翠苑海鮮酒家 (已結業)

本來諗著開心食餐飯，點知貼錢買一肚氣！叫左一個$788四人套餐蝦球伊麵之前套餐都係有龍蝦食下，現在轉蝦球都無咩所謂，但價錢重貴左，都唔緊要，但細蝦加上一大舊粉團，完全難食。翠肉瓜炒雙蚌完全唔知係咩蚌，味超咸。蒸班仔條魚係雪藏，因為完全無魚味，魚肉硬同鞋。竹笙魚翅翅得幾條，普普通通。燒味拼盆呢個係頭盆，食哂嘢要兩次追單先再黎，黎到都知無好，似係番熱，差燒、雞同鴨都硬身。食哂再等......等......！幾個字後出聲問一位亞姐，是否有糖水同生果？（菜單有）佢好大反應話套餐先有喎，亞姐我地咪叫左套餐囉，佢走左無反應，以為佢會出，點知一去又無回頭！再等....！又再叫人，又係等....！第三次叫到一位亞姐，等左五分鐘終於有八塊橙。到糖水紅豆沙，嘩苦味好重....！唉，呢餐真係超難食！套餐+一支大啤$25，埋單要九百五十幾蚊，真係超貴，好味都話，最慘難食！因為就老人家，平時都有幫襯開飲茶，都知服務差，經常無人添水。咁既價錢睇齊大酒樓集團，但服務九流，食物水準有待改善！唔通真係獨市生意唔憂做？唉...下次都係帶老人家出下邨，去下其他地方食下飯，飲下茶，搭埋的士都重有數圍！起碼食得開心先最重要！

星期六同個朋友在附近買東西就來到這間酒家吃下午飯兩個人叫了很多東西問題是我叫了碟白灼油麥菜另外叫了個堯柱蛋白炒飯點知道原來堯柱蛋白炒飯待應同我地叫甚麼孖寶有一個魚湯浸腐竹菜苖跟的兩個如何可以吃兩大碟菜呢其實接柯打的待應理應提點再講油麥菜話白灼，但是有很多很多油失去白灼意義，見到都吾敢食堯柱蛋白炒飯飯粒乾爽有芥蘭粒同炒更爽口但是飯的調味就差少少另外果個魚湯菜都幾好味菜都夠鮮綠，魚湯稍微咸雪山叉燒包因為食物未到有一個待應拿到我們身邊推薦給我們所以隨便叫埋咬下去叉燒的蠔油汁竟然有幾滴彈到落去我右手臂上味道普普通通另外叫了幾款野都是大路食物味道亦沒有甚麼特別亦都無影相，所以不多作介紹呢度地方十分大，分地下同一樓聽朋友話夜晚兩層可以擺一百圍同時也可以做其他散抬客不過本人感覺食物水準麻麻

相約親友共三人在這喝茶我先到坐下先行將杯碗筷清潔之後見到外賣檔出奇地行出去看看有甚麼食物拿回食物回自己坐位時發現吾見了兩隻碗同兩支匙更我估是隔離檯的客人吃吃下東西要用所以拿走只拿碗及匙更，筷子同抔還在真的豈有此理，唯有叫伙記取點知伙記只拿一隻碗我再叫伙記，他說你要甚麼請到附近有櫃的地方自己找啦難道真的咁決人手嗎不過我等伙記開茶都足足十五分鐘再䜕我未行出去前點了兩款點心之後行出去揾野，川芎百芷鳳爪呢個都幾濃味，但是沒有酒香味鳳爪很多，而且十分淋不過個湯簡直咸到苦，完全吾飲到食咗大半小時，兩款點心未到其實好在兩個親友亦未到我先追那兩款點心，先知冇落單點解臨落單前阿姐見到我圈得不清所以問我（你是否叫咗蒸排骨呢）終於親友來到這時候我已經在這裡一個小時除了鳯爪，乜東西都無最後牛肉腸粉先到，牛肉算淋腸粉皮都滑，不過份量好似少咗佢用一條長碟，一條過數件數好似少咗咁囉排骨到埋，都好香嘅重䔉蓉味，夠肥夠爽雞絲粉卷皮厚雞肉少咗好在鼔油好味架咋兩皮蛋瘦肉粥三人分食，呢個落單都等足一小時粥底夠綿，唉！可能即叫即煲所以等一小時皮蛋同肉就翏翏可數，皮蛋算起沙果種既地方是普通酒樓，裝修吾豪華，招呼明明見到好多伙記但

以下內容是千真萬確，呢間酒樓真係都幫襯過好幾次，唔係因為好食，係因為要就住係附近又行動不便的親戚，無奈地今天又要再幫襯！呢間酒樓面積頗有，上下兩層，仲有部分改作茶餐廳，平日夜晚客人不多，今晚所見只有十枱左右，主要食火鍋。我地叫小菜$1388套餐，部長話如果菜唔啱食可以轉，其中一個蝦配沙律醬炒的（不記得菜名）轉做龍蝦伊面加＄240 （有兩隻龍蝦），覺得好貴，問部長單叫龍蝦伊面幾錢，佢話＄128包一隻龍蝦，咁即係原本果碟值＄16？？ 部長解釋菜單係佢地集團（京都） set好，轉價錢係要收番貴D, 真係好搵笨，聽完都係唔轉好過轉，另外加多樣無咁嬲。其實成晚都係得我地呢枱叫呢個餐，不識變通，點做生意？講番味道，燒味拼盤－－ 一如所料係熱的，因為番叮，但係叮得過火，硬同乾，燒味本身又不是什麼好貨色沙律醬炒蝦球－－全晚覺得最好的一個，蝦炸過加上沙律汁炒，蝦外皮有點脆，肉質亦爽口，可惜厨師完全不懂控制沙律汁份量，一大pat汁燕窩羹－－料少粉多，像食生粉開水炒豬頸肉－－普通貨式，沒有特別清蒸沙巴龍躉－－魚過熟，肉有點鞋吊燒雞－－味道OK, 肉有D散炒飯－－新鮮飯炒，不夠乾身，一般茶餐廳貨式最後生果紅

