翠苑甜品專家 (波斯富街)

营业中

休息中

今時今日想試碗正宗中式甜水都唔容易，又要係街坊價，我都推介北角翠苑試下。姐姐好搞笑，一路落單，問你要熱定凍，轉個就遞比你，好快手。今次同朋友食嘅三碗都係白色，分別係大良燉鮮奶 $24、合桃糊燉鮮奶 $24 同埋潤肺杏仁蛋白 $25。我食嘅杏仁蛋白就一般般，杏仁味唔算好突出，蛋白都略厭少少稀，但整體都滿意的。食完飯再黎食碗甜水，最緊要可以同朋友繼續吹水，野食都變咗其次。😂

又黎到我搵野食時間。黎到銅鑼灣附近，夜晚想搵附近糖水食好似冇咩選擇咁， hesheeat 又排好耐隊就黎左呢間，都要排二張枱入面環境好細，最多20人左右就滿我一入到黎見到餐牌⋯我同fd 一齊都係叫 潤肺杏仁蛋白。熱的。似乎我同我fd 都係最至愛建議加埋湯丸，好好味

平時經常路過，今晚食得唔多飽，終於有胃口食埋糖水先返屋企喇～可能食慣四五十蚊既西式糖水，見到餐牌平民貼地，呢區真係算難得。又想食腰果糊（原來禮拜六日先會有）又想食合桃糊，最後揀左更想食既渣咋芋圓（好似無食過呢個組合）。渣咋芋圓好好味，多豆有芋頭，豆好綿嫁，芋圓唔少雖然唔係自己整，但好有咬口，先賣廿七，仲想點啫。楊枝甘露用大西米，芒果粒同芒果汁夠凍唔過甜，解渴，竟然咁好食今晚第一次先試，真係有下次forever~

見過幾次有司機停車喺門口拎外賣糖水~似乎好多回頭熟客! 所以我又去試試佢🫡裝修比較簡陋同舊式…以為得最傳統嘅中式糖水，點知有<<蕃薯芋丸糖水>>($24)喎!!好衝動咁叫咗🌚醒唔起同媽咪煲嘅冇薑蕃薯糖水唔一樣~佢超強烈嘅薑味辣親我嘅喉嚨仔🥲芋圓煲得有啲偏腍! 口感爭d🫥<<楊枝甘露>>($23) 係standard嘅味道👍🏻欣賞佢芒果粒大大粒，而且都唔少! 抵食!

🙁從入門開始就有個阿姐就黑住塊面，叫咗兩碗凍甜品，講咗兩三次要凍嘅，結果上咗兩碗熱嘅，話人要凍嘅要早講，態度惡劣話咗一堆後先換。☹️總之系令人唔太舒服嘅體驗😅

#fatchubelly銅鑼灣 翠苑甜品專家 (銅鑼灣)楊枝甘露 $23普普通通嘅楊枝甘露芒果都幾甜冇咩特別薑汁燉奶 $24有奶味唔會好甜但唔夠熱🥲薑味欠奉麻麻地😿⚠️總結唯一優點係平🙈如果喺銅鑼灣想食甜品都係食返sharishari同via tokyo算😹評分：50回頭率：45

心血來潮想食碗港式糖水.原本冇位咁諗住攞走佢已經擺落兜裏面跟住突然間有位.我叫咗個豆腐花我話我可以俾返外賣錢，佢唔單止冇收我外賣兜仲俾碗新嘅我.不過不失.但係食得大滿足.會再去叫咗個蓮子糖水.甜度適中.自己本人食得甜.期待下一次試其他甜品This place is a hidden gem for local dessert. Deco is very basic , nothing fancy but is very soothing having a hot dessert in a cold weather.Not sure if is too sweet for you. But is ok for my sweet tooth .I ordered a lotus seed dessert Can’t wait toTry the other dessert !

