其實餘下的都一樣）又乾又硬，難食到嘔🤮，我好有耐力地用了好多力才吃完這碗「神獸（瘦）級」叉燒飯。結論我對翠華真係非常失望，以及，我好嬲自己剛才再俾多次機會翠華😤

翠華雖然係傳統老牌茶餐廳，但成日都有新嘢，九龍嘅分店有將軍澳同土瓜灣，位置都好就腳，加上新年期間我好多餐廳都唔開，咁啱去將軍澳親戚拜年前就去食個下午茶悠閒下午茶餐叫咗鹹牛肉炒蛋潛艇 $45 個包鋪滿白芝麻，看到外脆內軟，夾住豐滿嘅鹹牛肉滑蛋，正宗港式滋味午餐做到下晝五點，包羅宋湯、白飯同餐飲，叫咗鐵板蒜子雞扒配薯菜 $78 大大塊雞扒好厚肉又冇雪味，就咁食已經鮮甜有肉汁，再淋上蒜子汁超好送飯。而羅宋湯都係真材實料，大大塊菜大大嚿肉，酸酸甜甜好開胃。特別一讚特色精選套餐沙嗲牛腩撈麵 $63 比港式沙嗲牛肉冇咁濃味，將鹹甜有緻嘅沙嗲汁滲入腍滑嘅牛筋腩入面，再用嚟撈彈牙嘅鹼水麵，真係值得一試，非常出色餐飲其中一杯加咗$10升級老菜脯羅漢果茶，潤肺化痰又美肌，好香好足料！

自重疫情之後, 除左全部舖頭好早收, 條街好早變得好靜之外… 香港人外出嘅飲食習慣, 真係徹底轉變咗 好多 好多 好多… 我哋都唔例外, 可以早啲返屋企嘅日子, 就盡量 早啲返屋企, 絕大多數 會揀買外賣返屋企, 靜靜地 慢慢食… 家常便飯黎講, 外賣做得出色, 而且水準真係持續穩定嘅, 翠華 - 一定係頭幾位!!!除咗晚餐選項之外…叉燒蛋飯, 真係近期最愛…完冇諗過佢叉燒同雞蛋都做得咁好喎~ 如果叉燒可以再瘦啲嘅話, 就更加 perfect 嘞~!咖喱都係我哋其中一個成日叫嘅選擇~外賣包裝 pack 得非常好, 平衡穩陣易拎, 要讚!

新裝修完第一次去食叫咗個雪菜肉絲米雪菜肉絲好正啊，有埋蝦米口感食落有鹹香味 好食脆皮豬仔包依然咁脆咁好食😋通粉份量正常 唔會好咸檸檬茶就差啲 茶底有苦味奶茶都係不過不失

將軍澳有水準的茶餐廳其中一間係翠華，👀要露營用品順路到翠華晚餐。 咖喱焗雞飯香濃的咖喱香氣撲鼻，雞肉經過焗烤後，外皮微脆，內裡卻依然保持嫩滑。米飯吸收了咖喱的精華，味道十分入味，令人一口接一口。雜扒吉列炸蝦餐配薯條多樣性令人驚喜，炸蝦外脆內嫩，搭配酥香的雞、豬和牛肉排，無論是口感還是味道都讓人感到滿足。薯條則是金黃香脆，作為配菜也相當不錯，完美搭配主餐的豐富口味。忌廉湯忌廉湯的質地滑順，味道濃郁，微微的鹹香帶出了一種舒適感。牛油朱仔表層塗上薄薄牛油，香口酥脆。 手打奶蓋奶茶最後，手打奶蓋奶茶的奶蓋厚厚一層，滑順而不膩，搭配香濃的茶底，完美平衡了茶的苦澀與奶的香甜。整體來看，鐵扒餐、手打奶蓋 和牛油豬仔包否有水準，價錢吸引和環境舒適。