太好味 唔記得影相 sor/_\一碟蒜蓉吉豬飯真係好正唔識形容>< 特別係蒜蓉汁, d汁充滿了蒜蓉的物體 發現出面食個D蒜蓉汁都唔係真蒜蓉 此蒜蓉吉豬飯獨特風味 真係令我回味再三 令我再三反思何謂蒜蓉

今日肥龍B來左呢間茶樓食燒味飯!!真係一個惡夢既開始,諗住叫叉燒飯一定穩陣!!點知碟叉燒飯黎到真係呆左... ... ...D差燒舊舊都黑"忟忟"...仲要又硬又乾又柴皮咁...初頭以為黎左碟豬肉乾飯咁!!賣相又唔靚, 連條下欄菜都無...基本上, 舊舊都好似係D斬剩既頭頭尾尾咁...試過一次, 乜都夠喇...!!

今日又黎開呢頭探親友~去左呢條村新開酒樓試下~不過我有屋企人之前已經食過~仲話麻麻地~但我唔信,諗住親自試下兼可以寫食評嗎!哈哈今朝大約11點左右到,等左一陣就有位,因為呢間酒樓好大~有兩層,可以容納好多人既!一坐低,見到佢d點心紙都係同出面差唔多呀~都幾多野食啦~叫左雞包仔(中點)，潮州粉果(小點)，蝦腸(特點)，鍋貼(中點)，菜遠炒牛河($55)~點心上得好慢~等左好耐上第一樣蝦腸~表面好似無咩野,一食就有分別啦~d蝦好重調味料咪,唔得爽滑~之後再上雞包仔同粉果~呢兩樣就普通啦~都叫新鮮既~再上菜遠炒牛河,個賣相好吸引,份量都算大~但河粉有一陣味,好似係d蛋味唔識形容)........總之就唔太好食啦~最後上既係鍋貼......呢個都係正常既,煎得均勻~同出面食既差唔多!!食物質素真係不太好~而且原來今日有父親節特別收費囉~真係唔知出面d酒樓係咪咁啦~全日劃一收費啊~小點:$11.8............中點:$15.8.......大點:$19.8.........特點:$22.8..........頂點:$2x.8(唔記得左)老實講,咁既價錢....係旺角好d既油樓都食到~但

星期日同屋企去附近酒樓食飯, 今次試下佢個$1冬瓜盅個冬瓜盅又幾正. 真係好多肉, 睇住佢不出黎, 見住佢刮到冇晒肉先拎走個湯又幾鮮甜, 料都唔會太少$1 又冇偷功減料, 超值!壽包唔夠鬆軟, 比起稻香既真係差幾皮感覺似係o係超市買返黎o個d 急凍包再蒸咁1/4 隻燒鵝唔錯, 最頂o個一排啖啖肉, 皮薄, 好正. 但下面o個d 就差d, 得層皮同好多肥膏, 不過都預左d 酒樓點會比舊舊都係好野.京蔥牛肉, 好多蔥, 預左. 所有酒樓都係咁牛肉較林, 食落幾易散, 唔多有趙口黃立倉, 係同埋燒鵝一個set. 我地唔知條魚係咩, 上左台先知. 都幾多肉.最後送糖水類似紅豆沙既物體, 但唔係紅豆沙, 阿媽話係唔知咩豆, 唔記得lu好難食, 又多陳皮, 同埋好杰, 好唔尋常既杰, 好似加左豆粉咁, 食到一半已經唔食5個人食左$250, 不過茶錢都要$8, 芥都要$10... 哩度都成$50我情願唔食你碗糖水退返d 茶錢比我啦...

今日同朋友去樓下間酒樓試下$1 片皮鴨新張期, 有$1 片皮鴨/ 冬瓜盅/ 一斤蝦2-5人可以叫一款, 只可叫一碟, 5人以上可以叫二碟, 但要同款我地咁岩坐正個位睇到個人切片皮鴨.佢只係o係哩個位切完, 再上台. 唔會o係人地台面前大顯刀法片皮鴨幾肥, 但對比起其他京式鋪頭都唔算肥lud 麵粉皮超薄, 但就黐埋晒, 大概有11-12片片皮鴨切得好大塊, 佢係想切到岩岩好同d 麵粉皮一樣咁多, 岩岩好11-12塊但太大塊既關係, 好難包埋. 加埋d 醬, 瓜同京蔥, 味道都唔錯.叫$1 既野最少要2個人黎食, 但係我地只有2個人, 食完都唔夠飽, 何況3-5個人迫住要叫其他野其他小菜既menu, $28起我地睇左15min 至半個鐘都諗唔到食咩最後另叫一個星米.冇乜鑊氣, 炒出黎比較濕, 但都幾大碟同幾多蝦味道有待改善, 炒得唔夠均暈, 有d 地方冇乜味之後見到火窩o個邊, 有人從一個籠度可以自助夾d 星米.即刻... 會唔會我地哩碟都係o係o個度夾出黎...咁就$48送紅豆沙, 煲得過火左d, 林晒同散晒, 但好大朕果皮味咁樣食完都$42 lu$1 片皮鴨$48 星米$8 每人茶錢$