次次都係同阿姐講要湯圓，結果唔知點解就變蓮子百合，我上次堂食叫佢即場換，今次攞翻去先發現，一睇到男女男到想掉左碗野佢！最中意嘅野食變最憎，下次唔鬼去🙄都唔知點聽野

咁凍嘅天氣梗係要食返一碗熱辣辣嘅中式糖水， 今日去到銅鑼灣波斯富街嘅呢間甜品舖，舖頭細細但係勁多人幫襯，等位都等咗一陣至有得入， 望望餐牌以銅鑼灣嚟講呢個價錢真係唔貴，我哋一行三人叫咗兩碗薑汁燉奶同一碗木瓜雪耳糖水， 燉奶一上枱已經聞到薑味而且做到好滑溜，食落亦都有啖啖奶香，真係好過某一間專門賣燉奶嘅舖頭囉🤣至於個木瓜雪耳糖水亦都好夠味而且木瓜大大嚿真係好抵食 。。總括嚟講糖水ok，抵食，只係可惜坐得迫啲，張枱細少少，不過香港土地問題解決唔到冇辦法😅

想食甜品！健健康康，食翠苑！來到9pm, 都好多人，無論外賣定堂食，但好彩不用等。好多都。。好想食！叫左最新推介嘅咋喳芋丸同 桑寄生蓮子蛋紅棗茶。真係好味！有少少中藥味，蓮子甜甜的，又甘又甜！蛋係茶葉蛋但無咩茶葉味。好多好多料，不會過甜，有紅豆，腰豆etc。不錯，平民價~good dessert!

自己一向都好鍾意食芝麻糊，以前好鍾意去大良八記食，不過好似執咗好多年，所以日日上網問朋友有咩推介，其中一個朋友介紹我食呢間翠苑，咁啱琴日經過銅鑼灣見到，於是就立即入去食返碗芝麻糊，間舖頭一入到去就知道係老字號，因為我見到三個婆婆喺度打理間舖頭，所以應該信得過，我就嗌咗一碗熱芝麻糊，當我食第一啖芝麻糊嘅時候覺得個質地係屬於好滑嘅，而唔係杰撻撻嗰啲芝麻糊，不過而家冇芝麻味㗎？其實有⋯⋯不過好淡，好似溝咗水咁，真係好淡我完全唔可以接受，簡直淡而無味，我應該從來冇食過一碗芝麻糊係咁淡，食咗兩啖我就冇再食，我就轉行叫咗碗凍嘅合桃糊，因為凍嘅關係啊一定會杰啲，但味道OK喎又夠味又夠甜，同芝麻糊簡直係天淵之別，我唔知係咪我今次唔好彩，幫我講到要食芝麻糊我應該唔會再俾機會佢。

well～chinese sweet soup is many longevity like this！▪️mistletoe lotus seed soup🌟🌟🌟🌟first i need say that sugar level is very good right！not too sweet！inside has red dates and lotus seed！drink this soup will good for insomnia and blood deficiency！

同朋友食完晚餐就去咗食甜品見到好多甜品店都排長龍經過呢間覺得價錢幾抵又未試過就入咗去甜品屬於中式，唔算好多元化多數都係糖水環境比較細，坐得有啲迫楊枝甘露味道唔錯有好多西米、西柚唔會話超級甜不過如果再多啲芒果就更加好芝麻糊夠晒熱唔會話超級杰身入口都滑見到佢有燉奶，而且價錢比起好多甜品店都抵試咗合桃味佢份量唔算超多燉奶口感都幾滑，奶味都重不過就唔會起依自己覺得傳統燉奶好食啲會食到佢嗰種原始嘅奶味整體唔錯價錢幾平民化，以銅鑼灣來講係少有嘅平價有水準甜品店

潤肺杏仁蛋白 $23 Very smooth and silky, not too thick and not too watery. Strong almond taste but not overwhelming, also has some sweetness to it that matches well with the egg whites. The egg white was absolutely divine, there was a lot of loose egg whites in each bite and some was rather plump Han others which gave an amazing texture contrast and the silkiness of the egg white really made me love this dish. This dessert is also good for your lung health “潤肺” which is a bonus! 腰果露 $19 I had one bite

係銅鑼灣食完晚飯想食啲甜野, 翠苑相信係唔少人嘅選擇, 份量適中, 價錢又親民<芝麻糊燉鮮奶>大食妹嗌左至愛嘅芝麻糊燉鮮奶芝麻糊燉鮮奶一定一定一定要嗌熱嘅因為凍嘅話會影響芝麻糊嘅香味之餘, 仲會結成一舊一舊同大食妹之前食嘅芝麻糊燉鮮奶一樣, 燉鮮奶係上面, 而芝麻糊就埋係下面翠苑嘅燉鮮奶好水嫩, 奶味唔算特別濃, 但質感唔錯芝麻糊算幾濃郁, 而且香口最最最重要係性價比都幾高, 今時今日去邊度先食到廿幾蚊一份甜品? 大食妹推介