午飯時間光顧早知翠華已今非昔比，分店開到民間，即管看看今天如何點了他們自稱「熱選」的$80「秘製干炒牛河」，還有$32羅宋湯。羅宋湯比足湯渣，有菜有牛，非常豐盛，最少係湯，味道不濃郁，亦不熱，比太興還差。干牛河，大的「碟中碗」，只有中間淺淺的凹位載食物，份量非常少，約一飯碗，較濕，不熱，不香，牛肉韌，得個鹹字，吃完好像沒吃過。秘製處，應是個迷。問了服務員如果要$80炒貴刁，份量一樣少嗎？她說是，但可炒多一點給我，即管一試。真的多了一點點，搭高了一點點，大量西火腿，欠青椒，濕，夠辣不夠鹹。只求吃飽，再叫一碟$80干牛河，這次神奇地份量比第一碟多了點點、熱一點，還下了第一碟沒有的芝麻，不過還是濕、死鹹、韌牛肉。秘製之迷繼續。學星星師傅話齋，港式醃牛肉至重要，基本如此都不達標。干牛河不乾，汁炒一樣，名不符實。街市河粉$10斤，不知翠華要省什麼，醬油？你說是份量少但味道精緻高級？卻又肯定不是。街坊生意，最少做到可以充飢吧。是不可理喻的經營方式。完全不ok，要花$240吃飽三碟差勁的濕炒河那三份二是冰的小杯凍檸茶，不說了

要講到香港本土餐廳，一定會講到茶餐廳！這個相信連旅客都知道！如果要講到香港本土美食，鐵板扒，焗豬扒飯，應該係榜首！今日就等我去一次過，試齊這種本土文化環境方面翠華餐廳可以話係香港歷史悠久之一嘅茶餐廳，成立於1967年（我都未出世）真係細細個就聽過呢個名！環境方面，一般茶餐廳裝修食物方面：珍費蟹柳吉列蝦海鮮雜扒 $138（配薯菜。羅宋湯。牛油豬仔，蒜蓉汁，飲品） + 凍檸檬可樂（+$13）我細細個好中意去餐廳食港式鐵板餐，就係那種治癒的「JarJar聲」，所以小強對港式鐵板餐有獨特情意結！這個雜扒，可以話係份量十足，有牛扒，有豬扒，有雞扒，仲有珍費蟹柳，和吉列蝦！一次過滿足我多個願望！冠軍焗豬扒飯 $75 （手打芭樂檸檬茶 +$25）大大塊嘅豬扒，豬扒比其他餐廳鬆軟，醬汁也很香，配飯一起食，另有一番滋味手打芭樂檸檬茶有水果王后美譽的「芭樂」，其實就係番石榴！想不到番石榴配手打檸檬茶，可以咁夾！喜出望外！希望這種港式文化，希望可以繼續傳承下去！

俾大家樂貴 但係啲嘢難食過大家樂 係咪做西餐㗎？啲職員唔想做咪做囉  服務態度差 餐牌一成不變 個湯好似一坺屎冇調味 唔做咪唔做囉。一係就唔好收錢多個大家樂 呢間餐廳好明顯定位要比大家樂同茶餐廳高一級 但係啲嘢勁難食，仲要係外賣買返嚟 真心呢間咁耐喺時候換下其他餐廳

每朝都係Good morning所以每日送完小朋友返學就會去嘆個早餐我好多時都會去翠華食早餐因為佢果杯熱奶茶真係超好飲😋每次飲完都回味無窮 享受媽媽me time 環境都好重要‼️最鍾意佢人唔會太多唔使坐到好迫咁自己仲一個人仲可以坐到卡位慢慢嘆早餐早餐個炒蛋我都好愛因為夠晒嫩滑 飽片火腿通粉湯底好味通粉軟硬適中其實每次嚟我都會嗌同一個早餐😂因為實在太好食 😋

