翠河餐廳 (已結業)

入去坐底5分鐘都無人來招呼，好不容易見到個中年好廋的女服務生，叫佢過來落單還要被佢發脾氣罵叫我等陣先，之後就行左去，被完全無視咁，掛注吹水都不來幫我落單，最後都無過來幫我落單，坐了5分鐘後先見到經理忙完來幫我落單，到埋單走時向經理投數該位中年好廋女服務生的態度好差，經理只有點點頭咁，受哂氣咁走！到我第二次再去時該位中年好廋女服務生的態度跟之前一樣完全無變過，見到我入來坐底扮睇唔到，完全無視，唔來招呼落單，扮忙，又是坐底成5分鐘都無人過來招呼，見到其他服務生叫埋佢地來都扮睇唔到，特別是好廋的中年女服務生！就算曾經向經理投數過該位中年好廋的女服務生都無用，結果都是一樣，經理都完全無視投數，等野又耐，服務態度極差，味道又唔係特別好食，食完還要受哂氣咁走！依間餐廳我跟我朋友以後唔會再去！…查看更多

* 出色的焗肉醬意粉 *一直都好鍾意食焗肉醬意粉，都試過好多間唔同餐廳的焗肉醬意粉。我覺得目前食過最好味的焗肉醬意粉係在翠河餐廳食，佢地個焗肉醬意粉唔會好似其他餐廳咁焗到D 麵好乾，肉醬的味道啱啱好，唔會太咸，酸酸地，好開胃，整個焗肉醬意粉的濕度剛剛好，而且份量好大碟，隨餐仲會附送餐湯或飲品，$50都唔使，好抵食。我每次經過長沙灣工作都會特登走去食，不過其實翠河餐廳都有好多唔同的分店，唔知其他分店的焗肉醬意粉係咪都係咁好味呢，有機會都要去試下。…查看更多

睇球係要一班人睇至夠過癮。我唔太鐘意去酒吧，一來我唔飲酒，二來酒店太嘈又多煙。如果就啱時間想睇，呢處都係其中一個我會去打躉既地方---坐得舒服、冇限時、收得夜、正常茶記晚餐收費...我幾鍾意幫襯呢到嘅沙薑雞飯，雞肉夠滑，沙薑調味夠味，越食越開胃的。…查看更多

呢間餐廳食過好多次，味道不過不失，每次都係放學帶小朋友黎食學生餐，因為佢地有BB櫈，都幾方便:)但話說係一個星期前，我地又好似平時咁，帶小朋友放學去食午餐，叫左個Lunch Set, 平時都係自動計學生餐，但當日計左普通嘅午餐，咁我地咪同侍應講我哋係叫學生餐，個侍應同我地講冇得改，之後拎走咗張單，過左一陣就話打咗個折頭俾我哋！咁我哋見佢都有盡力去follow up 都OK吖！點知個侍應行返轉頭講：「叫學生餐都唔係小朋友自己一個食㗎啦！其實你哋都唔算係學生餐！」（佢嘅口吻同、表情都帶有鄙視嘅感覺）我哋當時心諗，你唔計返學生餐咪算囉！唔使俾說話我哋聽！ ！我哋係客人，消費要受你氣！咩世界？之後以為已經完結…一個星期後，我地再去呢間野食，叫侍應攞BB櫈，個侍應話：「要BB等自己囉！」（但係嗰侍應係冇嘢做，當時餐廳亦都唔忙）咁我哋咪自己去攞囉！隨即個侍應走去繼續吹水，就係同上次嗰個改單嘅侍應吹水，對眼啤住我哋嗰枱，仲手指指，我心諗你哋得閒吹水都唔去服務食客，你份工都幾好打！當時我咩住BB，再加3個小朋友，同我嘅朋友，ok自己攞BB等。跟住上次嗰位侍應就突然間自己行埋黎，以為佢落單或者因為上次服務態度不佳而道歉，結果佢竟然特登行埋黎，好冇禮貌好串咁講：「上次張單，其實係經理特登俾返個折頭你地，但係你哋跟本就係唔計學生餐！」我同朋友即刻火都黎！一個星期前嘅嘢，我哋已經前是不計再嚟幫襯，但你哋餐廳嘅侍應竟然火上加油，同趕客有分別嗎？食咗超過10次學生餐，突然間同我地講我哋無資格食， OK咁咪以後唔叫學生餐，但係你哋嘅服務態度好有問題！說話態度尖酸刻薄！特別係嗰位侍應嘅眼神，唔叫得學生餐的話，你地可以好聲好氣，有禮地講及解釋，而唔係咁嘅態度、又串、又眼啤啤！間餐廳的女經理同有位男士侍應生，服務態度係好好嘅，但嗰位中年女侍應就真係完全冇服務態度可言我相信我哋一班家長都一定唔會再黎。所以我地餐都冇叫，立即走！！經理係門口道歉🙇🏻‍♀️！唔我地最後都係冇食，總之嗰位侍應仍然喺度做，我哋都唔會再黎…查看更多

