影片
营业时间
今日营业
07:00 - 22:00
星期一至日
07:00 - 22:00
以上资料只供参考，请与餐厅确认详情
咕噜肉，外皮好酥， 猪肉 juicy ，芡汁有拉丝，真系咕噜肉嘅天花板 👍野菇杂菜，材料新鲜。椒盐鲜尤，脆浆处理得一样好，就系太大份量，人多先好叫。砂锅炆鱼腩，味道可以，但是龙趸不够新鲜有 鱼腥味。烧乳鸽38蚊一只， 热辣辣， 唔好挑剔。总括来说，酒楼吃饭必定嘈吵，但地方宽敞， 虽然没有殷勤嘅招呼，但是服务都不算恶劣，小菜来得快，每款都好大碟，适合多人聚餐。
继续阅读
系附近返工，平时都有系呢间酒楼同同事食lunch. 今次同屋企人食晚市，食物系真系好食，基本上无一样野唔好食，7个人叫左半席（6人用）加一只长脚蟹，长脚蟹个个长辈都话好新鲜鲜甜，烧鸡，蒸鱼，大虾伊面都好出色好入味。唯一唔好就系等位等好耐（由1915等到2000），平时同同事食有book位都要等，不过无等咁耐，期间有张9位walk in迟过我揿飞，但佢地等左15分钟就有位（可能识得门口个带位），等位既时间已经睇定食咩，一入座即刻落单半席，再跟另一个职员去拣长脚蟹，点知等左半个钟都未有野食，原来漏左单。好彩另外叫左个长脚蟹，都叫有野食比长辈食住先。个部长重新帮我地落完单，过左10分钟又话无烧鹅叫我地转另一个餐系乳猪，但转另一个餐龙虾伊面就变左大虾伊面，同埋个鲍鱼变左炸牛奶卷（两个餐只系差$100），但因为真系等得太耐就唯有转。到最后差唔多2100个餐先上。埋单$4000左右。厨房同食物对得住呢个价钱，都算系我去过咁多酒楼最好食一间，但服务都系我见过最差，得带我地去拣长脚蟹个职员同帮我地剪长脚蟹个姐姐系有礼貌。
继续阅读
这间酒楼价格相对冇咁贵，食物质素同份量都唔错。 但楼底比较矮，入座时尽量唔好坐大厅，尤其是近收污糟杯碟𠮶啲手推车，𠮶啲撞击声嘈到你根本唔想食嘢。所以有位拣的话，入细房会好d。
继续阅读
纯粹因为近所以去帮衬一下。大概12:30唔使等位，去到就可以入座。攞位嘅时候已经讲明系5位大人，1位小朋友（两岁）问侍应攞BB櫈好快就拎咗俾我哋。点咗一碗鸡米线、叉烧包、叉烧肠，酸菜鱼味道中规中矩；其他基本嘢冇特别；鲍汁凤爪，有色无味；椒盐白饭鱼，应该系即炸热嘅；烧卖有粒大虾算系足料；炸鲜奶，脆但系唔热；原本冇谂住写食评，所以本身冇影相。但系态度实在太差，所以需要同其他食客分享一下。坐低点咗几款点心之后觉得唔够，所以谂住加单，就问职员拎多一张点心纸落单，佢嘅回应系「头先冇俾你咩？」（讲嘢好大声，而且系用质疑嘅态度）我回覆：加单 （系咪唔想做生意呢？加单都唔得？）跟住两个阿姐（职员）企喺我隔篱倾偈，其中有议论其他客人麻烦⋯而且隔篱枱上坐点心嘅时候，有即时跟进㗎，但态度都唔系几好，又系质疑人哋系咪自记落错⋯我哋听到呢啲说话，快快脆脆食完就走啦。到埋单俾钱，过程都算顺利。之后睇单发现佢连小朋友茶位都有计（朋友之前嚟过系唔计嘅），所以去咗隔篱个收银问咗一声，又系用啲好恶劣嘅态度回应。其实饮餐茶食个lunch，都系一班人倾吓偈轻松吓。点解成个过程要咁劳气呢？唔系一个人态度唔好系接二连三几个人都系态度都好差，呢间酒楼发生咩事？竟然到而家都唔执笠。
继续阅读
今日中午谂住饮个茶之后行下街去到睇门口都多人等，心谂冇死啩，入去话即刻有位，原来门口啲人等下午茶，好啦入去坐低点野食都好地地…点知一上菜，果个上菜呀姐态度差到一个点，我3个人坐一张枱，明明仲有个走廊位上菜，佢系都要喺我隔离上菜，仲大大声叫我「睇住！」，之后仲大大力将啲野食抌上枱面！我问佢：「你咩意思？」佢话：「咁你阻住我，我咪叫你借开，睇住！」我直坐喺度睇紧电话，明明仲有个吉位你上菜仲要系走廊位，我一直郁都冇郁过，到底边度阻到你？ 咁嘅服务态度！真系冇下次到底我嚟食嘢？定系嚟睇住佢？
继续阅读