翠華餐廳 (荊威廣場)

营业中

休息中

又貴又。。店員好。。。黑毛豬牛排都講得出，點幾次嘢都錯漏，有個大叔真系完全唔知道自己做緊乜，完全唔似系香港食緊嘢。 戴曬藍色手套做嘢，剛收拾完旁邊桌的廚余又幫你上菜上碗筷，對手套多久才換？ 怕整邋遢服務員的手定系點？ 點解要戴手套？ ？？？

由奶茶意粉到乾炒牛河都千篇一律好難食同埋好貴。吊高嚟賣收三倍價錢大家樂最好食過佢，睇怕佢好快執笠。 對翠華好失望，冇諗過佢用咗幾年去重組業務，最後搞啲咁樣嘅產品出嚟，如果我係遊客一定唔會食，本地人更加唔會食。最失望嗰part係佢搵條肥仔喺我面前拉花奶茶，拉咗一大輪先倒出嚟最後杯嘢係好難飲，得個奶味任何茶味都冇，成個經歷覺得好似俾人呃緊咁，因為真係唔似奶茶，但係價錢就貴咗兩倍比以前。俾翠華一個提示，不如Get back to the Basics，唔好搞咁多特別嘢，你哋根本唔係一間高檔餐廳。

好耐無食過翠華喇! 繁忙時間要搭枱好正常，但係一打開個Menu我有點兒嚇親，完全無諗過翠華一個飯差唔多要$100。$98咖哩牛腩飯，份量都好多而牛腩都入味同夠淋。$98神之叉燒黃金炒飯，我開頭以為會有D咸蛋黃，結果係無既haha，但係就超級多叉燒，多到我要夾走。飲品就叫左杯茶走同咖啡，茶走有D驚喜既，待應會先比杯已沖好既奶，之後會係客人面前倒熱茶。

餐牌已經比之前少了七成.咖喱飯面目全非.份量少少裝在印度咖喱的小碗裏面.朋友叫了個奶茶由侍應拿茶去枱邊倒進杯裏.好像沒有水吧，亦沒有現場炒菜的廚房.像是預製菜.喂哎呀同你啦今日囉我今日去琴日去咗食咗碗魚蛋粉再配晒好舒服你想幾點鐘去啊？咁你可唔可以食少少早餐啊？咁你想我幾點鐘接你啦？ 奶茶難喝到朋友喝了兩口便放下喝不完.餐牌選擇只有幾頁.價錢貴，我之前最愛的翠華已經不再.中環那麼好的位置去一次之後以後都不會再去.

今天1點入去試試新翠華，要搭枱好正常。但一打開menu 就嚇了一跳！ 叉蛋飯要90蚊，海南雞飯要102蚊。 咁嘅價錢重要係茶餐廳服務，搭枱。 D 經典翠華名菜又冇哂。 離譜。 Super Overpriced cha chaan teng food. My first visit to this relaunch of this Icon. I came during lunch and had to share a table with two others. I was shocked when I looked at the menu, all the old favorites are not on the menu, and the prices are crazy. Can't believe they are charging this type of prices with Cha Chaan Teng style service, and table sharing!! Ridiculous.I walked out.

朋友同我講，依間茶餐廳lunch得d set，我唔信，我menu都無睇就入左去。一坐低睇個餐牌，真係得2個lunch set，我唔信無單點，就問個職員有無其他嘢食，原來係有嘅。睇完成個餐牌，感覺係“好貴”，可惜我唔夠膽直接衝出去離開，唯有試一試。叫左 鮑魚碧綠雞粒燴飯 試下，味道黎講係好食嘅，好足料，有雞粒之餘仲有其他配料，可惜只係個份量比較少。理想現實隔離枱附近嘅人，似乎都有不同嘅苦惱，但大多數都唔係叫set，但都仲算多人食，始終餐廳向中環一個最有利嘅位置。

我是你們多年凡的忠實Fans, 中環新店價錢貴不評論, 但質素強差人意......幾次單寧多又鞋口, 雖然你們同事有free 給我, 但我都希望你們作出應有改善, 否則我地熟客會唯有過檔其他品牌, 不再回頭

今天中午想起翠華在中環重開，應檢討過近年業績而改善重開。中午12:00正已經到達中環翠華，店內客人也不多，可能知客不想走得太遠，老是要把我帶去坐咕𠱸背靠酒櫃的位置。心想在這吃個午餐消費一百元以上，但坐位連快餐店或小食店也不如。回想以前翠華在中環搭枱也食得開心舒適，現今生意已經不好，客人也不算多但偏要你坐落難受的位置，午飯未嘗已經離開。敬請客服善待客人，所有行業客人都是你們的衣食父母。如繼續這種態度對待客人，關門的日子也不遠吧。