星期日下午，下課後沒什麼事做，又不想馬上回家，一邊走邊看，就來到這間茶餐廳門口，看看餐牌，選擇都算多，價錢又不貴，於是就進去吃東西。點了一個鮮露豬扒撈公仔麵，再來一杯跟餐的熱奶茶，豬扒屬於正宗港式味道，但吃不出來有鮮露，相比之下，公仔麵就稍為淡口，而作為一個下午茶，這餐份量剛剛好，否則吃太飽的話，就吃不下晚飯了。奶茶雖不算上等好飲，但也合格有餘。要求不要太高的話，休閒一下，「平平地」消磨時間，都OK 啦。…查看更多

其實轉公仔麵好平常，但翠河就次次都話星期日無得轉。又吾係超多人，真的不明白為何要咁rigid.搞到我最後叫左個常餐。個常餐貴過早餐10元，但分量一樣，甚至小一點。麵吾好食，菜吾太熟，午餐肉有點油，真吾明點解我老公一定要選翠河。一定無下次。…查看更多

2條友係長沙灣諗住行過去深水埗，見差不多晚飯時間咁見翠河都幾大間，地方幾闊落，又有卡位坐咁就入去幫襯下啦睇完餐牌，叫個普通但易送飯嘅生炒骨和通菜炒牛肉，份量唔算細碟，如果生炒骨多番少少甜味會好d, 比較上酸左少少。但通菜炒牛肉，居然牛肉炒得唔會過左火，值得一試…查看更多

以前我和Nosir放工時間是5點半，回家半小時，而翠河的下午茶時間到6點半，所以我們都常到翠河食下午茶當晚餐，慳得$1得$1啊！自從轉工後放工時間夜了又遠了，就小去翠河了，但假期仍然可以食下午茶作午餐，而且一定吃得飽😁下午茶麵餐和包餐最抵食👍🏻午香肉丁麵配半隻奶油豬，怎會不飽但午香肉丁也越來越少了沙嗲牛肉包配2隻雞翼，好豐富，而且包內的沙嗲牛肉一定是麵餐的2倍，最好儘快享肉，因為我試過麵包被沙嗲汁浸腍了就不好吃啊！$27一個人，真係抵食又飽肚呢！…查看更多

我一向放學後，總和一班師兄姊到來到此地吹水吃喝，覺得此餐廰食物不錯，環境亦算雅潔，特別是一碟肉絲炒麵，味道不錯，是我的至愛。豈料上週日發生了一件不愉快之事，令我對此店的印象大打折扣。事源當我們坐下來暢談之際，我身後有一位端茶的待應，突然不小心把手上托著的開水，倒在我雙大腿上，當時嚇了我一跳，好在不是滾水，但內心依然驚恐不矣。但該待應竟然不是即埸道歉，而是若無其事地走開，我憤然的回望著她，她先勉為其難的說聲對不起。跟著我轉身向一位身份較高級的職員索取毛巾去嘗試弄乾我的衭管，但答案竟然是説餐廳無毛巾，她似乎一點都不著緊，最終只是在桌面上遞給我數片抹餐刀的餐巾，連較吸水的廁紙也賴得給妳，想起晚上還有約會，穿著濕透的袂管就差點汽爆，你說這店服務有多差 !!!…查看更多