我師父而家轉左喺坑口返工😍同我超近，我地兩個可以經常見面啦，今日大家返工前來個短聚，揀左位於將軍澳嘅❣︎翠華餐廳❣︎呢到裝修好舒服，座位寬敞，點餐都係掃QR Code，好方便。❣︎神之义燒飯❣︎$70落單時义燒可以揀肥/瘦，食义燒一定要揀肥好味啲😆大大舊厚切肥义😋仲有啲燶邊，肉質軟腍，醬汁清甜，再配埋蔥花炒滑蛋，超完美飽肚嘅午餐👍🏻❣︎瀘州奶茶(隨身瓶)❣︎88加入左由700年瀘州老窖酒傳統釀製技藝釀造嘅濃香白，入口溫潤順滑，用玻璃樽上，感覺好特別。❣︎午餐C鐵板黑椒牛柳絲炒烏冬❣︎$69 午餐跟嘅例湯可以揀中湯/西湯，及跟咖啡/茶，即叫即炒嘅烏冬😋上枱時重炸炸聲👍🏻濃郁嘅黑椒味牛柳絲配上烏冬，熱辣辣超惹味。❣︎芝士焗西蘭花❣︎（加配價)$28芝士碎溶化後金黃焦香🤤鹹鹹香香好滋味👍🏻

好耐冇食過翠華喇，今晚又係下午茶時間，入入去叫咗個下午茶，今日食咗個自家製魚蛋片頭湯河，呢間湯河份量算大，有4粒魚蛋、兩塊魚腐😉個湯都唔錯，唔會太鹹😀飲嘢就叫咗杯凍檸茶，保持到水準

去將軍澳迪卡儂行到攰想食啲嘢，就入咗呢間茶餐廳喇🇺🇸美式雜扒 $93 有牛扒、雞扒、豬扒、廚師腸同埋煙肉，全部都係肉，滿滿嘅蛋白質，係所有肉食者嘅至愛，雞扒表面外脆內軟，雞肉會唔會好乾，好嫩好滑，十分Juicy，牛扒豬扒不過不失，食落唔會韌，鐵板餐去選擇薯菜、意粉或者飯，今次我揀咗薯菜，由原塊薯仔拎去炸，好好味啊🐮法式黑椒牛柳 $103 八安士嘅牛柳，有兩塊，份量都幾多，牛柳好嫩好Juicy，同雜扒嘅牛扒比，截然不同，係高級嘅享受🥣加配餐湯牛油豬仔 +$12 鐵板餐可以加錢配餐湯同埋牛油豬仔包，餐湯可以選擇中湯或者羅宋湯，今次揀左羅宋湯，係好好味嘅茶餐廳羅宋湯，好濃郁嘅味道，配上隨餐嘅豬仔包，一小塊嘅豬仔包沾上羅宋湯，好味道🥚蛋撻 $8 見到有新鮮出爐嘅蛋撻，當然唔可以放過，熱辣辣咁放入口，牛奶皮香脆美味，蛋漿唔會好甜，恰到好處，一啖蛋撻一啖奶茶，十分寫意

一踏入餐廳，望住收銀店員，毫無帶位之意，棟係度唔知做咩，都算！最多咪自己搵位坐，坐底之後，冇人幫手落單，舉手10分鐘都冇人過黎，最嬲係個收銀店員明明見到我地，仲有叫其他店員幫手，但果個店員拒絕咗，已經覺得嬲嬲地，最過份係果個收銀冇打算幫手，又冇人賣單，企係度玩口罩，玩完都唔過黎，明明無所事事都唔做野，直到我地走都冇任何表示😡😡😡完全冇服務👎🏻

員工態度差，嚴重人手不足，廚房懶理，直頭唔想做生意咁，堂食外賣客人都等到好唔耐煩，但樓面阿姐懶理，外賣自取由落單到有得攞足足一個鐘，但 apps 上顯示半小時已可取餐，不會再幫襯！