Reopened Tsui Wah doesn’t have the local charm that the old central branch used to hold. Ironically we were disappointed by how flashy and clean the restaurant digs were, the attentiveness and patience of (most of) the staff, and at the fact all the menus can be read in one place. Not to mention they close at 10pm. But the food was not half bad. In fact the XO noodles were worth a second round. The only problem being that despite sending back the dish to the kitchen, there was no XO sauce! Maybe

新翠華開始一排都無食過，同事話不如試吓。中午12:00左右到，到咗門口唔係有招牌都唔知係翠新華。裝修幾靚都闊落，唔多似茶餐廳。坐低咗睇電子餐牌，食物唔平，只有一個商務午餐，$158！真心唔平，其他如魚旦河要$60-$70，嘢飲另加$20+。最後叫咗個焗豬扒飯，$98唔包飲品。份量足，炒飯底有旦香，但豬扒同整體都偏淡，冇咩蕃茄味，一般般。真心講應該唔會再嚟，附近有其他平靚正嘅茶餐廳選擇。唯一優點係坐得闊落舒服。

翠華回歸中環後第一次幫襯，一般食開咖哩吉列豬扒飯，一坐低就點。佢攞張單來嘅時候，個豬扒飯要$168，真係嚇親我。我只可以怪自己無睇餐牌無睇價錢就點，貴到傻左，比起以前起碼貴左一倍。豬扒質素係維持到，但係整個豬扒同飯嘅份量少得可憐。完全對唔住呢個價錢，以翠華作為高級快餐/茶餐廳，呢個價錢對我個人來講係唔合理。除左呢個豬扒飯外，我見其他午餐都係定價係$150左右，好可惜見到返來中環之後，諗住可以定期去食，經過今次之後唔會再回頭，再幫襯，bye bye.

唔知想點，茶餐廳冇常餐。 😰但有cold cut platter， 係搭枱食。配凍檸茶奶茶。邊個諗出嚟㗎？嗌咗個魚蛋米，完全唔係嗰回事。 所有嘢飲另外。 以後唔會再嚟。唔好求其開間餐廳叫自己係翠華啦。😖😖😖

經過入去食早餐，果度啲射燈，搞到張張枱都好殘眼。坐得唔係咁舒服。再睇吓早餐，先唔講價錢，選擇唔多。一般最多人叫果幾款都冇，要通粉，轉左蜆殼粉…沙嗲牛肉變咗沙嗲牛肚… 等等。 想收多啲錢啫，唔使整色整水，香港人食茶餐廳好簡單，係想食開個幾款嘢，整得好地地。 所以坐低冇叫嘢就走咗，唔啱食。 立下眼睇個menu, 基本上唔可以當佢係翠華，只係用佢個名開間新餐廳。我冇叫嘢食，所以唔知質素如何，但想搵返以前嘅味道，真係失望。

首先啲味道完全唔係我哋以前熟悉嘅翠華味道。我叫咗嗰碗墨魚丸河粉，真心難食。你幻想吓自己喺屋企用滾水烚啲河粉再加啲丸落去之後上枱。朋友叫咗個豬軟骨嚟蛋撈飯嘅物體，ok d. 但係其實只係翠華嘅招牌完全唔係翠華嘅靈魂。同埋個Menu都幾唔user friendly, 因為佢哋喺個menu set 係Tablet度，但係唔可以喺個Tablet上面直接下單的. 其實係咪因為佢哋仲係試業關係？所以Menu的項目選擇實在少。

從前，中環兩大間翠華，在疫情時已結業。近日翠華在中環另覓地方重新開業，今日約左三位同事去新翠華食午餐。我們12:40分去到，門口排了約十人。排了5分鐘，我們順利入座，座在窗旁高枱的四人卡位，可以望到街景，相當不同。中環的舊翠華在生意高峰時期，午飯時間經常排長龍等位入座，現在明顯少了人等位。我和另一位同事揀了文昌雞飯定食。盛惠108元，有中湯，沒有包飲品。文昌雞去了骨，做得好滑，好好食。兩款醬汁，一款酸菜，配雞件吃，也好味道。中湯是蓮藕湯，味道正常。另一位女同事：揀了沙嗲牛肋腩麵 + 時菜芥蘭。她說芥蘭好食。牛筋腩麵只有牛腩沒有牛筋。沙嗲湯底味道也OK。另一位男同事：揀了咖喱雞飯，他說好食，值85分。白飯好吃，但不大碗。翠華午餐，只有兩款選擇，套餐竟然不跟白飯或意粉。沒有加一服務。食物質素保持到，但價錢就貴了些，因為所有食物，除了套餐，也不包飲品，也沒有加配。如果想飲野，就要單獨叫。