午餐時間見有位就食依間 這是一間連鎖荼餐廳質量應該OK的怕焗意粉等太久所安全起見點左個似是穩陣的火腿蒜容牛排意粉 一來到樣子正常 起筷點知味道出奇地咸  牛排意粉味道: 牛排太硬 太咸意粉沒有什麼味道(可能先吃牛排的關係)火腿味道正常…查看更多

放假日黎食下午茶, 雖然價錢唔算平, 但勝在就腳.叫左個豬扒包 + 瑞士雞翼, 豬扒包個包同豬扒都係凍既, 有D生菜絲蕃茄, 但其實我想食熱既多d. 另外, 瑞士雞翼就幾入味, 甜甜地唔太咸, 又唔會太細隻, 加埋杯凍檸茶, 份量岩岩好.…查看更多

返學前歎下下午茶先:)！學校附近有翠河餐廳喎！舖頭內幾多坐位喎！但係 d 坐椅有些破爛咗！我估餐廳好耐無裝修！但係下午茶幾多款式選擇！我揀咗一個午餐肉鼓油皇炒麵，加一杯野飲都係廿幾蚊炒麵賣相吸引！麵質有彈性！味道淡小小！炒麵有落洋葱同葱一齊炒！都幾有鍋氣！可惜杯杏仁霜令我失望！:(味道淡淡的！明顯地落很小杏仁霜！其實可以加多 d 呀！以前我曾經幫襯過其他翠河架！當時無論食物啦！服務都好架！…查看更多

我兩口子，好耐冇食過煲仔菜了，近近地，就落樓下的翠河，點了兩味，一齊分享：栗子炆滑雞煲栗子與雞，很對味，稍嫌太多油，雞皮過厚，太肥膩，唯有不吃，只吃雞肉，肉質鮮嫩，骨少；栗子本身味濃郁，咬落不太硬也不太腍，口感不錯！魚香茄子煲熱辣辣的，一上枱，即聞到陣陣的魚香味，茄子色澤很美，可惜咬落去時，滿口油膩！份量足，口感軟硬適中。凍檸檬利賓納清甜解渴，同時舒緩了口腔的油膩感！凍檸檬茶男友點的，係佢嘅至愛飲品，問親佢？都話好飲！埋單，晚餐嚟講，都算便宜！…查看更多

Lunch Time見食左好多日近路個間, 所以想轉下口味行遠少少去呢間可能早黎, 入到去唔洗等即有位, 跟住點左個肉醬意粉, 等左8~10分鐘到先上檯, 但係之前已經黎左杯野同碗湯, 都算唔錯:)先講碗湯, 夠熱而且都幾足料, 蓮藕湯真係有蓮藕食, Good至於個肉醬意粉都OK好食, 個肉醬夠香, 但肉味稍嫌唔夠, 但總睇黎講都唔錯:)成個餐主菜加湯加飲品37蚊算抵食, 不過杯奶茶冇叫多奶都好多奶, 宜改善之, 總括黎講, 相當不錯, 可以再黎食…查看更多

心血來潮想食咖哩, 經過見到此店晚市有咖哩雞飯食岩晒我口味.一坐底就即叫咖哩雞飯.此店既咖哩雞真係煮得唔錯, 好香椰香味所以味道都偏甜而不辣.雞肉亦夠嫩滑完全對胃, 而且咖哩汁夠香濃又夠多用來配飯就係首選之菜.…查看更多